يوميات وهم وسيف

9

يوميات سيف و وهم "مسجونتي ج2" الفصل التاسع

وهم بكل عزم:انا قررت خلاص
سيف:اي هو قرارك..؟
وهم:بص عشان اكون حققت حلمي اني اروح الصعيد ، ونفسي احضر افراح صعيديه ، فخلاص نعمل فرحنا ف الصعيد ، اي رايك بقا..؟؟
سيف و داس ع الفرامل فجاه وقال بنفاذ صبر:انزلي ي وهم ، انزلي ، مش عايز اتعصب عليكي ، انززلي
وهم بضيق ولوت بؤقها:ليه بقا؟ مش قولتلي اختاري ، فانا قررت ، اي الغلط في الي قولته...؟
سيف:صعيد ايه الي نعمله فيها؟؟!! طب قوليلي مين هيستقبلنا؟؟؟
وهم بكل ثقه:عيب عليك ي سطا ، هيا دي حاجه تفوتني ، طبعا ليا ناس هناك ، ومش اي ناس ، دا العمده ذات نفسه الي هيستقبلنا
سيف:عمده.!!! هو انتي تعرفي منين...!!
وهم:اتحرك بس عشان الناس الي هتيجي تفش
سيف بحده:اتلمي ، واياكي تقولي الكلمه دي
وهم:حاضر ،بس اتحرك بس ، الناس بتزمر ومضايقه
سيف واتحرك بالعربيه فوهم كملت كلام وقالت:بص بقا ي حب ، العمده دا ابنه ، انا اعرفه ، كان حصل عركه كدا في مول ، و ابنه دا بقا عمل معايا حركة مجدعه ، وانا بقا م ساعتها قررت نبقي صحاب ، بس ابنه دا ايه؟ ، صاروخ ارض جوي
سيف:بت ، اتلمي
وهم:بص انت دلوقتي عديها لان بصراحه عبدالله دا حاجه كدا ، تحل م علي حبل المشنقه ، دا كفايه دقنه ، ولا طوله ولا عضلاته ، حاجه كدا ، هييييح
وهم فجاه لقت ايد سيف ع رقبتها والشرر بيطلع من عينه وبيقول:يعني مش عملالي احترام ، وكمان بتعكسي
وهم بتكح وبتقول بصوت متقطع:والله...متجوز....شيل اي-د-ك ، هنخ-بط
وزقت ايده بالعافيه بس نجحت في كدا واعدة تكح جامد وسيف ركن العربيه وفضل يخبط علي ظهرها براحه عشان تبطل كحه وفعلا هديت وقالت بضيق وصوت مبحوح:انت متخلف ، رايح تخنقني وانت بتسوق ، طب افرض خبطنا ، هتعمل اي ساعتها؟؟؟ ، وبعدين استني كدا ، انت محسسني ان عمري ماعكست رجاله ، ي سيف دا العادي بتاعي ، وانت عارف ، وانا بعتبرك صحبي قبل خطيبي ، بحكيلك عادي ، زي م بحكي لاختي  ، او امي و ابويا
سيف:يعني انا لو عملت زيك وفضلت اوصف اجسام بنات او شعرهم ، مش هتتضيقي
وهم بكل براءه:اطلاااقا ، انت حر تعمل الي عايزه ، وانا بقدر مشاعر الرجاله ، و خصوصا لو هيتجوز واحده زي كدا ، فامتقلقش ي سيڤو ، انا لا اغار  ، بس اكيد ممكن اغير ، بس مش دايما
سيف و كور ايده لحد اما فواصل ايده ابيضت:بصي انا هحاول امسك اعصابي ، و هحاول اعدي ، و اقول انك بتقولي بنيه هزار ، بس مش كل مره هعدي ، تمام
وهم:تمام ي حب
سيف:هاتي فونك
وهم:حاضر "و طلعته من جيبها وسلمتهوله:اتفضل ي حب
وفتح الفون و رن علي موبيله ولما شاف الاسم الي وهم مسميهوله قال باستغراب:اي الاسم دا..!!؟؟
وهم:اصدك العاشق المنقرض ، عجبني ، عجبك صح..؟
سيف:ودا اسم تسمعي بنت لخطيبها
وهم ولوت بؤقها:اومال عايزني اسميك زي العيال الممحونه ، حب عمري  واعمل ايموشن "لاڤ" ، واسميك حبيبي  ، لالا ي بني مش ناقصه شلل
سيف:خلاص ي وهم خلاص
ورن ع موبيله ولقي وفتح بعدها صور وهم ولقي صور خاصه فافتحها ولقي صور لي وهم بفساتين قصيره وسايبه شعرها الي كان طويل و كانت حطا ميكاج وكانت شكلها قمر فقال بمكر:وعملاه عليا الدكوره ، وانتي كدا
وهم باستغراب م كلام سيف:مش فاهمه...!!
