فصلية و خذاني المارحم بية (مكتملة )

معاناة حياة

قبل كلشي كتبت رواية جديدة باحداث نار اسمها
(جحيم آل ادم )اتمنئ تقروها لايك وتعليق رأئيكم بيها
✨💙💙
_________________________________________

انة اسمي حياة وعمري 17. وراح افوت ب18  انة حليوة ماحمدلكم بروحي بس تعرفون جمال الريفيات شلونهن شعري لحد خصري يعني زين عيوني عسلية

وجهي ابيض مدور جنة گرصة خبز وحلگي صغيرون  يعني انة حليوة انة من جان عمري تسع سنين امي وابوي ماتو.

بيتنة احترگ بالسلف وهلي من جانو بالبيت عصو يردون يطلعون مايگدرون وانة ماجنت بالبيت جنت گاعدة بالبستان بعدين گلولي هلج ماتو وبيتكم احترگ

المهم ماريد اذكر الصار بية من دريت بيهم ماتو  بس النجة بس انة
امي من. الجنوب يعني ريفية بس ابوي من بغداد

جان معلم مال عربي واجة للسلف يدرس الجهال ومن شاف امي حبهة وتزوجهة
وهسة انة كلامي نص مثل امي جنوبي ونص مثل ابوي بغدادي

لمهم من ماتو اهلي اجة عمي وعمتي خذوني يمهم اعيش
ومن عشت يمهم بدت دنيتي الحلوة تنسد واجتني دنية كلهة ضيم وقهر انة عشت ابيت عمتي وعمي حالي حال الخدامة التنضيف علية وكلشي علية

ومو بس هاي حتة من المدرسة بطلوني گالولي انتي كبرتي خلو بس بتهم تكمل وانة اتحسر على المدرسة

ابوي شگد جان يريدني اكمل بس بعد ماكو حلمي ادمر عمتي اذا ماسويلهة التريدة تشبعني كفخات وعمي هم

هذة عود اخو ابوي هم وصلت بي يكتلني بس من جان يكتلي ميرحم بية عبالك انة عدوتة مو جن انة بت اخو

واحنة هسة بيتنة بالسلف العايشين بي اقصدلكم بيت عمي وعمتي
همة حيل ضلموني بكل شي المفروض انة يتيمة ويخافون الله بية همة حتة گبر امي وابوي مايخلوني اروحلة

اخر مرة رحت للمگبرة بالاربيعين مال اهلي وجان عمي وعمتي ماراضين بس استحوو من الگرايب خاف يحجون واخذوني وياهم

من اگللهم ودني للمگبرة اشوف اهلي عمي وعمتي يگلولي لتخافين من تموتين راح تشبعين منهم شوف
انتضري موتي وخلصينة منج

اكو واحد يحاجي بت اخو هيج الي هية بمقام بتة
كل هذة وانة صابرة لان ماعندي مجان

نسيت اگلكم عمتي وعمي عدهم ولد وبت
الولد اسمة ضياء : عمرة 22هوة استغفرالله لا صلاة لاصوم اربع وعشرين ساعة

شارب وجماعتة كلهة موش زينة ويومية تجينة اطلابة من وراه متعارك
والبت اسمهة سمرة : هية بالمدرسة صف ثالث متوسط. هاي عدهة تلفون ونهار كلة يا تخابر يا طاگتهة صفنة
هية وصخة والگلاص مال ماي اليمهة ماتشيلة وتعاملني مثل الخدامة عدهة

ويومية مورطتني بشي اخر مرة انة كضيتهة تحجي وية ولد بالسطوح ردت اگل لعمتي عليهة بس هية گلتلي حتة لو تگولين لأمي هية متصدگج

وصدگ گلت لعمتي وماصدگتني وفوگاهة گاتلي تتبلين علة. بتي خاف هية شافتج وية ولد ولج يلماتستحين الا اگل لعمج عليج اخلي يربيج

