نور وامير❤😘

البارت 14 (^_^♪)

نور. لمن نمت بلوحده ماادري لمن كعدت على صوت المبايل فتحت المبايل بدون مااشوف منو
نور(بتعب) الو..
امير. الو نور ولج انتي وين
نور. بلبيت نايمه
امير. ولج والمدرسه
نور. عاااات 😱😱 يبو شلون لسه نايمه واليوم عندي تحاضير وامتحانات
امير. يله انتي هسه لبسي على مااروح اوصل البنات واجيج
نور. لا خاف تتاخر على جامعتك
امير. انتي هسه بدلي يله
وسديت التليفون من امير وطفرت ركض سبحت وبدلت وضليت منتضره امير 😞

امير. كعدت الصبح كلعاده تريكنه ورحت اني سبحت وبدلت واخذت البنات ورحت لبيت نور انتضرت شويه ماكو مااجت واذكرت اني كتله لاطلعين لمن اني اخابرج
طلعت مبايلي ودكيت عليه وفتحت الخط بس مبين بعده نايمه الثوله 😀
وكتله تبدل على مااوصل البنات لان راح يتاخرن
مروه. هاامير شبيه نور
امير. مابيه بس بعدهي نايمه اني هسه راح اوصلجن للمدرسه
وارجعله
مروه. احم ترجع مرتين يم الحب
امير. ولج اسكتي ترى انزلج هنا هسه
مروه. هههه سكتت
وصلت البنات للمدرسه ورجعت لكيت نور واكفه بالباب
واجت ركض للسياره
نور. صباح الخير
امير. صباح النور. ولج اليوم شعندج لسه نايمه
نور. والله مو من عوايدي اضل نايمه لهذا الوكت بس البارحه تعبت من الدروس والقرايه
امير. يله هسه ماصار شي راح توصلين على الوقت
نور. امير شكرا من كل كلبي لان انته هم راح تتاخر على جامعتك واسفه لان راح ااخرك
امير. اذا كلتي شكرا مره ثانيه ازعل منج انتي هسه صرتي مرتي يعني هذا من واجبي
نور. 😳😳
امير. ها تعاي صدك ليش مسويه العرس ورى امتحانات نص السنه
نور. امير لان اريد اركز على دراستي ومااريد التهي بغير شي غير دراستي والامتحانات
امير. يعني شنو اذا تزوجتي راح ترسبين
نور. لا امير مو هيج بس انته تعرف انو العرس يرادله وكت وهاي السوالف
امير. ها 😒
نور. امير لا تزعل هسه يمر الوكت بسرعه
امير. 😏😏

نور. وصلني امير للمدرسه ونزلت اني بسرعه بس وكفت شويه ورجعت لاامير وفتحت الباب وبسته بخده 😍
مااعرف شسويت بس ردت اشكره  وعفته ورحت دخلت للمدرسه لكيتهم ستوهم دخلو للصفوف
اني رحت يم ليليان
ليليان. ولج نور وينج عبالي اليوم ماتجين
نور. ولج بلفرصه اسولفلج
وكعدنه وجان اول درس امتحان

امير. من وصلت نور للمدرسه هي نزلت واني بقيت واكف كلت لمن تدخل يله اروح بس هاي اجتي وفتحت الباب وطبعت بوسه بخدي 😻😍 ودي بهذيج اللحضه الوقت يوكف واضل بس اني وهي 
بس بعدين صحيت على نفسي وحركت السياره ورحت للجامعه وكل الطريق من اذكر البوسه ابتسم اول مره تسوي هيج  ودخلنه
للقاعات واني بنص الحصه اصفن وياخذني عقلي لبوسه نور،😘
وكل شويه يندسني صديقي الكاعد يمي وافز