و ورها الصور فوهم اول ماشفتها قامت شداه الفون م ايده وقالت بغضب و خدودها احمرت:علفكره بقا دي قلة ادب انك تفتح صوري ، ثانيا بقا انت ملكش حق انك تفتحها ، ثالثا بقا انا اختي كانت عايزه تشوفهم عليا وعشان مزعلهاش اضطريت البسهم وهيا الي حاطه المكياج دا عليا  ، فعجبني شكلي فصورت ، رابعا بقا انا حره ، و عن اذنك
وجايه تنزل لقت سيف ماسك ايدها وبيقول:انا اسف
وهم بعيون مدمعه:اعمل الوقتي باسفك ، انا مكنتش عايزك تشوفني كدا
سيف واخده ف حضنه وقال بهدوء واسف:انا اسف بجد والله ، انا كنت فكرك هترخمي ، مش هتعملي كدا..؟!؟
وهم:انت عارف اني مبحبش حد يتعدي خصوصياتي ، مهما ان كان الشخص قريب مني
سيف:طب انا اسف ، ماتزعليش بقا
وهم ومسحت دموعها وقالت:لا بردو انا زعلانه منك
سيف:طب لو اكلتك ابو حيدر و المالكي وعصير و شيشيه م الحسين ، هتقبلي اعتذاري..؟؟
وهم بفرحة:اه طبعا ، دا انا اسمحك ونص كمان
سيف بابتسامه:كنت عارف ان همك ع كرشك ي وهم
وهم:اه طبعا ي بني ، انا اهم حاجه عندي كرشي
سيف:ماشي ي ستي ، يالا بينا بقا عشان نروح ناكل
و راحو كلوا وحالو و شربوا العصير وكان سيف عايز يمشي بس وهم قالت:والشيشيه الي انت وعدتني بيها
سيف وكان عامل نفسه مش فاكر عشان متشربش بس هيا فاكره ولو قالها لا هتزعل وتقول بيرجع ف كلامه فنده للصبي وقال:اتنين شيشه تفاح
الصبي:امرك ي باشا
ومشي
وهم:احبك ي سيڤو وانت مطيع
سيف:متحلميش انو يبقي دايما
وهم:عرفا عرفا ، بس سبني انبسط بقا
وهما اعدين جه شاب طويل عريض وقال بابتسامه:ازيك ي وهم
وهم واتفاجت بي وقالت:عبدالله ، ازيك انت ، وحشني والله
سيف وقطع كلام وهم وقال بضيق وهو بيسلم علي عبدالله:سيف ، خطيب وهم
عبدالله:اهلا بيك
وهم:انت هنا م امتي؟؟ ، واخبار العروسه اي؟؟فرحكم امتي صحيح؟؟
عبدالله:هيبقي يوم الخميس الجاي دا ، والعروسه ف البلد بتستعد بقي ي ستي، وانا هنا عشان اجي اعزمك انتي وعيلتك "وبص لسيف" واستاذ سيف ع فرحي
وهم بفرحه:بجد؟؟ ، الف مبروك ي عبدالله ، انت تستاهل كل خير والله
عبدالله:الله يبارك فيكي ي وهم ، عقبالك انتي كمان انتي واستاذ سيف
وهم:ان شاءالله ، ماتقعد معانا
عبدالله:لا انا ماشي بقا ، انا كنت جاي اشرب شاي هنا عشان كان وحشني المكان ، وبعدها كنت هعدي عليكي  علي الفيلا  عشان اقولك تيجي الفرح ، بس لقيتك هنا ، يبقي ملهاش لزوم ، ويالا عن اذنكم انا ماشي
وهم ومدت ايدها وسلمت علي عبدالله وكذلك سيف
سيف:هو دا بقا عبدالله؟؟
وهم بابتسامه:ايون ، و والله كان وحشني اوي
سيف:نعم!!!!
