يوميات وهم وسيف

7

يوميات سيف و وهم "مسجونتي ج2" الفصل السابع

وسابتهم وهم و راحت تاعد ع طرابيزه لقت طفل جاي عليها وماسك وراء مطويه ورمها علي حجرها وجري
وهم:ي بني ، انت يالاه ، واي الورقه دي "وفتحتها ولقت جواها:وهم
وهم بضيق و لوت بوقها:وحياة خالتك ، يعني الورقه دي مكتوب فيها اسمي ، دا ع اساس بيفكرني
وقامت تشوف الطفل الي رملها الورقه عشان تساله مين الي ادهاله وهيا ماشيه لقت طفل تاني جه عليها و رمي الورقه علي الارض فوطت وهم واخدتها وقالت:دا ايه اليوم الي مش باين من اهله دا ، "وفتحت الورقه لقت:انا
وهم:طب وحياه الي جابتك لادور علي الظريف ابن الظريفه دا
وكملت مشيت لقت شويه جاين عليها وبيذوقها و وهم مش عرفا توقفهم فبتقول:بس بقا ، عايزين مني اي ، طب موديني فين
محدش بيرد عليها لحد انا ودوها في وسط الناس وكان سيف واقف وعليه ابتسامه بسيطه وبيقول:اسف ، وهم انا اسف ، هتسحميني ولا هتكسفيني
وهم من صدمتها مش عرفا ترد لكن فاقت لما سمعت الفرح كله بيقولها:سامحي ، سامحي ، سامحي
وهم بجمود:بسسسسسسسس ، اسكتوا كدا "و وجهت كلامها لسيف:بص ي سيف ، انا خلاص مسماحك ، ومقدرش اني مكلمكش ، عارف ليه؟ ،  لاني بعشقك
سيف اول ما سمع منها الكلام دا شالها ولاف بيها و الفرح سقف ونزلها واشتغلت اغنيه رومانسي و كل اتنين يقوموا يرقصوا مع بعض وخلص الفرح و سلموا ع العروسين و راحت وهم لكريمه حضنتها وسلمت عليها و وعدتها انها تيجي خطوبتها ، و راحوا وجه يوم الخميس  وكانت وهم راحت مع رزق وابوه واخته "نجوي" واتفقوا ع كل حاجه و رواحو ، وعدت الايام كانت وهم بتجهز لخطوبتها وقللت من السجاير و اتفقت علي مفاجاه هيا وليلا و وعدوا بعض ميقولوش لحد اما يشوفوهم ف الخطوبه ويتفاجوا ، وجه يوم الخطوبه
سيف كان تحت مع المعازيم:هيا اتاخرت كدا؟
ليالي:تلاقيها بتجهز بس
سيف:حتي ليلا مش موجوده؟
ليالي:اختها وبتساعدها
سيف:طيب
وبعد شويه نزلت وهم وكانت لابسه بنطلون زي بتوع الصيادين لونه اسود وبلوزه بيضا وسعه جدا وبكم ولابسه كوتشي ابيض بينور بلون ازرق ولفه شعرها ولابسه طاقيه لونها اسود
و راحت عندهم وكانت معالم الصدمه ع وش سيف و ليالي و ادم
وهم:اي رايكم في اللوك دا؟
سيف:اي الي انتي لابسه دا ي وهم؟ ، فين الفستان الي انتي قولتيلي هتلبسي؟!
