البارت السادس
دخلت ماما واني دخلت وراها سلمت وكعدت وصار العريس كدامي
ماكدرت ارفع عيني واباوع عليه ماادري ليش
وتخايلت سيف وجنت كاعدة على اعصابي بس ردتهم يطلعون
ولمن طلعو سئلوني اهلي على الولد
بس كتلهم لا
وعفتهم ورحت
واهلي مااصرو عليه وكمت اسمع اخبار سيف
اما من الفيس او من بيت عمي وجان كل يوم ينزل كتابه
او موسيقى او اغنيه ودائما كان طابع الحزن بمنشوراته و
ودائما يكتب عن تلك الغائبه
عشت قصتي ويا سيف من خلال كلماته
يوميه جنت اقرئ كلماته الي يكتبها
ودارت بينه الايام ومشت ومتوقفت ولكن الدنيا متتوقف بس يتوقف احساسنا يتوقف شعورنه
بس اني اصبحت ميته بدون سيف
تخرجت من الكليه وكعدت بالبيت بدون وظيفه بدون عمل
بدون اي تغير بيه
وهوايه تقدمولي بس اني كلهم رفضتهم
مكمت اباوع احد بعيني غيرسيف بعد مجان سيف مالتي ويحبني ويموت عليه خسرته وراح وسافر ومابقى من حبه بس كلمات يكتبها
احساس بداخلي موجع جدا
تفكير مستمر قلق
فقدان الصبر بس دائما الحب كان مسيطر عليه
و بعد سنه وخمس اشهر ضبط رجع سيف
واول ماوصل للعراق عمي اتصل بوالدي وعزمنه كلنه على الغدة
وكلنا التمينا ورحنه بس المفاجئه سيف رجع وجان جايب ويا
وحدة وعرفنه عليها انو هاي زوجته
وبدة يتكلم شلون تعرف عليها وانو هي والدتها عراقيه والدها لبناني
وعايشه مابين امريكا ومابين دبي
وانو هما تعارفو وازوجو وهو مراد احد
يعرف بالوقت الحالي
جانت مفاجئه لااهله والي وظل يسولف عن الي صار وياهم
وجانت كل شويه هي تضحكله وهو يبادلها الضحكه
وتصيحه حبيبي وهو يكللها حبيبتي
مكدرت اكعد واباوع عليه يضحكلها كمت
وكعدت على صفحه وظليت كامشه دمعتي خفت لاتوكع دمعه من عيني كدام الكل
وبعدها كال سيف اني و ليندا جبنالكم هدايه
اني جان جسمي بي رجفه ومجنت مسيطرة على نفسي بكوة كامشه اعصابي
و جنت مدنكه راسي واباوع على الكاع ومجنت اريد ارفع عيني حتى لحد يحس بيه وحتى لااشوف سيف وجنت كاعدة بعيدة عن الكل
واني مدنكه سمعت صوت سيف كال
....ريمان
....رفعت راسي وباوعت على عيونه وهو باوع بعيوني
...كتله نعم
...هاي الهديه الج
....شكرا
،،،اخذتها وخليتها بصفي
هو جان بعدة واكف
.....مراح تشوفين شنو الهديه
....بعدين اشوفها
....ليش مو هسه
...اوكي راح اشوفها
اخذتها من بصفي وكانت عبارة عن علبه حمرة كانت مربوطه
بوردة بيضه فتحتها شفت كلادة وجان بيها قلب والقلب بي
مكان صورتين
وجان اكو ورقه
لمن شلتها وفتحتها جان مكتوب بيها
(شفتي اني كدرت اعيش بدونج بس انتي مددكدرين ولاراح
ادكدرين )
رفعت راسي وباوعت عليه ابتسم ابتسامه صفرة وجانت ادل
على هوايه معاني
....شكرا على الهديه
رفع حاجبه وجانت الابتسامه بعدها مرسومه على وجهه
ولمن ردت اسد العلبه سمعت صوت بيها وشفت شي وكع
وسيف ندار ومشى باوعت جانت الحلقه مال سيف الي جان لابسها بيدة من جنه مخطوبين
رفعت الحلقه وباوعتها جان مكتوب عليها احبك الى الابد
سديت العلبه وبعد متحملت اكعد كمت
وطلعت ورة البيت مال بيت عمي وكمت ابجي بسكته وبدون صوت وجان جسمي يرجف على غفله
الضوء انطفه
وسمعت صوت انفاس وصار المكان اظلم كلش مسحت دموعي وردت ادخل جوة وسمعت صوت وخطوات دتتقرب عليه