وهم:اصدي يعني وحشني زي ما انت بتوحشني ي سيف
سيف بحده:نعم؟!!!!!!
وهم بضيق ولخبطه:يووه بقا ، بص انا بعتبره زي امجد واكرم وكدا ، خلاص ارتحت بقا
سيف:ابقي خدي بالك ف الكلام ي وهم
وهم:حاضر حاضر
وجة الشيشه وفضلوا يشربوا وسيف تعب فبطل اما وهم لس فسيف قال:طب يالا ي وهم عشان نمشي بقا
وهم وحست انها دايخه:هي هي هي ، هو انا مالي؟؟حاسه بدوخه ليه وساطل؟؟
سيف:من كتر الشيشه
وهم وعنيها مقفوله زي المساطيل:بجد!!؟مع اني دايما بشرب عمر ماحصلي كدا ، بس عامة ، خلينا شويه ي سيف ، سيف انا بحبك ي سيف
سيف:وانا كمان ، بس الا بينا نقوم
وشد الشيشه وحط الفلوس ع الطرابيزه ومسك وهم الي فضلت تتضحك جامد وتهيس باي كلام و وصلوا العربيه وركبها ولف وركب مكانه وقال:في اي ي وهم!!انتي مقضيها ضحك كدا؟انتي محسساني انك شربا حشيش مش شيشه؟!!
وهم ولس ع نفس الحاله:هههه مش عرفا هههه ، بس حاسه اني اخده فعلا حشيش ، دماغي حاسه انها طاقت ههههههه
سيف وبص ليها بصه بمعني"لا حول ولاقوه الا بالله" واتحرك بالعربيه و وهم شغلت الراديو وكان فقره "محمد المشهور بعبيده" فقالت اما تعمل ف حركه كدا فقالت:موبيلي فين؟
سيف:هتلاقي ف جيبك اكيد
و دورت ف جيوبها ولقته وقامت متصله بالبرنامج "محمد" وقالت بصوت رقيق وخليع:الو
سيف:بتكلمي مين..؟!
وهم وهزت ايدها بمعني "استني بس" و كملت وقالت:الوو ، استاذ محمد معايا
محمد:ايوه مع حضرتك
وهم بنفس الرقه الخليعه:انا كنت عايزه اقولك ي محمد اني بحبك اووي ، ومستن
وقطع كلامها بان الخط قطعه محمد و سيف شد التليفون منها وقال بعصبيه:اي الي انتي بتقولي دا..؟؟؟!!
وهم:والله بهزر عادي يعني ، و اكيد هيعرف ان انا بعد م يخلص الحلقه ، وبعدين مانا دايما بعملها ف صحابي وانت بتبقي عادي ، اشمعنا الوقتي ، ولا عشان بقيت خطيبي ، وبعدين ي سيف مش انا قيلالك قبل كدا اني ف الهزار بعتبرك صحبي وبنسي انك خطيبي
سيف:وهيا دي حاجه تتنسي..؟!؟!
وهم:سيف هو لما الطفل بيغلط بتعملوا في اي...؟؟
سيف:بنعديله اكيد..!
