طبيب الروح دكتور عزام

الجزء التاسع عشر

#طبيب_الروح_دكتور_عزام
الجزءالتاسع عشر
الكاتبة #ام النون
عزام : مرت الايام و قروا الفاتحة لمصطفى و شدن  يوم عن يوم  يزيد جمالهة و انوثتهة  و نايمة بصفي و ما اكدر اتقرب منهة  معاملتهة و لطافتهة وياية  بالغرفة
من زواحنة الي حيمر شهر عليه مجيب سيرة محمود صارت بس،مرة وحدة و بجت و مدأفتهم ليش متذكرة حتى من اني اذكرة من اسولف وية موسى ادكولي،انت ابو و عمة
المصيبة ما اريد اغصبهة على شي بس،المشكلة اني رايدهة ...اكعد بالمكتبة اقرة و اكمل افكر بيهة حسيت روحي تعبت رحت للغرفة دخلت لكيتهة لابسة بجامة بنفسجية طالعة تخبل
ليش دتلبسين الالوان الي احبهة عليج بالغرفة
شدن : شكاعد تحجي عزام ...و الله مو قصدي شي
عزام : سحبتهة قوي و بستهة واني منسجم وياهة  بدت تضربني على صدري وراهة هدأت نزلت على ركبتهة دفعتني
شدن بديت ابجي و ارجف : و محمود شتريدني انسى و حتى السنة مطالعة ....ابوس ايدك افتهمني .و الله العلي العظيم مو بيدي
عزام : بس اني زوجج ...شدن تعبتيني و اني،هم و الله العلي العظيم حبيتج مو بيدي،و الله
شدن كعدت على الفراش و بديت ابجي :مظل شي و يسافرون و نرجع كل واحد ينام بغرفة احسن شي
صح عشرتي وياك اكثر من محمود بس عندي ابن منة ...خليني اداري هذا اليتيم و يحلهة الف حلال
عزام : موسى مو يتيم لج اني ابو اشيلة فوك راسي و ما اقصر ويا و وعد مني لو اعرف اقصر على جهالي ما اقصر ويا بحباية  اني طالع اخليج ترتاحين
شدن : تعال احضني و لتعبني حضنتهة و بستهة من كصتهة اسف بعد ما اعيدهة و وقت متريديني اني اكون الج الزوج و الحبيب.
عزام :ظلت تبجي بحضني هسة ليش تبجين اروح احرك شفايفي لان باستج و تخلصين منهة
شدن : ههههه ..مجوز من سوالفك ..بس،مقهورة لان اني تعبت و تعبتك وياية شكد متشاقة و تضحك اعرف اكو نار بقلبك شنو ذنبك محسوب مزوج و انت ممزوج مجرد حلقة بيدك
عزام : ميخالف اصبر و ادري بيج مو هينة الي تتمرين بي
و من يطلعون بيت اسماعيل الي تريدي يصير
شدن : انقهرت من وضعة
عزام : رايح اشرب،مي  اتريدين
شدن : اي ...اريد  اتمدت بالفراش و اتلمس شفتي رقبتي و الرجفة بجسمي ..اريد قربة و بعدة بنفس الوقت اغار عليه اذا فكر بزوجة ثانية و ادري هو ديغيضني بس اتخبل اذا فكر و بنفس،الوقت ذكرى محمود ابالي احسة محاوطيني بكل مكان يا رب شسوي ساعدني زيدة صبر وياية و الله مو بيدي
عزام : اجيت يلة اشربي المي و خلي انام
تريديني ما انام يمج
شدن : تعال خلي نتمدد بعد شوية يبدي يبجي موسى
عزام : كعد موسى و رضعتة و شافني و ضحكتلة و ظلينة نلعب ويا ليحد متعب
و نام
وراهة نمنة اني و شدن
شدن : كعدت متأخرة و عزام ه ماخذتة النومة
عزام..كوم اتأخرت
عزم :ليش ساعة بيش؟
شدن :سبع و ربع ..
عزام :يا اني راح ابدل و اطلع ما الحك اتريك
شدن : باقية من الكبة احطلك بالصمونة و تاكلهة عسريع
عزام : اي و الله....