كلي
.... ليش تبجين
مجاوبت ردت ادخل جوة ومشيت على كيفي وجرني من يدي
وجنت اسمعه يتنفس بقوة واني هم جنت اتنفس بقوة
مرت بينا لحظات جانت انفاسنا المتسارعه تحجي
.....مكلتيلي ليش طلعتي هنا تبجين متحملتي بعد تروحين
للبيت وتبجين بغرفتج
....اريد ادخل جوة عوفني
كام يضغط على يدي بقوة لدرجه حسيت انو اصابعه دخلت بلحمي
...دتاذيني عوفني
...انتي شنو متتغيرين اظلين تكابرين
.....ليش تبجين كوليلي اني اعرف ليش يس اريد اعرفها منج
....عوفني
....احجي عد لصيرين غبيه
....اشكرك
تغير صوته وصار ناصي وكمت احسه مثل التعبان من يحجي
ومجنت اشوف ملامحه لان جانت ظلمه بس جنت اشعر
بي كلي
.... اني عشت بدونج ليش ماعشتي بدوني ليش كوليلي
شنو دتحسسيني بالذنب ليش ماحبيتي وزوجتي وعشتي
احجي
وهزني حيل
...جاوبي داكلج
....شتريد مني عوفني ترة الي بيه مكفيني
....شنو الي بيج
....انت الي بيه سيف انت انت انت
زين هسه
....شنو انتي تحبيني قصدج
..... اي احبك والله العظيم احبك والله احبك وجنت احجي ودموعي تنزل
كلي سيف شسوي شلون اطلعك من كلبي وفكري كلي
شلون اداوي كلبي شلون كلي
الله يخليك اطلع من كلبي وراسي اريد اكرهك
وانهاريت وكمت ابجي بصوت
وهو خله يدة على حلكي وكلي
.....اش اش كافي ريمان
....اطلع من كلبي حباب اطلع الله يخليك
واني جنت احجي و جنت احس نفسي
داموت ماااعرف شنو شعور الي داشعر بي بس جانت روحي تريد تطلع من جسمي بس
مدتكدر
شنو الي جان بيه ماادري
وسمعته يكلي
...ريمان داحجي وياج اسمعيني اني وياج
خلص قصتنه انتهت من زمان اني هسه ماااحبج وعندي
غير حياة ولتحاولين تخربين حياتي
.....اني مااريد اخرب حياتك بس انت اطلع من حياتي
.....اني من زمان طلعت من حياتج بس انتي الي ماكدرتي اطلعيني من حياتج
اذن مومشكلتي
وديحجي ويايه وجان يشتغل الضوه ونفتحت الباب
وهو على السريع راح مشى ودخل للبيت من الباب الاماميه
واني ظليت واكفه وجانت حالتي حاله وعيوني مورمه
ولمن نفتحت الباب
جانت هاي زوجته
كالتلي
....اسفه بس اصورت انو سيف هنا
،،،،هزيت راسي بمعنى لا ماموجود
....واجتي تقربت عليه
.....ليش تبجين
..مابيه شي هسه اصير احسن بس اغسل وجهي
وشفت سيف اجى وسوة نفسه انو هو جان بالحديقه وداخل وكلي
....ها شبيج شنو هالبجي
...ماكو شي
وزوجته جانت كلش متااثرة من منظري وحزينه عليه
كلتلي
....اكيد مجروحه من الحب لان المراة متبجي الااذا
قلبها يوجعها
رفعت عيني وباوعت على سيف
...لاماكو شي شويه نفسيتي تعبانه
من رخصتكم راح ادخل اغسل وجهي
ومشيت من يم سيف ورحت ودخلت للحمام وباوعت على وجهي بالمرايا جان حالي حال
غسلت وعدلت ملابسي وطلعت ورجعت للااستقبال
كعدت وجان سيف ماعد وزوجته كاعدة يمه وخاله راسها على يدة
واني جنت الهي نفسي بااي شي وبعدها كمت كعدت بالمطبخ وحدي وجنت مشغله اغاني ونداريت وشفت سيف ديباوع عليه
ولمن شافني داباوع عليه دار وجة بسرعه
وبعدهالمن ظليت كاعدة وحدي جبت الحلقه الي انطانياها
ونزعت الزنجيل الي جنت لابسته وخليت بي الحلقه ولبسته وضميته جوة هدومي حتى لحد يشوفه
يتبع .....
#الكاتبه #روجمان
https://m.facebook.com/ROGMAN6/
هاي الصفحه الي يحب يتابعني