واجة عمي عمتي گلتة علية وهوة گضاني من شعري وتولاني ضرب وغلط
عمي : ولج بت الكلب تردين تفضحينة وتصاحبيلج ولد اليوم الاة امحيج والله

وعمي سحلني سحل وحبسني بالغرفة يومين انة بلاية اكل وبعدين طلعوني من الغرفة لان البيت وسخ ويردوني انة الخدامة انضفة واعدلة واطبخ

عشت ضيم بعد ما مات ابوي وامي
الي ان اجة ضياء وروحة رايحة من الخوف وجان سكران طلع متعاركلة وية ولد وضاربة بالبطل مال شرب على راسة والولد بين مامودينة اهلة للمستشفى هوة ميت بالطريق

وهسة اهل الولد جايين يهدون على ضياء يردون يكتلونة وياخذون ثار ابنهم

ومن جهة ثانية هنالك اكو ناس تصرخ وتلطم

انة الشيخ محسن مزوج عندي بنيتين او ولد واحد
عمرة 20 هوة الوريث مالتي انة مدللة دلال واخاف عليه من الهوة الطاير اذا فات منة عمري 45 سنة

شيخ عشيرة وكلهة تهابني بالسلف انة ضخم وطويل
وشكلي زين گلبي طيب بس من صارت
سالفة اوليدي كرهت الدنيا كلهة صرت اريد بس انتقم لابني

انة من نوع ماخلي ابني يطلع الاة وياي لان انة اخاف عليه انة عندي اعداء بس هوة يعاند ويگلي انة كبرت عوفني وين ما اطلع بكيفي

وبيوم اجاني وگال بوية راح اطلع وية جماعتي

ساعة واجي وانة ماردت اضغط عليه گتلة الله وياك بس
لاتطول الدنيا مو امان
گالي يلا مع السلامة
انة گلبي مدري شصار بيه گلبي لجمني گلت انة ما مرتاح لروحة اوليدي «الي اسمة ماجد »

راح لجماعتة ماجد ومن جان يمشي بالطريق لاگاه ضياء سكران
وميدري بروحة

اجة ضياء على ماجد وگالة انتة هي تعال
فماجد جاوبة ولك عليمن الهي احجي عدل لا امدك بالگاع مد
ضياء : انجب لك انتة شنهي عود انتة زلمة وتجي تمدني روح منا يلا «بستهزاء »

ماجدبعصبية : دتعال خلي اشوفك ياهو الموش زلمة اجة عليه وضربة بوكسي على عينة

ضياء اسودن شال البطل وضرب ماجد بي

وگع ماجد من حيلة بالگاع ومدماي ادمي
ضياء خاف ضل يگعد بماجد يضرب بي راشديات وماجد
ماكو لاگعد ولاشي

ضياء خاف عاف ماجد وراد ينهزم بس شافو جماعت ماجد ثنين ركضو على ماجد وواحد ركض ورة ضياء واندل بيتة

بينما نقلو ماجد للمستشفى بالطريق مات
انطو خبر للشيخ محسن ابنة مات وحجولة كلشي الصار

الشيخ اسودن ماضل عقل عندة ضل يصيح ياهوو جتال ابني اليوم اريدة گبالي اريد اشرب من دمة
بعدين دفنو ماجد بعدين

راح الشيخ محسن وكبارية العشيرة كلهم هدادة لبيت اهل ضياء

حياة
من اجانة ضياء خايف ووجهة مضروب. عرفنة مسويلة مكسورة عمي ركض عليه
وگالة ولك ضياء شمالك. ولك خافنك جايبلي طلابة ولك

حجة ضياء لابو كل شي الصار
وعمي وعمتي گامو يدگون على راسهم ورة نص ساعة مانسمع غير بس الجيلات «الطلقات »
تتهافت علينة

#toma toma
__________________________________

اتمنى يعجبكم البارت

وممكن تقرؤن روايه البنوته الحلوه
نسمات الليل اسم الروايه احببتهم وغدروني
روايه كلش حلوه وحتعجبكم اكيد وشكرا