يوميات وهم وسيف

4

يوميات سيف و وهم "مسجونتي ج2"

الفصل الرابع

"في عربيه سيف"
كانوا قربوا يوصلوا بس وهم وقفته وهيا بتقول بصوت عالي لدرجه انها خضت سيف:وقف ، وقف
وداس سيف ع الفرامل بسرعه ونزلت وهم م العربيه بسرعه وسيف راح يركن العربيه ف اي حته و ركنها وعايز يروح لوهم بسرعه عشان يشوف هيا وقفته فجاه كدا ليه....و راح سيف لقي وهم كانت واقفه مع بنت و باين ع البنت دي انها كانت بتعيط وماسكه ورقه صغيره في ايدها وباين انها مهمه اوي كدا لانها ماسكه جامد و دموعها ع خدها   فقرب سيف و وهم كانت بتقولها:خلاص ي نوال ، بطلي عياط
سيف باستغراب:في اي؟
وهم وبصتله وهيا اخده نوال ف حضنها:هبقا اقولك بعدين "و وجهت كلامها لنوال وهيا بتقول بجديه تامه ومعني ان وهم تتكلم كدا يبقي ممنوع الاعتراض بعد كدا:نوال ، انتي هتركبي معايا الوقتي ، و هنروح ندفع دلوقتي كل الفلوس الي عليكي  ، وقسما عظما ي نوال لو اعترضتي هسيبك و معنتش هكلمك تاني ، فيالا قدامي "و وجهت وهم كلامها لسيف:يالا ي سيف ، هنروح كام مشوار كدا ، وبعد كدا هنروح نوال
ومشيوا لعربيه سيف ،
"نوال بنت داداه كانت عند وهم ف مدرستها الثانويه و كانت معاها في الفصل ، اه مهي وهم داخلت الثانويه بس في مدرسه حكومي ، انما ليلا لا مرحتش معاها ، و نوال مخطوبه و فرحها بعد يومين  وكان عليها فلوس لجهازها مع انها كانت متقفا مع الناس انها هتقسط لكن هما اتزنقوا وكانوا عايزين الفلوس ولو هيا مدفعتش خلال اليومين هيحبسوها "
و راحوا لاول محل ونزلوا كلهم م العربيه و دخلوا وسالوا ع صاحب المحل ودخلولوا المكتب
صاحب المحل "عبدالله":منورنين ، اتفضلوا
واعدوا ولس وهم هتتكلم لقت سيف بيقول:حسابك كام ي حاج؟
عبدالله:الحساب مع انسه نوال ، اتفضل شوفه
ومدت نوال ايدها بالورقه لسيف واخده وعرف المبلغ وطلع شيك وكتب فيه المبلغ و وقف وقال:اتفضل ي حاج و روح استلم المبلغ بكرا م البنك ، بس عايزين الوصل وكدا يبقي تمام
عبدالله:تمام ي بني ، ثواني
وفتح الخزنه وطلع منه الوصل واخده سيف و اداله الشيك
سيف:يالا بينا
وهم:تشكر ي حاج
عبدالله بابتسامه مجامله:العفو ، ونورتونا ، وابقي زورينا ي نوال
نوال:ان شاءالله ي حاج ، سلام عليكم
عبدالله:وعليكم
وخرجوا م المكتب و ركبوا العربيه و راحوا ع باقي اصحاب المحلات ودفع سيف كل دا ، وخلصوا كل دا و ركبوا العربيه و وصلوا قدام بيت نوال ونزلت وهم معاها عشان تسلم عليها وتتطمن انها طبعت البيت
وهم:اول ماتتطلعي البيت رنيلي
نوال:حاضر ، بس بجد مش عرفا اردلك جميلك دا ازاي؟؟بجد انتي اجدع واحسن صاحبه ، لا مش صاحبه اخت ، بجد ربنا يوفقك و يفك اي كرب تمري بي "وحضنتها"
وهم وعنيها دمعت وخبطتها في ظهرها خبطه خفيفه:خلاص ي بت ، هدمع والله بسببك ، وبعدين انتي بتشكريني ع اي!!انتي اختي ي بت قبل ماتكوني صحبتي ، يعني المفروض ابقي معاكي علي الحلوه والمره ، و قومي يالا م حضني كدا ، انا تعبت
وقامت نوال م حضنها ومسحت وهم دمعتها بايدها فنوال قالتلها بابتسامه حب لي وهم:هستناكي ف الفرح ، ومتنسيش صحابنا لو لسه بتكلمي حد منهم يعني
