اسره بسيطه تتكون من اربعه افراد
الاب :عوض والام :سعاد والابن محمد (عمرو 9 سنوات ) والبت وبطلة الروايه عبير ( 17 سنه) بتقرا في مدرسة ادم يعقوب الثانويه بنات
( عايشين في بيت جدهم )
سعاد : يا عوض اما بيتنا لسه ما انتها ،عوض : قرب المقاول قال لي اقل من اسبوعين بنستلم البيت
.انشاء الله ياخ لانو هنا البيت زحمه .
سعاد : يابت يا عبير وين انتي
عبير : في المطبخ بغسل العده
سعاد: اقفلي معاك البوتجاز . وانت يا محمد امشي شوف قرايتك الامتحانات قربت
محمد : بس خلي المسلسل ينتهي
( وبعد اسبوعين )
سعاد : اخيرا رحلنا والله يا عوض البيت سمح شديد والحله زاتا سمحه اخيرا الزول يرتاح في بيتو
عوض : كلامك صاح ارحكي اوضتنا نشوف الحاصل شنو
( سعاد مشت بي خجله كده من غير ما تتكلم مشت علي الغرفه وعوض حصلا .... وحصل الحصل ....)
.
.
.
( ناس الحله )
يا مان رحلو جمبنا ناس جداد وعندهم مزه تعمل الصرع
.جادي يا مان . ااي والله قوم ارح اوريك بيتهم . ارح طوالي .
.
شوفا هنديك ليها لابسه فستان احمر
.. وااااي اموت انا في الاحمر .اقعد ساي ما تفضحنا ديل لسه بي اكياسهم .......
وبعد يومين ....
سعاد : مالك يا عوض حاسي بي شنو
عوض : والله صداع شديد من امبارح انا مفكر امشي المستشفي
... ااي امشي طوالي ما تلعب بي صحتك ولا اقول ليك قوم ارح اسي دا في مستشفي قريبه من هنا .... خلاص قومي يا عبير ما تطلعي من البيت وغدي حمودي نحنا ماشي مشوار قريب وجاااين .... حاضر يا ابوي ....
( ومشو المستشفي )
السلام عليكم ..
وعليكم السلام ..
المريض منو
عوض محمد احمد
40 جنيه حق الكشف
اتفضل ... دي خمسين
هاك الباقي وانتظر لحدي ما اندهك
تمام ....
و
( وبعد عشره دقايق )
عوض محمد 📢📢
ايواا .....
اتفضل قابل الدكتور
عوض : سلام يا دكتور
الدكتور : وعليكم السلام اتفضل اجلس . احكي بتشعر بي شنو
عوض : والله صداع شديد من امس لمن عيوني بتغمض ... تمام امشي اعمل لي صورة اشعه وتعال .... طيب ... وبعد ما عمل الصورة ...
اتفضل يا دكتور
الدكتور : يا مدام ممكن تطلعي بره وتخليني انا وزوجك ... امرك يا دكتور......
عوض : انشاء الله خير يا دكتور ...... والله يا سيد عوض انت عندك ..
يتبع.....
