يوميات وهم وسيف

5

يوميات سيف و وهم "مسجونتي ج2" الفصل الخامس

وهم وهيا نازله علي السلم كانت هتقع بس بتلحق نفسها لحد اما الوجع زاد وحطت ايدها ع راسها جامد وقفلت عنيها ومعدتش شايفه حاجه قدامها ، ففكرت وهم انها وصلت لاخر سلمه ، فجايه تمشي وتحط رجلها ع السلمه الي هيا كانت مفكراها الارض ، فجايه تقع لحقها جاسر ، الي كان واقف قريب منها جدا ، فشالها بين ايدي وقال بقلق وهو رايح علي اقرب كنبه:وهم ، انتي كويسه
وهم بضعف:مسكن ، مش قادره راسي هتنفجر
جاسر وحطها علي الكنبه و قال بصوت عالي: ي ملاااك ، ملااااك
مريم وجت علي صوت جاسر فلما لقت وهم علي الكنبه وحطه ايدها علي راسها ومغمضه عنيها جامد:وهم..ولسه جايه تقرب لقت جاسر بيقولها:هاتي بسرعه مسكن ، بسرعه
وراحت مريم تجيب بسرعه مسكن وادته لوهم و شربت الميه و رجعت راسها تاني و قالت والدموع في عنيها:مش قادره ، راسي هتنفجر
جاسر ومسح دموعها بايده وقال بحنان ابوي:طب اهدي ، وان شاءالله الدواء هيعمل مفعول
وهم بصوت مليان تعب: ي رررب....وفي اللحظه دي رن تليفون وهم وكان رزق فطلعت وهم التليفون وكانت هترد لقت جاسر بيقولها:هاتي انا الي هرد
وهم بتعب:لا انا الي هرد ي بابا....و ردت وهم علي رزق وقالت بصوت عالي شويه:رزق ادخلي الفيلا ، ماشي ، سلام....وقفلت علطول ودخلها رزق وجاسر سلم عليه و اطمن علي وهم ومشي و راح شغله ، اما مريم سلمت علي رزق وقالت:يرضيك الي عمله صحبك دا ، انتم عرفين ان غلط جدا ، ان السجاير تقف مره واحده ، ازاي بقا تعملوا كدا مع وهم ، وانتم عرفين انها هتتضر؟
رزق واعد علي الكنبه الي جنب كنبه وهم:والله ي اتش ، انا مبعرفش لاني مبشربش وانتي عارفه ، و بعدين انتي بتكلميني اكني انا السبب ، ماتحسبي حازم ، ولا متشطرتوش علي الحمار تشطرو علي البردعه
وهم ضحكة ضحكه خفيفه علي طريقه رزق و مريم بردو فقالت:صاحبك دا انا ليا صرفه معا ، بس لما اشوفه ، وانتي ي وهم متسمعيش كلامه ، وقليلها من نفسك ، حبه حبه ، عشان انتي كدا بتضري نفسك ، ويالا انا في المطبخ لو عزتوا حاجه اندهولي"ومشيت وسابتهم"
رزق:امك دي والله عجيبه ، بس طيبه
وهم وابتدي ان الصداع يروح:اه ، فعلا "و قالت باعتذار"انا اسفه ي رزق اني دخلتك هنا ، بس زي ما انت شايف ، دماغي تعباني و مش قادره حتي امشي
رزق بابتسامه:لا عادي , اهم حاجه تكوني كويسه ، و بصي مش انتي كنتي قولتي انك عايزه تبطلي سجاير
وهم:اه
رزق:خلاص ابتدي بطلي اليومين دول ، ومتمشيش ورا كلام حازم ، واشربي بس بكميه قليله ، لحد اما تلاقي نفسك بقيتي كويسه منها ، وتقدري يعدي عليكي يوم علي الاقل من غير ماتشربي ولا واحده
وهم بابتسامه تعب:تشكر ي رزق علي كلامك دا ، وسلملي علي العيال وعرفهم ان النهارده الساعه 10 هنبقي قدام سيتي ستار عند السينما، و عرفهم ان فرح نوال بكرا ، تمام
رزق:تمام ، بس انتي هتنزلي النهارده
وهم:اه
رزق:ليه؟؟ماتخدي اجازه من الشغل ومتنزليش النهارده و ارتاحي
وهم:ما انت عارف ي رزق مبحبش اعدة البيت ، فيالا بقا ع ف العيال بلي قولتلك عليه ، و روح الجراج و قول لهيما ان انت هتاخد الريس بتاعي
رزق:ريس اي ي بنتي ، وبعدين انتي عرفا اني كنت بهزر امبارح واني مش هاخد حاجه "طلع رزق المفتاح من جيبه و كمل:فخدي يالا "ومسك ايدها وحط في المفتاح:ومستنيك بليل
وهم وقفلت باصوبعها علي المفتاح:تمام
رزق:يالا سلام
وهم:سلام
ومشي رزق وكلمت وهم عماد "صاحب المحطه"وقالتله انها مش جايه عشان تعبانه وهو قدر تعابها وخصوصا ان وهم مبتغبش عن الشغل الا لظروف طارئه تخليها مش قادره وقفلت معا و رجعت راسها لوراء و نامت.....وبعد مرور كام ساعه صحتها مريم عشان تتغدي فقامت و راحت معاها علي السفره واعدة
ليلا:سلامتك ي وهم ، مالك كدا؟
وهم بابتسامه خفيفه:مفيش ، صداع بس و هيروح لحاله
ليلا و باست راسها وضامتها ليها:سلامتك ي عمري ، وان شاءالله الصداع هيروح
وهم:ان شاءالله
جاسر كان بيبصلهم و مبسوط ان ليلا و وهم قرايبين من بعض
مريم وبصتلهم بتاثر بس بتتريق فليلا استغربت وقالتلها:مالك ي مامي ، بتبصي كدا ليه؟
مريم بسخريه:تراني اتاثر ، و ايه ي بنتي الاوفر دا!!!انتي محسساني ان اختك بعد الشر هتموت ، دا صداع
جاسر وابتسم علي طريقه مريم و وهم ضحكة ضحكه خفيفه انا ليلا اضايقت وقالت:في اي ي مامي!!!يعني انا غلطت لما اطمن علي اُختي!!!
