نور وامير❤😘

البارت 24

امير. مر اليوم عادي وخلصنه محاضرات ورحت حتى اخذ البنات اخذتهن ورحنه وصلنه نور واحنه رحنه للبيت
لكينه امي مسويه الغده تغدينه وخلصنه وكل واحد راح لغرفته
اني نمت شويه وكعدت ب3 لكيت امي كاعده
وكعدنه نسولف
وطلعت العصر وي جماعتي

نور. بعد ماوصلني امير للبيت تغديت ورحت لغرفتي قريت شويه ونمت وكعدت العصر نضفت البيت لان صارلي مده مامنضفته ولان محمد طالع وعمي كاعد بلحديقه اخذت راحتي بلتنضيف وطلعته يخبل 😁 وصار موعد العشه اجه محمد وراح بدل واجه وكف وياي نسولف بلمطبخ واني اطبخ ..
تعشينه وكعدنه شويه بالصاله وبعد شويه اني عفتهم ورحت اقره قريت شويه وردت انام بس امير دكلي
وضلينه نسولف لمن نمت وخليته يسولف وحده 😂😂

(تسريع الاحداث)

اجه يوم الزياره(الجمعه) 
اتفقنه ب7 الصبح نطلع
اني حضرت نفسي وضليت انتضرهم لمن يجون ومحمد هم كعد وياي وضل كل شويه يصنف عليه
محمد. يايابه يوم كامل وي الحب اوف 😉
نور. محمد لاتخليني اذبحك هسه اسكت
محمد. يله عمي سكتنه 😂😂 بس مو تنسين الشكريه بروح اهلج
نور. لاتخاف ماانسه راح اجيبلك بس لاتبجي 😁
محمد. ولج منو يبجي
بسيطه لمن ترجعين اني اعلمج مو هسه
نور. 😜😜

امير. كعدتنه امي من السته حضرنه نفسنه ورحنه لبيت نور دكيتله وطلعت هي ومحمد
محمد. صباح الخير
امير. صباح الانوار شلونك محمد
محمد. الحمد الله انته شلونك
امير. بخير بس شو مختفي هاي الايام
محمد. وعلي شغل وماالحك 
امير. الله يساعدك
محمد. تسلم
بس دير بالك على نور ترى هيه طبعه محلو بلطلعات
نور. شنو 😒
محمد. لا ماكو شي
امير. ههههه
يله نور اصعدي
يله محمد مع السلامه ولاتخاف
محمد. الله وياكم

نور. اجانه امير رحت اني سلمت على خالتي وبسته برأسه وصعدت ورى يم البنات لان خالتي جانت كاعده بالصدر
وتحرك امير وضلينه نسولف اني والبنات وكل شويه امير يباوع عليه من المرايه ويغمز 😳
ومشينه شويه وصرنه بلازدحام واباوع على خالتي نايمه
والبنات ملتهيات بلمبايل
وبعد فتره دخلنه كربلاء
وبعد نص ساعه وصلنه للامام احنه نزلنه وامير راح صف السياره بلكراج وضلينه منتضرينه وشويه واجه
جنه نمشي اني والبنات وخالتي تمشي كدامنه واجه امير
امير. يله روحن امشن وي امي (وهو لازم ايدي)
مروه. هاي طرده
امير. والله بكيفج
مروه. 😁😁 حاضر استاذ امير راح نعوفكم 😉
نور. 😳😳
ولك امير شبيك
امير. شكو شبيه
نور. ليش لازم ايدي وليش كلت هيج للبنات
امير. اولا هيج عجبني الزم ايدج
وثانيا اريد اضل بس اني وياج نمشي سوه 😉
نور. فشله من خالتي تعال نمشي وياهم
امير. ولج شبيج مو عيب اسكتي
نور. بس...
امير. اذا ماسكتي ابوسج هسه بنص الشارع واخليج تسكتي بعد ماتحجين
نور. جرب وشوف شاسوي بيك
امير. اريد اشوف شسوين بيه
نور. امير والله اعوفك واروح وي خالتي
امير. هههه خوش تهديد يله سكتت
وضلينه نمشي وامير طول الطريق لازم ايدي
وصلنه للامام وامير راح يزور واتفقنه تلتقي بمكان
امير. يله هسه روحوا زورو وصلو ومن تخلصون تعالوا هنا ماشي
ام امير. يله يمه روح زور انته
وراح امير يزور واحنه هم رحنه نزور
اول مارحنه نزور الامام الحسين عليه السلام زرنه وصلينه وكعدت اني اقره قران وكعدت يم الشباك وابجي مااعرف ليش بس دموعي وحدهن نزلن
وطلعنه نزور الامام العباس وهم زرنه وصلينه وضلينه كاعدين بلحضره شويه
ودعيت لاهلي ولعمي ولمحمد وللكل دعيتلهم وامير دعيتله دعوه خاصه الله يحفضه الي ويخليه سند الي
وبعد اكثر من نص ساعه طلعنه كعدنه بنفس المكان الكال عليه امير
وشويه واجه
امير. مقبوله الزياره
الجميع. الله يتقبل منك
امير. يله اني راح اروح اجيبلكم ريوك تعاي نور روحي وياي
نور. 😨 شنو...  لا امير انته روح شعدي رايحه
ام امير. كومي خاله روحي وياه هم شويه افترو وغيرو جو
نور. 😳 ماشي خاله
امير. ها ولج ماقبلتي من كتلج اني بس من خالتج رضيتي
نور. جاتريد اكلك يله كوم خلي نروح عيب من خالتي والبنات
امير. يمه لو تبطلين العيب جا اني بخير
نور. شنو
امير. لا ماكو شي يله نروح نجيب ريوك
رحنه وجبنه ريوك اخذنه كباب وعصائر 
ورجعنه وكعدنه نتريك امير كعد بصفي
نور. بس فجاءه حسيت نفسي اشتاقيت لاهلي اريد ازورهم 😞
واريد اكول لاامير نروح للنجف بس استحي اكله

