جريدة الدار *العنوان الرئيسي * (وفاة شابة في عمر ال17 بمستشفي النو بطلق ناري بالرغم من وجود الحراسه علي المستشفى )
.
.
سعاد : وووووب علي بتي من امس ما جات..... (ناس الحله ) ادعي ربنا يوصلا ليك بي السلامه وفتشتو المستشفيات والاقسام يا سعاد ...... مشو اعمامها وخيلانها وبتصل ليهم ما بردو ما عارفه الحاصل ليهم شنو .
.
.
( اهل عبير لقوها في مستشفي النو )
عمها : انا والله اسجنكم كلكم كيف البت تخش المستشفي بي تشجنات وتطلع منها ميته بي رصاص كنتو وين انتو دا اهمال ......(الدكتور )استهدا بالله كده بالله يا شاب نحنا زاتا ما ح نسكت الا نعرف الزول دا دخل المستشفي كيف بالرغم من وجود الشرطه....... اسي امها بتتصل من قبيل اقول ليها شنو اقول ليها بتك قتلوها وبي رصاص وكمان في المستشفي ااااا ولا اقول ليها شنو يا ديك انت البقاك دكتور دا حيوان وانت زاتك حيوان اسي ح تطلع من المشرحه بتين ........ بعد ساعتين ..... لا حولا ولا قوة الا بالله .
.
.
(وفي قسم الشرطه )
المقدم حسن : لازم تتطلع دوريات وتحقق في قضية عبير عوض وفي اسرع زمن عايزين نطلع بي نتايج مفهوم ...... حاضر سعاتك
.
.
(وفي الحله )
عمر : يا مازن انت الحصل عبير شنو لانو بيتهم مليان وفي شرطه قالو من امس ما جات ..... (بي رجفه ردا مازن ) ما عارف يا مان ..... كيف ما عارف هي مش امس كانت معاك ..... لالا ما كانت معااي ..... يا زول سيب الكذب داير تقول ما مشيت جبتها من المدرسه امس .... ياخ اااي كانت معاي ..... وطيب ما تتكلم من قبيل.... لكن اتشاكلنا ونزلت من الركشه ومشت .....واتشاكلتو في شنو ...... مشينا الجمبه بتاعت خالد ولقت ابراهيم هناك وطلعت بتعرفو وعملو جوطه هناك ..... بتعرفو من وين ..... والله ما عارف انا زاتي احترتا وسالتها ابت توريني الحاصل ونزلت طوالي ..... وما سالتا ابراهيم بعرفها من وين ..... لالا والله.
(تلفون مازن اتصل )
دا منو يا مازن .....دا ابراهيم .... كدي رد وشوف الحاصل شنو .....كويس الوووو يا ابراهيم كيف ..... وين انت يا مازن .... في البيت .... تعال لي اسي دا ..... مالك في شنو ..... قلتا ليك تعال لي اسي دا .... كويس (وقفل الخط )
عمر: اها قال ليك شنو ابراهيم ..... قال لي اجيهو اسي دا ....طيب امشي معاك ..... لالا خليك بمش برااي ..... خير يازول ربنا يستر .
(ولما مشا لي ابرهيم )
ابراهيم : يا مازن انا عندي عندك قروش مفروض تجيبا لي الليله صاح ..... ااي .... وطيب وينا القروش ..... والله امس ما اشتغلتا لكن اديني فرصه لي بكره .... يا زول تما انت اصلا زولي ما مشكله قلتا ليك رايك شنو في المسدس دا ...... دا 9 مل ولا شنو..... اااي ....كويس والله .... لكن تصدق ما بعرف بعمرو انت بتعرف ..... بعرف اااي ..... كدي وريني .... طيب جيبو .... شيلو براك.... خير يلا شوفتا ترجع البتاعه دي لي وراء كده بكون عمر ليك ولما تكون عايز تضرب تضغط علي الزيناد كده شوفتا ساهل ما صعب ..... ههههه انا قايلو صعب ...... لكن حاجه غريبه .... الغريب شنو .... انك تكون تاجر مخدرات وما بتعرف تضرب سلاح .... والله التقول شنو لكل قاعدة شواذ ..... يا زول ما حنك اتفضل السلاح ..... ختو في التربيزه هنا ..... تمام ..... وعليك الله حاول ما تاخر لي القروش ..... انشاء الله بكره بجيبا ليك.... خير
.