مريم:مش حكايه غلط ،بس انتي اوفر ي حبي
ليلا بضيق:ماشي ي مامي انا اوڤر ، سيبيني بقا اكل
جاسر:مريم مش وقت رخامتك علي الاكل ، مهو مش نخلص من وهم تتطعيلي انتي ، ارحمونا بقا
مريم بصتله برخامه و كملت اما وهم سابت الاكل ومشيت فكلهم استغربوا من تصرف وهم
مريم:جاسر قوم شوف وهم مالها ، لان شكلها اضايقت من كلامك
جاسر:ماشي
ليلا:اقوم ي مامي معا
مريم:لا خليكي
وقام جاسر و راح نحيه الجنينه لقي وهم واقفه وبتشرب سجاره ، وكانت بتشربها بنهم شديد ، كانها مصدقت لقت هواء تتنفسه ,, فقرب منها جاسر ولما وهم شافته رمت السجاره و داست علي رجليها وقالت:في حاجه ي بابا؟؟
جاسر واعد علي الارض و شد ايد وهم واعدها قصاده وقال:قومتي من علي الاكل ليه ي وهم؟
وهم:مفيش ي بابا ، بس مكنتش قادره اكل
جاسر:اضيقتي من كلامي؟
وهم بسخريه:لا عادي ، مانا واخده من تريقتك عليا
جاسر:ايه ي وهم ، مانتي عرفا اني بهزر
وهم:عرفا ي بابا ، بس متاخدش في بالك ، انا والله ما اضيقت من كلامك ، انا زي ماقولتلك اني مكنتش قادره اكل
جاسر:ماشي
وهم بابتسامه:وبمناسبه اعدتنا الحلوه دي ، هاتلي بقا سجاره من الي معاك
جاسر:هو مفيش احترام ليا
وهم:ليه بتقول كدا ي ولدي!!!!
جاسر:هتشربي سجاره قدامي ، دا انا اعده لحد 24 من عمري ، بشربها من ورا ابويا
وهم وهيا بتخبطه في كتفه بخفه وقالت بهزار: ي ولدي فكها ، وبعدين مش نا اشربها قدامك احسن من وراك ، وجهه نظر تحترم صح ،يالا بقا طلع ، لان بحب النوع بتاعك اووي ، بحسه فخيم اوي ، وبيضبطلي الجمجمه ، وانا جمجمتي زي ما انت عارف خرمانه ، فهات بقا
طلع جاسر علبه السجاير الفخيمه علي راي وهم و طلع منها سجاره و شدتها وهم من ايده وولعتها واخده نفس وقالت:احلي مسا عليك ي ولدي
جاسر ضحك وقال:حبيتي ي وهم ، بس متحلميش ان كل مره اديكي منها
وهم وبتطلع النفس:عرفا عرفا
وجت عليهم مريم و ليلا
مريم:الله الله ، يعني اعدين بتشربوا ، من غيري ، اه ي خونه
جاسر:طب اعدي ، وهتاخدي
واعدة ليلا و مريم علي الارض و شده مريم السجاره من وهم واخده نفس فوهم قالت بضيق:اي دا ي اتش دا ، مش شايفه انها في ايدي
مريم:لا ، وخدي ي ليلا
ليلا:لالا ي مامي ، انتي عرفا انا مبشربش
مريم:براحتك
جاسر وشد من مريم السجاره واخد اخر نفس كان فيها فطلع واحده كمان و ولعها واخد نفس فوهم شدتها من ايده وكانت لسه هتشرب لقت.........'''
