ابوضياء : هاا هذة الشيخ يعقدلكم خاف من الحلال والحرام
يلا شيخنة تعال اطيك فصليتك وتوكل
الشيخ محسن : شوف لاعبالك انة نسيت الجرة بس اذا مانتقم منكم ابتكم الاة اخليهة تتمنة الموت
ابوضياء : ساكت بعدينة گلة يلا
راحوو لحياة
وعقدلهم السيد
حياة اول ماوگف يمي هذة الراح ياخذني فصليتة
انة بجيت بصوت اعلة لان ماگدرت بعدين هوة زمخ علية وگالي بت الكلب ديري بالج تعلين صوتج
وانة سكتت من الخوف بس هوة من صوتة جنة زلمة جبير
ردت اشوفة بس خفت ضليت امدنگة وابجي بحرگة
خلص عقدلنة الشيخ وعمي ذبني وراح حتة ماودعني عبالك انة مو بت اخو اول ما راح عمي صاح علية هذة اليخوف عرفتة هوة شيخ
اجة علية ودفعني حيل وگعني بالگاع وانضرب راسي بالگاع گصتي انجرحت
گتلة ليش تسوي هيج انة شسويتلك انة شننو ذنبي
گالي منا وهيج تتعلمين انة هذة تعاملي وية الفصليات
وانتي مو بس فصلية انتي اخت جتال ابني الماعندي غيرة
والله والله الاة اشوفج نجوم الضهر وطلع حگ ابني
اجة علية جرني من شعري وذبني بالگاع حيل شعري كلة اجة بأيدة وشبعني راشديات دفرات گمت ماحس بجسمي
وداني لغرفة حتة فراش مابيهة كلهة وصخ شمرني بيهة وقفل الباب گالي بعدج ماشفتي شي كل هذة
وما رتاح گلبي اذا ما نعلت ابو الخلفج ما اطلع انة الشيخ محسن
وانة اصرخ وابجي گتلة انة موش اخت جتال ابنك هوة ابن عمي انة شلي غرض
عاد الشيخ من سمع انة موش بت ابو ضياء هوة تسودن ضل يصيح وزاد الضرب بية گالي ياعيبت العيبة وهوة يصرخ انة الشيخ محسن يتغشمر عليه
والله الاة اطلع حرگة دمي على ابني كلة بيج
اسمعيني زين انتي هنا حلگج ماتفكينة خدامة شيگللج تسوين واذا حجيتيلج جلمة انة اطيح حضج
واذا سمعت گلتي لاحد انتي موش اخت جتال ابني احسبي روحج ميتة وحتة دفن مادفنج اخلي الجلاب تنهش لحمج
حياة :بس انة شبيدي انة ماكتلت ابنك وحتة موش اخوي الكتلة جا انة امعلمة اعلى الضيم
الشيخ محسن بصياح : اسمعيني زين اذا تردين حجي السانج اگصة هوة ابن عمج جتال ابني يعني اخوج
والله الاة اشلع گلبج مثل ماشلعتو گلبي
بعدين راح صاح زوجتة ام محسن وبناتة
گاللهن هاية الفصلية اريدكم اذلونهة ذل وديربالكم تحنون عليهة هاي الجتلت اوليدي
عاد مرتة گالت انة موش رسلية اذا ما اجفنهة اعلة ادية
اجت على حياة كضتة گطعتهة تگطع گلتلهة والله اذا ماطلع ضيم گلبي گلة بيج توكفيلي
عافنهة وراحن
طبعا الشيخ ماراد حياة تحجي انو هية مو اخت ضياء الكتل ابنة لان اذا حجت راح السلف اتلومة لان اتقشمر عليه وانطو بت عم ضياء فماراد يصير سيرتة بلسان العالم لذالك گاللها كلشي ماتحجين
ورة ساعة اجتهة بت الشيخ محسن الجبيرة اتگعد بيهة وهية تضربهة گلتلهة هي انتي يالفصلية احنة ماجبناج
حتة تنامين يلا گومي طبخيلنة شنهي ناوية تموتينة جوع
حياة وهية تعبانة وتشهگ من البجي : اي انة گايمة بس ارحموني شوية الله يطيكم
جاوبتهة بنت الشيخ محسن : انجبي لج احجي عدل لا اشگ حلگج ديلة گومي الا اگلج انتي تعلمتي عل دگاگ اصيح ابوي عليج هوة دواج