وهم:فستان!!لالا ي بني انا كنت بهزر بس ، لكن انا يستحيل البس فستان ، واستني بس كدا "وندهت علي ليلا:ليلاا ، انززلي
ونزلت ليلا الي كانت لابسه زي وهم بضبط ولما وقفت جنبها بان فعلا انهم توائم بالضبط
ليلا:اي رايكم؟
وهم:حلو طبعا
ليالي:اي الي انتم عاملينه دا؟
ليلا:بصوا انا مكنتش مقتنعه اصلا ، و رافضه ، بس وهم اقنعتني و ادربنا ع رقصه هتعجبكم اوي ، يالا ي وهم
ومشيوا وسابوهم مصدومين
و اول ماشافوا المعازيم وهم منصدموش لانهم عرفين ان هيا هتعمل حاجه مجنونه زيها وانها يستحيل تلبس فستان
و راحوا ع الاستيدج ومسكت ليلا المايك وقالت:تيست ، تيست
، كله يجمع هنا ، سيف ، ليالي ، عمو ادم ، بابا ماما ، كله يجمع هنااااا
واجمعوا كلهم
سيف:انا لازم اطلع اوقف المهزله دي
ادم:سيف ، اسكت واهدي ، انت عارف كويس ان اليليه دي مكنتش هتعدي الا لما وهم تعمل حاجه مجنونه ، وبعدين سيبها تفرح ، حقها ، وشارك الفرحه معاها كمان عشان في الاخر متخسرهاش ، ماشي
سيف واخد نفس عميق و خرجه:طيب
جاسر:مش كنتي عايزه واحده شبهك ، اهم الاتنين اتجننوا وبقوا زيك
مريم:بناتي حبايبي
جاسر:ابعدي عني بدم اديكي ع وشك
مريم:ي شيخ روح ، ويالا اتفرج ع بناتك ، الي مشرفني
"ع الاستديج"
اشتغلت اغنيه اجنبي و رقصت عليها وهم وليلا ، وكان منظرهم رائع وجميل وحركاتهم الي في منتهي الدقه والروعه وخلصت الاغنيه وسقفوا المعازيم لوهم وليلا
وهم وليلا:اشكركم
وهم:سيف ، ممكن تتطلع
وطلع سيف الاستيدج واشتغلت اغنيه هاديه رومانسيه وقالت وهم:تسمحلي بالرقصه دي ، ي استاذ سيف ، ي اعز صديق ، ي احسن حبيب ، ي اغلي ابن خالة ف الدنيا
سيف ومد ايده وشدها لحضنه وقال بابتسامه:مجنونه
وهم بابتسامه:بيك ي حضره الضابط سيف
وابتدوا يرقصوا والفرحه علي وشهم ، وطلع ادم وليالي يرقصوا ومريم وجاسر ، وكل كابل ف الخطوبه ابتدي يرقص ، حتي الاخوات ، اما ليلا كانت نزله من الاستيدج لقت امجد بيوقفها وبيقولها:بما اني سنجل وانتي سنجل ، فايه رايك ترقصي معايا..؟
ليلا:استني افكر
امجد ومسك ايدها وشدها:مفيش وقت ، الاغنيه هتخلص
ليلا بابتسامه:ماشي
امجد بحب:احلي ماشي سمعتها في حياتي
ليلا واستغربت من طريقته وبصته ليها بس حاولت تشغل بالها وتكمل رقص
وخلصت الاغنيه ونزلوا كلهم من ع الاستيدج
وسيف و وهم راحوا علي الكوشه
سيف:غمضي عينك
وهم:ليه؟
سيف:غمضي بس
وهم:طيب!!!
وغمضت عينها
سيف:فتحي
وفتحت عينها لقت قدامها سندوتشات برجر اتشكن علي شكل تورته
وهم بفرحه:سيف
سيف ابتسامه:نعم
وهم وحضتنه:انت بجد محصلتش
سيف و لف دراعاته حواليها:ولا انتي حصلتي
وهم عنيها دمعت وكل الي في الخطوبه سقف
وقامت وهم من حضنه و راحوا هما الاتنين ع التورت الي من السندوتشات ومسكت وهم واحد واخدت قطمه كبيره وادت لسيف قطمه وفضلوا ياكلوا لحد اما جت الشربات بس مكنتش شربات كانت بيبسي وشربوا منها و خلصوا و راحو اعدوا علي الكوشه