"عند سيف في القسم"
كان سيف خلص شغل ، فاخد حاجته وقال يروح يطمن علي وهم يشوف ، ويشوف بالمره خلفت بالوعد ولالا,,,وقرب من الفيلا واتفتح باب الفيلا ليه و دخل ركن العربيه و نزل ولقي وهم و جاسر و مريم وليلا اعدين ع ارض في الجنيه فراح نحيتهم ولسه كان هيقول السلام لقي وهم بتحبط السجاره في بؤقها فكان لسه هيكلم لاقي مريم بتقوله وهيا بتشده يقعد جمبهم:ازيك ي سيف ، اعد اعد
واعد سيف علي الارض وهو عايز يولع في وهم و وهم ادته السجاره لي جاسر وقالت بارتباك:سيف ، اهلا سيف ، اخبارك سيف ، تصدق انت مكنتش علي لساني خالص ، بس تصدق
سيف ومسك ايدها وقال بجديه:ثواني ي جماعه ، عايز وهم في حاجه ، عن اذنك ي عمي ،عن اذنك ي مريم
جاسر:اتفضل
ومشي سيف وفي ايده وهم و وهم مشتدتش ايدها منه بالعكس كانت بتمشي معا وفي حالة برود كانت مسيطره عليها و ابتسامه عريضه علي وشها ولو حد شافها وهيا بالحاله دي هيقول عليها عندها خلل في عقلها ، واخدها سيف و دخلوا اوضه الخنافس و وقف وهم قدامه وقال بحده:هو دا الوعد ي وهم، هو دا الي مش هتشربي سجاير لحد الخطوبه
وهم وهيا لسه علي نفس الوضع من الابتسامه ومن البرود:والله ي سيف ، انا مقدرتش اعد من غيرها ، حتي اسال امي و ابويا كنت عامله ازاي ، فكنت حاسه اني لو مشربتش ، كنت ممكن انهار ، واعصابي تبوظ ، فاعذرني ، انا اسفه ي سيف
سيف:فكي الابتسامه الي علي وشك دي الاول ، واتكلمي عدل
وهم وشالت الابتسامه من علي وشها وقالت بصوت جاد شويه:انا اسفه ي سيف ، انا والله ما قدرت اعد من غيرها ، انت عارف انا بشرب في اليوم اكترمن واحده ، فطبيعي لما احس اوقف مره واحده اتعب ، بس والله والله ، اوعدك اني ابطلها ، بس كله براحه ، فانا اسفه تاني
سيف هدي من الحده الي عنده و قال بهدوء:ماشي ي وهم ، واتمني تنفذي وعدك
وهم:حاضر ، وانا اسفه تاني ي سيف
سيف وضمها ليه وقال بحنان:ماشي ، اسفك مقبول
وهم وجايه تقوم :خلاص بقا ي عم ، انت هتظيط فيها ولا اي ، ماتوسع ي عم "وقامت من حضنه"
سيف بضيق:تصدقي انك ، عيله
وهم:تشكر ، بس يالا بينا بقا نروحلهم ، زمانهم خلصوا سجارتين كمان ، وانا حتي مكملتش سجاره كامله
سيف:لا خلاص ، كفايه
وهم:لا عشان خطري ي سيف ، انا والله لسه مستجمتش ، لسه دماغي مصدعه و خرمانه علي الاخر
سيف:واحده بس
وهم:ماشي واحده
و خرجوا م الاوضه و راحوا عندهم وكانوا لسه قاعدين ، فوهم اعده وسيف جمبها ، وشدت السجاره من ايد مريم واخده نفس وادتها لسيف بس مشربش وقال:لا مش عايز
جاسر بسخريه:يعني هيا تشرب ، وانت لا ، اما احنا بقينا في زمن عجايب
وهم:ي ولدي فكك ، بس خدي ي ليلا ، جربي ، مش هتخسري حاجه يعني
ليلا:لا شكرا ، انا بسببها هخسر صحتي
وهم:اتحرقي ي قلبي
وادتها لجاسر اخد نفس. ومريم كذلك ، و عرضت وهم علي سيف تاني فاخد ، وكانت خلصت ، وطلعوا واحذه تانيه وتالته ، وفضلوا علي الحال لحد اما لاقوا ادم وليالي داخلين عليهم
مريم:ليالي ، ازيك
ليالي:انتم بتعملوا اي هنا؟
ادم:وبتشربوا اي كدا؟
وهم:سجاره ، تاخد ي عمو
مريم:اعدين بنسلي ، فاعدوا يالا
واعدة ليالي جمب ليلا و ادم جمب جاسر
ادم:مجتش ي سيف تتغدي ليه؟
سيف:انا قولت اعدي علي وهم قبل ما اجي ، بس لقتهم بيشدوني ، وانا لس هنا من الساعه 6 ، بس هيا الساعه كام الوقتي
ادم:9ونص
سيف و وهم و جاسر و ليلا ومريم كلهم قالوا في صوت واحد:ااايه!!!!!!!
