طبيب الروح دكتور عزام

الجزء الثاني عشر

#طبيب_الروح_دكتور_عزام
الجزء الثاني عشر
الكاتبة #ام_النون
شدن : قبل العقد اهلة خلوني انزع الاسود  طبعا  صارت مشاكل لان اني ما اريد و عزام كاللهم خلوهة  براحتهة و امه عيطت و صيحت  بحيث استسلمت و كتلهم انزعة بس البس غوامق
و ردت امة مو بكيفج
لبست سترة تركواز و جيبكيلوت اسود منزعت الحجاب لان كلة صار عسريع خلصنة من عقد السيد رحنة سوينة عقد المحكمة و رجعنة للبيت
اول مدخلت هموسة باركتلي و اتباوسنة
هموس مصطفى وين ؟
همسة : ماكو احد بالبيت بس اني اليوم يتأخر مصطفى
شدن : نزعت الحجاب و ما ادري واكف وراية
عزام :فتت و جانت تنزع حجابهة ... شعرها اسود طويل دارت وجهة نزلت كذلتهة طلعت اجنن ما ادري لان صارت حلالي كلشي ديعجبني بيهة لو هي،هيجي حلوة جوة السترة لابسة كيمونة دلعة و بياضهة يجنن
و بقلبي،اكول ليش هيجي لابسة هسة منو ديتحارش
شدن :درت وجهي عليه اكلني،بعيونة استحيت من عندة   عزام تحتاج شي لو اصعد على موسى
عزام : هي تحجي و ممركز وياهة اريد اشبع عيوني،اباوع عليهة خايف حتى هاي،النظرة تحرمني،منها و اني وعدتهة و لازم اكون كد حجايتي كلشي،بوقتة حلو
لا ما احتاج اصعدي لموسى خاف يريد يرضع
شدن صعدت و جسمي كلة يرجف من نظارتة اتعثرت بالدرج لان الجيبكيلوت  طويل 
عزام : شفتهة راح تتعثر ركضت صعدت عليهة . اسم الله
شدن انصدمت لكيتة وراية ولازمني من خصري  رديت بعصبية : ما بية شي لان طويل اتعثرت
عزام عيطت بوجهة و اني قريب عليهة و راسي قريب من رقبتهة : مترفعي لعد اذا يعثرج  رفعتة الهة اكمشي و اصعدي ما بينة حيل يصير بيج شي انوبة تنذب براسي
شدن من لزمني من خصري و صار قريب عليه جسمي كام يرجف و نترت بي : و شبيك تعيط هسة شصار
عزام : مصار شي بس نصيت صوتي اتعلمي لتنترين بية كدام اهلي اني زوجج حتى لو بس،على الورق خلي الاحترام بيناتنة
شدن : اسفة متكرر
عزام : اي هيجي اصعدي لأبنج
همسة : اتفرج عليهم شلون حلو من صعد ركض عليهة
و مدري شحجوا  اوي يخبلون ربي يهدي قلوبهم واحد على الثاني
عزام : صعدت وراهة و رحت لغرفتي اول مرة هيجي اصير عصبي محد رافع صوتة علية حتى عبد اللطيف بجبروتة يعاملني غير شكل عن اخوتي
شدن دك تلفوني اريج : هلو حبي اروجة
اريج : هلو حياتي شلونج ها عقدتوا
شدن : اي عقدنة
اريج :مبروووك حبي ترة عزام ماكو مثلة بالدنيا
شدن : اي ان شاء الله .حبي اني اروح لان موسى كام يبجي
حياااتي شبي يبجي اشتاق لماما يمة فدوة شلون يضحك و بديت ابوس بي من خدودة و رقبتة
عزام :اريد تروح العصبية و الرجفة من جسمي خلي اروح العب وية موسى اكيد خلصت
دخلت شفتهة تحضن و تبوس بي شكد حلوة الامومة
جانت نازعة  السترة و باقية بالكيمونة
شدن : اشو كمت تضحك و تشاقة درت وجهي لكيتة كدامي و موسى دار وجهة على عزام
عزام : رضعتي ؟
شدن : لا ميريد بس يريد يلعب اشتاق لامة
عزام : و لعمة انطينيا  . تطيني الطفل و اني عيني على جسمهة نعومتهة و نزاكتهة موتتني
شدن : احجي بقلبي شبي يا ربي شنو ناويلي اليوم رحت اخذت الصاية اريد البسهة
عزام : جريت الصاية ماكو داعي تصرفين هيجي مراح اسوي شي غصب عنج . اني رجال بكد كلمتي بعدنة بالبداية و مرتين عصبتيني
شدن : انت شاركت بجريمة وية ابوك و لازم تتحملني
عزام : امري لالله ...متحمل لخاطر ابن اخوية
ظليت العب و اشاقة ويااااا كل عصبيتي نسيتهة
اكوول
شدن : نعم ..