ورقصوا شويه وجه صحاب سيف يرقصوا ومن ضمنهم صحاب وهم ، و راحت وهم مع صاحبها يرقصوها وفضلوا كدا طول الخطوبه لحد اما خلص ومشيوا المعازيم
وصحاب سيف وصحاب وهم الي فضلوا ينكشوا فيها شويه ويهزروا ويبركولها ومشيوا
ومشي سيف واهله بعد السلامات و الاحضان
جاسر واخد وهم في حضنه:مبسوطه ي وهم
وهم بسعاده:جدا جدا ي بابا
جاسر:وانا اتمنالك الفرحه والسعاده دي دايما
وهم وباسته ف خده:حبيبي ي بابا
مريم:طب كفايه بقا بوس واحضان ، ويالا نطلع نينام
وهم وضحكت:بتغير؟
جاسر:شكلها كدا ي وهم ههه
مريم بجديه:بس ي بابا انت وهيا ، انا غلطانه اني عايزاكم تناموا ، انا طالعه انام
ومشيت وليلا كذلك طلعت تنام
وهم بضحك:اطلع صالحها ، شكلها زعلت
جاسر:ماشي
وطلعوا اوضهم واخدة وهم دوش ولبست بيجامتها وحاولت تنام معرفتش فاخدة موبيلها والهاند فري ونزلت وجابت ريكس واعدة معاها علي الارض وشغلت اغنيه وفتحت روايه وفضلت تقري فيها   لحد اما جه مشهد البطل بيوصي البطله انه لما يموت متعيطش عليه  فعيطت وجايه تقفل الفون لقت سيف بيتصل بيها فردت وقالت:الو
سيف:مالك ي وهم؟ بتعيطي ليه؟
وهم وزادت في العياط:جلال مات ي سيف ، جلال مات
سيف بخضه:جلال مين ي وهم؟ اهدي وقوليلي جلال مين؟
وهم:بطل الروايه ي سيف ، ماات ، مش مصدقه ليه يموت ليه؟ ، الموت وحش اوي ، حتي الروايات بقت بتموت ، طب هنفضل كذا لامتي ، و سميه ذنبها اي تعيش لوحدها؟ ، حرام بجد ، خلي جلال يرجع ي سيف ، خلي جلال يرجع بالله عليك ، انا خلاص مش قادره ، سيف ، سيف
بتبص في الفون لقت سيف قفل من بدري فقالت:عبوشكله ، مبيقدرس هو المشاعر والاحاسيس دي ، عبوشكله تاني ، شوفت ي ريكس ، سيف مش حاسس بيا ، تلاقي نايم الوقتي ، ومش حاسس بيا ، معدوم الاحساس "وقربت من الكلب وباسته من راسه:انت الوحيد الي حاسس بيا ي ريكس ، الباقي كلهم جذم
وبتبص علي وش ريكس لقيته نايم ومش حاسس بيها
وهم بضيق:تصدق انك طلعت جذمه انت كمان ، انا هروح لام عيون وسعه هيا الي هتحس بيا ، عبوشكلكم كلكم
و ربطت الكلب ف الشجره و راحت وراء الفيلا للقفص الي في ام عيون وسعه "بومه" وفتحت القفص واخدة ام عيون وسعه وباستها:شوفتي ي ام عيون وسعه ، الجذم مش حاسين بيا ازاي؟ انتي الوحيده الي هتحسي بيا ي ام عيون وسعه
واكلتها واعدة معها شويه ودخلتها القفص وطلعت اوضتها نامت
"تاني يوم"
صحيت وهم اخده دوش واتوضت وصلت وفضلت بالاسدال علي ما تتطلع هدوم فافتحت الدولاب ومش عرفا تلبس اي فشغلت اغنيه من فونها واعده تتحرك وترقص عليها وقطع عليها كل دا والباب بيخبط فافتحت الباب وهيا بترقص و كانت خدامه اسمها "ياسمين" فمسكت ايدها وهم وشدتها وقفلت الباب و راحوا عند الدولاب وهيا بتتحرك وبترقص و ياسمين مستغربه ومسكت وهم ايدها ولفتها وسندتها ع دراعها وقالت بابتسامه:صباح الخير ي احلي مزه
وقامت ياسمين وقالت وهيا بتعدل نفسها وبتضحك:صباح النور
وطفت الاغنيه