ليالي:هو انتم هنا من بدري
مريم:من الساعه 5ونص
ادم:ياااه
وهم وقامت بسرعه وقالت وهيا داخله الفيلا:انا لازم امشي الوقتي حالا ، حالا
سيف و وقف هو كمان:راحه فين؟
وهم:العيال عندنا تجمع الساعه 10 ، فلازم اروحلهم الوقتي ، فهطلع البس بسرعه ،و راحه
جاسر:متتاخريش ي وهم
وهم بسربعه:ماشي
سيف:هاجي معاكي
وهم:ماشي ، ماشي ، بس راحا البس.......ودخلت الفيلا وطلعت اوضتها ولبست باستعجال و اخدة حاجتها المعتاده ، و نرلت لسيف بسرعه ، و سلموا علي الجميع و ركبوا العربيه وطلع بيها
وهم:ممكن تسرع شويه ، انا هتأخر ، ومش حمل عقاب تاني بالله عليك
سيف:متخفيش ، مش هنتاخر
و سرع سيف و دخل الجراج ركن العربيه و دخلوا و طلعوا و راحوا عند السنيما مكنش في الا رزق وعبدالرحمن و مني "خطبيته" و رضوي و كريم"اخوات" وكان حازم لس مجاش لا هو ولا منال
وهم اخدة نفس وقالت:الحمدالله ماتاخرتش ، حازم لسه مجاش
عبدالرحمن:طب سلمي الاول
وهم وقربت من كل واخد واخدة كف من كل واحد وقالت:اهلا ي شباب ، طب مش هعرفكم بسيف ، انتم عرفينه
كريم:طبعا ، ازيك ي حضره الضابط سيف
سيف:الحمدالله ، ازيك انت
كريم:تمام
رضوي:حد يكلم حازم دا فين
رزق:هكلمه
وهم:ماشي كلموا ، علي ما اجيب تذاكر
و راحت هيا وسيف عند بتاع التداكر وجابت التذاكر للعدد الي معاها وكان سيف هيدفع كالعاده بس وهم وقفته وهيا حاطه ايدها علي محفظته:والله العظيم ما انت دافع ، كفايه عزومه امبارح و مصاريف نوال ، الي انت مرضتش اني اجبلك فلوسها
بصلها بضيق و رجع محفظته و دفعت وهم وحابت التذاكر و راحت عليهم تاني ، لقت حازم جه هو و منال ، فراحت واقفه قدامه وقايله بصوت عالي نسبياً:تفتكروا ي جماعه ، اعاقب حازم ازاي ، مممم ، مش عرفا ، فكروا معايا
حازم:عربيتك علي ما جبتها من الميكانيكي وجبت منال اتاخرت
وهم بتفكير مصطتنع:مممم ، خلاص جتلي فكره
حازم:ايه هيا؟
وهم:تسحب عقاب بتاع السجاير ، والعربيه ي عم حلال عليك الاسبوع دا ، انا برضوا ميرضنيش صاحبي وحبيبي ، يتمرمرط
حازم:ماشي
سيف:يالا بينا ، السينما هتبدا
ودخلوا و اعدوا مع بعض في صف واحد ، سيف جمب وهم ، وجمب وهم حازم ومنال و رزق ، ورضوي جمب كريم ، وعبد الرحمن و مني
وهم بتصبله باستعطاف مصتنطع:يعني عليك ي رزق ، محدوف اخر واحد ، ومعكش حتي اخت تسليك ، والله صعوبت عليا ، انا هاجي اعذ جمب اسليك...وكانت هتقوم لقت سيف بيرجعها تاني وبيقول بحده:اخر مره تقومي
وهم:يووه ، طيب
رزق:خليكي ي وهم مكانك ، انا اهو كويس
وهم:ليك عندي ، ي رزق ، عروسه انما ايه قشطه
رزق و حازم:مين؟؟؟
منال بضيق ولوت بؤقها:وانت بتسال ليه ي سي حازم؟؟؟مش عجباك انا ولا مش عجباك
حازم:لا طبعا ي بت ، دا انتي الي في القلب ي بت ، حد يعيش من غير قلبه
منال وعضت شفايفها:ماشي
رزق:ها ي وهم ، مقولتيش مين
وهم:هبقا اقولك لما نخرج ،ويالا عشان الفيلم هيبدا اهوو
وبدا الفيلم وكان فيلم رعب وهما مكنوش يعرفوا بس اعدوا لحد اما جت حته العروسه الي في الفيلم خضتهم فكلمهم اتخضوا و وهم بردو وكل السينما كذلك ، اتخاضوا ، وبعد الخضه كلهم بصوا لوهم وقالوا:فيلم رعب ي وهم
وهم:حلو صح ، يالا بقا كملوا
سيف:هما ميعرفوش انو رعب
وهم:ههه لا ، ويالا بقا ركز ف الفيلم
واعدوا يتفرجوا بس معدتش حد فيهم بيتاثر ، سواء وهم او صحابها او السينما كلها ، حتي اي لقطه رعب يضحكوا ، وفي اخر الفيلم كانت بطله الفيلم كبرت فوهم قالت بصوت عالي:هيا كبرت؟
شخص ما كان اعد ورا وهم:شكلها كدا
وهم:هههه ، ماشي ، عقبال عيالها
سيف وحط ايده علي ايد وهم و ضغط عليها وقال بحده:اتلمي ي وهم
وهم:حاضر ، بس شيل ايدك بالله عليك
وشال ايده و خلص الفيلم وخرجوا م السينما و رضوي بتقول بضحك:وانا الي كنت هاقوم خلاص ، دا ولا اكننا كنا في فيلم كوميدي مش رعب خالص
كريم:ههه صراحة اه
وهم:يالا بقا نروح ناكل
ومشيوا و رزق جه وقف جمب وهم وقال:ها مين بقا العروسه؟
وهم وبعدت شويه وقالت:متقربش تاني ي رزق الكلب ، بدم تتنفخ من سيف
رزق:حاضر ، مين بقا العروسه؟
وهم:مش الوقتي ، لما ناعد هقولك
سيف:انتم بتتكلموا في اي؟
وهم:علي العروسه
سيف:عروسه مين؟
وهم:عروسه رزق المستقبليه ان شاءالله
سيف:وهيا مين؟
رزق وضحك:ولا اعرف ، اسال الست وهم
وهم:استنوا اما ناعد و اقولكم ، و ابعدوا عني بقا ، حرام عليكم ، مش كفايه عيونك ي سيف، حتي انت ي رزق
رزق:عيوني مالها!!!
