طبيب الروح دكتور عزام

الجزء السادس

#طبيب_الروح_دكتور_عزام
الجزء السادس،
#ام_النون
شدن : مرت احلى ايام بحياتي ورة معرفت اني حامل  دلال من محمود مو طبيعي حتى اذا  لكاني اشتغل بالمطبخ يجي يساعدني  وهموسة تعيط اي عيني يم القلب توكف بالمطبخ  من جانت ماكو تستنكف  جنابك
محمود : لج من تتمرضين منو جان يغسل المواعين مو اني،و مصطفى نتقابل وجه البومة
همسة : ههههههه و الله اشاقة وياك عابتلك دخلت بشهر الرابع من حملي و البيت السعادة الي بي مستحيلة الا ان اجة اليوم الاسود

شدن :حبيبي محمود كوم يلة سحبني قوي و باسني
محمود : احبج شدن انتي احلى شي صار بحياتي بريني الذمة اذا يوم اذيتج بكلمة
شدن انقبض قلبي : ليش،هيجي،ديحجي انت روحي بالدنيا . اني اسفة اذا عصيت فد يوم حجايتك كمشت ايدة و بستهة يا بعد عمري
و رجع سحبني و باسني قوي و طول شكد منسجمت وياااا شكد مجان اكو خوفة بقلبي من تصرفاتة
محمود : شبيج مخروووعة رجال و مشتهي يبوس مرتة من الصبح شكو هههههههه
كام سبح و بدل نزلت حضرتلة الريوك اجاني للمطبخ حضني من ورة و باسني،من ركبتي
محمود : شنو حبيبي اليوم ما عندة دوام
شدن : لا حبيبي تعبانة و اخذت اجازة ابنك اموتني
محمود :و لك ادبسيز شعندك متعب امك على كيفك عليهة
رجع حضني و باسني و باس ايدي،
غمزلي اليوم ليلة خميس شيخلصج مني مشتاقلج بكد رحمة الله
عزام : طلعت من غرفتي سمعتهم يضحكون و شدن ادكولة كافي عيب خاف واحد يطلع
ضحكت و سويت احم احم حتى انزل
وراها الكل كعدوا اكلنة سوة جانت لمة حلوة محمود يباوع علينة و يضحك و يسولف كمل ريوك بوس الكل و طلع .
عزام : طلعت رحت للجامعة اليوم الاربعاء لازم اكمل الاجراءات مالتي دمروني صارلي 3اشهر مخلص و يومية رايدني

سرمد : السلام عليكم اني اعز صديق لمحمود و نكعد سوة بنفس الغرفة راح اسولفلكم احداث هذا اليوم
محمود : صباح الخير ضلعي
سرمد : صباح النور حبيبي .شنو الوجه المنور اليوم
محمود : و الله ما ادري احس قلبي،مقبوض و ممرتاح اكولك شنو اليوم الطرق لعبان نفس
سرمد : شبيك اتعوذ من الشيطان من شوكت انت هيجي
محمود : و الله ما ادري استغفر الله العلي،العظيم
سرمد ظلينة نشتغل ليحد مصارت ساعة تسعة ونص
راح اوصفلكم غرفتنا احنة 3 ميوزة بصدر الغرفة ميز محمود و صاير الشباك فوك راسة   و اني و ثامر صايرين على الحايط
جانت الغرفة بيومها امبوخة بقينة الشباك مفتوح
محمود : اكولك راح تصير ساعة عشرة خلي اروح للمولدات اشوف شنو مسوين ممسوين
سرمد :كام حيدر سد الشباك ديدير وجهة محسينة الا غرفتنة عبارة تراب و شبابيك فوك راسنة و ننزف بديت اصيح رفعت وجهي لكيت المكتبة و الدولاب واكع و الكع كلهة زجاج و من اعيط ما اسمع صوتي ظليت ساكت اريد افتهم شنو الي صار ما اعرف شوية بديت اسمع عياط بديت اصيح محمود محمود ميردلي يمعود وينك شنو رحت مو جنة نحجي شصار زحفت شوية شوية وصلت لكيت مذبوح بزجاج مال شباك و رقبتة كلهة دم و لك محمود كوم يمعود و العالم تصرخ سحبتة و طلعتة برة بالممر لكينة السقوف الثانوية كلها واكعة اسمع دقات قلبة  ماكو كمشت ايدة وكعت من عندي اصيح يمعود بس كوم مو لخاطري لخاطر اهلك و زوجتك و امك هسة تروح بيهة و كوم لخاطر موسى مو كاعد تنتظرة  فدوة لطولك بس احجي خوية .
لكيت ولد يشتغل بالدفاع المدني كام يصيح لك محمود ابو قلب الطيب كوم و يبجي باوع على رقيتة مذبوحة فحصة ماكو نبض خلص استشهد محمود حالة حال هواية موظفين بوزارة المالية طلعوا من بيوتهم حتى يخدمون الدولة بيوم الاربعاء الدامي ترملوا نساء و امهات خسروا ابناءهم بسبب مجموعة من المجرمين همهم الاول و الاخير قتل الشعب العراقي  .
شدن : اكولج هموسة ديري على البغدادية يكولون حلو البرنامج ظلينة نتفرج فجأة المذيعة كامت و انكطع البث جنت دأشرب مي  وكع الكلاص من ايدي
همسة : اسم الله راح الشر ... يلة لتخافين
شدن : لا و الله اليوم اكو شي قلبي ممرتاح رجع البث طلع خبر استهداف قناة البغدادية بسيارة مفخخة
شنو الفلم ؟
خلي اخذ التلفون اخابر على محمود
ليش مديجاوب و الله قلبي،نار
همسة : شبيج ماكو شي هسة يحوز بأجتماع