نور. خلصنه امتحان وطلعنه اني وليليان
ليليان. ها ولج جاوبتي
نور. اني جاوبت بس وعلي اذا مااخذت درجه كامله لان امس الليل كله اني اقره ومتت من التعب 😔
ليليان. اي ولج سولفيلي ليش اليوم اتاخرتي
نور. وكعدت اسولف ليليان ليش اتاخرت
وهي طبعا ضلت تصنف عليه ..
ودخلنه الدرس الثاني اني بنص الدرس نفسي كامت تلعب ومعدتي كامت تكلب وكلت للمدرسه اطلع اغسل
وطلعت غسلت وشربت مي وارتاحيت شويه بره ورجعت
ليليان. شبيج نور
نور. ماكو شي بس يمكن لان ماتريكت اليوم
ليليان. يله هو راح يخلص الدرس ونطلع نشتري من الحانوت
وخلص الدرس واني كل شويه بطني تلويني
طلعنه اني وليليان ورحت لام الحانوت اشتريت لفه وعصير واكلت
وشويه ودك الجرس ورجعت للصف ومشه الدرس عادي بس بيه لويات خفيفه
ومن صارت الفرصه وطلعنه اني وليليان نفتر بلساحه
وفجأة صار عندي الم كلش قوي وماتحملت وضليت لازمه بطني وابجي من الوجع رحت اني وليليان للمغاسل غسلت وصار عندي لعبان نفس واتقيى وبعده اجن اخوات امير واخذني للاداره واعطوني علاج بس مافاد
مروه. اني راح اخابر امير حته يجي ياخذج
نور. لا مروه لاتخابرين اااخ
مروه. لا راح اخابره
واخذت مبايل المديره واتصلت على امير اكثر من مره بس مارد
اوووف امير رد
نور. مروه كافي عوفي
ودك الحرس للصف واني ردت اروح بس المدرسات كالو ضلي هنا
بس اني ماردت افوت عليه درس
على الرغم مااكدر اتحمل الوجع بس رحت للصف وخلصنه الدرس واني كوه متحمله الوجع
وخلص الدوام واني كل شويه اطلع واغسل واتقيى 
خلص الدوام وطلعنه اني والبنات وكفنه بالباب  ومنتضرين امير
بس اني كعدت لان مااكدر اوكف

نور. مروه. ساره تعالن اريد احجي وياجن
مروه. وساره. ها نور بيج شي
نور. لا بس لا تكولن لاامير بلصار
مروه. لا شلون لازم يوديج للمستشفى
نور. لا مابيه شي مايحتاج مستشفى وهسه وعدني ماتحجن
مروه. وساره. ماشي وعد مانحجي
وبعده اجه امير

امير. خلصت جامعه ورحت حتى اخذ البنات
وصلت للمدرسه وشفت مروه وساره بس نور ما موجوده
وبعده دخلت ساره وطلعت وياه نور
شبيه نور ليش هيج ماتكدر تمشي اوجه تعبان
واجن وصعدن بلسياره بس شو نور صعدت ساره بالصدر وهي صعدت ليوره اني ماحجيت بس ضجت
وطلعنه  واحنه ساكتين محد حجه شي
بس اباوع على نور من المرايه مبين عليه تعبانه وحاطه ايده على حلكه

نور. اجه امير ورحنه لسيارته واحاول اسوي كلشي طبيعي وماابين اني بيه شي رحت وصعدت بس ماصعدت يمه صعدت ليوره وساره كعدت بلصدر لان ورى اكدر اخذ راحتي و اكعد براحتي
ومشينه شويه وأشوف امير يباوعلي من المرايه بس احاول مااخلي ينتبه
ومشينه شويه بس بعد مااكدر اتحمل لان ردت اتقيى حطيت ايدي على حلكي وكلت لامروه تكل لأمير يوكف السياره لان بعد مااكدر

مروه. امير اوكف على صفحه
نور. اوكف امير
امير. ولج شبيج نور وجهج صار اصفر

امير. كالتي مروه اوكف على صفحه وأشوف نور وجه صار اصفر وحاطه ايده على حلكه وكفت على صفحه ونزلت لنور ركض
وهي هم نزلت وتقيئت
امير. ولجن شكو شبيه نور احجن(بعصبيه)
مروه. امير والله ماعرف هيج فجاءه بالمدرسه صار بيه هيج
امير. 😠😠 وليش ماخابرتي
مروه. والله خابرتك اكثر من مره بس انته ماترد
امير. استغفر الله
جنت بلمحاضره وحاطه صامت 🔕

نور. امير بطني راح اموت 😭😭
امير. اشش هسه راح اوديج للمستشفى
صعدت نور بلسياره واخذته للمستشفى وهي طول الطريق تتلوه من الوجع ودي اشيل الالم منه واحطه بيه
وصلنه للمستشفى ونزلت نور ودخلته واجه الدكتور وسواله فحوصات.......

هاي شلونكم
اتمنى يعجبكم البارت ولاتنسون الفوت والكومنت
احبكم بكد رحمت الله 😘😘

بأي
مع السلامه... ✋✋✋