وهم وافتكرت العزومه وخبطت مقدمه  راسها بايدها وقالت وهيا هتمشي:يخربيت كدا!! انا شكلي نسيت العزومه ، بصي اطلعي وانا مش هعرف استناكي ، لاني لو استنيت هتنفخ ، فسلام سلام
ومشيت بسرعه وسبت نوال تنضحك علي طريقها المضحكه وطلعت البيت ولقت مامتها مستنيها و اول ماشافتها قامت بسرعه وحضتنها:خوفتيني عليكي ي نوال ، كنتِ فين ي بنتي كل دا؟
نوال شالتها من حضنها واعدتها علي الكنبه وقالت:هقولك ، انا لما اصحاب المحلات كلموني عشان ادفع الفلوس الي عليا و قولتلهم اني مش معايا قالولي انتي لو مدفعتيش في خلال يومين هناخد الحاجات بتاعتنا ، انا انصدمت منهم ، لانهم كلهم اترجعوا في كلامهم معانا ، بس مش مهم ، والحمدالله دفعت الفلوس
كريمه:دفعتيهم!!دفعتيهم ازاي ي بنتي؟
نوال وهيا بتخلع الطرحه: مانا هقولك اهو، فكرا وهم ي ماما
كريمه وابتسمت م مجرد ذكراسم وهم ، لانها بتعتبرها زي بنتها ، وعمر ما وهم تكبرت عليها ، بالعكس كانت بتعتبرها زي امها ، لدرجه ان وهم لو عملت حاحه غلط ايام دراستها كانت "كريمه" بتعقبها:اه ي بنتي ، بس اوعي تقولي انها هيا الي دفعت الفلوس؟
نوال بتاكد علي كلامها:لا هيا ي امي ، وانا ماشيه في الشارع مكنتش حاسه بنفسي وكنت بعيط لاني كنت خلاص هنهي كل حاجه مع عبدالرحمن ، لاني معيش فلوس ادفع ، فكنت خلاص هنهي ، بس ربك ي امي مبينساش عبده ، وبعتلي وهم تخرجني من زنقتي دي ، مع اني في الاول مكنتش راضيه انها تتدفعلي ،بس انتي عرفا وهم ، اما بتصر حاجه لازم تعملها
كريمه مبهوره بوهم وقالت:البنت دي طول عمري اقول عليها جدعه ، سيبك من انها طايشه و عامله فيها ولد ، بس هيا طيبه الدنيا فيها ، وربنا يحفظها لاهلها ، بس انتي عزمتيها في الفرح صح؟
نوال:طبعا ي امي
كريمه:ماشي ي بنتي ، ابقي فكريني اشكرها علي الي عملته ، وبالمره اعد معاها شويه ، لانها وحشتني اوي بنت الايه دي
نوال:ماشي ي امي ، وانا رايحه الحمام اخد دوش ، واكلم عبدالرحمن اطمن عليه ، وانام
كريمه:مش هتتعشي؟
نوال:لا مش قادره والله ي امي
كريمه:ماشي ي بنتي
نوال:تصبحي علي خير
كريمه:وانتي من اهل الخير ي بنتي
"في عربيه سيف"
وهم ركبت العربيه بسرعه وقالت بسربعه:بسرعه ي سيف ، اطلع ، اطلع
سيف:ليه في اي؟مالك مستعجله كدا لي؟
وهم:العيال ي سيف ، تلاقيهم مستنيني في الشارع ، عشان اتاخرت ، وهينفخوني ، فبالله عليك ي سيف اطلع بالعربيه وامشي ع اقصي سرعه ، ان شاءالله نلبس ، بس نوصل بسرعه
وطلع سيف بالعربيه وسرع العربيه و في خلال دقايق كانوا وصلوا المكان ودا من حسن حظ وهم ، لان الدنيا مكنتش زحمه و نزلت وهم بسرعه و راح سيف يركن العربيه ويحصلها
ودخلت مكان المطعم لقت صحابها كلهم مستنينها والشرر بيطلع من عيونهم ،  واول ماشافوها اخدوها علي جنب ولزوقوها في الحيطه وقال رزق بغضب:بقا دا ي وهم الي العشاء؟
وهم بخوف منهم لانهم متعودين اما حد فيهم يتاخر ينضرب عادي حتي لو بنت قالت ببراءه مصطتنعه و ابتسامه عريضه علي وشها:سوري!!!
