الشلب بالسحر (غير مكتملة)

الجزء 06

فايزة:وأسي أعمل شنو؟؟

علويه:عندي ليك فكي كاااارب ..يقرب البعيد ويبعد القريب.

فايزة:والفكي بعمل ليما شنو يعني؟!

علويه:أجي يافايزة!!كيفن بسوي شنو!! الفكي لوراجلك داير يعرس عليك تمشي ليهو وحات الله تاني كان جابو ليهو العرس يجري منو.

هههههههههههههه

نسرين:كلامك صاح ..نمشي يشوف لينا محمد دا قصتو شنو

نفيسة:محمد دا ماااابراهو..مامعقوله يتغير قدر دا

فايزة:وبعد يتغير يعاين لي بت الجزار المعرمله لت الحرامي..تسنيم دي ماله

نفيسه:تسنيم بت السرور فالحه ورايقه ..

علويه:كوبي الجبنه..البن سمح الليله عجبني.

فايزة:ااها وشيخك دا وين ياعلويه

علويه:اسمو فكي سليمان في الحله الورا..شيخ فاااالح يمين .

فايزه:طيب نمشي ليهو متين؟؟

نسرين:بعد تكوني فاضيه وراجلك يطلع الشغل ..

علويه:بس الشيخ بي تمنو ومحتاج بياض

فايزة:يعني كم جنيه،؟؟

علويه:هههههه!! جنيه شنو يابت؟؟ دا بتعامل مع الجان.قال ليك عندو قبيله كامله بخدموهو..اعملو كده وسوو كده

فايزة: سجمي بتعامل مع الجان ونمشي ليهو؟؟؟ لالا دا ماصاح حرام.

نسرين:حرام شنو يافايزه اقعدي قولي كده لمن بتك تجن ليك وتربطوها بالحبال

فايزة:ووب علي أنا دي بت الوحيده مابحمل بلاها.

نفيسه:وبعدين هو البتعامل مع الجان ماإنتي

فايزة:بري مابمشي كان عمل لي مصيبه ولا فكه فيني شواطينو ديل.

علويه: ههههههه مصيبه شنو ياخ..مابعمل ليك شئ ﻷنك ماعايزة تضريهو..بس شيلي ليك غويشه دهب كبيره وحات الله يخدمك حفيان ومحمد دا بكره يجي يعرس بتك وتشوفي جناك وتفرحي بيهو .

فايزة:أنا مابهمني الدهب..بتهمني بتي وسعادته..لو ادفع دهبي كلو مابفرق معاي.

علويه:الدهب مابدوم والقرش بزول بس بتك اهم شئ

نسرين:إنتي يافايزة أمشي أسألي سبأ وأعرفي الحاصل منها و أضربي لينا.

ودعناك الله..

فايزة:أقعدن أتونسن شويه عليكن الله.

--ماشين الرجال بعد دا بجوا.

ديل عبارة عن مجلس شورى لي أم تسنيم..نسوان حكيمات..ااها مجاس الشورى قرر إنو فايزة تمشي تستفسر من سبأ وتعرف أخر التطورات.