وهم وقالت ويها بتحرك ايدها الاتنين بمعني "خلاص":خلاص اعتبرني طفل ي سيدي ، خلاص تمام
سيف ومسك ايدها الاتنين وقربها منه وقال بمكر:طالما هعتبرك طفل ، انا بقا بحب الاطفال وبحب ابوسهم وخصوصا م
وقطع كلامه وهم وهيا بتزقه بايدها وبتقول بضيق:طول عمرك دماغك ملهاش الا ف القذاره وبس
سيف بسخريه:جدا جدا
وهم بسخريه:واضح ي حبيبي واضح ، ويالا بقا اتحرك عايزه اروح هموت وانام
واتحرك بالعربيه و وهم سندت راسها ع شباك العربيه و نامت وفضلت راسها تتحرك يمين وشمال لحد اما حطتها ع دراع سيف ، فابتسم سيف وبصلها و رجع ركز ف السواقه تاني.....و وصلوا وبص سيف لوهم وقال وهو بيهزها:وهم ، وهم
وهم بتزق بايده وبتقول بضيق:اووف ، عايز اي ي بابا..؟؟ ، سبني انام
سيف:بابا مين ي وهم ، انا سيف
وهم وقامت فجاه وقالت:اي دا!!! ، انا فين..؟؟ "وخبطت راسها بايدها وقالت:ااه ، افتكرت
سيف بابتسامه خفيفه:مالك ي مجنونه..؟!
وهم و رجعت راسها لورا وقالت وهيا بتحرك ايدها بمعني "استني شويه":بص انا هنام شويه ، وصحيني ماشي
سيف:يعني مش هتتطلعي...؟
وهم:لا مش طالعه
سيف:طيب!!!و نزل م العربيه واعد يخبط ع باب الفيلا محدش رد و راح من عند البلكونه لقاها مقفوله و رن ع ليلا مردتش و مريم وجاسر كذلك فركب العربيه وقال وهو بيشد شعره بحيره:شكلي كدا هخدك معايا
وهم وهيا شبه صاحيه:ماشي ماشي
سيف:انتي ف وعيك ي وهم...؟
وهم:يووووه
سيف بضحك:نامي ي وهم ، نامي
واتحرك بالعربيه و راح ع فيلاته و نزل ولف النحيه التانيه فضل يهز وهم انها تصحي مبتصحاش ، فشالها فوهم اتعلقت فيه و سندت راسها ع صدره و كملت نومها و دخل الفيلا و نايمها ف اوضته و شالها الكوتشي و الساعه و الخواتم الي ف صوبعها و غطها و باس راسها و اخد بيجامه و راح اوضه تانيه ينام فيها
تاني يوم "في فيلا وهم"
كانوا اعدين بيفطروا وفجاه قطع حاسر حالة الصمت وقال بكل جديه:ليلا اعملي حسابك ف عريس جايلك النهارده
ليلا:عريس...!!
جاسر:اه ، هيجي ع العشا كدا ، و عرفي اختك الي معرفش مصحيتش لحد الوقتي ليه..؟!
مريم:سيف كلمني وقالي انها عندهم ، لانه جه امبارح محدش رد عليه خالص ، فاخدها عنده
جاسر:تمام ، عن اذنكم بقا "و باس راس مريم وليلا:انا ماشي ، سلام
ومشي
ليلا:عريس مين ي ماما..؟!
مريم وهيا بتشيل الاطباق وبتقول بجديه:هتعرفي بليل ، بس خلصي شغلك بدر عشان تجهزي
ليلا:طيب..!!
"في فيلا سيف"
وهم قامت وفركت عنيها بايدها وقالت باستغراب شديد:انا فين...؟!؟
واعدة تبص حولين الاوضه وعرفت انها اوضه سيف ، فقالت:انا ايه الي جبني هنا...؟!؟ ، انا مش فكرا حاجه
وكانت لس هتقوم لقت سيف خارج م الحمام لافف فوطه حوالين وسطه و فوطه حولين رقبته فوهم اول م شافته قالت:هو انا مروحتش ليه...؟!؟
سيف وهو بينشف رقبته بالفوطه:سيادتك فضلتي نايمه و فضلت اصحيكي مردتيش و خبطت ع الفيلا عندكم و رنيت ع اهلك محدش رد فقولتلك "انا هاخدك معايا" وافقتي واخدتك هنا
وهم وبتتاوب وبتقوم م ع السرير:ااه ، طيب ، بس انت نمت فين كدا...؟؟
سيف بمكر:انا كنت رايح انام لقيتك مردتيش تسيبي دراعي وتقولي "خليك ي سيف خليك" فاخدتك ف حضني ونمت ، ودا بسبب اصرارك الشديد ، لولا كدا كنت هنام ف اوضه تانيه
وهم بتبصله باستهزاز وسخريه وابتسمت ابتسامه صفرا:انا بقا مفروض اصدق الهبل دا...؟!؟
سيف:هبل..!!!
