نور وامير❤😘

البارت 8💟

نور. نمت الساعه 3 الفجر وكعدت على صوت المنبه طفيته ورجعت نمت 💤💤
ورى شويه اجه محمد
محمد. ولج نور يله كومي راح تتاخرين على المدرسه
نور. محمد حباب والله نايمه نمت ٣ الفجر بس شويه واكعد
محمد. ولج ياشويه الساعه ٧ وربع كومي ترى اعوفج واروح يله اني هم وراي شغل
نور. اوف يله خمس دقايق واجي
محمد. اي يله... ها صدك شعندك لتلاثه الفجر كاعده ويامن
نور. انجب ويله اطلع
طلع محمد وكمت سبحت على السريع وبدلت ونزلت لمحمد
وصلني للمدرسه وراح للشغل..

امير. كعدت الصبح سبحت وبدلت ونزلت تريكنه ورحت وصلت البنات للمدرسه واني رحت لجامعتي وخلص اليوم عادي مثل اي يوم ورجعت لبيت صعدت لغرفتي بدلت ونزلت حتى نتغده

ام امير. يمه امير خابرت الجماعه حتى تتفقون على يوم الخطبه
امير. لا يمه بعدني ماخابرتهم وان شاء الله اليوم كلت حتى اخابرهم ونتفق بس راح تصير حفله الخطبه والملجه سوه.
ام امير. اي يمه ان شاء الله
وخابرت ابو محمد وتفقنه الخميس الخطبه

نور. من رجعت للبيت تغدينه وخلصنه واني رحت لغرفتي ونمت واني بعز نومتي واجاني الشيطان (محمد) 😒😒
محمد. ولج نوررر كعدي
نور. 😪شكو ولك خير شصار
محمد. ولج كومي هسه امير خابر
نور. 😴 اي شيريد
محمد. وسم وزهر  ولج حددو يوم خطبتج
نور. 😱😱شنو
محمد. اي ولج الخميس الخطبه والملجه
نور. اي ديله اطلع هسه خلي اكمل نومتي
محمد. يمه تكومين لو اكسرج
نور. شتريد بعد
محمد. ولج ابوي يريدج
نور. اي هسه انزل
محمد. نور.
محمد. اووف يله كمت
نزلت للصاله
نور. مساء الخير
ابو محمد. مساء الانوار هله نور
تعاي بابا كعدي هنا يمي
نور. اي بابا
ابو محمد. بابا هسه خابرو الجماعه وكالو الخميس الخطبه والملجه
نور. ان شاء الله 😳
بابا اني عندي شغل لازم اروح
ماشي بابا براحتج
كمت ورحت للمطبخ لكيت مرت عمي واكفه صفحه
وكالبه وجه ضلت ادردم اني عفته وكمت اشتغل نضفت المطبخ
ورحت لغرفتي خابرت ليليان وضلينه نسولف وكتله على موعد الخطبه

امير. منتضر الخميس على احر من الجمر اريد اشوفه مشتاقله 😍(اخذ ثگل صاير خفيف😅😅)
مرت الايام عاديه من الجامعه للبيت واطلع وي اصدقائي نتونس

نور. بالله اريد واحد يروح وياي نجيب بدلت الخطبه 😭😭
اي صدك خلي اخابر ليليان
نور. هلو ليليان 😩😩
ليليان. هلو نور شبيج تبجين
نور. ولج باجر الخطبه واني لسه ماجبت بدلت الخطبه
ليليان. ولج وسم عبالي بيج شي
نور. ليليان اريدج تروحين وياي نجيب البدله
ليليان. اكيد اروح وياج
نور. لعد العصر تعاي ومحمد يوصلنه
ليليان. ماشي
نور. شكرا ياأحلى صديقه بلعالم 😘😘😘 حليتيلي اكبر مشكله
ليليان. نجبي لعد الاصدقاء المن تراد 😁
نور. 😀😀يله بأي

امير. اتفقنه اني واصدقائي العصر نطلع نفتر بلمول.  صار وقت الغده ورحت تغديت
مروه. امير وين راح تصير الحفله
امير. ابيت نور
مروه. هاا يعني ابيت انسابتك 😋
امير. انجبي ولج  ها صحيح انتي تره مامعزومه للحفله
مروه. (وكفت وتخوصرت)
ليش يابه مامعزومه
امير. تردين تفضحينه
مروه. والله ماعليه اني اول المعزومين جامنو تهلهلك
امير. هي من هاي السالفه ماتجين
ام امير. لايمه خليه تروح بلكت يشوفه واحد ويخلصنه منه
مروه. يمه شنو هذا الحجي 😞😞
وكمنه نضحك على مروه وزعلت لان كلنه بلكت يشوفه واحد ويخلصنه منه 😃😃😃
وخلصنه ورحت لغرفتي واسولف وي روحي
ياربي والله مشتاقله اريد اشوفه صارلي اسبوع ماشايفه
صارت الساعه ب٤ بدلت وطلعت وي اصدقائي رحنه للمول

نور. كمت اني بدلت لبست مانتو جو الركبه اوياه بطرون كابوي وحجاب ماروني
وسمعت الباب يندك عرفت ليليان اجت رحت على محمد حتى يودينه
نور. محمد حبيبي
محمد. احجي من الاخير ماكو داعي لكل هاي المقدمات
نور. اليوم عندك شغل
محمد. لا ماعندي ليش
نور. حباب كوم وصلنه اني وليليان نريد نورح للسوك نجيب بدلات الخطبه
محمد. يله بس خمس دقايق ابدل واجي
نور. يمه فدوه لاخوي
محمد. ههه ديله طلعي حتى ابدل
بدل محمد ورحنه للسياره وصلنه للمول وكال من نخلص يجينه وراح
احنه رحنه لمحل جبير خاص ابدلات العرس والخطبه..
دخلنه واخذت بدلتين وليليان هم اخذت نفنوف
دفعنه الحساب وطلعنه

امير. طلعت وي الشباب للمول كعدنه بكافتريه طلبنه كيك وعصير 
وضلينه نسولف وفجاءة باوعت من الشباك شفت.........

هاي شلونكم اخباركم 😙😙

خلص البارت واتمنى يعجبكم
لاتنسون الفوت والكومنت حتى انزل البارت الجاي

ها صحيح عيدكم مبارك 🎊🎊
وان شاء الله 😇🙏👼 ينعاد عليكم بالصحه والسلامه
😘😘😘😘

بأي 👋👋