عزام : الله عليج مويشبهني ؟
شدن : اي نفس خشمك دأكول ابتسامتك كلت شفايفك
عزام ابتسمت بمكر :لعد شكد مركزة
شدن  بخجل : قصدي ابتسامتك
عزام : هههههه و عيونة عيون المرحوم الله يرحمة و يجعل مثواه الجنة
شدن : الله يرحمة
عزام : شكلة راح ينام ... اخذي رضعي شوية و نومي
شدن : اوكي
نهى طلعت من المحاضرة و خابرت على شدن :الووو حياتي شلونج
شدن : هلو حبي ..شلونج وية الدوام ؟
نهى : اني زينة انتي شخبارج عقدتوا ؟
شدن : اي عقدت صرت حرم عزام عبد اللطيف
نهى : ربي يسعدج حبيبتي و الله عزام وردة مال الله
شدن : اي ..شلونج وية امير ؟
نهى : يريدنة نعقد محكمة راح يخبلني
شدن : اي شكو بيهة ...
نهى : اذا عقدنة وراهة نزوج عسريع اني اعرفة راح يموت
لج هذا هياتة اجاني ...هذا يريد يجلطني
شدن : هههههه و شكو بيهة
نهى : كل البنات يباعون عليه و اضوج
شدن : ههههه ربي يسعدكم حياتي يلة روحيلة
امير : شلونة الحلووو...بعدة زعلان
نهى : اي بعدني ...شراح اتسوي
امير : اذا مكلتي حبيبي مزعلانة و قابلة نعقد و نزوج هذا الشهر هسة احضنج و ابوسج كدام امة لا اله الا الله
نهى :مسويهة
امير جريتهة قربتهة من صدري : كولي موافقة ترة اسويهة
نهى : عيب امييير لسويهة اي هاهية موافقة باجر نسوي التحاليل و وراهة نعقد
امير : احبج بعد ما بية صبر
نهى : اني هم اموت عليك حبيبي ابو بيتي
امير : فدوة لام اللسان الي ينكط عسل . امشي خلي ناكل لكمة ترة ميت جوع
نهى :اوكي حبيبي
اكلنة و كملنة و سولفتلة على شدن
حبيبي اريد اكولك شي ؟
امير :شنو ؟ سولفئ
نهى :اليوم عقدوا عزام و شدن
امير : شلون ؟يعني حجيج كلة صح زين على الاقل السنة خلي تطلع
نهى : عبد اللطيف جبرهم مثل مكتلك الي براسة يسوي
امير : زين هو و هي شلون يعني يتقبلون الوضع
نهى : اني هذا الي مخبلني .بعد همة كبار ربي يسعدهم . اني كلش احب عزام كلش خوش انسان
امير : لج تحبين منو ؟
نهى : يعني مثل اخوية شبيك
امير كرصتهة من خدهة : هاي الكلمة تطلع من لسانج بس إلي افتهمتي
نهى : طبعا بس الك . اوووف لو مو عيب هسة احط راسي على صدرك
امير : خلص الدوام ؟ حتى نرجع للبيت
نهى :اي حبيبي خلصت
امير : ديلة امشي
همسة : ادخل شدن ؟
شدن : اي حياتي ادخلي
همسة : شنسوي غدة باقية نص دجاجة من تشريب البارحة
شدن : ما دام موسى نايم خلي نسوي برياني امشي
سويت البطاطة و البصل و حطيت البهارات و النومي بصرة
عزام : كاعد بالغرفة اقرة لان باجر عندي عملية لطفل و اشم الروائح متت من الجوع
نزلت هاي شمسوين ؟
شدن : برياني
عزام : اشو ريحتة مو مثل ريحة برياني امي
شدن : خالة متسوئ مثل طريقتي ..انتوا اتسوا فلفل اسود و بهارات برياني احنة نحط نومي بصرة
عزام : يصير اضوك الحشوة
شدن : ههه طبعا يصير
عزام : اكلتة كلش طيب طلعتي اطبخين طيب
همست بأذنهة شعجب مو يكولون الحلو ميكمل اشو انتي كلشي بيج كامل
شدن انسطرت بحجية خجلت و نزلت راسي
عزام ابتسمت : يلة اخذوا راحتكم من تكملون صيحوني ترة مسطور باجر عندي عملية صعبة
شدن : الله يسهلك امرك
عزام : امين
همسة : حبي الاحد لازم اروح للكلية لان وثيقتي صدقوهة من الخارجية و لازم استلمهة
شدن : اوكي حبي منو راح يروح وياج ؟
همسة : عزام او مصطفى يوصلوني و ارجع وية صديقتي و اخوهة
شدن : منو هذولة اخوانج يعرفوهم ؟
همسة : اي يعرفوهم . الولد صديق عزام
شدن : اسفة ادخل بحياتج بس انتي مثل نهى فدائما اسألج
همسة : بالعكس كلش يعجبني خوفج علية احسج مثل اريج
شدن : حياتي فدوة القلبج اموت عليج
اجوي الكل من الدوام و اتغدينة الكل حبوا الغدة و ناموا و اني بس احط راسي على المخدة معاناتي وية موسى بدلتلة و رضعتة و يريد يلعب
