البارت الحادي عشر
سجى: رجعنا للبيت وكف أحمد بنص البيت ونبه عليهم أنو مااتحرك لأن كسر بأيدي وجسمي مرضوض وكال العمتة سعاد سمعتيني عمة شكلت ممنوع تتحرك زين لو لا 😡بعصبية وأول مرة اشوفة هيج عصبي على عمتة سعاد محجت شي بس هزت ايدها وكالت نوب الفصلية نخدمها وراحت رحت للاجداد كعدت يمهم جانو كولش مقهورين علية بقيت مجبسة أيدي لمدة شهر وأحمد طول هاي الفترة مهتم بية ويكعد هواية يمي ويضحك ويشاقة وناكل سوية وصرت أنام على الجرباية وهوة بالكاع والليل كولة تسولف noor adel ونضحك جنت متونسة ويا ونضراتة آلية تخبل تمنيت هاي النضرات حب وكام يتقربلي يعني يلعب بشعري او يمسح ادموعي بيدة من ابجي لأي سبب جابلي تليفون وكمت اخابر اهلي بين فترة والثانية بس مااكولهم بالشي ال صار وياي واكولهم اني سعيدة ...
احمد: بفترة مرض سجاوي كولش اتقربنا من بعض كمت أروح للدوام اريدة بس يخلص حتى ارجع واكعد يمها ونبقى نسولف ونضحك ونباوع افلام كوميدية او رعب وجنت أفرح من نباوع رعب لأن جانت تلزم ايدي وتضم رأسها وراية كولش أفرح وحسيت الدنيا بدونها متنراد عودتني عليها شكد حبيت لمى بس هيج شعور محسيتة غير بس وياها جانت كولش بسيطة خلص الشهر واخذتها فتحت إلها أديها والحمد لله صايرة زينة افترينا شوية وطلعنا مطعم ورجعنا للبيت . التسجيلات جنت منتضر رد اخو صديقي وجان يكولي اكو ناس دافعين كومة فلوس حتى متطلع هاي التسجيلات وأغلب التسجيلات حاركيها بس بقت نسخ سرية مختفية وكال دا احجي ويا معارفي وأن شاءالله خلال هذا الشهر يجيبلي نسخة جنت صح خايف من فقدان سجاوي واخاف ياخذوها اهلها بس حرام لازم اثبت برائة أخوها واعاقب الجاني وادخلة السجن واخلي ينحكم علية بااشد العقوبات وقررت اخلي سجى تحس بحبي الها وتكوم تحبني مثل ما اني احبها واحراب الدنيا حتى تصير بحضني بس كلت مااجبرها إذا مقتنعت بحبي صح راح اتاذى بفراكها بس اتحمل لأن كافي نضلمت ..
سجى : رجعت من المستشفى وجنت فرحانة لأن تونست ودخلنا مطعم بس من رجعت ضوجتني العمة سعاد بحجيها كالت ها يلفصلية يلة كبل على شغلج كافي خلصت الأجازة اني مدرت بال لأن جانت بس هية الموزينة وياي وكلتلها صار عمة هسة بس ابدل وأنزل كالت وعمة العماج يلة بساع بدلت ونزلت كملت كل شغلي وكعدت اسولف ويا البيبية احب كولش سوالفهاnoor adel وقصصها سمعت أحمد يصيحيني بالغرفة ترخصت من البيبية ورحتلة دخلت وجان الكاه طالع من الحمام ولاف المنشفة على بطنة وصدرة طالع بس والله يخبل شنو من يجسم يبوووو يموت 😱 نزلت راسة كتلة ها أحمد صحتني كال اي الفانيلة السودة مدا الكاها كتلة يمك كال تعاي شوفيها مو دورت وماكو ....
احمد: جنت متقصد اسوي هاي الحركة ولأول مرة حسيتها تفاجئت وارتبكت وكلتلها فانيلتي ماكو اجتي دا أشوفها تقربت عليها ومديت أيدي بحجة وينها يمعودة اشو ماكو ...
سجى : اني تقرب حسيت جسمة لزك علية كولش استحيت وارتبكت ونوب عطرة دوخني 😍😍 طلعت الفانيلة وجانت موجودة كدامة ماعرف صدوك مشايفها لو جان يدعي تركتة ورحت سبحت وبدلت طلعت لكيتة كاعد يكلب بالتليفون على الجرباية نشفت شعري بالشسوار ومشطت ورحت نمت .
احمد: من طلعت من الحمام جانت لابسة تراكسود كولش حلو وجسمها مخصر سويت نفسي أكلب بالتليفون بس اسرق النضرات .
سجى : صارت فترة أحمد كولش دا يتقرب مني وإذا عمتة ضوجتني يجاوبها بنزاكة ويضحك الكل علية صرنا مناكل إلا سوية نكعد سوة ومن يروح للمستشفى أعد الساعات حتى يرجع ومن يطلع ويا اصدقائة كولش اضوج لأن اريدة يمي ههههههه شكد أنانية بس والله كولش تعلقت بي بس يوم من الأيام رجع من الدوام من وكت وجان مبين علية مقهور وتعبان وضايج وجمع العائلة كولها بالصالة اخوتة ونسوان اخوانة وأمة وأبوه وعمتة واجدادة جانت عندة أخت وحدة بس مشايفتها لأن مزوجة وعايشة خارج العراق جمع العائلة وكلهم كلكم تباوعون على الشي اللي راح اعرضة وبدون نقاش لحد ميخلص وتوضح الصورة.... Noor Adal
أنت تقرأ
عشقت فصلية الكاتبة Noor Adal Alasade
Romanceتتحدث القصة عن فتاة قد ضحت بنفسها لحماية اخوانها وعانت ماعانته
