يوميات وهم وسيف

1

يوميات وهم وسيف "الجزء الثاني لمسجونتي"
الفصل الاول
في الفيلا وبعد اما خلص العيد ميلاد راحو اعدوا كلهم "ليالي وادم ومريم وجاسر وهم وسيف وليلا وصلاح ومراته وعياله "ملك واكرم" عمر ونورا وعياله"احمد وامجد" واعدوا ع الكنب ووهم وسيف اعدوا جنب بعض وسيف مسك ايد وهم ف وهم شدت ايدها وقالت:اقسم بالله عرقانه
سيف بضيق:ابوشكلك ي وهم
وهم:تشكر ي ذوق
مريم:وهم
وهم:ايوه ي اتش
ليلا بحده:وهم ، عيب دي تقولي لمامي باسمها
وهم ببرود:دك مو ، وبعدين انتي مالك بقا ، هيا امي اعترضت؟ .. لأ ، لما تبقي تعترض انطقي ، فنقطيني بسكاتك بقا
مريم بحده:بت ، اتلمي
وهم بضيق: ي اتش قولت خمسين الف مليون مره متقوليش بت
سيف:اومال تقولك اي
وهم :ي تقولي ي وهم او سعفان بهاء عبده اي حاجه ، لكن مش بت
كلهم ضحكوا ع طريقه وهم ومن وسط الضحك ادم قال بعد اما شعره بقا في شعيرات بيضه ووشه كبر شويه لكن جسمه فضل كويس لانه كان بيحافظ ع لياقته:انا كدا اتاكدت انك مريم اتنين
ليالي بضحك:فعلا
وهم ووقفت وقالت بصرامه:بطلوا ضحك كدا
سيف ووقف ضحك ولكن لسه في ابتسامه ع وشه الي بتخلي شكله جذاب جدا:وقفتي ليه
وهم:قولي بس الساعه كام؟؟
اكرم:الساعه ٩
وهم ولطمت وشها بايديها الاتنين وقالت:يالهووي الشغل
سيف:شغل ايه؟ ، مش انتي خلصتي؟
جاسر:اه صح ي وهم مش انتي خلصتي شغلك الساعه ٦؟
وهم:اصل عبيده
سيف مقاطعا بحده:عبيده مين!!!؟
وهم:اصدي محمد بس احنا ف الشغل بنقوله ي عبيده ، فعامةً يعني هو كان وراء مشوار مهم بليل ف هوا مش فاضي يعمل فقره بليل ، فاداني مكانه
سيف:ما ملك تاخد مكانك
ملك باستغراب:ملك مين ي بني ، انا في فريق التعديل ، مش مذيعه
وهم:يالا سلاام
ولسه هتمشي لقت سيف بيمسك ايدها وبيقول بحده:انا الي هوصلك
وهم بسربعه:طب يالا
وخرجوا وركبوا العربيه وطلع سيف بيها
"جوه الفيلا"
مريم:منكم لله
كلهم:ليه؟؟؟
مريم بضيق:خلتوني انسي انا كنت هقولها ايه
عمر:ان شاءالله هتفتكري
مريم:بردو منكم لله
جاسر باستهزاء:افتح ي بني ، افتح المحطه الاذاعيه عشان وهم ، وسيبك من الوليه الي جنبي دي
مريم وطلعت حاجه من جيبها وورتها لجاسر الي هو الوحيد الي شافها بس فقال جاسر:ولية ايه ، لا طبعاا ، دا انتي ست الستات
مريم:ايوه كده اتعدل
جاسر:حبيبتي ي اتش
مريم ببرود:تشكر
اكرم:طب عن اذنكم احنا ، يلا ي احمد يلا ي امجد
ليالي ونورا و هاله:رايحين فين
اكرم:خارجين مع صحابنا شويه
نورا وهاله:ماشي
وخرج اكرم وامجد واحمد و ركب اكرم عربيه امجد واحمد واعد قدام والي بيسوق امجد ووراء احمد وطلعوا بيها
ملك فتحت التليفزيون وقالت:الاعلان دا ووهم هتبدا
كلهم:تمام
واعده جنب ليلا عشان يستنوا وهم.....................!!!
