تنزيل:"بي تردد" والله ياسبأ ماعارفه
سبأ:يابت شنو ماعارفه..إنتي بتحسي بي شنو تجاهو
تنزيل:مرات بكون بفكر فيهو طوالي..وماعارفه أحاسيسي ملخبطه
سبأ: بتشتاقي تشوفيهو؟
تنزيل:الصراحه أي..وبكون دايره أجيكم يومي عشان أشوفو
سبأ:بتاعت مصالح يعني ههههههه
-كده سبأ عرفت إنو تنزيل حبت محمد..وﻷنو محمد حكى لي سبأ إنو البت دي عجبتني..
عارفه ياتنزيل: محمد قال إنتي عجبتيهو
تنزيل: واااي مابصدق هههه ماجاده يابت..قال شنو وريني سريع؟
سبأ:مابوريك.إلا توريني بتحبيهو ولا لا..تنزيل:أي بحبو والله بحبو"ودا رد كان صادم لي سبأ ﻷنو عارفه إنو تنزيل مابتحب اﻹمور دي"
سبأ:قال إنتي بت حلوه ومؤدبه
تنزيل: مابصدق أنا عجبت محمد هههه أنا محظوظه.أها تنزيل إستأذنت ومشت بيتهم..وبقت تفكر في محمد والنوم بغلبه..وإتأكدت إنو محمدسكن قلبه..الشوق حرقه..ضربت لي سبأ..سبأ:كيف حبيبتي
تنزيل:تمام بس مشتاقين وفاقداك..وأنا مشتاقه ليك بس عيااانه ..ووب علي سجمي مالك عندك شنو..كده بعد تجيني بوريك..تنزيل لبست ومشت لي سبأ..وكالعاده فتح محمد الباب..
تنزيل:"بي إبتسامه" السلام عليكم
محمد:وعليكم السلام إتفضلي..سبأ موجوده؟؟
محمد:لالا ماموجوده لكن قاعده
ههههه "ضحكوا اﻹتنين وساد الصمت مع التراشق بالنظرا لعده دقائق"
محمد ماقال ليها إتفضلي وهي مادخلت..وهناااك سبأ مراقبه الموقف وتضحك ساي..
محمد:إنتي جميله
-"تنزيل حست بي رعشه من رأسه لي رجليها..وحست كأنو كهربه ضربته"
تنزيل:شكرا ليك ..وإتحركت مشت سلمت على سبأ
سبأ:أخبارك حبيبتي
تنزيل:أعذريني أنا أسفه ماعارفه إنك عيانه
سبأ:ولايهمك حبيبتي عارفاك مابتقصري..دخلوا وإتونسوا
قالت ليك ماوريتك ياسبأ.سبأ: أها شنو فولي أصلك مابتقولي شئ يستفيدو منو هههه
تنزيل: محمد ياسبأ واااي
سبأ: مالو محمد أخوي!!؟؟
تنزيل: محمد قال لي إنت جميله فاجأني طبعا
سبأ: جاااده!!؟؟ والله يامحمد ماهين..هههه
-محمد بي هناك بفكر في تنزيل..عيون واسعه وصوت حنين..وبسمه تجنن..ومحترمه..حس في شئ غريب جواهو تجاه تنزيل ..حس إنو محتاج يتكلم معاها أكتر..وإتزكر مقولة الكاتب #محمد_السيد:"الذين دخلوا عالم العشق..فهم قد دخلوا عالم فريد..فيه اﻹحساس بالحياة"
محمد بنادي عاى سبأ:ياسبأ
سبأ:نعم يامحمد؟
محمد:وين الجبنه؟ رأسي داير يطق عديل
سبأ:تنزيل أمشي أعمليها أعملي لينا تلاته كبابي..تنزيل مشت المطبخ..محمد شافه مشى وقف في باب المطبخ..تنزيل:واي بسم الله..محمد:هههههه أسف ياخوافه
تنزيل: ههههه لامامشكله
محمد: الليله دي شكلها حاتكون أحلى جبنه..تنزيل:جبنه بالملح والشطه ههههه..محمد:برضو حاتعجبني.."بقوا يتونسوا وإندمجوا بي جد في الونسه..وبي هناك سبأ سامعه ونستهم ومبسوطه"
تنزيل بتكب في الجبنه شالته بي قطعه..أها الجبنه إتكشح منها جزء في يدها كوركت ..محمد:ياساتر وجاء جاري عليها مسك منها الجبنه..فتح التلاجه جاب مويه بارده..ومسك يد تنزيل عشان يكب ليها المويه
-تنزيل نست اﻷلم وبقت مركزه مع محمد الخايف عليها..لمن مسك يدها حست بي شعور مابتوصف..حست كأنها أميره..كأنو محمد بث فيها اﻹحساس ياداب..كده إتأكدت متين في الميه إنو محمدسكن قلبها..محمد مسكه من يدها وقومه فوق..وبقى ماسك يدها مده وبعاين ليها.وهي قلبها يعمل دق دق دق..بدون كلام..إبتسم ليها وقال:تنزيل أنا بحبك
تنزيل:حست كأنو كشحو فيها مويه بارده..وماردت..سكتت وإبتسمت
محمد فكه يدها وقال:ساكته يعني مابتحبيني!؟؟
تنزيل: لا والله ماكده
محمد:طيب شنو؟
تنزيل: بس ﻷنو أول مره أسمعه..وأول مره ولد يمسكني من يدي
محمد:جااااده!!!؟؟؟
تنزيل:أي وحات الله..لومامصدق أسأل سبأ.
محمد:لامصدق والله
تنزيل ياتنزيل..محمد سبأ بتناديني.
سبأ: هههه اموركم واااضحه شايفاكم رومانسيات تقيله..شكلكم عشتوا الدور
تنزيل:ياخ محمد دا حبيتو حبيتو..وبقت تبكي..
سبأ:يابت بتبكي مالك؟؟في شنو خوفتيني؟؟
تنزيل:أول مره أحس إنو ببكي من الفرح..أنا خايفه ياسبأ
سبأ:خايفه من شنو يابت بسم الله
تنزيل:خايفه محمد في يوم يخليني.
سبأ: أطمني مابخليك أنا متأكده
تنزيل:متأكده كيف؟
سبأ: مش ضربت ليك قلت ليك عيانه
تنزيل:أي صاح
سبأ:محمد هوالقال لي أضربي ليها
تنزيل:وطيب ماقلتي لي
سبأ:دا سر بيني وبين محمد..إنتي الدخلك شنو..هههههههه
أها طلعو وقعدو مع محمد وشربوا الجبنه..وساكتين ساااي..بس محمد قال كلام خلاهم اﻹتنين يتفاجؤا..
يتبع....
أنت تقرأ
الشلب بالسحر (غير مكتملة)
Misteri / Thriller📝 بقلم: ؟ هذه الروايه تتحدث عن أخذ حبيب الغير بالسحر"الشلب بالسحر"