محمود بنفس غضب رزق:هو دا ي وهم ،المواعيد البدري
وهم بنفس البراءه المصطتنعه والابتسامه الي من كتر اما هيا عريضه خلت عنيها نصها تتقفل:اسفه تاني
حازم ومسكها من ياقه قميصها:والله ي وهم ، انا ماسك نفسي ي وهم ، عشان مش عايز اذيكي لاني بعتبرك زي اختي
وهم:تشكر اقسم بالله
حازم:بس دا مينمنعش انك لازم تاخدي جزاك ، بس بطريقه تانيه
وهم باستغراب:وهيا اي؟
منال"خطيبه حازم":خلاص ي حازم ، هيا اكيد ليها عذرها
حازم وبصلها و هو لسه ماسك ياقه قميص وهم:واشمعنا لما المره الي فاتت اتاخرت ، محدش عذرني ، واخدت بوكس من وهم ورملي وشي يومين "و وجهه كلامه لوهم تاني وقال بصرامه:وهم ، ايدك علي علبه السجاير الي معاكي ، وهتعدي اسبوع كامل مفيش سجاره علي بوقك ، ولو خلفتي كلامي ، هطلت سيدهاتك الي معايا
وهم وبرقت بعنيها جامد:اسبوع!!!!!
حازم:ايون اسبوع ، ويالا ايدك علي السجاير ، وكمان مفتاح العربيه بتاعتك ، هاخدها اسبوع
وهم:كمان!!!!
حازم؛ايون وكلمه زياده ، هقول سيدهاتك
وهم بهزار عشان تتوهه الموضوع:من عيوني ي حازم ،اتفضل ي حبيب قلبي "وطلعت مفتاح الريس و علبه السجاير"اتفضل ، والعربيه استلامها بكرا من الميكانيكي ، بس ابوس ايدك ي شيخ حافظ علي العربيه ، انت و رزق ماشي
حازم وبياخد منها المفتاح ويديه لرزق:خد ي رزق المفتاح دا ، وخده اسبوع ليك ، والعربيه ليا ،عشان منال مش هتعرف تركب ورايا في ، فخلي الريس ليك
رزق:حبيبي ي زومي
وهم:ممكن تسبني بقا ، وسيف جاي و لو شافك مقرب كدا مني انت و رزق هيقلبها مدبحه
حازم:ماشي...وبعد حازم هو رزق عنها وقربت منها منال وقالت:عليه العوض ومنه العوض ، والله ي وهم صعبتي عليا ، بس تستاهلي ، ياما قولتلك لما حد يتاخر عدي الموضوع بدم يتردلك ، وانتي تقولي بكل ثقه انا عمري ما اتاخر ، واديكي اتاخرتي وعقابك افظع من الضرب ذات نفسه
وهم بتتحسر علي العربيه بتاعتها والريس بتاعها:منكم لله "و وجهت كلامها لرزق:متنساش ي رزق تعدي عليا بكرا ،عشان تاخد الريس
رزق:من عيوني...و قرب منهم سيف وسلم علي حازم و منال و وهم عرفته برزق اكتر وحس سيف انو شخصيه كويسه بحكم انو ضابط وبعدها قال:مالكم واقفين كدا ليه ي جماعه؟
منال:مفيش ي استاذ سيف ، احنا بس كنا مستين حضرتك
سيف:طب يالا بينا
و دخلوا جوه المطعم وطلبت وهم الل وكانت كل شويه تبص لحازم و رزق بشر وكانو بيبصولها بنظره شماته و قطع نظرتهم لبعض وسيف بيقول:صحيح ي حازم اخبار شغلك اي؟
حازم:تمام الحمدالله
سيف:كويس
وهم:صحيح ي جماعه ، فرح نوال كم...
