عد الى قلبي

الجزء الثالث عشررر

ظل سيف مغمض عيونه وكاانما عايش بحلم واخذ يدي
وخلاها على قلبه وخله يدة فوك يدي
....تعرفين من اشوفج كلبي ‏مايهدأ ابدايظل يدك
تعرفين اني ابوكج من نفسي من احساسي من كلبي اني شكد
حاولت انساج ماكدرت انتي متغلغله بيه انتي تجرين بمساماتي
تجرين ‏بشرياني
اني اريدج وكل جزء بيه يريدج اريدج بكلبي وبعقلي وبروحي
انا اعترف اني سجين قلبج اعترف اني احبج بس مداكدر اسامح انتي حاولتي تكسرين الرجوله الي بيه حاولتي
تخليني شبه رجال
ليش هيج جنتي اسوين ريمان ليش
....اسفه
....بعديش بعد ماعفتيني بحطامي بعد ماجرحتيني
تعرفين شكد سهرت شكد تعذبت شكد ليالي ما جنت انام واحس روحي دتنسحب  مني
....ماكو انسان ميغلط
......بس انتي غلطتي هوايه ومداكدر اسامحج الي دشوفي انتي بسيط اني داشوفه شي كلش جبير

.....سيف
ندار سيف على الصوت وجانت مرته واكفه
رد اندار عليه
....فوتي جوة بعدين نحجي ومشى راحلها وسمعت صوتهم
وسديت الباب ودخلت للغرفه بسرعه
وجان جسمي يرجف
كلت لنفسي هي بلاشي شاكه بينا هدورة
شافتني وياة
عزة هسه شراح يصير هسه اكيد تعاركت وياة واكيد راح تكعد
ودكوم ودكول للكل ريمان تريد تبوك سيف مني
اني شداسوي بنفسي وليش هيجي داضعف ويا سيف
وليش اني صرت هيج بدون أرادة اني مجنت هيج
شنو الي راح يصير هسه
اني لازم اخذ قرار يبعدني عن سيف
ولمن رجعو اهلي حجيت ويا بابا
.....بابا شنو صديقك بعدة يريدني لاابنه
....قصدج سامي
...اي
....اي من شافني هم كلي  بس اني ماانطيته حجايه
او شي سكتت
....اني اقبل بابا
....شنو الي تغير
..ماكوشي تغير بس اني فكرت
....متاكدة من قرارج
...اي متاكدة
....لعد باجر الصبح اخابر ابو سامي واكله والي بي خير الله يقدمه
.....ان شاءالله
جتي امي كعدت يمي كالتلي
....اني صدك حجيت الظهر بس مومعناتها اريدج تزوجين بلا ماانتي  راغبه لاحبيبتي هذا زواج مو لعبه لتتسرعين
....لاخلص اني قررت
....شغير قرارج
....هوايه شغلات
.....حبيبتي فكري زين منا للصبح
....بعد مااافكر حتى لااتراجع عن قراري
...الله يسعدج بنتي ان شاءالله اشوفج عروسه ومزوجه وكاعدة ويازوجج ومرتاحه وسعيدة
...ان شاءالله
راح اروح انام
......تصبحين على خير
....وانتي من اهل الخير
واهلي طفو الاضويه واني كمت طلعت للبالكون وظليت كاعدة
ودموعي تجري وظليت لحد ماتعبت ورحت نمت وكعدت الصبح على صوت والدي يحجي بالتلفون ويا صديقه وجان يكله
اهلاوسهلا ننتظركم ومن شافني كمت  كلي
....مصدكو نفسهم انتي قبلتي كلش فرحو وهسه
راح يجون فدشويه
يحجون ويايه
هزيت براسي وكمت دخلت للحمام
وبعدها بساعه بابا دك تلفونه وجانو اجاين كاعدين
جوة وكلي
...بدلي ونزلي انتي وامج
....ميخالف بابا
و شويه وبدلت ونزلت وياماما وشفتهم كاعدين جوة
بالمطعم مال فندق
ورحنا كعدنا وجان موجود سامي وجان بس  يضحك
وضحكته جانت تستفزني ماادري ليش وبكوة