"قدام المحطه الاذاعيه"
نزلت وهم بسرعه ووراها سيف الي كان بيقول بصوت عالي:وهم استني
وهم بسربعه:مش هلحق ، حصلني حصلني
وبسرعه دخلت المحطه الاذاعيه ودخلت الاوضه واعده ع الكرسي وحطت السماعات في ودنها وسمعت البنت الي في اوضه المعدات:وهم ، استعدي يالا عشان هنطلع دلوقتي
وهم وعملتها بصباعها الكبيره بمعني"اوك" وبعدها لقت سيف واقف جنب البنت "اروى" و "عبدالله" في اوضه المعدات فلقته كان قريب من اروى ف اضايقت وشاورت له بمعني"ابعد عنها" سيف مفهمش حاجه وقال:بتقولي ايه
وهم لـ اروى في السماعه:اديني سيف بسرعه
اروي:مش...
وهم مقاطعه بغضب:بقولك اديهوني
اروي بخوف:طيب
وادتها السماعه ووهم قالت بعصبيه:ابعد عن الوليه الي جنبك دي والا اقسم بالله ، اقسم بالله اجي اكسر دماغها
سيف وبيجز ع اسنانه وقال بهدوء:اتلمي ي وهم ، وملهاش لازمه العصبيه دي ، واخر مره صوتك يعلي او تتعصبي عليا ، فاهمه
وهم بضيق:هفهم لما تبعد عن الوليه الي جنبك
سيف بمكر:غيرانه ي قطه
وهم ببرود:تحب ابقي قريبه كدا من عبيده
سيف بعصبيه:تبقي تعمليها ي وهم
وهم بحده:يبقي ابعد عنها
اروى لسيف:ي استاذ سيف ، ممكن السماعات عشان احنا خلاص هنطلع ع الهوا
سيف بوعيد لوهم:لما تخرجي لينا كلام تاني
وهم مفرقش معاها وعدلت نفسها وشربت كوبايه الميه الي جنبها ولقت اروى بتقول:3..2...1
وهم بثقه ومرح:اعزائي المستامعين ، من كبيركم لصغيركم ، طبعا انتم كنتم مفكرين ان محمد هو الي هيطلع ، لكن للاسف حصله حاجه منعته ، ولكن رايو فخفخينا محبش يزعلكم فجابني انا مكانه ، وطبعا عارفني.. انا وهم ، ف عامة انتظروني بعد الفاصل عشان هقولكم ع موضوع مهم جدا ، وهو الفرق التفكير بين الراجل والست ، ولو اني من وجهه نظري شايفه ان الرجاله اصلا مش بيفكروا هههه ، فانتظروني بعد الفاصل مع وهم في برنامج حكاوينا ، وهنشغلكم الوقتي اغنيه "هوا هوا" ، انتظروني بعد الفاصل
وشالت وهم السماعات ورجعت بظهرها لوراء ولقت سيف داخل عليها وبيقول بغضب:بقا الرجاله مش بيفكروا ي وهم
وهم ببرود:طب اهدي كدا ، وانا هجبلك عصير مانجه رائع هيروق دماغك
سيف بغضب: مش عايز زفت ، وردي عليا
وهم ببرود:ارد اقول اي
سيف بغضب:وهم
وهم ووقفت وقربت منه وقالت بهدوء:عيون وهم
سيف بتوتر حاول يخفي :خلاص مش مهم ، بس ابعدي شويه لاحسن انا مش ضامن رده فعلي
وهم ورجعت تعد مكانها وقالت بهدوء:ماشي ي سيڤو ، يالا بقا اطلع برا عشان معدتش حاجه واطلع ع الهوا
سيف بضيق:اطلع برا!!