وهم:اكيد ، هقولك ليه؟؟ ،اولا انا مبعرفش انيم حد جنبي ، ثانيا الي بينام جنبي بيعاني شويه لاني بتقلب و ساعة بكلم وانا نايمه فلي جنبي مش هيعدي عليه ثانيه الا لما يكون قايم وشتمني ، ثالثاا ودي الاهم ، ان الي انت قولته دا ، قراته ف يجي 800روايه و شوفته ف 5تلاف فيلم ، يعني قديمه اووي ، فايالا بقا انا هاخد حاجتي و اروح الحمام الي برا عشان تلبس براحتك " وقربت منه و شابت عشان توصل لقربته وقالت وهيا بتعض ع شفايفها بمكر انوثي:وايدك بقا ع الفوطه "وشدة الفوطه الي ع رقبته:وصباح الخير ي حب ، والبس بسرعة بدم تبرد ي حب "و بعدت و رحت عند باب الاوضه وباعتت بوسه ف الهوا وقالت:عن اذنك
ومشيت وسابت سيف مذهول م الي عملته وفاق م ذهوله ع قفل الباب و راح كمل لبسه
"عند وهم"
وهم خرجت م الحمام و راحت عند الليڤنج لقت ليالي اعده بتتفرج ع التليفزيون  فوهم قالت:صباح الخير
ليالي وكانت هترد بصباح بس لقت وهم قدامها واقفه مشمره البنطلون و نكشا شعرها و بله مايه و مشمره كمام البلوزه ولابسه شراب فرده بس والتانيه لا:اي دا ي وهم...!؟! ،ايه الي انتي عاملاه ف نفسك دا..؟!؟
وهم واعدة الكنبه:بالنسبه لهدومي دا لاني كنت بتوضي ، بالنسبه لشعري ، فداه عشان معيش فرشه اسرحة بيها ، بالنسبه للشراب دا لاني كسلت البس الشرابين ، فلبست واحد ، و عايزه اروح اصلي و اروح عشان اغير و اروح الشغل
ليالي:طب تعالي معايا
وهم:وخداني فين..؟؟! ، وبعدين فين عمو ادم..؟؟
ليالي:نزل م بدري
وهم:طيب ، بس انتي وخداني فين..؟؟؟
ليالي:تعالي بس
و طلعوا عند اوضه "ليالي و ادم" وفتحت ليالي الدولاب وطلعت شنطه صغيره وفتحتها وكان فيها بلوزات وبناطيل بناتي وشكلهم لبنت شابه لان ليالي مبتلبسش الحاجات دي
وهم:لمين دول..؟؟
ليالي:ليكي
وهم باستنكار:وهو انا هلبس الحاجات دي..؟؟! ، انتي بتحلمي
ليالي:عشان خطري البسي منهم ي وهم
وهم: ي ليالي انتي عرفا اني مبلبسش الحاجات دي ، انا ليا نظام معين ف الهدوم ، فانا مش هلبس دول
ليالي:طب انا عايزاكي تغيري
وهم:تعالي ننزل انا وانتي و نروح الفيلا عندنا بدم اما سيف يوصلني ويتاخر ع شغله
ليالي:ممم ماشي "وبصت للشنطه تاني:يعني مش هتاخديهم
وهم:لا تشكري احب
ليالي:ماشي ي وهم ي بنت مريم ، محدش يعرف يكلمك ابدا
وهم وبتبوسها م خدها:الا انت ي حب
ابتسمت ليالي وقالت:اخرجي ع م البس واجيب مفتاح العربيه واجيلك
وهم:موشي
وخرجت وهم ونزلت لقت سيف اعد ومستينيها و اول م شافها كانت صدمته لا تقل عن صدمة ليالي فوهم شافت ملامح الصدمه ع وشه فقالت:هقول تاني ، كنت بتوضا عشان كدا الهدوم كدا ، شعري اتنكشح عادي يعني ، الشراب مكسله البس الفرده التانيه ، عادي بردو اي انسان بيكسل ، في اي اسئله تانيه...؟
سيف:لا ، بس اعدلي منظرك دا عشان اروحك
وهم:لا اتكل انت ع الله ، انا هروح مع لوله
سيف:طيب ، لو هتخرجي النهارده اخرجي انتي ، لاني ورايا شغل للفجر
وهم:ماشي ، بس استني ، فين موبيلي وخواتمي..؟!
