نور وامير❤😘

البارت 13

نور. صار الصبح واول ماكعدت اذكرت جنت احجي وي امير بس شلون نمت هسه اكيد زعلان مني
كمت سويت الرسوك وتريكنه ورحت اني بدلت ملابس المدرسه وطلعت انتضر امير..
وبعد شويه اجه امير

امير. بعد مانامت نور اني هم نمت وكعدت الصبح تريكت وخلصنه ولبست ملابس المدرسه واخذت البنات ورحنه لبيت نور لكيته واكفه بلباب اجه باتجاه السياره وفتحت الباب
نور. صباح الخير
الجميع. صباح النور
واني كل شويه اباوع على نور واضحك من اذكر امس بليل خلتني اشربت وحدي بلتليفون 😄
وهي هم تباوع بس من تشوفني انتبه اله تنزل راسه

نور. صعدت وي امير بلصدر ومشينه وهو كل شويه يباوعلي ويضحك بس ستحيت من اخواته يباوعن عليه من امير يباوعلي
وصلنه للمدرسه نزلن البنات وردت انزل بس امير حجه
امير. ترى البارحه اني اجيت لبيتكم بليل
نور. 😱 ليش
امير. اني مو كتلج اذا سديتي التليفون اجيج
واجيت وطلعلي عمج
نور. بس اني ماسديته اصلا نمت بدون ماأدري على نفسي 😞
امير. ههه اضحك وياج جذب مااجيت وعرفتج نمتي
نور. 😒 جذاب
امير. هه ديله انزلي اتاخرتي
نور. نننن اتاخرتي 😒
امير. عفوا كلتي شي
نور. لا عيني ماكلت شي وراح انزل
امير. اي يله لان اني هم راح اتاخر
ونزلت من سياره امير ورحت للمدرسه

امير. وصلت البنات للمدرسه واني رحت للجامعه وطول الطريق افكر بنور وبخباله ورحت للجامعه واخذنه محاضرات وصارت الاستراحه واتفقت وي ياسر حتى نطلع سوه  وخذت سيارتي ورحت لياسر ورحنه نفتر ورحنه للمول وياسر اي بنيه تمر يتعزل بيه
امير. ولك ياسر بابا كافي هل خرابيط اثكل
ياسر. ولك شتريد مني انته عندك بنيه واني وحدي حديقه 😔
امير. ههه حديقه انته لا والله وانته بعدين منو لازمك ماتزوج اله اروح لخالتي واكله تلكالك بنيه وتزوج حتى تربطك وتبطل سوالفك
ياسر. هههه وين تربطني
صدك امير اني لسه ماشفت مره اخوي اريد اشوفه
امير. عود بالعرس تشوفه 😒
ياسر. اسف اسف بطلت مااريد اشوفه
وضلينه نضحك ونفتر بلمولات
وبعدين رحت حتى اخذ البنات

نور. دخلنه للصف واخذنه دروس بس انطونه هواي تحاضير ودروس وامتحان يومي
وخلصنه دوام وبلفرصه نكعد اني وليليان نسولف عن امير 😳
خلصنه دوام وطلعنه اني والبنات وكفنه بلباب متانين امير وبعد شويه اجه ورحنه للسياره وصعدنه وهو ضل يسولف وي البنات عن الدوام واني تعبانه كلش اتمنى اوصل بسرعه للبيت حتى انام لان ميته من التعب
امير. نور.... نور.
نور. نعم امير
امير. شبيج صافنه
نور. لا بس تعبانه من الدروس والتحاضير واريد اوصل للبيت
امير. طبعا هذا السادس يحتاج تعب
نور. اكيد
اوصلنه للبيت اودعت البنات ورحت للبيت تعبانه

امير. ضلينه نسولف اني والبنات ونتبهت لنور صافنه وسالته
كالت تعبانه من المدرسه اوصلته للبيت ومبين التعب على وجه وماحجت ولا كلمه بلسياره وصلته واحنه رحنه للبيت
دخلنه للبيت وسلمنه على امي وكلمن راح لغرفته وبدلنه ونزلنه تغدينه وخلصنه وكعدنه بالصاله شربنه جاي ورحت اني لغرفتي ردت انام بس ماكدرت وطلعت مبايلي حتى اخابر نور بس ذكرت  هي كالت تعبانه يعني اكيد هسه نايمه من التعب وعفته وكلت بليل اخابره
ونمت شويه وكعدت العصر سبحت وبدلت وطلعت وي ياسر طلعنه نفتره وي اصدقائنه
امير. ياسر تعال وياي  اريد اشتري جهاز
ياسر. المن هذا الجهاز
امير. لمروه لان وعدته اجيبله جهاز اليوم
ياسر. يله امشي
ورحنه اشترينه الجهاز ورجعت للبيت بليل