متحملته ومجاملته
وجنت اسمع حجيهم
واتفقو انو يسون حفله  او بلاحرى كعدة على عشه شي بسيط بينا ويقرون الفاتحه بوجود
والدي وعمي وزوج عمتي
واني جنت صافنه وبالي مويمهم وجان كل تفكيري يم سيف بس جنت اقنع نفسي
انو هذا افضل حل
ومر الظهر وسيف وزوجته ماكو وجان علااساس مقرر
اليوم العصر سامي يجيب حلقه ونسوي عشه ونقراء الفاتحه
واعتبر مخطوبه اله ماقبلت اروح اشتري حلقه كتله على ذوقك
والعصر حضرت نفسي ولبست فستان اسود طويل ونزلت واجى سامي واهله وكالو عازميكم بمطعم
ومرت عمي مقبلت تجي ويانه
وجان بودي اسئل على سيف بس ماكدرت
وصعدت بالسيارة ويااهلي
وصلنه لمطعم كان راقي ونزلنه وكعدنا وصار كلام وبعدها قرو
الفاتحه وسامي لبسني حلقه بيدي واني هم  لبسته الحلقه
الخطوبه كانت عبارة عن شي بسيط وبابا وماما رادو السالفه تخلص بسرعه يمكن خافو لا ‏اغير رأيي
وتعشينه ورجعنه للفندق
وماما كالتلي
..... امشي نروح على مرت عمج لان الصبح
جانت مريضه
....يله امشي
ورحنه ودكينه باب الغرفه وفتحتها زوجته سيف
ودخلنه وماما كامت تحجي ويا مرت عمي
ومرت سيف جانت تباوعلي بحقد
وبعدين كمت استأذنت منهم وكتلهم تعبانه اروح
انام
....تصبحون على خير
...وانتي من اهل الخير
وجان بالي كلش مشغول على سيف لان اليوم مشفته
وماكدرت اسئل عنه
ورجعت للغرفه وكمت اروح واجي وروحي لايبه كلت اروح اسئل مريم
رحت على  غرفته بيت عمتي وسلمت على عمتي
وكتلها
....عمه وينها مريم
.....هيانها تعاي
....لا عمه صيحيها
.....مريم تعاي ريمان تريدج
....اي اجيت
...هلو ريمان تعاي دخلي
....لا تعاي هنا برة اريد احجي وياج
طلعت مريم وسدت الباب
...هاشكو
...وين سيف مريم شو ماشفته اليوم
.....رجع لبغداد
....صدك تحجين
...اي والله
....لويش وليش لعد مرته هنا
....اي مو علااساس متعارك وياها ومنا سمع بيج تخبل
....ليش عرف
....اي وعينج متشوف شصار بي
...منو كله
....امه كالتله
وهو تخبل وجان يخلي ويرجع لبغداد وبقت مرته
...وصل هسه
...ماادري والله
....خابري
.....اني لويش اخابرة
....حبابه خابري اسئلي عنه
....لا استحي
...مريم حبابه
.....دقيقه اروح اجيب التلفون مالتي
....انتي عندج رقمه
....اي رقم عمو الااسيا يمه
...ديله لعد حبابه
....انطي صبر خلي اجيب التلفون
ودخلت مريم جابت التلفون ودكت عليه ظل يدك وين يله جاوب
ومريم فتحت السماعه مال تلفون حتى اسمع اني
....الو
....هلو سيوفي شلونك
....مريم
...اي
....هلو مريم
....خابرت داطمن عليك
..... هي يمج
.... منو يمي
....ريمان
...لا
...لكذبين هاي اكيد هي كلتلج خابري
.... دتسمعني هي
... اي
....الو ريمان  لو اكلج هلو عروسه
شتفضلين انتي
..هلو سيف حبيت اطمن عنك
....بعد لتطمنين عني انتي هسه مخطوبه واني رجال مزوج مترهم بعد
...اي صحيح يله توصل بالسلامه
..الله يسلمج ياعروسه
وسد التلفون
يتبع .....
#الكاتبه #روجمان