سيف وطلعهم من جيبه وادهولها:تشكر احب ، بس بقولك هو انا مينفعش اغير الدبله
سيف:ليه..؟؟
وهم:لا اصلي عايزه اجبها فضه مش عايزه دهب
سيف:ملي ف ايدك دهب ابيض
وهم:لا انا عايزه فضه فضه
سيف:هبقي اشوف واقولك " وقرب منها وكان هيبوسها ف خدها بس وهم منعته بايدها وقالت:سلام ي سيف
سيف بغيظ:سلام ، و متنسيش تعملي زي عادتك ، تباتي ف كل ليله ف قسم شكل
وهم:ههه ان شاءالله لا
سيف:سلام
ومشي و نزلت ليالي و راحو عند العربيه فوهم قالت:هاتي اسوق انا
ليالي:ماشي....وحدفتلها المفتاح و ركبوا العربيه وطلعت وهم بيها بسرعه و هما ف الطريق لقت وهم واحد بيضيقهم بالعربيه و بيقول:هو القمر رايح فين؟ دا حتي لسه بدري ع الليل...وهم وزودت سرعتها عشان تبعد عنه بس لقته مقرب تاني وبيقول:ي ريتك ي قمر تكبر حبه ، كنت ساويت الهوايل
وهم بقا اتعصبت و راحت قدامه و دايسه فرامل وكانت هتنزل بس لقت ليالي بتقول:خلاص ي وهم ، بلاش مشاكل ويالا اتحركي
وهم بعصبيه:يعني عايزه يعكسك ، وانا جبنك ، ليه كيس جوافه؟؟؟
ونزلت مع محاولات ليالي الي كانت بتوقفها
وهم و وقفت قدام الشاب:قولي بقا كدا ي حدق كنت بتقول اي...؟
الشاب:وانت مالك؟
وهم: انا بقا عايز اسمع الي قولته
الشاب:كنت بقول ي ريتك ي
وقطع كلامه مطواه وهم الي اتحطط ع رقبته:بقا بتقول لخالتي كدا ، ليه مفكر الي جنبها كيس جوافه
الشاب بخوف:اا...انا
وهم:بص عشان انا مش فايق لاهلك ، ولس مرتحتش م نومة البورش بتاعت امبارح ، فهعديها المرادي ، بس يمين الله ، يمين الله ، لولمحت طيفك ف شارع انا في ، ماهتشوف هيحصلك اي ،تمام
الشاب:ت..ت..تمام
وهم وشالت المطواه و قربت م العربيه وشالت الطاقيه الي كانت مخابيه شعرها ومع لبسها بين اكتر انها راجل:وعلفكره ي اخ ، انا بنت ، بس حبيت اعرفك ، عشان تبقي تقول لاصحابك انا اتعلم عليا م بنت ، سلام ي قط
وطلعت بالعربيه والشاب فضل حبه مصدوم م الي حصل و ركب العربيه واتحرك و زي م هو بنفس الصدمه
في عربية "ليالي"
ليالي:وكان لازمتها اي الي انتي عملتي دا؟؟؟
وهم:مش وهم الي حد م طرفها بتعاكس
ليالي ومصمصه شفايفها:لا والله!!