وهم:اصدي يعني تستناني برا ع ما اخلص
سيف:ماشي
وخرج ولبست وهم السماعات وقالت لنفسها"ولسه الي جاي احلى ههه ، والله ويجي اليوم ي ست وهم وتبقي بت ،، تفتكر ، اكيد انتي مش شايفه امك بقت عماله ازاي ، بقت عامله ازاي؟! ماهي لسه زي ماهيا ، لا ي حبيبتي بقت انثى ، هيا فعلا بقت انثى ، عقبالك ، عقبال مين!! بس ي بابا وروح العب بعيد ، ولا هروح لاني كنت متعود ع المعامله دي وواضح اني هكررها تاني في بنتها ، بردو بس ي بابا وروح العب بعيد انا ناقصه هبل مش كفايه بكلم نفسي"وضبطت نفسها وضبطت الميك وعدلت السماعات وقالت:ورجعنالكم تاني ، اتمني اني مكنتش طولت ، بس عامه انا قولت قبل الفاصل ان احنا هنتاقش في موضوع مهم جدا وهو ، فرق التفكير بين الراجل والست..............
"في الفيلا"
ادم بضحك:لا بجد وهم دي فظيعه
ملك بضحك:فعلا ي عمو ، دي جايه تتناقش في موضوع ممكن بسببه تبات في التخشيبه عند سيف
ليالي بضحك:ههههه دي هتبقي مسخره
مريم:لا بلاش ، لاحسن دي لسه طالعه امبارح من الحجز وملحقتش ترتاح
ليلا بسخريه:لا مهو مش امبارح بس
مريم:ليه!!
ليلا:احنا قبل مانيجي هنا انا وسيف ، كنت بنجيب وهم من القسم
كلهم اصدموا ماعدا مريم وقالت بسخريه:وتهمه اي المرادي
ليلا:كانت هتعور واحد بالمطواه
جاسر باستغراب:ليه؟
ليلا:لا معرفش السبب ، لما تيجي وهم اسألوها
مريم:يبقي المطوه كانت معاها
صلاح باستغراب:مطوه ، مطوه ايه ، ومين الي علمها مسك المطواي
مريم:اصل وهم وهيا عندها حوالي 14، 15 سنه شافت المطواه بتاعتي فعجبتها وقررت تتعلم بتتمسك ازاي ، فجتيلي وقالتلي اتش انا عايزه اتعلم بتتمسك ازاي ، انا ساعتها مرضتش واتخنقنا ، ومعدتش بتكلمني خالص واعدنا حوالي شهر ع الحال دا ، فانا عشان عارفه ان وهم عنديه ومش هتتراجع فروحتلها وصالحتها وعلمتها وعلمتها كمان ع السلاح وكونغ فو وحاجات كتير ، ليلا طبعا كانت معترضه بس وهم مفرقش معاها اي حاجه غير انها تتعلم ، وكانت هتدخل كليه شرطه بس هيا كان حلمها تبقي مذيعه راديو فاختارت اذاعه ودخلت هيا وليلا اعلام وبس
جاسر:وانا كنت هشل منهم ، انا وليلا بس عديت الموضوع لما لقيت مريم بتسيطر ع وهم
ليلا مكمله:ومن ساعتها بقا وهم كل شويه في التخشيبه بسبب قضيه شكل ، وكل اما اقول لي مامي تاخد منها المطواه تقولي وهم بميه راجل وهتعرف تتصرف مع نفسها بس متتدخليش انتي ، و هيا مش هترتاح الا لما وهم تدخل في قضيه تقعدلها في السجن 10 ، 15سنه
مريم برخامه:ملكيش دعوه
ليلا بسخريه:انا غلطانه
مريم ببرود:اه غلطانه ، واسكتي سيبيني اسمع اختك بقا
ليلا بضيق:ماشي ي مامي ، هسكت
"في المحطه الاذاعيه"
وهم:وفي نهايه حلقتنا ، احب اشكر فريق الاعداد والمتصلين الي قضينا وقت سعيد مع بعض ، كان معكم وهم من برنامج حكاوينا من راديو فخفخينا ، سلااام
وشالت السماعات وخرجت من الاوضه وقالت لسيف:يالا بينا ، اه بقولك ي اروى شوفي الموضوع بتاعي مع استاذ عماد لان بصراحه الموضوع دا سياسي وانا برنامجي كوميدي ، وبعدين انا مليش في السياسه فـ عرفيه ، اشطا
اروي بجدية:تمام
وهم:سلام
اروى وعبدالله: سلام
وخرجوا من الاوضه وخرجوا من المحطه كلها وراكبوا العربيه فسيف قال:تحبي تروحي في حته ، عشان نحتفل بعيد ميلادك "وقال بمكر:وبالمره نعدي نشوف الفستان
وهم بابتسامه:فستان ايه ي بني؟ دا احنا لسه متفنقاش معاد الخطوبه امتي؟!
