#طبيب_الروح_دكتور_عزام
الجزء الثالث عشر
الكاتبة #ام_النون
عزام : كعدت بالغرفة الوب صفنت صدك حجيهة على كيفي وياهة مستحيل راح تتقبل قربي منهة خلي احاول شوية ابتعد عنهة .
كلشي بالعشرة و التعامل الحلو يمشي مو بيومين تريدهة اتصير الك على كيفك عزام ترة مو سهلة اتشوف رجلهة مذبوح و هسة على ذمة رجال ثاني بالغصب خلي شوية اهدأ و اروح اعتذر منهة
شدن : جنت ارضع بموسى اندكت الباب
منو؟
عزام : اني...ادخل
شدن : هسة دقيقة ..... تفضل
عزام : شنو جنتي ترضعي و اجيت كملي و بعدين اجي
شدن : لا خلصنة تفضل
عزام : اسف على الي صار بس مجان قصدي شي حبيت اتشاركيني فرحتي و اني كتلج مراح اخلي شي يصير غصب عنج
ترة مو بس انتي صعبة عليج اني هم صعبة علية انتي زوجة اخوية جنتي كاعد تستوعبيني
انتي مرية كبيرة و تستوعبيني
بس اريد ثقة منج خلينة اصدقاء و شوكت ما الله يحلهة تنحل
شدن : ان شاء الله . كلشي بيد الله .
هههههه دشوف سمع صوتك كعد
عزام : ربي يحمي و يحرسة
شدن : يلة عيني استلمة مصدكت نام بس سمع صوتك يريد يلعب
عزام : تعااال باباتي هاي امك شادة عداوة وياية مالنة علاقة بيهة خلي نلعب
مر اليومين هي ملتهية بالبيت و موسى
شدن : عزام باجر همسة رايحة للكلية علمود وثيقتهة
عزام : اي كالتلي حوصلهة اني و ترجع وية صديقتهة
صديقتهة يصير اخوهة سرمد صديق المرحوم و صديقي
شدن : الله يرحمة . زين يعني تعرفوا ؟
عزام : كلش خوش ناس همة حالتهم متوسطة و تشوفي يساعدون الفقرة و الايتام
شدن :اي الحمد لله
عزام :شنو محمود محاجيلج عليه ؟
شدن : لا كلشي مجان يحجيلي اصلا من اتوفة عرفت بهذا الولد اليتيم الي يطي راتب
و بديت اني انطي وياكم
عزام :اي هو جان طبيعتة ميحجي لاحد اني من طلع تعيني كلي و بديت اساعدهم
شدن بديت ابجي : الله يرحمة شكد جان طيب و يارب يكون مثواه الجنة
عزام اخذتهة حضنتهة : كافي اسكتي صوجي حجيت البجي مراح يرجعة
شدن : مسحت دموعي اسفة اني
عزام : عااادي شخبار نهى و امير ؟
شدن : نسيت اكولك الخميس عرسهم
عزام :يا هذا الشبي حايص و مستعجل خلي،تكمل كلية
شدن : ههههه واحد يحب الثاني من همة و صغار وهي رسبت ثاني كلية تخبل لان راح يتأخرون سنة بزواجهم هسة يكوللهة نزوج بعد ما بية صبر
عزام : هو كلش شاطر
شدن : اي هي هم شاطرة ما عدهة بس،امير اصلا ما اتخيل تكتب شي بالامتحان بس امير امير ههههههههه
عزام : ايييي حلو هيجي حب ربي يسعدهم
شدن : انقهرت عليه من اخذ نفس عميق
ربي يسهل امرك
عزام : اني اروح لازم اوصل همسة الصبح
همسة : كعدت الصبح و وصلني عزام للجامعة و شفت صديقتي رونق
هلووو رونق حبي شلونج ؟
رونق:هلو حياتي...تعالي اليوم اخوية جاي،وياية
همسة : ههههه سرمد مو هذا و صارلي ساعة اكول وين شايفتة
رونق: اي لج هذا اخوية صديق اخوتج
سرمد : ظليت اباوع عليهة بنية كلش حلوة تحجي وية رونق و شكلهة مو غريب
رونق : تعال سرمد هاي صديقتي همسة اخت محمود الله يرحمة
سرمد : مرحبا ..اتشرفت بمعرفتج
همسة : مرحبا ..اني اكثر
سرمد : ظليت صافن عليهة رغم السواد الي لابستة و وجهة الذبلان بس حلوة تشبه محمود ربي يطيهة العمر
ديلة روحوا استلموا الوثائق مالتكم حتى ارجعكم للبيت
أنت تقرأ
طبيب الروح دكتور عزام
ChickLitحالة اجتماعية كثرت في المجتمع العراقي بسبب الارهاب الذي لا دين له
