عشقت فصلية الكاتبة Noor Adal Alasade

عشقت فصلية

البارت الخامس
بعد معقدلي الشيخ  رجعت النفس الغرفة اللي بيها الجد والجدة اجتني هاي المرية العصبية كلتلي هي انتي يالفصلية ترى انتي هنا مو عروس لا تنسين انتي فصلية يلة روحي عدنا خبز اخبزي ناس خطار راح يجونا رحت صعدت للسطح حتى اخبز طبعا هاي المرية العصبية اصير عمة احمد اخت ابوه اسمعا سعاد  وهية ارملة من متوفي زوجها راجعة هنا عايشة هية مو جبيرة متوسطة بالعمر .المهم
كملنا خبز نزلت كملت شغلي كولة وهمة جانوا عدهم ثلاث جنات غيري بس محجن وياي ولا تقربن باامر من عمتهم سعاد بعدnoor adel مكملت رحت سبحت ولبست كلبية لون نيلي بيها ذهبي كولش حلوة  وشال وخليت ميكب كولش خفيف وطلعت جان تلزمني عمتهم شبعتني كتل وتعيط وتصيح علية  واني جوة ايدها  مااتحرك وخشمي يذب دم بهاي الأثناء طب ولد سمعتة يصيح عليها كال عمة شكو كالت هاي الفصلية جايبينها بس تسبح وترتاح مشايفة شلون نسيتوا أخوكم الكتلة أخوها لك احمد لا تنسى اخوك طبعا عرفتة هذا زوجي  كالت خالة ام أحمد البنية ماقصرت واني كلتلها روحي ارتاحي من الصبح ليهسة هسة تنظف صاح أحمد على زوجة أخو اجيب ثلج وقطن اسمها سحر أخذني للغرفة اني دموعي يجرم وهوة يداويني بدون حجي وكال لا ترفعين راسج ميصير راح بدل وطلع ورى شوية اجتني عمتهم سعاد كالت يلة امشي انزلي نضفي يلفصلية نزلت بدون حجي وكملت كل شغلي وكمت اهتم بالعجوز والشايب انظف غرفتهم وملابسهم والعجوز اسبحها ومهتمة باكلهم كل العائلة زينة وياي يعني محد اله شغل وياي وميحجون وياي بس العمة جانت كولش حاقدة وأحمد مهتمة اني بغرفتة وملابسة اغسلهم واكويهم وماكو حجي بيناتنا خالتي ام احمد كولش حبابة وحبتني وهية جبرت احمد يخليني انام بغرفتة بسبب اذية عمتة الية وين متشوفني وهاي صار شهرين اني نفس الروتين فديوم من الأيام اجى أحمد عصبي دخل الغرفة وقفل الباب ولزمني بالحزام كتل بدون ميكلولي شنو السبب هوة ميحجي وياي ولا مئذيني قبل هاي اول مرة هيج يسوي اني لاحولة ولا قوة لأن فصلية مااكدر ادافع عن نفسي بس ابجي بحيث صار جسمي ازرك على شنو وشمسوية مااعرف بس يكول كولة بسببج وبسبب اخوج تورطت بيج فاتحملي إلى أن  حسيت بروحي راح تطلع أمة خطية اصيح وادوك بالباب عافني فتح الباب وطلع دخلت أمة تبجي علية جانت كولش حبابة وتخاف الله عمتة دخلتnoor adel تضحك وادكول حيل تستاهلين ..
احمد: تعرفون اني احب دكتورة وياي ويوم من الأيام جتي كالت اجوني خطابة وأهلي موافقين كلتلها اني رايدج كالت اهلي مينطوني وانت عندك فصلية اني جنت احجيلها كولشي وكايللها على الفصلية تركت حبيبتي لمى ورحت الابوها وكتلة اني أريدها والفصلية خدامة أبوها كام يحجي وكال اني ماانطيك بنتي وصديقي يريدها الابنة رجعت ال لمى نفس حجي أبوها كالت اني مااريدك على فصلية آخذك اني تهسترت وكولش انقهرت رجعت للبيت صعدت الغرفتي لكيت الفصلية دا ترتب تذكرت رفض حبيبتي بسببها لزمتها ومن دون وعي بالحزام موتتها كتل وماحسيت على نفسي غير على دكة الباب قوية طلعت من دون مااحجي صعدت سيارتي ورحت افتر واني شابع بجي ل 11 بليل رجعت صاحني بابا بغرفة جدو كام يحجي علية وكلي حرام عليك البنية شنو ذنبها ولمى لو صدك تحبك جان قبلت وهذا مو عذر اني رحت الابوها وحجيت ويا بس رفض وكال هاي القسمة متتعوض وبنتي متعيش ويا العيال  وانتوا هواية وحياتكم غير حياتها يعني مو من مستواها الفكري وبنتي الها حياتها  فااني اعتذر بنتي واني منريدكم اني هنا من سمعت حجي أبوها من ابوية كولش انقهرت وحسيت بالذنب تجاه الفصلية ونوب أمي حجتلي بالحرام والحلال وانو هيةnoor adel مداويتها وجسمها كولش متاذي عفتهم صعدت الغرفتي اباوع عليها نايمة مغطية رأسها بس تون كولش نقهرت حاولت احجي وياها بس خجلت من نفسي ومن عملتي لأن هية شنو ذنبها