سيف:طب تحبي امتي؟؟
وهم وبترجع راسها لوراء:لما نروح اتفق مع اتش وابويا ، لاني بصراحه مش عارفه
سيف باستغراب:مش عارفه اي؟
وهم:مش عارفه يعني هكون فاضيه امتي او هايناسبني يوم ايه ، فنروح ونتفق مع امك وابوك وامي وابويا
سيف باستغراب:امي وابويا؟؟
وهم:اصدي يعني ليالي وعمو ادم ، ويالا بقا اتحرك لاحسن همووت ع كوبايه قهوه
سيف:تمام
ودور العربيه وطلع بيها ووصلوا الفيلا ودخلوا فوهم قالت بصوت عالي:سلام عليكم
كلهم:وعليكم السلام
وهم باستغراب:اومال فين خالي صلاح وعمر وهاله ونورا
ليالي:مشيوا
وهم واعده ع الكرسي وسيف جنبها:طيب ، بس مستنونيش ليه؟
جاسر بسخريه:يعني انتي مين عشان يستنوا حضرتك؟
وهم بضيق:وهم البشبيشي
جاسر: طز
ليالي ومريم ضحكوا اما ادم وسيف اكتفوا بابتسامه ع وشهم
وهم:كدا أدادي ، تشكر
جاسر ببرود:العفو ي ختي
وهم بضيق:اي ي بابا البرود دا
مريم بحده :وهـــــــم
وهم بضيق:طيـــب
سيف:بصو بقا ي جماعه ، انا عايز احدد معاد خطوبتي ع وهم ، فقولنا تحبوا امتي عشان احجز القاعه
ادم:مش احنا الي هنحدد ، انتم الي تحددوا
سيف:طب ايه رايكم يوم الخميس الي بعد الجاي ، ويكون الجماعه الي في سفر جم كمان؟
مريم:حلو
جاسر:تمام
ليالي:الي تشوفوه
ادم:يناسبك يا وهم
وهم بتفكير وحط ايديها ع دماغها ورجل ع رجل بس كأنها قاعده في قهوه:ممم ، تمام يناسبني
سيف:تمام ، يالا بقا سلام عشان ورايا مشواير ، اه وانتي ي وهم حسك عينك تخرجي من البيت ، فاهمه
وهم ووقفت وقالت وهيا بتعمل التحيه العسكريه:تمام ي فندم
سيف:اما نشوف ، سلام
ليالي:طب ي مريم ، احنا كمان هنمشي
مريم:ليه ي جماعه ، ماتخليكم لسه بدري
ادم:لا معتش ينفع ، هنستأذن احنا بقا
جاسر:ماشي يا ادم ، براحتكم
ليالي قربت من مريم وحضنتها وقالت:سلام
مريم:سلام
وهم:سلام أ لولو
ليالي بابتسامه وحضنتها:سلام ي قلب لولو
وقامت وهم من حضنها وراحت قدام ادم ومدت ايدها وقالت بابتسامه:سلام ي عمو ، تبقي تنورتا بقا ، متقطعتش بينا ، اشطا
ادم وابتسم وقال:ماشي
وهم بذهول:ايه الحلاوه دي اقسم بالله
ادم وسيف ومريم وجاسر وليلا وليالي استغربوا فكملت وهم وقالت بذهول:اقسم بالله ي عمو لولا انك متجوز خالتي ، اقسم بالله كان زماني سبتيني من سيف وجيت اتجوزتك
سيف بغضب:وهـــــم
ادم بضحك:سيبها ي سيف هيا بتهزر "وكمل بعدها بهزار":طب اي رايك فعلا نعملها ، اطلق ليالي وانتي تخلعي من سيف ونتجوز
ليالي بغضب:ادم
وهم وادم وجاسر ومريم ضحكوا اما سيف وليالي كانوا بيشيطوا وخصوصا سيف الي كان وشه عباره عن احمر من الغضب فقربت وهم من سيف وادم قرب من ليالي وقال بضحك:بقا بتغيري من وهم
ليالي بضيق:واغير من امك كمان
ادم بحب:طب خلاص ي ستي متزعليش
