بعد يشرب الشاى يطلع يشوف موضوع السفر
سمر ترتب المكان وتدخل الواتساب لصحبته تحكى ليها كل شئ صحبته دى اسمها وعوده اخته شديد
وعد: معلش راجلك دا ثقيل بجد
سمر : انا ماعارفه مالو ياوعد بجد محتاره شديد م كان كدا والله
وعد :اتناقشى معاهو شوفى الحاصل شنو عليهو
سمر : ماعارفه والله بس جد ندمانه عشان ما اديت فرصه ل سيف سيف دا حبيبه القديم
وعد : انتى م غلطتى قلتى ليهو تعال بالباب وماجا تانى فى شنو مصيرك تتزوجى
سمر:ثوانى برجع ليك
تسمع صوت مسجات تفتش كدا تلقى محمد نسى جوالو تفتح المسجات
سهى : حمودى حبيبى لسه ماصحيت انت
سهى :الووو
سهى : سمر الشحمانه دى بتكون فطستك لى
سهى : ياروحى انت اصحى
سمر ماقادره تتحرك من الخلعه ومن المسجات الشافته وعرفت محمد ليه اتغير منها انفجرت بكا شديد
بعد ساعه جا محمد داخل لقى سمر وشها ورمان من البكا
تجدع ليهو الجوال
محمد يعاين يفتح المسجات :مالك
سمر :دا شنو يامحمد
محمد : دا الشفتى
سمر: يعنى فهمنى دا شنو
محمد : ياستى انتى ﻻ بتشبهينى وﻻ بشبهك وﻻ الزوله الانا عايزه وسهى دى حبيبتى وحتزوجه قريب انا وانتى سكتين مختلفتين
ولو ما امى ماكنت اتزوجتك انا مابعصى ﻻمى طلب
سمر :والحب القبل الزواج
محمد : ماعارف سمى اى شئ المهم اختفى خلينا كدا وانا حجزت وطيارتنا بكره لو حابه سافرى لو ماحابه ارجعى السودان
انا منتظر ردك بره
سمر تبكى شديد بكت بكت بكت لما صوته راح وتفكر تطلق وهى عروس حتجيب سمعه ﻻاهله تنتظركم شهر وتطلق بكون احسن
تطلع تكلم محمد انها موافقه تسافر معاهو
وجا بكره اتصل على سهى
محمد :روووحى انتى
سهى : حبيب قلبى
محمد : كلمت مرتى اقصد سمر انو حتزوجك وكدا وماعندها مانع وامكن اطلقه زاتو.
يتبع...