وهم:اه والله ، دا ف مرة ملك اتعاكست فانا بقا اضيقت واتعصبت لانه كان عاكس بطريقه قذره جدا فالقمورة الي في ايدي دي ، سلمت ع وشه ، وملك بقا تعيطت وانا اقولها اهدي مانا جبتلك حقك ، بس الواد يستاهل  لان مش كل الطير الي يتاكل لحمه ي لوله
ليالي بضحك وبتضرب كف بكف:يخربيتك ي وهم ، انا بقيت اخاف ع سيف منك
وهم بضيق:اهو دا الوحيد الي بس لو زعق ولا شخط بترعب منه ، معرفش لي!!!
ليالي:عشان انتم علي طول مع بعض ي وهم ، وبتحبوا بعض
وهم:ودا مبرر لخوفي منه...!!!؟
ليالي بتاكيد:اكيد
وهم وحركت راسها بمعني "طيب!!!"
و وصلوا الفيلا و سلمت ليالي ع مريم و طلعت اوضتها و نزلت وسلمت عليهم و ركبت تاكس و راحت الشغل و اول م دخلت لقت عبيده "محمد" ماسك ف ياقة قميصها و اخدها ع جنب وبيقول بغضب:بقا انتي تعملي فيا كدا ي وهم...؟؟؟!
وهم بابتسامه عريضه:اي ي ميدو ، كنت بهزر ، اي مبتهزرش ي رمضان ولا اي...؟؟
عبيده:لا بنهزر ي ختي ، بس تحبي اوريكي هزاري بقا
وهم:لالا بالله عليك ، بلاش هزارك ، واخر مره ، اخر مره
عبيده و ساب هدومها:ماشي ، بس اخر مره
وهم:عيب عليك ، انا خلاص قولت دي اخر مره ، وممكن بقا تعديني ، عندي شغل
عبيده:عدي ي ختي ، عدي
وطلعت تجري وهم و لقت ملك ف وشها ومعاها شاي فوهم قالت:الشاي دا ، 5معالق سكر
ملك:اه
وهم واخدة:طب تشكري بقا ، واعملي لنفسك غيره "ومشيت"
ملك:ماشي ي وهم ، ماشي
و راحت تعمل لنفسها واحد تاني ، و داخلت وهم عملت الحلقه بتاعتها و خلصت شغلها و راحت ركبت العربيه و  طلعت ع النادي و لقيت شاب طويل عريض جاي عليها و اعد فوهم قالت باستغراب:انت بتعمل اي ي حضرة...!؟!
الشاب بابتسامه:انا خالد بصل
وهم:حصلي القرف والله...وافندم بردو عايز اي..؟!؟
خالد بنفس الابتسامه:انا معجب بيكي ي انسه وهم
وهم وعدلت نفسها وضمت ايدها الاتنين ع بعض وقالت وهيا رافعه حاجبها الشمال:واي كمان..؟!
خالد وكان هيحط ايده علي ايدها ولكن وهم سحبت ايدها بسرعه وقالت:توتوتوتو ، احنا ناجل مسك الايد والحبشتكنات دي ، لحد اما افهم الاول
خالد:تمام...انا معجب بيكي ي انسه و
وقطعت كلامه وهم بتقوله:لالا انسه اي ، قولي ي وهم وانا هقولك ي خالد ، دا احنا تقريبا بقينا نسايب
خالد:ماشي ، بصي ي وهم ، انا مراقب حضرتك م فتره وعجبتني شخصيتك جدا ، وكنت عايز اجي اقابل الوالد و الوالده ، بس حبيت اعرفك الاول
وهم:ممم ، و ي تري ي خلوده تعرف ان كل يوم ببات ف قسم شكل
خالد:بس ظلم ليكي ، و انتي بنت ناس و اهلك معروفين ، ومظنش ان حاجه زي دي هتاثر ع جوازنا
وهم و نطت بسرعه ع الكرسي و ربعت رجليها:ماشي ، طب ي خلوده انت تعرف اني بشيل مطوه ، وفي اغلب الاوقات بتعامل ف دراعي ، لدرجه اني بعمل عاهات مستديمه
خالد:احم احم ، اه عادي ، وانا قولتلك اني عارف كل حاجه عنك