ليالي بزعل مصتنطع:لا زعلانه منك
ادم وباس راسها وقال بحب:خلاص بقا متزعليش
ليالي بابتسامه:خلاص مش زعلانه ، بس متعملش كدا تاني
ادم بابتسامه:ماشي
وهم بقا اما قربت من سيف مسكه خدوده وقالت بمرح:مالك بقا ي ابو عيون رمادي انت
سيف وشال ايدها من ع وشه وقال بغضب:اخر مره تهزري مع حد بالشكل دا
وهم بهزار:طب ممكن سبت هههه
سيف بغضب:وهـــــم
وهم بهدوء:خلاص خلاص ، انا بهزر
سيف:متهزريش
وهم:طيب ، بس متزعلش كدا
سيف بتحذير:ماشي ، بس اخر مره تهزري مع حد كدا
وهم بهدوء:ان شاءالله
سيف:يلا ي امي يلا ي بابا عشان نمشي
ادم:تمام
جاسر:سلام ي ادم ، سلام ي ليالي
ادم:سلام
ليالي:سلام
وخرجوا من الفيلا وركبوا العربيه وطلعوا بيها
"جوه الفيلا"
ليلا:وهم تعالي معايا ، عايزاكي في اوضتي
وهم:طيب
مريم:ملاك ، ي ملاااك
وجت ملاك الي كبرت وبقا عندها 42سنه وقالت:ايوه ي مريم
مريم:الكريم كرامل ف التلاجه ، ولا البت وهم شفطتته ف كرشها
وهم من ع السلم وقالت بضيق:ايه يا اتش الرخامه دي ، هو كل حاجه وهم ، مايمكن ليلا و ابويا يكونوا اكلوها
ليلا:انتي عارفه ان عندي حساسيه منه
جاسر:وانا مش بستلطفه
وهم بسخريه:ايه بستلطفه دي! هيا مراتك
جاسر بغضب:امشي بعيد عني ، واطلعي ورا اختك ، بدام مــ ...
وقطعت كلامه وهم وهيا بتقول بخوف مصتنطع:لا و علي ايه! انا هطلع وراء ليلا كافيه خيري شري "واخدت وهم السلم جري ومسكه ف ايد اختها ودخلوا الاوضه"
مريم:ها ي ملاك ، موجود ولالا
ملاك:موجود
مريم:طب هاتيلي طبق واسبقيني ع الليڤينج
ملاك :تمام"ومشيت"
جاسر:وانا طالع اوضتي
مريم بجديه:طب استني عندك
جاسر:نعم
وقربت منه وادته بوكس ف وشه فجاسر قال بوجع:ااااه
مريم باستفزاز:تستاهل
جاسر بغضب:ماشي ي مريم
وقام مسكها من ياقه قميصها وخبطها ف الحيطه وقال بغضب:ادتيني بوكس ليه ي مريم؟؟
مريم بغضب:عشانك حيوان
جاسربغضب:مريــــم
مريم:ايوه حيوان ، ي بتاع حنين
جاسربغضب:يعني انتي ادتيني بوكس عشان حنين ، اشحال انها قد عيالك
مريم بغضب وبتشيل ايده من ع ياقه قميصها:وانت مراعتش ليه انها قد عيالك!!
جاسر:كنت بهزر ، برخم ، بلعب ، قولي اي حاجه ، لكن ان اخونك دا يستحيل "وبعدها قال بحب:دا انت الي في القلب يالاه
مريم ببرود:بردو ، واخر مره
جاسر:ماشي ، اخر مره
مريم ببرود:طب يالا ، عديني
جاسر ببرود: لا
مريم بضيق:ي بني عديني بقا ، انا مش فضيالك
جاسر:ليه؟وراكي ايه!
مريم قامت زقته وقالت:راحه اكل "ومشيت"
جاسر بصوت عالي:اعرفي اني سبتك تزقيني بمزاجي
مريم وهيا راحا نحيه الليڤينج:عرفا ، وانا جوه لو عوزتني
"في اوضه ليلا"
وهم:عايزه اي بقا
ليلا وهيا اعده ع السرير:انتي فعلا بتحبي سيف؟
وهم بضيق:يعني انتي جيباني لهنا عشان تساليني ام السؤال دا !