وهم وكانت لسه هتقول فيها شعر لان عيون رزق زرقه بس سكتت عشان سيف ميتعصبش فقالت:بعدين
سيف بصوت واطي بحيث ميسمعوش الا وهم:اتلمي ي وهم ، مش كل شويه اقولك اتلمي
وهم:حاضر ، حاضر
و وصلوا منطقه المطاعم و اعدوا علي طرابيزتين لان الواحده مكفتهمش وقالت وهم:كل واحد يسال خطبيته عايزه اي ، عشان سيف و عبد الرحمن وكريم وحازم يقوموا يجيبوا الاكل ، لاني عايزه رزق في موضوع
سيف لوهم:تقعدي معا لوحدك لا
وهم: ي سيف مانا مش هينفع قدامكم ، عشان خطري ، وبعدين انت عارف ان رزق زي اخويا
سيف:زي ، مش اخوكي
وهم:عشان خطري ي سيف
سيف:ماشي ي وهم ، هتتطلبي اي
وهم:ماكدونالز ، وانت عارف طلبي في
سيف:ماشي
وقام سيف و عبد الرحمن و حازم و كريم يجيبوا الاكل
وهم:قوموا كدا ي بنات روحوا اعدوا بعيد ، عايزه رزق في موضوع
رضوي بفضول:موضوع اي؟
وهم برخامه:ملكيش دعوه ، و قومي يالا معاهم
رضوي قامت علي مضض و كانت عايزه تعرف الموضوع
رزق:العروسه مين بقا؟
وهم:رضوي
رزق:نعم ي ختي ، رضوي
وهم:اه رضوي ، ادب اخلاق جمال ، دا غير ان البنت بتحبك
رزق باستنكار:بتحبني!!!!
وهم:وطي صوتك ي جحش ، دول في الطرابيزه الي جمبنا
رزق:اصل كلامك غريب اوي ، هو اي الي بتحبني
وهم:يعني انت مش ملاحظ ي ابو عيون رزق انت
رزق:لا مش ملاحظ
وهم:كدددداب ي رزق ، انت ملاحظ ، وملاحظ جدا كمان ، بس عامل نفسك من بنها
رزق:بنها ولا قنا
وهم وتجهلت الشه الرخم:بصرة ، البت بتحبك ، وانا اخترتهالك عروسه ، لو مش عايز براحتك ، دا شي يرجعلك ، بس مترجعش تقول ي ندمي
رزق:خلاص ي وهم متتحمقيش اوي كدا ، بس اخوها فين؟
وهم بسعاده:يعني هتتقدملها
رزق:اه ، بس متنسيش ، لما اروح اتقدم ، هتيجي معايا
وهم بسعاده:طبعا ي ابو الرزووق ، و رضوي بت تستاهل ، وعشان انا عرفا كدا ، قولت اخليك تتقدم ، بدم يا عيني البت ، هتتخلل وهيا اعده بتكرش عليك كدا
رزق:بتكرش؟؟
وهم:اه بتكرش ، مع اني مش معترفه بالهبل دا ، بش اشطا بيس عادي
رزق:طيب اسكتي بقا عشان جاين علينا
وجابوا الاكل وضاموا الطرابيزات علي بعض ، ومن حظ رضوي ان رزق اعد جمبها فابتسمت ابتسامه بسيطه ولحظتها وهم الي كانت اعده قدامها
وهم:صحيح ي جماعه ، بكرا باذن الله ، فرح نوال ، وهيا عزماكم كلكم
عبدالرحمن و كريم ورضوي و مني:فين؟؟,,,مين نوال؟؟؟
رزق:كانت معانا في الفصل ، بس متعرفيهاش ي مني انتي و رضوي ، عشان كنتم اصغر مننا ، بس ممكن رضوي هيا الي تعرفها صح
رضوي:اصدك نوال بنت داده كريمه
رزق:هيا بعينها
رضوي:اااه عرفها طبعا ، وكنت بحبها جدا
رزق كان لسه هيرد لقي وهم بتقول:هيا فعلا تتحب ، فخلاص ي جماعه ، هستناكم بكرا في شارع(...) وراء مغسله الاصدقاء ، تمام ، وعايزين نعمل معاها احلي واجب ، ماشي ي رجاله
ردوا عليها بالموافقه و التمام وخلصوا اكل و قالت وهم:بقولكم اي ، ماتيجوا نكمل السهره في فيلتي
حازم:ماشي
كريم:عادي
عبدالرحمن:اشطا
رزق:طبعا اشطا ، و هو انا اصلا ورايا حاجه
و نزلوا الجراج و ركب عبدالرحمن في عربيته الصغيره البسيطه و معا مني "خطبيته" و كريم و رضوي ، وركب حازم و منال في عربيه وهم ، و رزق مع وهم و سيف ، واعده وهم ورا ورزق جمب سيف
وهم:سيف ، شغلنا اي حاجه بدل الملل دا
وشغلهم الكاست و كانت عليه اغاني اجنبي فوهم قامت طافيه و موصله فونها وشغلت مهرجان و ولعت سجاره و اخدة نفس وادتها لرزق اخد نفس و ادها لسيف فاخد نفس منها و ادها لوهم واخدة اخر نفس وكانت هطلع واحده كمان بس رزق قالها:كفايه كدا ، لانك اكيد هتشربي لما نروح