وقطع كلامها و رزق و حازم ومنال بيقولوا:نوال مين؟
وهم بتاكد علي كلامها:نوال ، نوال ، بنت داداه كريمه ، ايه مش فكرينها يعني؟الي كانت دايما تتطلع الاول ع الفصل ، وفي 3 ثانوي طلعت التانيه علي الجمهوريه
منال:مفتكرهاش
حازم:ااه ، نوال ، افتكرتها ، مالها بقا؟
منال:ايون بس مين دي؟
وهم:دي مش هتفتكريها اصلا ي منال ، لانها قدنا ، وانتي كنتي ساعتها ف اعداديه ، فمش هتفتكريها ، و عامة ي جماعه ، هيا فرحها بعد يومين ، و عزما كل صحابنا ، وطبعا لازم نعمل معاها احلي واجب
رزق:طبعا
حازم:اكيد
منال:ان شاءالله
سيف:و الفرح دا فين؟
وهم باستغراب لان سيف عمره ما جه معاها اي خطوبه او فرح من الي بتروحهم لانه ملوش فيهم و ميعرفش حد فيهم والاهم من كدا مبيحبش الازعاج و الدوشه:انت جاي؟؟؟؟
سيف:مش عارف لسه ، بس ف الغالب اه
وهم:ماشي ، والفرح في في شارع(...)وراء المغسله ، و اصلا هم في الشارع ، يعني اول ماتدخل الشارع اسال ع فرح عبد الرحمن و نوال ، هيدلوك بعون الله
سيف:تمام
رزق:يالا ي جماعه ، الا كل جه اهو....واتحط الاكل و خلصوا و دفع سيف الحساب الي كان مفروض وهم الي تدفعه بس سيف مرضاش و خرجوا م المطعم و راحوا عند الحسين و اعدوا و طلبوا.....
منال:مانجه
سيف:شاي
حازم:شاي
رزق:لا شكرا مش عايز
وهم:شيشه تفاح
كلهم بصولها لان كلهم طلبوا مشروبات الا هيا الوحيده الي طلبت شيشيه فسيف قال للصبي:لا ، خليها عصير رمُان ، وسك ع الشيشه
صبي:حاضر ، اي اوامر تانيه
كانت وهم هتعرض بس ملحقتش لان سيف قال:لا شكرا
ومشي الصبي
وهم:لا والله ، انتم هتطلوبي ع مزاجكم
سيف:مش انا قولتلك ممنوع شيشه
حازم:واتفقنا مع بعض مفيش سجاير لمده اسبوع
وهم:اديك قولت سجاير مش شيشه ، و الشيشه انا بحبها ،لي تمنعني عنها ي سيف
سيف:مفيش بنت تشرب شيشه
وهم:مانا ياما شربتها معاك ، ومكنتش بتعترض
سيف:دا بمزاجي ، ومش كل مره هسيبك تشربيها
وهم قالت بضيق:اوووف. بقا ، طب قول حاجه ي رزق
رزق:مليش دعوه
وهم:طب انتي ي منال
منال:بلاش النهارده ي وهم ، و ابقي اشربي بعدين حتي
وهم:يووه ، طبعا انت ي حازم مش هترجاك لانك معترض م قبل ما اكلم اصلا
حازم:ايوه شاطره
سيف:اتفاق اي؟الي مابينكم!!!
