محمد : مالك ياسمر
سمر : انا خايفه شديد
محمد : خايفه شنو ياخ امشى نومى
سمر :وانت
محمد : انا مرهق بنوم هنا امشى نومى ياخ
سمر تدخل الغرفه وتبكى شديد سهى دى منو وليه محمد بعاملنى كدا مش نحن بنحب بعض كنا ليه مالو
الليل كلو تبكى وهو نايم بفكر فى سهى
سهى دى معاهو فى دبى عرفه هناك اهله كلهم هناك كان بحبها قبل يتزوج بس اختلفو كان وهو هسى عايز يرجعه ليهو باى طريقه عشان بتشبه الفى بالو اكتر
مانام رجع لسهى لقاها متصل فى الواتساب
محمد : متصل وين حبيبتى
سهى : مع قروب صحباتى حبيبى
محمد : طيب حبيبتى موافقه تتزوجينى وترجعى لى
سهى : موافقه حبيبى وروح قلبى
محمد : خلى الشمس تشرق بس حعمل الاجراءات واجيك راجع
سهى :طيب حبيبى انا
والصباح اصبح
سمر تقوم بدرى وتعمل كل واجباته وتصحى محمد بكل حب
سمر : محمد محمد قوم اصحى
محمد : صباح النور حبيبتى
سمر فرحت شديد من قال ليها حبيبتى ومشت تجهز ليهو الحمام
محمد بكلم روحو : حبيبتى؟انا قلت كدا ليه انا شفتها سهى ماشفتها هى
سمر قاعد تغنى ومبسوطه شديد انو محمد بحبها
جا داخل عليها الغرفه
محمد : سمر جهزتى لى الحمام
سمر : ااى حبيبى
محمد : طيب تمام جهزى الشاى
سمر : حاضر حبيبى
محمد : سمر انتى بتعرفى تعوسى ؟
سمر : ﻻ صراحه مابعرف
محمد : بتعرفى لشنو طيب
سمر : اطبخ عادى بس اعوس مابعرف
محمد : طيب تمام انا اهم شء عندى الكسرى دى اتعلميها
سمر : طيب حبيبى
محمد : خير امشى جهزى الشاى وبعدو الفطور انا بعدها طالع حنرجع دبى حمشى اشوف حجز
سمر :يعنى ماحنمشى السودان
محمد : لو حابه امشى اقطع ليك تزكره للسودان ؟
سمر : معلش ماقصدى
محمد : ماف رجعه للسودان العايزك يجيك فى دبى حنمشى دبى طوالى ماعندى زمن انا
سمر : طيب اوك
..يتبع