ليلا بحده:وهم ، جاوبيني اه ولالا
وهم:ماشي ي ستي ، اه بحبه
ليلا:من امتي؟
وهم واعده علي الارض واستربعت وقالت:بصي ي ستي ، انا كنت بحب سيف يجي من وانا عندي 17 ، 18سنه كدا ، كنت مخبيا جوايا الحب دا ، واصلا مكنتش معتبرا حب ، انا قولت فتره وهتعدي ، لكن ببص لقيت ان كل يوم حبي ليه بيزيد ، وكنت علفكره ناويه اروح اقوله ، بس قولت استني اما يتعين وكدا ، واليوم الي كنت راحا اقوله فيه ، لقيته بيقولي انا بحب اختك ،انا ساعتها اصدمت ومكنتش عرفا اعمل ايه ، بس قولتله طب ثواني وراحا الحمام ، ودخلت الحمام واعده اعيط شويه وبعدها روحت غسلت وشي وقولت لنفسي "طالما بيحب اختي ، يبقي اتمناله السعاده، لان الي بيحب حد بيحب يشوفه سعيد" وخرجت م الحمام واتفقنا ع يوم عيد ميلادي انا وانتي ، واتفقت انو هيعمل كل حاجه وانا يدوب هحاول اعطلك ، لكن حصل العكس بقا ، وهو الي طلع بيعمل كل دا حاجه عشاني ، وبس ي ستي
ليلا:يعني لو كان فعلا بيحبني واتجوزنا انا وهو ، كنتي هتتضيقي
وهم ووقفت وقالت بضيق:ليلا ، ليلا ، مش ناقصه تخلف علي المسا ،مش انا لسه قيلالك ي ام الغباء ، ان الي بيحب بيتمني السعاده ، وممكن بقا تسبيني لاني عندي بكرا تدريب
ليلا باستغراب:بس بكرا السبت ، وانتي موركيش تدريبات السبت!
وهم:لا مانا قررت ادرب ع الرقص
ليلا بصدمه:ايـــــه!!رقص ي وهم
وهم بطريقه كوميدي ودلع:صدري منبش عايزه اكح هيهيهي
ليلا بسخريه:ادائك Fake جدا
وهم ببرود:ملكيش في
ليلا بضيق:طب اخلصي وقولي رقص اي؟
وهم:وحياتك ماعرفا ، بس فكرا الواد شعبوله
ليلا باستغراب:شعبوله مين؟
وهم بضيق:الي يوميها باات في الحجز بسببه
ليلا وتقريبا افتكرت:ااااه افتكرت لما كسرتيله دراعه عشان بس قال عليكي غبيه
وهم:ايووون
ليلا:اه ماله بقا
وهم:طبعا هو كان اتنازل ع المحضر لما قولتله هضبطه مع البت شاهيناز الي كان هيموت عليها ، ومن ساعتها بقا واحنا صحاب بقا وكدا
ليلا:طيب هو اي علاقته الوقتي بموضوع الرقص
وهم:مهو هو الي قالي روحي اتدربي
ليلا بصدمه:ايـــه؟؟هو الي هيدربك
وهم بانفعال:قسما عظما ي ليلا ، لو مابطلتي غباء لاكون عامله معاكي الصح
ليلا بضيق:مانتي الي مش راضيه تفهميني
وهم:مانتي اقعدي وافهمي ، بصي ي ستي شاهيناز خطيبته .. اه مهو خطبها ، عامله صاله رقص للرقص الشرقي والهندي وكدا ، فقالي روحي ادربي هناك
ليلا:اااه ، مش تقولي كدا م الاول ، خليتي دماغي تحدف شمال ولامواخذه
وهم ووقفت وقالت:لا ابقي خليها يمين بروح خالتك انتي ، ولاخر مره ي ليلا اقولك بطل شغل الدكر الي انا بعمله دا ، اصله بصراحه مش لايق ع جمال بتاعك
ليلا بفشخره مصطتنعه:واحلي جمال ي امي
وهم ومسكتها م خدها وباستها وقالت:بموت فيكي ي لوله