وهم:طيب
و وصلوا الفيلا و دخلوا ركنوا العربيات و نزلوا و دخلوا علي الجنينه اعدوا علي الكراسي البلاستيك و استاذنت وهم عشان تعرف امها و ابوها ان صحابها عندها ، و راحت عرفتهم وجابت ليلا معاهم و جابت الكوتشينا و ازازه فاضيه عشان يلعبوا
و اعده وهم علي الارض وقالت وهيا بتقعد ليلا جمبها:هتعملوا فيها ولاد ناس و تقعدوا علي الكراسي ، يبقي مع نفسكم ، و اروح اشوفلي صحاب غيركم احسن
كلهم:لا جاين
و اعدوا علي الارض و سيف طبعا جمب وهم و عملوا دايره كبيره وحطت وهم الكوتشينا قدامها والازازه:نلعب اي الاول صراحه ولا تحدي ، ولا كوتشينا
كلهم:صراحه وتحدي
سيف:العبوا انتم انا هتفرج
وهم:ليه ي سيڤو؟؟ماتلعب معانا بقا
ليلا:اه العب معانا
حازم:مش لاعبين الا معاك
سيف وضحك ضحكه خفيفه:ماشي ، ماشي
وحطت وهم الازازه و دورتها وجت علي رزق و رضوي و رضوي الي هتسال:صراحه ولا تحدي
رزق:صراحه
وهم وصفرت:ايون بقا ي رزوق ، احبك وانت صريح
سيف:وهممم
وهم:سوري ، سوري ، اسالي ي رضوي
رضوي:مين هيا فتاه احلامك؟ومتنساش انت قولت هتجاوب بصراحه
رزق بضحكه خفيفه وقال:مممم ، جسمها حلو ، قصيره ، عيونها خضرا ، بيضا ، و شعرها سايح وناعم ، م الاخر تكون صارووخ
رضوي بضيق:بطل ضحك ، واتكلم جد
رزق:متاكده انك عايزه الصراحه
رضوي بتصميم:اه متاكده
كريم:جرا اي ي جدعان ، ماتخلصوا
و وقف رزق و راح قدام كريم وقال:تقبل تجوزني اختك ي عمي؟
طبعا كلهم انصدموا من اعتراف رزق و اكتر واحده رضوي الي كانت مكسوفه جدا و فاقوا علي تصقيف وهم وتصفيرها وهيا بتقول بسعاده:ايون بقا ي رزووووق ، اموت فيك وانت صريح و راجل
وسقفوا كلهم و رضوي عنيها دمعت من الفرحه ، و وقامت وهم ومسكت رضوي و وقفتها و قربت من كريم و رزق و سندت بدراعها علي كتف كريم:طبعا ي كيمو ، انت معندكش اعتراض ، دا انت مفروض تفرح ، ان الو عيون زُرق اتقدم لام عيون عسلي ، فيالا سمعني موافقتك الجميله دي ، وتحدد معاد الوقتي ، عشان يجي رزق باهله ويتقدملها
كريم:مستنيك يوم الخميس الساعه 7 ، هتتااخر عن كدا ، اعتبر نفسك مرفوض
رزق:تمام ي عمي
وصفروا كلهم وساقفوا جامد ، الا سيف الي كان ابتسم ابتسامه خفيفه ، و قربت منه وهم وقالت وهيا سنده علي كتفه:والله انا فرحنالهم اوي ، و رضوي بنت حلال ، و رزق بردو ، ربنا يوفقهم ، عقبالك ي...وسكتت بسرعه وبصلها سيف باستغراب:عقبال مين
ي وهم!!!!
وهم:سوري والله ، لغبطت ، وكمان انسجمت في الموضوع ، فسوري سوري
سيف:ماشي ، بس ابعدي دراعاتك دي بقا ، انا مش عمود نور عشان تسندي عليه
وهم:ماشي "وبعدت كتفها وقالت بصوت عالي:خلاص ي جماعه ، يالا بقا نكمل لعب ، اظن سقفنا و زعرطنا وعملنا كل حاجه ، فالوقتي نكمل لعب بقا
واعدوا تاني و المرادي وهم اعده جمب رزق و رضوي و قربت من رضوي وقالت:خلاص ي بت بقا ، هتعملي فيها مكسوفه ومتفاجاه ، مانا عرفا كل حاجه
رضوي:بس بقا ي وهم ، انا في نص هدومي والله
وهم:ههه ماشي ، وعامة انا اعده مابينك وبين حبيب القلب ، عشان لو عوزتي توصلي رساله كدا ولا كدا ، اقولها انا
رضوي وخبطتها ف كتفها خبطه خفيفه:بس بقا
وهم:هههه طيب ، طيب
ومسكت وهم الازازه تاني ولفتها وجت علي وهم و سيف
وهم:صراحه ولا تحدي
سيف:تحدي
وهم:اعمل حاجه متخطرش علي البال
سيف وقام و قرب من وهم و وقفها فوهم قالت:اايه!!!!