وهم:عايزه اي ي مزه؟ ، انا مش فاضيالك انا محتاره البس ايه وعندي جامعه كمان نصايه
ياسمين:مريم هانم
وهم قطعتها:هانم تاني؟!!!شكلك عايز يحصلك زي ما حصل للبت ساميه
ياسمين:لالا بالله عليكي ماتقوليهاش واخر مره
وهم:ماشي ، كملي بقا اتش عايز اي؟
ياسمين:بعتتني عشان اقولك يالا انزلي افطري
وهم:ماشي
ياسمين وقربت منها ومسكت طرحة الاسدال ولفتها لوهم بطريقه كروكي شويه بس كانت وهم فيها زي القمر
ياسمين:مانتي زي القمر اهو ف الحجاب ، ليه مش عايزه تلبسي؟
وهم:انتي ي بت متخلفه؟مين الي قال اني مش عايزه البسه؟انا قولت اني ماجله لاني لس مستعدتش ليه؟انا لو عايزه البسه كنت لبسته كنت من زمان ، بس انا عايزه اعدل من نفسي الاول قبل البسه ، مش بس اكون مضبطه نفسي للبسه بس ، لا! ، انا عايزه اكون مستعده لي نفسيا قبل خارجيا ، لان لو انا لبسته ونفسيا مش مستعده ليه ، هتلاقيني كام يوم وهخلعه ، وانا مش عايزه البس عشان بس شغف ، او كتجربه ، لا ، انا عايزه البسه  وانا مقتنعه قناعه تامه ، لان الحجاب مش مجرد طرحه بتتحط ع الراس ، لاا ، دي حاجه اكبر مماتتخيلي ، دي حاجه عظيمه ، مسلمات زمان تعبوا عشان احنا نقدر نلبسه ، مكنش بالساهل كدا ، فادعيلي اني البسه ويهديني ي ياسمين ، لاني مش عايزه اموت وانا كدا ، مش عايزه
ياسمين وحضنتها:بدعيلك ، متخفيش ، بس انتي بس اعملي ، مش بس تقولي
وهم:ماشي ,, ويالا بقا قومي من حضني ، عايزه اشوف هلبس اي ، مش هنفضل في  الدراما دي  كتير ، اصل انا بتاثر بسرعه ، وومكن تلاقيني باعيط ، اي دا بقا ، انا دمعت ، يخربيت كدا ، قومي
وقيمتها من حضنها وضحكت ياسمين علي طريقتها:صحيح ، شوفتك امبارح اعده مع ريكس وبتعيطي ، شكلك كنتي بتقري ، بتقري اي؟
وهم و عيطت لما افتكرت القصه فاياسمين قالتلها بقلق:في اي ي بنتي؟هو في حد في الروايه مات؟
وهم:اه ، جلال
ياسمين:ي الله ، ربنا يرحمه ، امسحي دموعك دي بقا ، وقوليلي اسم الروايه اي؟
وهم:هيييح هشام ، هييح تميمه ، هيييح سميه ، يخربيت كدا ، عجبني اوي شخصيه تميمه ، برغم من انها يتيمه الام والاب الا دا ماثرش فيها اوي ، بالعكس بتقوي اكتر واكتر ، سميه ، متتخيليش انا بعشق البطله دي قد اي ، عندها حكمه فظيعه ، انا ذات نفسي بتعلم منها ، هشام يعني العشق ، يعني خلاص نفسي ف واحد زيه ، يعني انا قررت اسيب سيف ، وادور ع هشام
ياسمين وخطبتها ع دماغها عشان تفوق م حالة السرحان  الي هيا فيها :في اي ي بنتي ماتفوقي ، انتي شويه كدا و عنيكي هتقلب قلوب و فراشات هتطير حواليكي ، وهشام مين دا ، الي تسيبي سيف عشانه ، هو في زي سيف ، وجمال سيف ، دا كفايه عضلاته ، كفايه طوله الفارع ، كفايه عيونه ، حاجه كدا هيييح ، والله دا خساره في اهلك ي وهم
وبتبص ع وهم لقتها سانده وشها ع ايدها وعنيها بطلع شرار
ياسمين:احم احم ، سوري اندمجت
وهم:لالا كملي ، وسبيني كدا مش عرفا البس اي ، والجامعه تروح عليا
ياسمين:يعني انتي مش مضايقه عشان بعاكس ف سيف!!!!