.
( وبعد مازن مشا )
ابراهيم : يا باقيرا 🔊🔊🔊🔊..... ايوا يا معلم .... شيل السلاح دا و ارميهو في سلة الوساخه في المستشفي واعمل حسابك بصماتك ما تجي فيهو ..... معقوله يا معلم نحنا تلاميذك علم وينفذ ..... يلا بي سرعه .
(وفي بيت ناس عبير)
سعاد : وااااااااااااااااااااااااي صوت النجده دي شنو شكلا دي بتي وااااااي واااااي واااااااي ( وفعلا وصلت الاسعاف وتحمل جثمان عبير الفاني تعزبت في الدنيا ولكن ماتت بشرفها لم يلمسها احد )
.
.
.
( وتم نقلها الي مثواها الاخير بمقابر احمد شرفي بالقرب من قبر والدها عوض نسال الله ان يرحمهما ويدخلهم جناته وجميع موتي المسلمين )
.
.
.
.
.
( في قسم الشرطه )
المقدم حسن : اها يا عسكري وصلتو لي شنو ..... البت دي اتحركت من البيت من الساعه 7 ونص صباحا ومشت المدرسه مع ولد جيرانهم وكان سايق ركشا رقما *** وجه استلما من المدرسه الساعه 2:40 بالضبط وبتاع الدكان الجمب المدرسه بعد ما اتحرينا معاهو قال سيد الركشه دا اشترا منو بارد وكب في البارد حاجه لكن هي شنو ماعرف وعلي حسب التقرير الطبي قالو البت دي بالعا كميه كبيره من حبوب الترامادول و كانت بطنها فاضيه ومع الجوع والترامادول والغازات حقت البارد عملت ليها التشنجات ووجدنا سلاح الجريمه مجدوع في سلة الوساخه ...... تماااام وشلتو منو البصمات ...... حصل سياتك وبطلع النتيجه بعد ساعه...... عال العال حرك لي دوريه وجيبو لي بتاع الركشه دا اسي دا ....... علم وينفذ
(وتم القبض علي مازن وتم التحقيق معهو واخذ بصماته )
المقدم : يا عسكري سوق الزول دا دخلو الحراسه ..... ماذن : والله انا ما عملتا شي وصلتها بس ..... ما داير كلام كتير دخلو الحراسه يا عسكري ..... تمااام جنابو يلا قدامي يا حيوان.
المقدم حسن : اها البصمات طلعت ..... ايوااا سعادتك وحصل تتطابق بين البصمات الفي السلاح وبصمات مازن..... جيبو لي .... تمام .
المقدم : بتكذب لي ما مازن وتقول انا ما قتلتها ..... والله ما قتلتها ...... نحنا لقينا بصماتك في سلاح الجريمه وجبتا السلاح دا منو وين ...... ياتو سلاح جنابو ..... السلاح دا ....( ولما شاف السلاح اتذكر انو ابراهيم قاليهو عمر لي السلاح دا وابراهيم عملا في مازن وهو الان خارج السودان )انت يا مازن عقوبتك حتكون كبيره شديد .
.
.
(وفي المحكمه )
القاضي : حكمت المحكه حضوريا علي االمتهم ماذن علي جمال المتهم بقتل المدعو عبير عوض محمد وتم الحكم علي المتهم حسب الماده *** من القانون الجنائي لسنة **** بالاعدام شنقا حتي الموت رفعت الجلسه .
.
.
.
وتم اعدام مازن بجرم لم يفعله ولكن نيته كانت سيئه وماتت عبير في عمر ال 17 واختفا ابراهيم من االوجود وانتقلت اسرة عبير الي البيت الكبيت الكبير لانه لم يبقي في الاسره سوا محمد وسعاد .
...... الـنـهـايـة .......