وقرب منها سيف وادها قبله بسيطه وبعد و كله سقف وقال رزق:الله يسهلو هههه
وهم بقا كانت محرجه جدا ومصدومه ومش عرفا تعمل اي بس استجمعت قوتها وقالت بحده تامه مفيهاش اي نبره هزار:اي دا ي سيف ، الي عملته دا!!! انا لما قولت مجنونه كنت بهزر وكنت عرفا انك هتقولي لا مش عامل ، وبمناسبه اي تقرب مني كدا وتبوسني ، انت عارف اني بضايق ، مبحبش تعدي الحدود الاوفر ، انت مش جوزي عشان تعمل كدا ، اخر مره سيف تعمل كدا ، اخر مره ، لان حرام ، كفايه الذنوب الي عليا ، متجيش انت بقا وتزود عليا ، و زي ما قولت اخر مره ي سيف تعمل كدا ، اخر مره "و وجهت كلامها لصاحبها الي اعدين مصدمين من رده فعلها:عن اذنكم ي جماعه ، البيت بيتكم
ومشيت وسابتهم وطلعت اوضتها و محروق دمها من الي عمله سيف ، هيا اه مجنونه ومش متدينه ، بس ليها حدود مبتحبش حد يتعدها ، فغسلت وشها جامد و طلعت سجاره تشربها تتطلع غضبها فيها ، بدم ما تعمل ردود افعال تعملها مشاكل كتيره بسببها.....,,,سيف اول ما وهم طلعت اخد بعضه ومشي ، وصحابها ليلا اعتذرت منهم و مشيوا وهما مصدومين من رده فعل وهم ، و برغم من صدمتهم الا انهم كانوا مبسوطين ان وهم عملت كدا ، وانها حاطه حدود في معاملتها مع سيف ، وفي الي خلاص عدي الموضوع ، والي دعلها ان ربنا يهديها اكتر واكتر.....وصل سيف الفيلا ولقي ليالي اعده مستنيا ولما شافته مضايق قربت منه وقالت:مالك ي سيف؟
سيف:مفيش
ليالي:سيف ، قولي مالك ، انت مبتعرفش تخبي ضيقتك ولا غضبك ، وخصوصا عليا
سيف:الحكايه
ليالي:نقعد الاول
واعدوا علي اول كنبه قابلتهم وقالت:احكي
اتنهد سيف وحكلها الي حصل فليالي ابتسمت وقالت:ربنا يبارك فيكي ي وهم ، هيا عندها حق ي سيف ، وانت عارف كدا بس بتكابر ، عشان مبتحبش تتطلع نفسك غلطان ، وعلفكره انت مفروض تفرح انها عملت كدا ، وتعرف فعلا ان وراك بنت بميه راجل ومحترمه ، انا عرفا ان تربيه مريم غلط ، بس فيها حاجات صح ، انها علي الاقل علمتهم الحدود الي لازم تتحط ، واحده غيرها وهتقول ، و اي يعني ، انت ابن خالتها وفي يوم م الايام هتبقي جوزي ، فايه يعني لما تبوسني
سيف:طب اصلح الي عملته دا ازاي الوقتي؟
ليالي:سهله جدا ، تروح تاني يوم وتعرفها انك غلطت ، وبس
سيف:ماشي ، بس انا فعلا مكنتش اتخيل ان وهم يطلع منها كدا ، انا قولت هترخم ، او تهزر ، بس مكنتش اتخيل ان يطلع منها رده فعل تانيه غير الي ف بالي
ليالي:دا عشان انت ابن حلال ي سيف ، وانا طول عمري اقول ان وهم دي اجدع بنت ، بغض النظر عن تصرفتها
سيف:عندك حق ، انا هصالحها بكرا ، بس بطريقتي
ليالي:وي تري اي هيا الطريقه ي برنس اليالي
سيف:برنس اليالي ، ناقص تقولي حمرا وتقلبي ع رقاصه ، وبعدين ي امي ، مالك قلبتي كدا!!! هيا وهم اثرت ولا اي؟؟؟
ضحكه ليالي ضحكه حلاتها اكتر وبرغم من الشعيرات البيضا الخفيفه الي في شعرها الا ان الي يشوفها يقول انها لسه صغيره متعديش سن التلاتينات شكلها كدا ي سيڤو هههه
سيف:النهارده كان رزق بيتقدم لرضوي بس طريقه مجنونه ، فوهم لقتها جايه تقولي "عقبالك ي سيڤو"بجد البت دي هتجنني ، اخر مره شوفتها بتتعامل برقه ولا حتي لابسه صندل بناتي ، ولا مره ، طب سيبك م اللبس و التفاهات دي ، اخر مره حسستني انها بنت ، يجي من 23سنه كدا ، وفجاه لقتها قلبت
ليالي:ههه مهي جايبه م مريم ، واصلا مريم كانت عاوزاها كدا ، عشان تتطلع بميه راجل ، يعتمد عليها