ليلا وحضنتها:وانا كمان ي قلب الوله
وقامت وهم م حضنها وقالت:لو عوزتيني انا هكون ف اوضه الخنافس اشطا
ليلا بسرسجه:اشطا ي زميلي
وهم بضيق:مفيش فايده ، سلام عليكم
ليلا بضحك:وعليكم السلام
وسابتها وهم وراحت لاوضه الخنافس ودي اوضه التدريبات بتاعت وهم بس هيا سمتها كدا زي اي حاجه بتحبها فبدايتها اسم عشان توفر عليها الشرح لاي شخص قدامها ، ودخلت وهم الاوضه وعلت صوت الاغاني واعده تلعب وتفكر وتقول"هو انا بحب سيف ولالا ، يمكن عشان الدكر الوحيد الي في حياتي ، لالا مافي امجد واكرم وشباب كتيره غيره ف حياتي ، دا غير صحابي ، طب يمكن عشان اول واحد علطول جنبي في اي مصيبه بعملها ، لا مافي شعبوله وعبيده وعطواه وناس كتيره ، لا بقا هو انا هقعد افكر كتير كدا ، انا احسنلي اكمل تدريباتي دي واشوف موضوع الرقص دا ، لاني متاكده لحد الوقتي ان بحب سيف كحبيب مش صاحب او ابن خاله"وفعلا كملت وهم التدريبات بتاعها وعملت 120ضغط ف اخر التدريب وخلصت ومسكت فوطتها وبتبص ف الساعه لقتها داخله ع 3الفجر فخرجت م الخنافس ولسه بتلف بجسمها عشان تطلع لقت جاسر قدامها فقالت بخضه:في ايه ي بابا ، خضتني
جاسر بسخريه:سلامتك م الخضه ي ختي ، وقوليلي كدا بتعملي اي كل دا في الاوضه
وهم وهيا بتمسح وشها بالفوطه الي ع رقبتها وبتقول:يعني ي بابا انت شيفني عامله ازاي ، اكيد كنت بتدرب
جاسر بجديه:ومش الدكتور منعك م الجهد الزياده
وهم:انا اول ماتعبت وقفت وخرجت ، وبعدين متخفش عليا ي دادي بنتك راجل "وقامت بتكوير ايدها وقالت زي محمد رمضان:وثقه في الله نجاح
جاسر برخامه:نجاح ولا رسوب
وهم برخامه اكتر:لا دور تاني ههههه
جاسر:الش رخيص
وهم:رخيص ولا غالي ههههه
جاسر بضيق:لا مهو احنا لو فضلنا م هنا للصبح مش هنخلص ، فــ سُكي ع الموضوع دا وتعالي ورايا ع المكتب
وهم بتفكير:مممم مكتب ، و ي تري ي ولدي هنتفق ع عمليه المخدرات ولا السلاح
جاسر بجديه:وهم ، انا بكلم جد الوقتي فتالي ورايا ع المكتب
وهم بجديه مصتنعه:تمام ي فندم
وفعلا راحو علي المكتب ودخلوا وقفلت وهم وراهم الباب واعد جاسر ع المكتب وطلع سجاره بس سجاره فاخر اووي وشاور لوهم تقعد ع كرسي فوهم وهيا بتقعد قالت بضحكه سخريه:جرا اي ي ولدي ، اي الاوڤر دا
جاسر وهو بياخد نفس م سجاره:وهم ، ركزي معايا الوقتي ، وبطلي هزار
وهم:ماشي ، اتفضل ادخل في الموضوع الي مخليني مستــ...
جاسر مقاطعا بحده:وهم
وهم:حاضر ، اتفضل
جاسر بجديه:انتي بتحبي سيف ي وهم
وهم واتكسفت من سؤال باباها فقالت بثبات بتدارى وراه من الكسوف:آآ ، اه ، لا ، اه
جاسر:اه ولالا
وهم:اه
جاسر:وي تري هتفضلي كدا ، اصل الي بيحب بيتغير
وهم باستغراب:اتغير ازاي
جاسر:يعني تبقي.....
(الحلقه القادمه)