وهم ببرود ورسمت ع وشها نص ابتسامه بمعني استخفاف بكلامها:انتي عبيطه ي بنتي ، اغير ع سيف منك ، و سواء منك او من غيرك ، انتم حُرين ، لان انا بردو بعاكس ، فايزي يعني ، و يالا بقا اختاري معايا الطقم عشان محتاره
ياسمين:ي حول الله
وهم:ابقي كمليها بعدين ، فيالا اختاري معايا
و طلعت ياسمين بتطلون جينيز "بوي فريند"و بلوزه بيضا بكم وكوتشي ابيض في خطوط سوده:حلو كدا
وهم واخده الهدوم:تمام اوي ، يالا بقا امشي انتي ، هلبس وانزلكم ، وتشكري
و راحت الحمام وابتسمت ياسمين ع طريقه وهم وعدلت نفسها و خرجت من الاوضه راحت المطبخ تكمل شغلها
ولبست وهم و خرجت من الاوضه و نزلتلهم ولقتهم بيفطروا
وهم:ي اندال ، بتاكلوا من غيري
مريم:وهم ، اعدي كلي وانتي ساكته ، وبعدين انتي الي اتاخرتي
وهم:انا مش هلحق افطر لان عندي جامعه و اتاخرت
مريم:وعملتي اي مع الدكتور؟
وهم:عيب عليكي تقولي الكلام دا لوهم ، طبعا اصرفت ، وان شاءالله هتخرج السنادي ، بس دعواتك
مريم:ي رب
وهم:صباح الخير ي احلي جسوره
جاسر:صباح النور
وهم وبتخبطه في كتفه بهزار:عملت اي امبارح؟صلحت الدنيا ولا بوضتطها..؟
جاسر:طبعا ضبطت الدنيا
وهم:ايون بقا ي جسوررر
ليلا:تقريبا كدا ي وهم ، هينورنا فرد جديد
وهم:فرد جديد!!
ليلا بضيق:اصل بابي عايز ولد
وهم:ااايه!!! وانت ي اتش موافق
مريم:هو الي مصر انا مالي انا
وهم:لااااا ، اخ جديد لاااااا ، انا مش عايزه ادخل الجيش
جاسر:جيش اي ي متخلفه انتي!! انتي ناسيه انك بنت
وهم:اصدي ، مش عايزه اخ ، لا ي بابا انا مبحبش الولاد ، وانا خلاص اخدت علي ليلا وحبيتها ومش عايزين تاني ، صح ي ليلا
ليلا:صح
جاسر:وانتي مالك انتي بي ، هو هيبقي ابني ولا ابنك
وهم:بس انتم بكرا تكبروا اكتر من كدا ، ومش هيفضل غيري انا ، او ليلا ، ونمر بقا بفتره الرضاعه ، والعياط و الواء واء ، وبعدها فتره التفطيم ، وبعدها فتره التلامه والرخامه ، وبعدها فتره انو فكر نفسه راجل بقا ، ويطلعله شنب اعدادي القذر ، الي ياما كنت اتريق ع سيف وامجد و احمد ، و اكرم بسببه ، وبعدها يمر عليه فتره انو بقا خلاص كبر ، و يزعق ويجعر بصوته الي مش هنعرف نفرق بينه وبين صوت الحمير ، وبعدها فتره انو دخل الجامعه ، ويصاحب بنات بقا ، وبعدها بقا يتخرج يدور علي عروسه ، و
جاسر مقاطعا:بسس ، خلاص مش عايز ولاد ، مش عايز ، كفايه عليا انتي
وهم:شاطر ي جسور ، مش تقولي ولد من صلبي ، بلاش الجو القديم دا ، وبعدين مش انت بتعتبرني راجلك ، خلاص ، لي بقا بتعترض..؟
جاسر:مبعترضش ، ومش انتي وراكي جامعه ، يالا روحي
وهم:طب استني اخدلي سندوتش جبنه
جاسر:افطري في الجامعه او الشغل ، امشي