عزام : سمعت صوتة رحت دكيت الباب تريدين اخذة و انتي نامي فد ساعة
شدن : انت خاف تريد تقرة
عزام : لا كملت ....ادعي باجر للطفل انتي ام خطية عندة فتحة بالقلب،
شدن : اسم الله و رسولة .ربي يشفي بجاه محمد و ال محمد
عزام :اتخيلي يوم جمعة و راح نسوي العملية لان الوضع ميتحمل
شدن :ربي يوفقك حتى يكوم الطفل بسلامة
عزام : انطيني موسى و ارتاحي تعبتي اليوم انتي
شدن : شكرا كلش تعبتك وياية
عزام  : هذا الطفل بعد ابني لازم اداري
شدن : هههه شوفة شلون يضحك من شافك
عزام : هسة عمرة شهرين مو
شدن : اي شهرين و كم يوم
عزام : شكلي راح اظل اسولف و ما اخليج اتنامين . يلة حطلع
شدن :اوكي اخذ راحتك 
خلص اليوم و اجة يوم الجمعة كعدت من الصبح حضرت الريوك لعزام لان لازم يطلع من وقت
عزام : صباح الخير
شدن : صباح النور ...حضرتلك الريوك لان كلت حتطلع من الوقت
عزام : تسلمين ... اكلت عسريع
ادعيلي شدن
شدن : الله يسهل امرك
وصلت للمستشفى و شفت اهل المريض و حالة الطفل
عزام : ما اريد اخوفكم بس الطفل حالتة صعبة .اطلب منكم دعواتكم انتوا ناس،مؤمنين بالقدر
لازم اتوقعولي تعهد و ابلش بالعملية
ابو الطفل : اي احنة حاضرين
دخلت لغرفة العمليات اتوكلت على الله و ال البيت الله يكتب عمر لهذا الطفل
بلشت بالعملية كانت كلش،صعبة لان نتعاملين وية طفل جسمة صغيرطولت العملية ساعة و نص
سوينة اختبارات بسيطة عرفنة نجحت العملية الحمد لله طلعت
ام الطفل : بشر دكتور
عزام : الحمد لله نجحت عمليتة . الف مبروك ربي يحفظة الكم
ام الطفل : ربي يحميك و يحمي اطفالك
عزام : تسلمين ربي يحفظج و عفتهم
شدن : صليت وقريت قران و ادعي لعزام و للطفل كل الافكار الشيطانية اجتي ابالي يموت الطفل و اهلهة يأذون عزام و يقتلوا مبقة شي مفكرت بي
كمت اتصلت بي
عزام : الو هلو شدن شلونج
شدن : انت شلونك بشرني ؟
عزام : الحمد لله الطفل زين نجحت العملية
شدن : الحمد لله ..ظل بالي كل الافكار الشيطانية اجتي ابالي خفت ليصير بيك شي
عزام : ليش،خايفة علية ؟
شدن : اي خفت لان الوضع مو زين
عزام :لتخافين ميصير بية شي
شدن : ربي يحفظك لابن اخوك
عزام : و يرزقني بذرية الصالحة
شدن : اني رايحة موسى كام يبجي
عزام : بوسيليا هسة اني راجع .
شدن باقي من البرياني ؟
عزام  : ضمي الي لتخلين احد ياكلة
شدن : و اذا عمو رادتة ؟
عزام : كوليلة لعزام . لتخلي ياكلة و هو هم عندة سكر ميصير يلح بتمن
شدن : امري لالله
نزلت شفت عمي فاتح الثلاجة يريد يطلع التمن و يحجي وية عمتي كلش استحيت
عمووو هذا التمن لعزام انت اكل تشريب اللحم
ابو اسماعيل فتحت عيني،و احجي بقلبي،مو كبيدي بوجي من كتلج تزوجي عزام  من ثاني يوم  تحرمينة من البرياني لان رجلج يريدة 
و الله نسوان بلوة
ليش شنو هو يريدة ؟
شدن : اي خطية هستوة طلع من العملية و راجع و كلي ضمي الي
ابو اسماعيل : و شنو اهبار العملية نجحت ؟
شدن : اي الحمد لله نجحت
عزام : رجعت من المستشفى اتغديت
يعني صدك سويتهة و مخليتي ياكل
شدن : اي انت مو كلت بي سكر يمعود ليصير بي شي انوبة شيخلصني
عزام : امين متخلصين قصدج من امي ؟ ترة لتشوفيهة تعيط كلش فطيرة رحت عليهة و بستهة من كصتهة
شدن : شسويت ؟
عزام : شكرا لان دعيتيلي ... الله فتحهة بوجهي
شدن : مسويت شي اني ان شاطر بشغلك
عزام لسويهة مرة ثانية خليني براحتي
الله يخليك
عزام : ترة مسويت شي شبيج عصبتي
اووووف اني صاعد
مصطفى : فوت شبيك معصب ؟
عزام : ميخصك لدتخل ...روح لغرفتك اريد اظل وحدي
شدن :دخلت للغرفة ارضع موسى
عمك صار عصبي لانةكتلة لتعيدهة مديحس بية مو بيدي احس محمود بعدة يراقبني