حازم:احنا متفقين ان الي يتاخر في العزومه يضرب ، فانا صراحة مش هضرب وهم ، مع اني كان مفروض اخد حقي مكان البوكس الي ادهولي ، وبسببها اعده يومين وشي وارم ، بس عامة يعني انا اخدت منها مفتاح عربيتها ، و رزق مفتاح الريس ، دا غير اني منعتها م السجاير لمده اسبوع او اي دخان
سيف:وانتي ي وهم هتقدري تقعدي م غير سجاير اسبوع
وهم:ها ، مش عرفا ، ربنا يستر بقا....وجت المشروبات و شربوا وخرجوا م الحسين و سلموا علي بعض و اتفقت وهم مع رزق انو يجي ياخد الريس بكرا م الفيلا
"قدام عربيه سيف"
وهم:سيف
سيف:نعم
وهم:هو ممكن ، ممكن يعني ، اسوق العربيه بتاعتك "وابتسمت ابتسامتها العريضه المعتاده"
سيف:لو قولت لا
وهم:هقولك براحتك ، و تشكر ، بس برضوا هبقي زعلانه منك
سيف:ولو قولت اه
وهم:هعمل اي حاجه انت عايزها
سيف:هتتمنعي م السجاير او اي دخان لحد الخطوبه
وهم:ااايه!!!!سيف انت كدا هتتعبني دا لس اسبوعين ، يعني انا هاعد اسبوع بتاع حازم ، و اسبوع كمان بتاعك ، دا انا ممكن اتعب
سيف ببرود:انا قولت الي عندي ، لو مش عجبك اتفضلي اركبي و اروحك ، ومش هتسوقي عربيتي
وهم:اووف ، طيب خلاص هحاول ، و ربنا يستر ، ويالا اديك ع المفتاح
و ادها سيف المفتاح و ركبوا وقبل ما تتدور وهم
سيف قالها:العربيه ماتزدش عن 60
وهم:ههه طبعا ي قلبي ، بس ي ريت تربط الحزام
و قبل ما سيف يرد كانت وهم طلعت بالعربيه واعده تزود وتزود
وسيف جانبها قلقان ، ومش قلقان عليها هيا ولا عليه ،هوقلقان ع العربيه لانها لسه جديده فقال بحده:هدي ي وهم ، هنخبط
وهم:لا متخفش ، اعتمد ع الله ثم عليه ، بس مش اوي عليا لان انا ذات نفسي مش ضامنه نفسي ، ويالا بقا نشغل اغنيه حلوه كدا "وشغلت اغنيه وبحب الناس الرايقه" وتغني وهيا بتسوق و سيف قلقان جدا ، و الحمدالله وصلوا بالسلامه بس اول ما وهم وقفت قدام فيلتها عشان تنزل فرملت جامد لدرجه ان حصل احتكاك جامد بالارض
فسيف قال بعصبيه:انزلي ي وهم ، انزلي
وهم ببرود:اشطا ي بيبي ، يالا تصبح ع خير
ونزلت وهم م العربيه ودخلت البوابه وسيف دور العربيه وطلع بيها و وهم اول ماشافته طلع دخلت الفيلا و لقت ليلا مستنيها
ليلا:اهلا ، كنتي فين كل دا ي بنتي؟
وهم:مع سيف والشباب صحابنا
ليلا:طب يالا ، لاني هموت وانام
وهم:يالا ، بس استني
ليلا بنعاس:ايه؟
وهم وقربت منها اووي وفكت الكحكه الي بتعملها لقدام زي مريم ، اه مهي مريم علمتهم يعملوها ، لانها اولا بتريحهم وهم نايمين ، ثانيا بتفرد الشعر وبتخلي ناعم ، و ضبطت وهم لي ليلا الكحكه وقالت:يالا بينا
وطلعوا اوضهم و اخدة وهم دوش ولبست بيجامتها وعملت الكحكه وجت تنام بس معرفتش ، كان في صداع هيموتها ، لانها بقالها مده مشربتش سجاير ، ودا بيتعبها لانها متعوده تشرب كل حبه سجارتين او خرجت من اوضتها و نزلت السلم و دخلت المطبخ ، وطلعت الكنكه وحطت المايه والقهوه فيها وحطتها ع النار ، و فضلت مسكه راسها جامد  ، وخلصت القهوه وطلعت فنجان وحطت في القهوه ، و اعده ع طرابيزه المطبخ و اعده تشربها يمكن الوجع يروح ، بس مفيش نتيجه ، و شربت فنجان كمان بس مفيش نتيجه ، فعملت شاي مكان القهوه ، و مفيش فايده ، ف راحت اوضه الخنافس تلعب شويه ، يمكن الوجع يروح ، بس بردو لس وكل اما الوجع يزيد تتدرب اكتر ، وكانت عايزه تتضعف و تاخد سجاره من الي حطاهم في الاوضه ، بس وهم يستحيل تخلف بوعدها وخصوصا لو عزيز عليها.....
