رجع لسمر لقاها متمكيجه ومبخره الشقه ومرتبه ومجهزه ليهو العشاء
سمر : اتأخرت حبيبى
محمد : اى اخدتنى الونسه كيف انتى
سمر : الحمد لله بس فقدتك شديد
محمد : عايز استحم وانوم حاسى انو زى العندى ملاريا
سمر : طيب تمام اجيب ليك العشاء ؟
محمد : ﻻﻻ ماعندى نفس
سمر : طيب ارتاح حبيبى
محمد يدخل الحمام يتحمم ويطلع لما يطلع يلقى سمر صاحيه مانامت منتظره يطلع عشان ينوم
محمد : ليه مانمتى
سمر : انوم كيف قبل تنوم وانت قلت عندك ملاريا وتعبان
محمد: نومى انا بعمل قهوه واجى انوم ماف شئ بعد اتحممت بقيت كويس حبه
تمشى تنوم بس مضايقه وبتسأل روحه مالو بعامله كدا فى شنو
اما محمد دخل لسهى فى الواتساب
محمد : حبيبتى
سهى : اهلين
محمد : كيفك يا حبيبتى
سهى : حبيبتك معاك تانى فى شنو
محمد : دى ماحبيبتى دى الاختارته لى امى
سهى : يعنى اختيار امك ماعجبك
محمد : نهائى بس العفو اهم شئ انا عايزك انتى سهويتى
سهى : انت وجعت قلبى مستحيل ارجع ليك
محمد : برجعك لى وحتزوجك فكرتى ؟
سهى : فكرت بس
محمد : بليز ماتقولى كدا وﻻ كدا حهنيك واعمل ليك النفسك فيهو واعمل ليك احلى زواج وحسكنك معاى بره
سهى :وسمر
محمد : حتكونى زوجتى التانيه انتى وسمرعشان امى بس
سهى : ماعارفه والله
محمد : انا هسى معاكى انتى وهى نايمه بعد دا قرب اجازتنا تخلص حنسافر على دبى طوالى
سهى : طيب حبيبى موافقه بس بشرط
محمد : شرطك شنو ياعمرى
سهى : تطلقه بعد نتزوج
محمد :
حاااضر حبييتى انا
بعدها يقفل من سهى يدخل الغرفه ويلقى سمر نايمه
يطلع ينوم بره ويخليها
وتصحى سمر بليل وماتلقى محمد تخاف شديد وتطلع تلقى نايم بره فى الكنبه
سمر : محمد محمد
محمد : اى ياسهى
سمر :شنو
محمد :
يتبع...