امير. واحنه جاي ناكل اباوع على نور وبين على وجه ضايجه وتريد تكول شي بس متردده وبعد ماخلصنه اكل اخذت نور على صفحه اريد اساله شبيه
امير. نور تعاي وياي شويه
نور. ها
امير. تعاي شبيج
نور. يله اجيت
ها امير
امير. شبيج ضايجه اكو شي تردين تكولينه شنو احجي
نور. لا ماكو شي بس هيج مو كالك محمد طبعي محلو بلطلعه هيج صار هسه شويه تعكر مزاجي
امير. نور احجي تدرين ماتعبر عليه هاي السوالف
نور. ماشي 😞 امير اشتاقيت لاهلي واريد ازورهم بس استحي اكلك ويجوز عدك شغل واني جاي ااخرك
خلص انسه لاتفكر بأي شي يله نروح، يم خالتي
ردت امشي بس هو لزم ايدي وعيوني غوركن بس مابجيت
امير. هسه من، اضربج احد يكلي ليش
شنو ولج تستحين مني بعد شكم اسبوع وتصيرين زوجتي وتستحين مني ترى هذا الحجي ماقبل بي واذا سمعته مره ثانيه ازعل منج والله
واصلا ماعدنه شي وبعد وكت شعدنه راجعين لاهلنه هسه نروح للنجف هم نزور الامام وانتي تزورين اهلج واحنه هم نزور اهلنه يله
(وهو يمسح بدموعي)  امشي حتى اكل لاامي نروح للنجف هسه تكيف لان هم صارله هواي مزايرتهم
نور. امير اني شنو مسويه بحياتي حتى الله انطاني شخص مثلك
امير. والله هاي ماادري بيه ضلت انتي وربج مااعرف شمسويه 😉  يله امشي
نور. 😊😳
امير. يمه
ام امير. ها يمه
امير. يمه مادام عدنه وكت واليوم جمعه خلي نروح نزور الامام علي ونزور اهلنه
ام امير. والله يمه بكيفك بعد اني مااكول لا لان صارلي هواي مزايره ابوك
امير. يله لعد راح نروح للنجف
مروه. امير منو صاحب هاي الفكره انته، كلت كربلاء بس النجف هاي مو مالتك 😉😉
امير. انجبي
نور كالت من زمان مارايحه زايره اهله كلت نروح نزور شعدنه
نور. 😨 ولك امير شلون تكول اني الكتلك
امير. ليش واذا كلت
نور. عيب
امير. ولج نور راح انتحر من وراج
ولج كلشي عدج عيب
لاحبيبتي مو عيب ولا شي انتي حبيبتي وبكيفه وين ماتريد اوديه
واذا كلتي مره ثانيه عيب راح اعاقبج
نور.  جا شسويلك اذا انته ماتستحي وتحجيه مثل ماهيه
امير. ها اني طلعت مااستحي
نور. اي 😜😜
امير. هههه خبله ماتصيرلج چاره ابد
يله كومن تردن تروحن للسوك 
مروه. اكيد نروح
امير. كش ماتشبعين من السوك
مروه. 😝 ماعليك
امير. هههه يله امشن
يله نور تعاي  وهم لزم ايدي
ورحنه للسوك ومروه كل شويه دخلت لمحل 😁
امير. يمه اني ونور راح نروح نفتر شويه وانتم تندلون السياره وين
ام امير. اي يمه نندل روحوا
امير. ماشي واذا تيهتو خابروني
يله نور تعاي
نور. وين
امير. اريد اوديج للكصاب
ولج شبيج نروح نفتر ونشتري شكم شغله
نور. بس البنات وخالتي
امير. اوف منج نور
شو تعاي (وسحبني من ايدي)
نور. ولك امير
امير. اش ولا كلمه
نور. 😞
امير. ولج شبيج لاتزعلين
بس افتهمي يعني احنه هسه مخطوبين وعاقدين يعني عباره متزوجين واذا اخذج هسه و نروح محد اله علاقه لان صرتي الي افتهمتي يعني عادي اذا طلعنه سوه وحدنه يله امشي
نور. كش منك 😒
امير. ههه ها ولج ليش
نور. هيج بكيفي 😝
امير. ههههه تدرين لو مو عيب من العالم جا هسه بستج واصيح بأعلى صوت احبج
نور. ها منو اليستحي هسه
امير. ها يعني ابوسج ترى عادي اشيل المستحه 😉
نور. 😨 شنو انجب
امير. ههههههه خبله والله
دخلنه لمحل مجوهرات ردت اخذله هديه ...............

هاي شلونكم
اتمنى يعجبكم البارت ولاتنسون الفوت والكومنت
احبكم  بكد رحمت الله 😘😘😘

يله بأي 👋👋👋