وهم:ماشي يالا سلام ، ليلا اجهزي ع المغربيه كدا هنخرج انا وانتي وسيف وصحابي وكدا ، ماشي
ليلا:ماشي
و مشيت وهم
مريم:الحمدالله ي وهم ، و فرتي عليا شرح كتير
جاسر:اخرسي انتي كمان ، يخربيت الي يقعد معاكم ، سلام ورايا شغل
مريم:سلام والقلب دعيلك ي جسوررر
ومشي جاسر
ليلا:مامي
مريم:نعم
ليلا:امبارح حصل غريبه اوي ، او هيا عاديه بس بالنسبالي لا
مريم باهتمام:اي هيا؟
ليلا:امجد ابن خالو عمر
مريم:عمل اي؟
ليلا:طلب يرقص معايا
مريم باستغراب:طب فيها اي يعني؟
ليلا:بقوله ماشي ، قالي احلي ماشي سمعتها ف حياتي ، وطول الخطوبه فضل يبص عليا بطريقه غريبه اوي ، انا مفهمتش معناها اي  ، حاجه غريبه اوي؟
مريم وفهمت معني طريقه  امجد فقالت بنبره هدوء عشان تشيل منها الموضوع لحد اما تتاكد هيا:لا بيتهيالك ، انتي زي اخته ، تلاقي بس بيطمن عليكي ، ولما قالك احلي ماشي سمعتها في حياتي ، بيهزر اكيد ، فكبري دماغك
ليلا:بس انا حاسه غير كدا ي اتش ، لان بصته ليا ، زي ما كان سيف بيبص علي وهم ، و ردوده دي غريبه يستحيل يكون هزار ، لان لو هزار انا هكبر وكنت عديت الموضوع ، وبعدين انتي مش فكرا اما جت عليا فتره كنت معجبه بي ، كنت كدا بردو ، ببص عليه دايما ، واي مكان هو بيبقي لازم اكون في ، بس الفتره دي راحت لحالها خلاص ، بس انا بقولها لان طريقتها ، زي طريقتي لي لما كنت معجبه بي..!!
مريم:ليلا ، كبري دماغك حاليا ، لحد اما اشوف الموضوع ، ويالا روحي علي شغلك
ليلا:ماشي ي اتش ، ماشي
وقامت تلبس وتروح شغلها و مريم كلمت امجد يجيلها كمان ساعه
"في عربيه وهم"
وهم طول الطريق تشغل اغاني و وقفت عند كشك ، اشترت باتيه وعصير وشوكولاته وايس كريم ، ولبان و ركبت العربيه وشغلت اغنيه هاديه و كانت هتروح الجامعه بس قالت"فاكس منها النهارده بقا ، لاني لو روحت هطرد كدا كدا لاني اصلا يعتبر اتاخرت ، فالاحسن اني اروح عند النيل و اكل واقر القصه و اعيط مع نفسي شويه ، اصلي عايزه اكتئب هههه " و دروت العربيه و طلعت علي النيل و رجعت كرسيها لوراء و فتحت الموبايل وشغلت القصه و فضلت تقرا قيها لحد اما عنيها دمعت وبعدها عيطت وقالت"ليه ي سميه تموتي ليه؟ حررام بقا بجد ، يخرربيت كدا" و فضلت تعيط طول الفصول لحد اما وصلت لاخر فصل نزل وخلصته وقالت"الله يرحمك ي سميه ، و ي رب تبقي تميمه من نصيبك ي هشام" وفتحت الفيس وجه قدامها بوست قرائته وقالت"يعني اي؟ يعني سيف هيسبني ، لا ي سيف ، لا ييف مش هيسبني ، سيييف ، اقولك انا الي هسيبه" و دورت العربيه و طلعت علي القسم الي بيشتغل في سيف و دخلتله مكتبه وكان اعد بيكلم مع حسن فلنا شافها قال:وهم!!