"في اوضه جاسر ومريم"
مريم سمعت صوت خبط جامد فبعدت ايد جاسر براحه ، فجاسر حس بحركتها وقال:راحه فين ي مريم؟
مريم:هروح اشوف. الخبط دا
جاسر:تلاقيها وهم بتتدرب ولا حاجه
مريم:بردو لازم اطمن ، ونام انت
جاسر بسخريه:ما اكيد هنام ، حد قالك اني هصحي عشانك انتي وبنتك
مريم بضيق:نام ي جاسر ، نام...ولبست شبشبها و نزلت السلم وسمعت صوت خبط في اوضه الخنافس ،فدخلت تشوف في اي ، ولما دخلت شافت وهم واقفه قدام علبه السجاير و شكل وشها تعبان اووي و عرقان ، فقربت منها مريم وقالت بقلق ع بنتها:مالك ي وهم؟
وهم بعصبيه بسيطه:مفيش ي اتش ، مفيش
مريم استغربت من نبره وهم ليها ، ومن واقفتها قدام علبه السجاير فقربت منها لحد اما وقفت قدامها وقالت وهيا حاطه ايدها علي دراعات وهم:مالك ي وهم؟ومالك واقفه قدام علبه السجاير كدا ليه!؟
وهم واترمت في حضنها:دماغي هتموتني ي ماما ، مش قادره
خلاص
مريم:من اي؟
وهم:عايزه اشرب سجاره ، دماغي هتموتني خاالص ، وحاسه اني عايزه اكسر كل حاجه ، بس مسكه نفسي
مريم:ليه كل دا؟ايه الي ماسكك؟ماتشربي!!
وهم:اصلي اتفقت مع حازم اني مشربش لمده اسبوع ، وانا عمري ما اخلف بوعدي ، فارجوكي ي ماما خديني بعيد عنها وتعالي نامي معايا
مريم:طب ي حبيتي خدي واحده بس ، وبعد كدا ابقي قليلي منها ، بس متجيش علي نفسك كدا ، لان مش بساهل انك تبعدي عن السجاير مره واحده
وهم و قامت من حضنها وقالت بجديه:يستحيل ي اتش ارجع في وعدي ، وخديها يالا "وادتها في ايدها علبه السجاير"وارمي دي كمان ، و تعالي ننام عشان بكرا عندي شغل و رزق جيلي الصبح ياخد الريس ، وانتي هتنامي معايا
مريم:ماشي...وفعلا رمت مريم السجاير في الباسكت ،بس كانت قلقانه علي وهم جدا ، لانها عرفا الي بتعمله دا مش كويس ، بس هيا للاسف ش هتعرف تخليها ترجع ، لان هيا عرفا ان وهم عنديه و راسها زي الحجر ، ومبترجعش في رايها حتي لو هتتاذي فيها...وطلعوا اوضه وهم ونامت وهم في حضن مريم وكل شويه وهم بتبقي عايزه تقوم بس مريم بتهديها وتقول ع راسها قران لحد اما نامت خااالص وبعد عناء طبعا....وعدي اليوم وجه تاني يوم صحيت وهم  علي رنه موبيلها وكان رزق فقامت من السرير وكانت دماغها هتموتها وعنيها مقفله لانها يعتبر منمتش كويس  ، و دخلت الحمام و خرجت ونزلت ولقت ملاك واقفه قدامها فقالت وهم بعصبيه وهيا حاطه ايدها ع راسها:ماتوسعي ، عايزه اعدي ولا هتفضلي واقفه زي القضي المستعجل كدا
انصدمت ملاك من طريقه وهم ليها ، لان وهم طول عمرها بتعتبرها اختها الكبيره ، فانصدمت من معاملتها دي فقالت ملاك باستغراب:مالك ي وهم؟فيكي حاجه؟
وهم بعصبيه:مفيش ، عايزاكي بس توسعي من قدامي
و وسعت ملاك وهيا مضايقه من وهم و وهم وهيا نازله علي السلم كانت هتقع بس بتلحق نفسها لحد انا الوجع زاد وخطت ايدها ع راسها جامد وقفلت عنيها ومعدتش شايفه حاجه قدامها ، ففكرت وهم انها وصلت لاخر سلمه ، فجايه تمشي.......
  "الفصل القادم"