Secret behind those Peculiar Eyes

Prologue

ALAZNE'S POV

Maaga akong nagising para pumasok sa pang-alas singko kong trabaho, sa isang 24/7 na convenience store, dalawang oras para sa alas siete kong pasok sa school.

Kinuha ko sa bag ko yung eyepatch ko atsaka ko isinuot sa kaliwa kong mata at nagsuot naman ako ng black contact lens sa kanan kong mata bago ako tuluyang lumabas at dumiretso sa trabaho ko.

Kasalukuyan kong inaayos yung mga products dito sa counter ng tumunog yung bell sa door, senyales na may pumasok, simple naman akong napatingin doon at nakita kong pumasok ang isang middle age man.

Naka-black suit ito at mabilis na naghanap sa rack ng mga paninda, ilang minuto din ng pumunta siya sa gawi ko para magbayad habang dala ang isang pakete ng sigarilyo.

Kinuha ko naman yun at ini'scan.

"50 pesos sir." sabi ko at binalot ang sigarilyo niya.

Ramdam kong nakatingin siya saakin pero hindi ko siya binabalingan ng tingin.

"Ganyan ba turo sayo ng boss mo? Hindi ba itinuro sayo ang makipag-eye contact sa mga customer!?" malakas at pabalang niyang tanong saakin.

'Eye contact'

Napailing nalang ako at hindi parin siya pinansin, tama naman siya at bastos talaga ang iniaasta ko pero it's better this way. Medyo napaatras ako ng binato niya saakin yung bayad niyang tagpi-piso.

Nagkanda-kanda hulog yun sa sahig kaya medyo uminit ang ulo ko pero mas minabuti ko nalang na manahimik, huminga akong malalim bago ko pinulot yung mga barya.

"Aba't talagang matibay kang babae ka!"

Bigla akong hinigit no'ng lalaki sa kwelyo ng damit ko at malakas na kinaladkad palabas ng store, wala pa gaanong dumadaang mga tao dahil masyado pang maaga at tiyak na tulog pa yung iba.

"Bitawan mo'ko!" singhal ko at hinigit ko ang damit ko sakanya at bahagya siyang tinulak.

"Talagang matapang ka, wala kana ngang respeto sa mga customer niyo tapos wala ka ding respeto sa mga nakakatanda sayo!" angal niya at literal na nanlilisik ang mga matang nakatingin saakin.

"Marunong akong rumespeto pero sa mga piling tao lang, at hindi ikaw yun gago!" asik ko sakanya at doon siya tuluyang sumabog.

Kinaladkad ulit niya ako at dinala sa isang eskinita malayo sa convenience store na pinagtra-trabahuhan ko. Malakas niya akong tinulak sa pader atsaka sinampal.

'Fuck!'

This time hindi na ako nakapagtimpi at tuluyan na rin akong sumabog sa inis at galit, malakas ko siyang sinuntok sa sikmura niya at napaubo siya, hindi niya iyon inaasahan. Nag-init yung kaliwa kong mata at ramdam ko din na nalusaw yung suot kong contact lens.

'Revealing my true eye color'

Sinugod ulit ako no'ng lalaki at mabilis kong hinawakan yung leeg niya atsaka ko inalis ang eyepatch sa kaliwa kong mata atsaka siya tinitigan. Unti-unti siyang umangat sa ere dahil sa pagkakasakal ko sakanya.

"De-de-mon-yo ka!" naghihingalo niyang bulalas habang pilit na kumakawala sa pagkakasakal ko.

"Hindi ako ang demonyo kundi ikaw."

Nakita kong naging purong itim ang dalawa niyang mata kaya mabilis ko siyang ibinaba atsaka ko ulit isinuot yung eyepatch sa kaliwa kong mata. Shit! I did it again.

Mabilis akong umalis doon, leaving the man behind. He gets what he deserved, bumalik akong store at kinuha ang bag ko atsaka umalis, wala na akong pakialam at alam kong magagalit saakin yung boss ko.