وهم بجديه:ايون وهم ، ازيك ي حسن
حسن:الحمدالله ، وانتي
وهم:تمام ، ممكن تسبني مع سيف شويه
حسن:تمام
ومشي حسن
واعدة وهم وحطت رجل علي رجل وقالت:سيف هو انت تعرفني من امتي..؟
سيف:نزلي رجلك دي الاول
وهم:يعني بتحجج برجلي عشان متجوبش علي سوالي؟
سيف:انتي متخلفه!واتحجج بيه ، وسوال ايه الي اجاوب عليه؟هو دا سوال
وهم:لا اجابه ي خفيف ، سيف احنا لازم نسيب بعض
سيف و فهم من طريقه وهم انها قرات بوست او روايه عن افتراق الاحباب والجراح ، فهو متعود انها لما تقرا عن الحاجات دي تجيله وتعمل الشو دا:وهم ، انتي شكلك قراءه روايه متخلفه شبهك ، وجايه تتطلعي كبئتك عليا انا صح؟
وهم:سيف انا لا م اسيبك ي سيف ، سيف انا خايفه ي سيف ، سيف انا الي بشوفه ف الروايات مخوفني ي سيف ، عشان كدا لازم نسيب بعض ي سيف ، لازم
وضرب كف بكف وقال:اي كل السيڤات دي؟!!وبعدين اسيبك اي ي متخلفه انتي؟و روايات اي؟ وهم الروايات دي خيااال ، مش حقيقه
وهم:لا في حقيقه ، مهو بص يانا هسيبك ، ي انت هتسبني ، فانا طبعا عشان كرامتي ، واني مفروض بنت من جهه المجتمع الي احنا في ، فالازم انا الي اسيب عشان كرامتي و كبريائي
سيف وصبره بدا ينفذ:وهم ، احنا خطوبتنا كانت امبارح
وهم:بس انا اعرفك من قبلها ، فكفايه بقي علينا كدا
سيف وصبره نفذ ومسك وهم من دراعاتها وهيا فضلت تفك دراعاتها منه و اخدها الحمام و فتح الحنفيه وفضل يغرق وشها بالمايه وهو بيقول:فوقي بقا من حالة التخلف دي ، بدم بعد كدا احلف عليكي معنتيش تقريها
وهم:طيب ، طيب ، بس سبني ، سبني هتخنق من كتر المايه
و بطل يغرقها بالمايه وجابلها فوطه تمسح بيها وشها وخرج وسابها وهو عايز يولع فيها وخرجت ورا واعده ع المكتب وقالت بضيق:كدا تبوظلي الروج الي اعدة حوالي نص ساعه اعمله
سيف بعصبيه:ي شيخه يولع دا انتي جنينتي امي
وهم:في اي ي سيف!مانت متعود علي كدا ، متحسسنيش انها حاجه جديد عليك
سيف:لا مانا زهقت ، معنديش صبر انا ، ابقي روحي اعملي العرض بتاعك دا ، علي اهلك ولا صحابك ، انا معنديش وقت للهبل بتاعك دا
وهم وبترمي الفوطه علي المكتب:شوفت شوفت ، عشان تعرف انك مبتحبنيش ، اذ كان مش مستحملني في حالاتي دي ، اومال هتستحملني امتي ، سيف احن
سيف مقاطعا بعصبيه:قسما عظما ي وهم لو كملتيها ، لاكون مبيتك النهارده في حجز انفرادي
وهم:لا بالله عليك متقولش كدا ، انا ممكن انزل حجز جماعي ، انفرادي ، لاني بفضل لوحدي ومبعملش حاجه
سيف وشاور علي الباب:برا
وهم وحست احراج:احم احم ، طب بص انا كنت عايز اقولك اني هتجمع مع اصدقائي وليلا معانا في مول مصر ، فكنت جايه اعرفك وبالمره اعرض عليك تيجي معانا
سيف:ماشي ، و يالا برا
وهم:طب سوال بس وهمشي والله
سيف:اخلصي
وهم:هو الجماعه امتي جاين من العمره ، دول طولوا اوي ، دا كان المفروض يجوا الاسبوع الي فات
سيف:هيجوا اول الشهر الجاي ، مش خلاص سالتي ، يالا برا ، وهعدي عليكي نروح مع بعض للمول
وهم:ماشي ، يالا همشي انا سلام "و شاورتلها"
ومشيت  و ابتسم سيف برغم انها بتعصبه وفي اغلب بطلعه عن شعوره الا انه بيعشقها وميقدرش يعيش من غيرها
" في المحطه الاذاعيه"
وصلت وهم المحطه و اول مادخلت قالولها ان استاذ عماد "صاحب المحطه" عايزها فخبطت علي باب مكتبه ودخلت وقالت بابتسامه وهيا سانده علي اوكره الباب:صباح الخير ي استاذ عماد
عماد بجديه:صباح النور ، اقفلي الباب وتعالي اعدي
وقفلت الباب واعده:حضرتك كنت عايزني ف حاجه
عماد:هتعملي اي السنادي؟ناويه تعدي ولا هتطولي اكترمن كدا
وهم:جرا ايه ي جدعان ، هو انا مهمه عندكم اوي كدا ، امي تقولي الصبح الكلمتين دول وانت كمان ، انا خايفه افتح الموبايل يقول كدا والله..!!