اريدج تطلعين احلى وحدة اليوم .
شدن :يلة كوم مو راح تتأخر ..رحت سويتلة اللفة و اجة عسريع اكلهة
عزام : رحت للمستشفى ...رغم رفضهة الي بس مدري ليش فرحان لان اتقربت منهة و اعرف لازم اتحمل بعد هواية لان فعلا نفسيتهة تعبانة بس ميخالف لازم اتحمل دأتمشى بالمستشفى و شفت ابو ليلى
ابو ليلى : مرحبا دكتور ...شلونك صحتك ؟
عزام :مرحبا حبيبي شلونك الجهال شلونهم؟
ليلى و سكينة و محمود و عزام
ابو ليلى :باس ايدة وجه و كفة الف الحمد لله و الشكر يبوسون ايدك
عزام :محتاج شي ..مرتاح بالمستشفى
ابو ليلى :الحمد لله ..الراتب و شغلي العصر مرتاح
عزام : الله يزيد يرزقك ...انت خوش انسان تستاهل ..يلة عيني اني اترخص
شدن :اتغدينة من وقت و بدينة انجهز نفسنة لان ساعة 3لازم نكون ابيت البنية
لبست الفستان ...و ظليت انتظر عزام
ام اسماعيل : شنو متجين ويانة ؟
شدن : لا خالة ...اريد اذب موسى يم نهى هسة عزام يجي دكيت على عزام
عزام : ها شدن اني هسة راح اوصل بس افوت ابدل
شدن : هههه شبيك مستعجل بالجواب تعال فوت اسبح و بدل براحتك بس عزام من هسة اكولك ساعتين و ارجع
عزام : ان شاء الله ...و اني هم خلي اخابر سرمد خاف نحتاجة يم السيد
شدن : اوكي براحتك ...
عزام : دكيت على سرمد
سرمد : الووو ...هلو عزووو شلونك ؟
عزام : هلو حبيبي اكولك اليوم عقد السيد مال مصطفى
سرمد : اي ادري مصطفى كلي و اني رايحلهم
عزام : خوش ديلة  ابدل و جايكم اني و زوجتي
شدن : دخل للبيت جان طالع يخبل و هو اصلا حلو. تريد تاكل لكمة وراهة تسبح
عزام : اي بس مو هواية
شدن : ماشي
عزام : راحوو كلهم
شدن : اي بس اني ظليت
عزام : حلوة طالعة ...و ظليت صافن بيهة
شدن : نظراتة حلوة توكف قلبي،و كلش اتخجلني،
عزام : يلة رايح اذب على روحي مي حتى ابدل
شدن : اوكي اخذ راحتك
عزام : فتت للغرفة لكيتهة محضرتلي قميص،و بنطرون و الساعة و الحذاء صابغتة و ماسحتة و خالتة برة الغرفة  اوف منج و تريديني،ما احبج
شدن  صعدتلها : ها شلونهة الترتيبات ؟
عزام : عاشت ايدج ...اجنن.
حضنتهة و بستهة من راسه. ...الله يحفظج الي
شدن : و يخليك الي.... ما اعرف شلون اجازيك
عزام : غمزتلهة و ابتسمت كلشي بوقتة تعالي،لبسيني الساعة
شدن : اوكي ..حتى تلبسني،السوار طلعوا ونسيت البسهة
كملنة و طلعنة وديت موسى لنهى
نهى : اووي فدوة اليوم العب لعب بيك
شدن : خوما عندج امتحان ؟
نهى : روحي معليج بيه ..مدبرة نفسي
شدن :وصلنة لبيت مروة و بدت مراسيم المهر و صارت مروة زوجة مصطفى شرعا لبسهة الذهب و باسهة من كصتهة و خدهة بلهفة
كلنة كمنة نضحك ...اذكرت محمود من كلي هذي شعرج لو باروكة ...بس،خلص بعد راح لدار حقة و صرت زوجة عزام ...
اختنكت و رحت كعدت بالمطبخ
ام جمال : شفتهة راحت للمطبخ لحتهة....
