خرج عوض من الدكتور والخيبه في وشو
سعاد : اها الدكتور قال ليك شنو ؟
(عوض ساكت ) .... ياراجل انا بتكلم معاك افتح خشمك اوووووووف ارح البيت طيب
( لما وصلو البيت عبير فتحت الباب عوض قام حضنها بشده والدموع تنزل من عينيه وعبير ما فاهما شي ) ومن المنظر دا سعاد فهمت الحاصل وجرت بتبكي علي الغرفه وعبير وحمودي ما فاهمين شي
.
.
وبعد صلاة العشاء
عوض : يا سعاد انا اسف والله ..... اسف علي شنو ..... الدكتور قال لي عندك سرطان في المخ واتمكن في المخ والعلاج صعب او مستحيل باقي لي ايام معدوده في الدنيا دي حافظي علي الاولاد
سعاد : (وهي تبكي ) ما تقول كده يا راجل الاعمار بي يد الله وانشاء الله حتبقي كويس وربنا كبير ...... فعلا ونعم بالله
..
..
..
(في نص الليل )
صرخت عبير صرخه قويه شديد
واااااااااااااااااااااااااااي وبدات بالبكاء
سعاد : بسم الله في شنو يا بت خلعتيني ....... انا حلمت بي ابوي جاني في المنام واتكلم معاي ..... قال ليك شنو ؟ .... قال خلي بالك من نفسك انا ماشي ونتلاقي في جنات الخلد ....
(وفعلا سعاد جرت علي زوجها ولقتو مشي لي ربو الكريم ربنا يرحمو )
سعاد : وااااااااي واااااي وووووب علييي وااااي مشيت يا عوض خليتني لي منو سبتني في دنيا مليانا وحوش واااااي واااااي
( والجيران اتلمو )...
واتصلو علي اقاربهم وجهزت الجنازه وسط جو محزن وتم نقلها الي مثواها الاخير مقابر احمد شرفي
.
.
( اولاد الحله )
ياعمر ابو المزه اتكل .... ياتو مزه ؟ ....ياخ الرحلو جداد ..... انت جاااااادي؟.......ااي والله ارح نمش نقيف معاهم نظام شباب الحله وكده ونثبت لي المزه رجولتنا .......ههههههه والله مخك دا مخ اجرام بدل تمش تدي الناس الفاتحه وتشتغل عايز تثبت انك راجل والله سبحان الله لاتكن وهميا يا مان ....... ياخ سيبك من الكلام وسيب الفلسفه ارح ....... طيب قوم ارح
( وبعد ما مشو )
البركه فيكم يا خالتو ربنا يرحمو ويغفر ليهو ويجعلها اخر الاحزان ..... البركه في الجميع ..... لو عايزين اااي شي نحنا موجودين ونحنا برضو اولادك ..... ما بتقصرو يا اولادي انت اسمك منو ؟ ..انا ماذن ودا عمر وكل شباب الحله اولادك ....... تسلموا ربنا يخليكم لي شبابكم .... العفو ياخ . عن اذنك يا خالتو ماشين نرفع صيوان العزاء ..... اتفضلو يا اولادي وربنا يحميكم ..... جمعا يلا ..