عزام : كملت شغلتي و رجعت للمستشفى تقريبا بالعشرة و نص اكو تلفزيون بالمستشفى رفعت راسي اقرة خبر استهداف وزارة المالية العراقية بسيارة مفخخة أدى الى سقوط عدد من الشهداء و الجرحى
من قريت الخبر بعد محسيت بروحي جسمي يرجف رجليناتي ما اكدر اسيطر على نفسي اريد اكمش تلفوني اخابر على محمود بالكوة كمشت التلفون صرت بحالة من الرعب حضنتة الصبح  ريحتة ليهسة مجلبة بهدومي بديت اقرة ايات قرانية و خابرت علية هذا الحجي 11الا ربع
خابرت دك التلفون جاوبوني لا هذا مو صوت اخوية
هذا مو صوت محمود الي جان الظهر و الصبح يلعبني بالبايسكل و هذا مو صوت محمود الي اذا صرخ ينهز البيت .
هذا مو صوت محمود الي جان يدافع عني بالمدرسة اذا حاول طفل يضربني
هذا مو صوت محمود الي دائما يكولي
كل متساعد محتاج الله يضاعفلك رزقك
منو انت ؟
اني سرمد
عزام : وين اخوية ؟
سرمد ابجي و صوتي ميطلع
عزام : لك سرمد احجي وين اخوية ؟
سرمد : محمود استشهد خوية . محمود راح
عزام : لك شكاعد تحجي .
وين انتوا هسة ؟
سرمد : تعالوا احنة بمستشفى ....
عزام : خابرت على والدي و مصطفى والدي انهار هذا الرجال القانوني الكلة شموخ وصل للمستشفى مكسور
ابو اسماعيل: وين ابني اريد اشوفة وصلوني الة
دخلنا شفنة منظرة  شلون مذبوح و وجهة متشخط بالزجاج ظلينة نبجي
ابو اسماعيل : ليش رحت ابني كتلوك الانذال كتلوك الي ميخافون الله
محمود باباتي كوم مظل شي 5-اشهر و اتشيل ابنك ليش عفتهم
كوم باباتي مو ردت برياني من امك و زوجتك يلة كوم حتى كلنة نتغدة . كوم ابو الريحة الطيبة .
كوم حتى الجمعة نروح لصالح نطي راتبة . اذا مو لخاطري لخاطر هذا اليتيم
عزام : كافي بوية كافي بعد ميسمعك راح شهيد بسبب هذولة المجرمين

ام اسماعيل:راح اموت محد مديرتلي . اكيد محمود صار بي شي
شدن احجي و الدمع اتصب : فدوة خالة لتكوليهة عفية همسة رجعي خايري على عزام
همسة رجعت دكيت رد عزام بصوت كلة تعب و حزن عرفت هاهية راح محمود كلشي،واضح
شكو عزام وينة محمود احجي
عزام : محمود راح يم ربة هاهية بعد ماكو محمود
شدن : شكو احجي وين محمود لج جاوبي لتسكتين رجلي وينة
ام اسماعيل : شصار بأبني وينة . وين شمعة بيتي ابو الريحة الطيبة شصار بي لج لظلين ساكتة
همسة : ما احس بشي بس رجلي ترجف و قلبي راح يوكف
محمود راح .....بعد ماكو محمود
شدن : اسكتي لتحجين حجي متعرفين شنو معنى شنو ماكو يعني مات راح و تركنة اني،و ابنة مو اتفقنة ليش راح
ام اسماعيل : بدت تعيط و تنوح ابني كتلوك الي،ميخافون الله ولكم من يا ملة انتوا لكم 9 اشهر حامل بي اسهر ليالي عليه حتى اشوفة شاب و من يوصل ل33 وفرحان بأبنة تكتلوا بدم بارد حسبي الله و نعم الوكيل و تلطم و تضرب على راسهة

عزام : جبنة جثة اخوية الشهيد  للبيت جان منظر امي صعب هي،و همسة
اما منظر شدن من كمشت جثتة و تشم بي
و تبوس برقيتة و ادكول ذبحوك الميخافون الله
تسكت و ظل صافنة علية
كوم حبيبي يلة مو جنت تريد تشوف ابنك مظل شي 5اشهر و شكد متريد اجيبلك جهال بس،اكعد فدوة اروحلك
عزام : سحبتهة كافي ارحمي بحالج و بحال ابنج هو هذا الشي الي ظل من ريحة الغالي كومي كافي
وراهة اجوي اهل شدن يمهة و ظلوا يبجون و احنة طلعنة لمقبرة السلام و ودعنة ابو القلب الطيب محمود

#لن_نمحوا_ذكراكم_ياشهداء_العراق