شبيج ؟
شدن : ما بية شي بس تعبت
ام جمال : خلي نكعد نسولف ...انتي و عزام زواجكم بس على الورق و هذا الشي مأذيكم مو بلة
شدن : نزلت راسي و بديت ابجي و ارجف
ام جمال : تعالي حبيبتي ....ادري صعبة
شدن : اني تعبت و هو تعب ...احنة نسوان و نفتهم شنو ذنبة بس و الله مو بيدي،
ام جمال : حقج و الله و هو هم صابرلج ميخالف العافية درجات ..عزام ماكو منة بالدنيا و صدكيني يتحملج ...
راح احجيلج شغلة عزام ميعرف بيهة  عزام جان رايد دكتورةويا بالكلية كلش،جانت عاجبته و علاقة حب بيناتهم
شدن : قلبي ينعصر من يحجون بهاي،الي جان يحبهة
ام جمال : اول مشفتهة مرتاحيتلهة ...حسيتهة ملعبة هذا الحجي قبل سقوط بغداد بشهر
شدن : اي يعني،قبل 7سنوات
رحت للمطبخ بالصدفة والله و هي مدري شبيهة التلفون ارضي جان احترك هلكد مدك
سمعتهة تحجي وية واحد ادكولة اذا توفرلي كل الي اطلب،منك هسة انهي كلشي،بيني،و بين عزام
شدن : شكد حقيرة ....ليش،هو اكو مثل عزام بالدنيا
ام جمال : سمعت اتخبلت ...ما اكدر احجي و اكللهم سمعتهة تحجي
بديت اسوي مشاكل ... قبل القصفة بيومين خليتة يفسخ عزام خطوبتة ذبيتلة كلمتين خليتة يصحة
و فعلا ورة السقوط لكة عدهة علاقة وية واحد خلصوا الكلية و سافروا
اني صح اغار لان بنية كلنة عدنة هذا الطبع .. بس،الله مطاني اخوة لكيت بولد عبد اللطيف الاخوة فمستحيل اشوفهم يتأذون و اسكت
شدن اوصيج بعزام على كيفج عليه ترة خوش،ولد و ابن ناس و محترم نفسة ما عندة زايدة ناقصة هي 4 اشهر و تخلص السنة ابدي اتقربي منة ليحد ما الله يسهلهة و تكونون اسرتكم ترة عزام يحتاج ضنة و موسى يحتاج اخوة
شدن : ان شاء الله ...
اتخاضنة و اوعدج هذا الحجي،ما اكولة لابو جمال بس،والله حبيتج و ردت انصحج
همسة : جنت ملتهية بالحفلة و دك تلفوني مسج فتحتهة
اني يمكم ...اريد اشوفج من بعيد
همسة : لا اراديا حطيت الشال على راسي و طلعت
سرمد :طلعت بحيث،محد ينتبه و ابتسمنة واحد للثاني
همسة :شتيصير بية ليش طلعتلة ..  احب،اسمع كلامة و كلشي الي يريدة اسوي
سرمد : دزيتلها مسج طالعة ملاك ....انتي،تخبلين
نهى : امير ..امير لك تعال شوفة شيسوي
امير : هذا يضرب على صدرج يريد ممة
نهى :اريد طفل ....ضجت
امير :بس خلصي الامتحانات ...انوبة من الدوخة و اللعبان نفس ترسبين
نهى : هههه عايتلك ....ظليت احجي،براسة و ابوس بآمير موتة اريد طفل
امير : خلي يجون اهلة و نشوف شنسوي
نهى : احبك امير
امير : اخذت موسى نيمت بفراشة و حضنتهة و بديت ابوس بيهة و هي منتهية
ترة انتي ادبسيز و لوتية
شدن :خلصت الحفلة و رحنة اخذنة موسى و رجعنة للبيت
نهى :اي راح ....امشي خلي نصعد
امير : خلي اكل لكمة و نصعد
اكلنة و صعدنة فوك ........ جانت احلى ليلة بحياتنة موتتني بدلعهة و ضحكتهة و تجاوبهة وياية
نهى : الله يرزقنة بأحلى ذرية
امير : ان شاء الله ..احبج يا ملاكي
نهى :اموت عليك ....