#حب_وحنين
الجزء العاشر
nada hs
اكرم
احلى ايام بعمري خلصتها ويه حنين.. حالنه حال المتزوجين.. ماهمني لا حرام ولاعيب مچنت اكدر امنع نفسي ولا هي هم..
تالي الليل لو اني اروح يمهه انام بالگاع بغرفة امي واطلع قبل متگعد.. لو هي تجيني لغرفتي... وطبعا منگعد راحه ههه تخلص مباوس ولعب وحضن وكلشي..
حنين:لااا اطلع منا ! لتجي كافي!
-مداگدر انام.. نيميني..
حنين:اووف هسه بالله گعدت امك؟ هااا؟ شراح تگول؟
-امي تعرف بس مغلسه ههه..
حنين:عليك الله!
-اييي اعرف امي من نظراتهه..
حنين:روح لعد لتفشلني گدامها اكثر..
-لج مااعوفج.. مدااكدر بدونج.. واختي جايه اسبوع الخ شون اتحمل مااجيج ؟مادري!
حنين:هاا؟! خاف تعرف بينا؟ اني خايفه اكرم..
-من شنو تخافين حياتي.. اني يمج.. مراح اخلي احد يعرف بالي بينا .. لمن تصيرين زوجتي يله اسولف هههه..
حنين:يعني بكل الاحوال فاضحني..!؟
-اوف .. لج اكو واحد يفضح روحه! تعالي قربي .. ترا صدك حتگعد امي.. يله تعالي..
خليتها بحضني وبديت العب بشعرها يله غفيت.. صدگ حسيتها حزء مني والحياه بدونها متكمل.. كل يوم يمر يزيد خوفي لاافقدها وتروح مني.. سألت محامين هوايه اذا اكو حل لمشكلتها كل واحد منهم انطاني رأي..nada hs
شي گلولي اطلع بدل ضائع للجنسيه واگدر اتزوجها رسمي.. طبعا بعد اشهر يله لان هي قاصر...بس نحتاج مستمسكات وتعال شلون احصلهن..لان هي حچتلي زواجها من محسن چان بس عقد شيخ.. وماكو شي مثبت يم المحاكم.. وغيرهم گلولي اشتكي ع اهلها و قدم تقاريرها الطبيه مال البكاره ومال الطلق الناري بيومهه..
چنت اگوللها هل حلول بس هي تخاف.. وتگول مااگدر اطعن بأهلي.. حاولت وياهه بكل الطرق مفاد..
اخر شي وصلتله اطلع جنسيه الها جديدة واستعين بأصدقائي حتى اكدر احصل بطاقة سكن او تأييد اواي شي الها...
اشهر بقيت اركض ورا هل سالفه.. كلفت واحد من جماعتي يجيب بطاقه السكن عن طريق اخوها الموظف.. سوولهم حجه بدائرة اخوها لازم مستمسكات العائلة كلها ع اساس اكو جرد واحصائيه... وهو صدگ وجاب كل مستمسكاتهم.. وصلتني المستمسكات وچان عندي يوم واحد ولازم يرجعن..
گبل استعانيت بأصدقائي ومعارفهم واهلهم وواسطه منا وكم رشوه منا كمل كل شي وصار لازم تحضر حنين حتى نخلي صورتها والقاضي يتأكد من وجودها..
اخذتها وچانت اول مره تطلع من البيت .. لاحظتها نست حتى ع شنو رايحين بقت تتفرج ع الشارع ع الناس ع السيارات ع كل شي.. وصلنا وكمل كل شي بظرف ساعات... واستلمنه هويه حنين الجديدة..
طبعا اهلها كالو للناس ماتت بس ماكو شي يثبت وفاتهه غير الفاتحه الي ضحكو ع نفسهم بيها وسووهه.. لا شهادة وفاة ولا شي...
حنين:يعني هسه اني عايشه من صدگ؟ اگدر ارجع لمدرستي؟
-اي رجع كل شي تمام.. بس مدرستج صعبه الرجعه هسه.. اول شي خل نتزوج رسمي وبعدين نحل سالفه دراستج..
حنين:صدگ؟ نتزوج؟
-اي.. لعد احسن باقين مثل الحراميه ههه!
حنين:اموت عليك حبيب گلبي..
-لج عيب لتبوسيني الناس تشوفنا!
حنين:محد يشوف سيارة وبيها اثنين شعرفهم منو احنه!
-هههه كلها تعرفني..
حنين:وبنات همين؟
-اي بنات وشابات وارامل ومطلقات وكل شي ههههه!
حنين:ازرف عيونها الي تباوعلك والله..
-حبيبتي انتي.. يرحلچ فدوة..
رجعنه للبيت وكمل يومنه عادي ، بالليل جبتها يمي لان ثاني يوم حتجي اختي وماگدر التقي بيها بعد..
ثاني يوم گعدت لگيت حنين مسويه البيت تحفه.. مستعده لجية نهاد.. نهاد متزوجة غريب.. چان موظف وياهه بمديريه الكهرباء لانو هي مهندسه كهرباء.. وهو هم مهندس.. تقدملها ع وقت ابويه وصارت قسمتهم .. هي اكبر مني واصغر من امجد.. حاليا عدها 3 اطفال.. لمى وألمى وكرم..