نور. بعد مارحت للبيت لكيت محمد اليوم مارايح للشغل ولكيت عمي كاعد سلمت عليهم ودخلت لغرفتي ذبيت نفسي على الجربايه كبل
وبعده بشويه سمعت الباب يندك
نور. اتفضل
محمد. ها ولج شبيج اليوم كبل دخلتي لغرفتج
نور. (بتعب وهي متمدد على الجربايه)  والله محمد ميته من التعب اليوم اخذنه دروس هواي
محمد. الله يساعدج
اي شنو اخبار الحب 😉
نور. انجب  يله اطلع اريد اسبح وانام
محمد هه اي يله طلعت
طلع محمد واني رحت للحمام سبحت ورجعت نمت ومادري لمن كعدت العصر ب5 وطلعت لكيت بس عمي ومرته محمد لكيته طالع
ام محمد. صح النوم ياخانم ليش كعدتي ماضليتي نايمه بعد وكت 😒
ابو محمد.  صمي حلكج انتي وما اريد اسمع صوتج
تعاي بابا كعدي يمي
رحت وكعدت يم عمي
نور. ها بابا
ابو محمد. شبيج اليوم اجيتي كبل لغرفتج وماتغديتي
نور. والله بابا جنت تعبانه كلش من الدوام لان بلشنه تحاضير ودروس
ابو محمد. الله يساعدج هسه كومي اتغدي لان ضليتي بدون غده
نور. ان شاء الله بابا
ابو محمد. ها نور صدك اليوم خابرو الجماعه وكالوا شوكت موعد الزواج انتي شوكت تردين اني مااريد اجبرج على شي
نور. بابا اني اريده ورى نص السنه على مود الامتحانات
ابو محمد. ان شاء الله خير
وكمت رحت للمطبخ سويت لفه واكلت واجت مرت عمي
ام محمد. يله ياخانم سوي العشه واذا انعاد هذا الشي مره ثانيه راح اسوي شي ماراح يعجبج افتهمتي
نور. اني ماهتميت اله لان جان بالي مو يمه جان يم التحاضير والدروس
اخذت وياي لفه لغرفتي ورحت وقريت شويه وطلعت سويت العشه وصبيتلهم
محمد. وين نور تعاي اتعشي
نور. لا محمد عندي هواي تحاضير واريد اروح اقره واني قبل شويه اكلت وما اشتهي
ورحت لغرفتي وكعدت اقره  وبعدين طلعت لان طبعا عمتي ماغسلت الماعين طلعت وغسلت الماعين
ورجعت اكمل قرايه وضليت اقره لمن صارت الساعه ب30. 1
وبعده نمت من التعب

امير. رجعت للبيت ولكيتهم كاعدين
امير. سلام
الجميع. وعليكم السلام
مروه. ها امير وين الفون
امير. اووف نسيت اسفه نسيت ماجبته ان شاء الله باجر اجيبه
مروه. 😔😔 ماشي عادي
امير. طلعت الجهاز وجنت حاطه بعلبه هدايه
هاج ياخبله هذا الجهاز شبيج زعلتي 😁
مروه. 😁😁ياااااااا شكرا شكرا
امير. ومرض لاتصيحين طرمتيني
مروه. 😙😙😙 وباسته من خده
امير. يله يله مصلحجيه
مروه. 😂😂😂
ورحنه اتعشينه وخلصنه وكعدنه بلصاله ونسولف اني وامي
امير. يمه حددتوا موعد العرس
ام امير. اي يمه حددناه
امير. اي شوكت (مستعجل الاخ 😁😁)
ام امير. البنيه كالت ورى نص السنه
امير. هاي ليش هيج بعيد
ام امير. لان البنيه على مود الامتحانات تريد تمتحن بالاول
امير. ان شاء الله
ام امير. يله يمه اني اروح لان تعبانه
امير. وانتي من اهل الخير يمه
راحت امي واني هم رحت لغرفتي وانتضرت نور تخابر بس ماكو ونفذ صبري ودكيت عليه اكثر من مره بس ماترد
امير. 😠😠 هاي ليش ماترد اني اله بسيطه باجر حسابج نور

هاي شلونكم
اسفه لان تاخرت بس كتبته ونمسح 😔
اتمنى يعجبكم البارت
ولاتنسون الفوت والكومنت

احبكم بكد رحمت الله 😘😘

بأي
تصبحون على خير