وهم بابتسامه صفرا:مانا بحب اكد بردك ، لاحسن يكون حد قالك كلمه غلط كدا ولا كدا
خالد:لا متخفيش ، محدش قال
وهم:انا مبعرفش اعمل حاجه ف البيت ، دا غير اني اغلب الاوقات صايعه ف الشوارع ، وليا صحاب شباب و بنات طبعا ، بس الشباب اكتر ، دا غير اني عنديه جدا ، و مبعترفش بغلطي مهما عملت ، و رغايه و ساعات ببقي رخمه ، وعيوبي دي مش هغيرها الا بمزاجي
خالد:وكل دا انا موافق عليه ، معنديش مشاكل لاي حاجه من دي
وهم:طب كويس ، نكمل باقي كلامنا  ، كلمني عن نفسك ي خالد
خالد بكل ثقه:انا خالد كمال بصل ، عندي شركة هندسه كبيره و
وقطعت كلامه وهم وهيا بتقول:قولي ي خالد ، انت صعيدي
خالد:لا
وهم وضربت ايدها وقالت:ي خساره ي خالوده ، كان نفسي اقبلك ، بس انا م مواصفات فتي احلامي ، انو يكون صعيدي
خالد:لالا انا قصدي يعني ، ان انا مش صعيدي بمعناها اوي  ، لكن انا عيلة ابويا كلها عايشه ف الصعيد
وهم:مممم ، و ي تري هتعيشيني فين بقا ، هنا ولا ف الصعيد..؟؟
خالد:هنا طبعا
وهم:بجد!! ، طب ي خساره تان
خال وقطع كلامها:لا انا قصدي ان هنا طول الاسبوع ، و اجازه الاسبوع و الاجازات الصيفيه وكدا هنقضيها ف الصعيد
وهم:جميل ، جميل
خالد:قوليلي بقا اجي امتي اقابل الوالد
وقفت وهم و خالد وقف لكن وهم قالتله:اعد اعد ي استاذ خالد "واعد:انت ي خالد فيك كل مواصفات فارس احلامي وبجد انت انسان نبيل ولكن....
خالد:لكن اي..!!!؟!
وهم ومدت ايدها عشان توري الدبله الي لابسها:انا مع الاسف ي خالد مخطوبه ، وكان بودي انك تقابل الحج و الحاجه ، بس مفيش نصيب ، و عامة ربنا يرزقك ببنت الحلال ، ومتنساش تسليملي ع الوالد و الوالده ، عن اذنك
ومشيت و خالد فضل مصدوم م الي حصل
وهم كانت اعده بتتمشي و راحت عند الحديقه عند اخرها لقت شويه شباب اعدين وبيشربوا حشيش فوهم اتصلت ع بتوع الامن وقالولها انهم جاين وقفلت معاهم و قربت منهم وقالت:بتعملوا اي كدا...؟؟؟
الشاب:ههه بنشرب حشيش
وهم:ممم واهاليكم يعرفوا اصلا
الشاب2:وانتي مالك
شاب4:طب بقولك اي ي مزه م تيجي تقعدي معانا بدل م الاعده نشفه كدا
وهم:لا شوفلك مزه غيري ، انا لا
شاب1 مسك ايدها جامد فوهم عورته بمطوتها وقامت تجري لقت الامن جاي فراحت معاهم للشباب ومسكوهم وطلبوا البوليس ليهم فوهم قالت للشاب1:مش وهم الي يتمسك ايدها ، ماشي ي عسل ، وابقي اعمل ايدك بشاش وقطن ، لاحسن تلوث نفسك ي قط ، سلام ي عسليه
ومشيت وهيا بتضحك م المواقف الي بتحصلها وقالت لنفسها"هو النهارده يوم المواقف العالمي ولا اي؟؟؟ ،، ههه حاجه غريبه ي جدع!!!!" و راحت عند تدريب الرصاص و داخلت و لعبت شويه و كسبت كام شخص لحد اما جه "طارق"اخد بطولات كتير فيها و محدش بيقدر يهزمه ، فلما شاف وهم قرب منها وقال بثقه فيها شي م الغرور:تلعبي معايا
وهم وبصتله بصه سريعه وقالت بنفس الغرور و الثقه:.....
"الفصل القادم"