عماد:وهم ، جوبي ع سوالي ، اه ولالا..؟
وهم:اه ، اه ، خلاص ارتحت
عماد:يعني اصرفتي خلاص مع الدكتور
وهم:ي سيدي قولت اه
عماد:طب يالا ع الشغل لان معاد حلقتك معدتش عليه الا دقايق
وهم:طيب
عماد:بس استني
وهم:نعم..!
عماد:ماقولتليش ، هتعملي اي ف موضوع البرنامج السياسي..؟
وهم:مانا بعتلك مع اروي ، وقولتلك اني مش هقدم في سياسيات ، انا مليش ف الجو دا ، فابص عشان احللك الموضوع دا ، هجبلك بنت خريجه كليه اعلام بردو ، اسم الشهره بتاعها الحلزونه ، بس ايه ، بت فورتيكا ، وبتحب السياسيه جدا ، فممكن هيا الي تقدم البرنامج دا ، فانا هروحلها بكرا عند قهوه الدحيح ، هلاقيها اكيد زي العاده اعده مع شويه العيال صاحبها الي زيها ، او بتخطب ، او ادعي اني الاقيها اصلا  ، فيالا هطير انا "و قامت و راحت عند الباب ولس هتخرج لقت عماد بيقول:اسمها الحقيقي اي؟
وهم:مُليكه ، وادعي بقا بجد اني الاقيها ، لان انت وحظك بقا
عماد:ليه..!!؟؟
وهم:اصل يمكن تكون في السجن
عماد:سجن...!!!هتجيبلي مسجونه ي وهم
وهم:متظلمهاش ، هيا بتدخله بسبب المظاهرات والثورات الي بتتدخلها ، بس والله بت جدعه وطيبه
عماد وشاور بايده علي الباب:برا ي وهم ومش عايز من خلقتك حاجه
وهم:طب والرنامج..!؟
عماد:هقدمه انا ، ارتاتحي ، برررا
وهم:احم ، احم ، هو شكله يوم الطرد العالمي ، بس اشطا ، سلام
وخرجت و راحت ع الاوضه وسلمت ع صاحبها و طلعت ع البرنامج و خلصت و لقت سيف مستنيها فركبت معا
وهم:هنطلع نتغدي الاول في اي مطعم اشطا
سيف:تمام
وطلعوا ع مطعم و اتصلت وهم علي صحابها يجولها المول وفي الي اعتذر والي هيجي رزق و رضوي و كريم و حازم و منال
وجه معاد الخروجه وطلعوا ع المول واتقابلوا وبعد السلامات
وهم:اي رايكم ندخل للبطاريق
كلهم وافقوا و اتجهوا للبطاريق
سيف:طب ي جماعه انا ثواني داخل الحمام وجايلكم
كلهم:ماشي
وهم:يالا بينا ندخل انا وانت ي رزق نسال وكدا ، ونجليكم استنونا هنا
ودخلوا وسالوا ع الاسعار و عرفوها فوهم ردت:نعم ي اخويا ، 800ج ، 800 عفريت يركبوك
العامل:دي اسعارنا ي فندم
رزق:طب خلاص ي وهم ، عن اذنك
وهم:استني انت ي رزق ، وخد دي وقول للاسعاركم وهم بتديكم دي هديه منها ليكم "وادته بوكس في وشه"
رزق:يخرررربيت
(الفصل القادم)