سيف:وهو عشان تبقي راجل ، تمسك مطواه ، وتبات كل ليله في حجز شكل ، و تلبس هلاهيل
ليالي:ههه هيا بتحب كدا ، بس مهما ان كان ، وهم بتحبك ، وبتسمع كلامك ، اكتر حتي من جاسر ، الي تحسه صاحبها مش اخوها
سيف بضحك:فعلا ، وعامة ي امي تصحبي علي خير "و وقف و باس راسها و قال:وابقي سلميلي علي ادم بيه ، علي ما اشوفه بكرا علي الفطار
ليالي:ماشي
ومشي سيف وطلع اوضته وغير ومدد علي السرير حاول ينام معرفش ، لانه متاكد ان اكيد وهم الوقتي متعصبه ، وعارف انها عتطلع عصبيتها في السجاير ، او اللعب ع الاجهزه الرياضيه ، و دا غلط ، فقام و فتح البلكونه واعد علي الكرسي وطلع سجاره واخد نفس كبير منها وطلعه ، وجاب التيلفون و اتصل علي ليلا و ردت وقالت:الوو
سيف:وهم ، بتعمل اي الوقتي؟
ليلا بياس:بتشرب سجاير ، وخلصت علبه كامله وهيا اعده ، وعامله احاول معاها تسيبها ، فاتعصبت عليا و نزلت اوضه الخنافس عامله تتدرب جامد ، ومش عرفا اعمل اي
سيف:حاولي توقفيها ، ي ليلا ، علي ما اصلحها
ليلا بنفس نبره صوتها:حاضر "وسمعت صوت من اوضه الخنافس صوت اكن حاجه اتكسرت فقالت:سيف ، هكلمك بعدين ، سلام ، سلام
وقفلت بسرعه وسابت سيف قلقان و كان بيفكر يلبس و يروحلها بس تراجع عن الفكره وقال ان هيمر دقايق ويكلم ليلا عشان يطمن عاي وهم ويعرف ليه قفلت بسرعه كدا.....!!!!
"في الاوضه"
وهم بعصبيه:يقرررررب مني!!!!بمناسبه ااااي؟؟؟جوزي؟لا!!!طب طالما لا يقرررب ليه؟؟؟انا مبحبش حد يتعدي حدوده معايا,,,مبحبش التطاول,,,يمكن تصرفاتي مش صح دايما ، بس مبعملش علي الاقل حاجه عليها ذنب كبير ,,, عرفا ان السجاير حرام واني اكلم شباب ، بس انا حاضر هبطل السجايررر بس براحه ، بس الشباب دول اعرفهم من الدراسه ، واقسم بالله بحط حدود معاهم وعمر ماحد فيهم تتطاول او انا حتي ,,,يقوم يجي سيف ويعمل حاجه زباله شبه,,,محرووق دمي,,,ي ليلا ,,,هولع,,,,مبحبش التطاول,,,مبحبش القذاره,,, اولع انا صح,,,,ليلا ،كلميلي سيف الوقتي حالا يجي ، الووووقتي
ليلا:يجي فين ، الساعه داخله علي3الفجر
وهم بعصبيه:اومال اولع، انا ، هو انا عديت الموضىع ازاي كدا ، انا المفرووض كنت اديله بوكسين يخلوا يحرم يجي جمبي ، صح ، اقلك انا رايحاله الوقتي ادهلمله....وكانت لسه هتقوم لقت فجاه نفسها ضاق فاعده تاني وقربت منها ليلا وقالت:اهدي ، اهدي بالله عليكي ، انتي بتاذي نفسك...واعدة تهدي فيها وكانت هتروح تصحب مريم وجاسر بس تراجعت عن الفكره و راحت تجيب ازازه مايه وحطتهم علي وش وهم و جابت مروحه وشغلتها و قربتها من وهم وقالت وهيا بتحط ايدها علي راسها و بتمررها:اهدي ، اهدي ، خدي نفسك براحه ، دي كلها اوهام
وهدت وهم و بعد مرور وقت مش كتير قالت بصوت ضعيف:ليلا
ليلا:عيون ليلا
وهم:خديني الجنينه ، عايزه اروح
ليلا:ماشي
واخدتها و اعدوا علي الكراسي الي برا ، بس وهم قامت و فردت جسمها علي الارض ولقت ركس "الكلب بتاعها"بيهوهو جامد
وهم باستغراب:ماله دا ، بيهوهو ليه كدا!!!
ليلا:تعالي نشوف ، يمكن جعان ولا حاجه
وهم و وقفت ونضفت هدومها:ماشي
و راحو عنده و قربت منه وثنة ركبتها وقالت وهيا حاطه ايدها علي راسه:مالك ي ركس ، جعان
وفضل زي ماهو يهوهو جامد وبيشد راسه من السلسه ، فوهم فكت السلسله ولسه جايه تمسكه طلع يجري فليلا وقعت من الخضه فراحت وهم بسرعه وراء ولقت......
"الفصل القادم"

بارت طويل
70 comments
50 vote
هنزل بارت تانى لو الشرط اكتمل