راحت صاحت ابوهة وهية تصيح گلتلة بوية الشيخ تعالنة على الفصلية جاي تتعنتك علينةة مالهة غير بس الدگاگ
تعال گلهة خل تسويلنة اكل موتنة من الجوع
ابومحسن بعصبية : شوووون الاة انعل ابو الخلفهة
خلي اشوفهة شني الفصلية شال العگال من راسة
وراح على حياة
اجة الحياة كضاهة بالعگال موتهة تموت وگاللهة گومي يلا بت النعال «حشاكم. » انتي فصلية انتي مذلة هنا
طبعا حياة من گد الكتل جسمهة ازورگ حتة دم ضل يطلع منهة من كل مكان ومن كد البجي ضلت تشهگ وتون من الوجع
والشيخ ايدفر بيهة برجلة حتة تگوم
گامت وهية تجلب بالحايط وتمشي
شافهة الشيخ تمشي على كيفهة اجة عليهة كضهة من شعرهة ووداهة للمطبخ شمرهة ابطن المطبخ
شافتهة مرت الشيخ رسلية گالتهة تيلا يالفصلية هاج سوينة اكل وماريدج تگضين الوكت كلة سوينة بساعج
لان اذا الوكت گضة موتج اتصير على ادية
يلااااااا
عافتهة وراحت گعدت حياة او الفصلية حياة بالگاع
تثرم الاكل وهية تبجي وتمسح بدموعهة
عاشت حياة وية الشيخ محسن الي بناتة وابنة المات اكبر منهة عاشت ويا او وية اهلة اسوء ست اشهر بحياتهة عاشتهن بمهانة وذلة ويومية گتل معرفت بيهن طعم الراحة ابد
ولا واحد بلبيت گدر يحن عليهة بالعكس زاد الوضع للاسوء كلة كتل حياة ضعفت بمعنى الكلمة بسبب حرمانها من الاكل وبسبب المذلة العايشة بيهة
والانكسار طبعا حياة والشيح محسن صارت بينهم علاقة
زوجية لكن الشيخ ابد ماحن علية وبالبيت الكل يسميهة فصلية
وبيوم من الايام حياة تمرضت حيل ضلت تجيهة اعراض الحمل وهية خافت تطلع حامل وخصوصا انو ابو ابنهة هوة الشيخ الي ميعرف الرحمة الضالم
ا
لي قرر اذا حياة تصير حامل ياخذ الطفل منهة وتربي مرتة رسلية وهية مكانتها تبقى بالبيت مثل قبل يعني تبقى الفصلية المضلومة
لذالك حياة صارت حامل بس قررت متگول لاحد على حملهة وگالت انة لزوم انهزم من البيت مال وحوش هذة
انة من وعيت للدنيا ضيم بضيم عمي الله يسامحة ضلمني وعاملني مثل الشيخ وعمتي هم وابن عمي ضياء الي سوة سوايتة هاي واني صرت ضحية غلطة
المفروض موش انة الفصلية المفروض سمرة بس انة
دايمن المحرومة والضحية انة بعد مايهمني احد غير ابني البطني هوة يصير سندي بهاي الدنيا الما شفت منهة غير بس الطلايب
قررت تنهزم حياة وصارت دنيا ليل
بقلمي #toma toma
___________________________________
رائيكم يهمني واريد تفاعل
لان داشوف تفاعل قليل وحتة ميشجع
على الاستمرار صوتو مو بس تشاهدون
ترة حتة محد يتعب اذا ضعطتو على. النجمة
جاووو يااحلى مشاهدين
أنت تقرأ
فصلية و خذاني المارحم بية (مكتملة )
Randomاحب اگوللكم انو روايتي هاي راح تكون غير عن باقي روايات الفصلية الي دائمن مايكون بيها انو راح تعيش حب بعد الكره من قبل الي ماخذهة او من قبل زوجهة لا روايتي تتكلم عن معنى الفصلية الحقيقة الي ياخذوهة حتى يذلوهة ياخذوهة حتة يكسروهة وحتى يعذبوهة لكن...
