فصلية و خذاني المارحم بية (مكتملة )

الرجعة للسلف

ربي رجعنه #جهال نريد نلعب 👶
وتشيل كل #ذرة حزن من بالنه 😢
ربي منسوي وكاحة وداعت🙇
نعيش مثل الطير هاي امالنه 😐
ربي منريد #الگبر.💔
نموت ردنه من الزغر. 🔫
توكف الساعة ع الصفر.🕛
و ما تمشي لحظات #العمر

🌹🌹🌹🌹🌹🌹🌹🌹🌹

ورسلية مرتة قررت ازوج بناتهة الثنين لان هنة

مسؤلية ومالهن احد وصدگ ازوجن البنات.وراحن لرجولتهن وضل بيت ابومحسن فارغ بس رسلية بي

وهية يومية تفتر بلبيت وتذكر ابو محسن شلون جان يدخل للبيت

وشلون هية تتلگاه ورة مرور اتلث اشهر ماتت رسلية وبناتهة ضلن يلطمن ويبجن وينعن

قفلن بيت الشيخ ابو محسن وراحن صار البيت  المهجور محد يدخلة والبنات التهن برجولتهن

حياة جابت ولدت  طلع ولد وسمتة سالم وصار كل حياتهة تخاف عليه من الهوى الطاير اذا مر منة صارتلة ام واب

من بدة يمشي خطواتة الاولى مفروض ابو يعلمة المشي لكن هية علمتة هية اتگلة اني ما ما واني بابا

دخل سالم مدرسة وبدا هوة يكبر ويحس بالمسؤلية ودائما يسأل حياة على ابو لكن حياة جانت تشرد من السالفة

اما بيت ابو ضياء عم حياة باعو حلالهم ونهزموو ومحد يدري بمكانهم

ام فاطمة مرة جبيرة فماتت وهم بيتهة صار بأسم حياة

مرت السنوات وحياة ابنهة كبرصار عمرة 25. سنةة دخل كليةوتخرج  صار شاب طول بعرض سند امة الوحيد بدت البنات يتقربن عليه

من جمالة الى اخذة من امة جمال ريفي خالص ونقي

وگلبة على امة اذا صار بيهة شي ادا تمرضت يموت عليهة بعد ماربتة وكبر صار هوة اليهتم بأمة

ويوم من الايام لزم امة وگاللهة يمة اني كبرت لازم

تحجيلي على ابوي  اني جنت اسألج وانتي تتهربين
بس هسة متهربين من الجواب لازم تحجيلي

حياة : اي يمة انتة صار الوكت حتة تعرف على كل شي

وحجتلة حياة من بداية حياتهة الى ان نطوهة فصلية وشلون عذبوهة بالمختصر حجتلة كل شي

سالم وهوة يشبگ امة ويبجي : يعني كل هل عذاب صاير بيج اويلي يايمة والله الا اعوضج السنين التعذبتي بيهة بس.يمة ابوي عايش لو مات

حياة : لا مات من زمان سمعت من ام فاطمة گبل لتموت گايليلهة مات ابوك الشيخ هوة ومرتة ونص الاملاك بسمي

سالم : ها  وام فاطمة شدراهة

حياة : يمة مو ام فاطمة جانت تروح وتجي على بيتة القديم البديرة فجانن النسوان يحجلهة كلشي يصير بالسلف