ﻣﺠﺪﻯ ﺟﺎ ﺩﺍﺧﻞ ﻭﺷﺎﻳﻞ ﺩﺣﻠﻮﺏ ﻓﻲ ﻳﺪﻳﻨﻮ ...
ﺩﺣﻠﻮﺏ ﻛﺎﻥ ﻭﺳﺨﺎﻥ ﺷﺪﻳﺪ ﻭﺟﺴﻤﻮ ﻣﺠﺮﺡ
ﻭﻛﺎﻥ ﻣﺎﻭﺍﻋﻲ ﻭﻛﺎﻥ ﻣﻼﻥ ﺩﻡ .....
ﺳﻠﻮﻯ ﺟﺎﺕ ﺟﺎﺭﻳﻪ ﺟﺮﻯ ﻋﻠﻴﻬﻮ ﻣﻦ ﺷﺎﻓﺘﻮ ﻭﺣﻀﻨﺘﻮ ﻋﻠﻴﻬﺎ ﻭﺑﻘﺖ ﺗﺒﻜﻲ
ﻭﺗﺒﻮﺱ ﻓﻴﻬﻮ ﻭﺛﺎﻧﻲ ﺗﺤﻀﻨﻮ( ﻓﻲ ﺍﻵﺧﺮ ﻭﻟﺪﻫﺎ ﻳﺎ ﺟﻤﺎﻋﻪ) ... ﻛﺮ ﻋﻠﻰ
ﻳﺎﻭﻟﺪﻱ ﻋﻤﻠﻮﺍ ﻓﻴﻚ ﺷﻨﻮ ﻣﺎﻳﻜﻮﻥ ﺍﺫﻭﻙ ...ﻣﻘﺎﻃﻌﻬﺎ ﻣﺠﺪﻱ ﺩﻳﻞ ﻣﻨﻮ
ﺍﻟﺒﺘﺘﻜﻠﻤﻲ ﻋﻨﻬﻢ ﺩﻳﻞ ﻳﺎﺳﻠﻮﻱ ... ﺳﻠﻮﻯ ﺳﻜﺘﺖ ﻣﺴﺎﻓﻪ ﻣﺎﻋﺎﺭﻓﻪ ﻳﺎﻣﺠﺪﻱ
ﺍﻟﻨﺎﺱ ﺍﻟﺨﻄﻔﻮ ﺩﻳﻞ ...( ﺳﻠﻮﻯ ﻣﺎﺩﺍﻳﺮﺓ ﺗﺤﻜﻲ ﻟﻲ ﻣﺠﺪﻱ ﺍﻟﺸﺎﻓﺘﻮ ﻓﻲ
ﺍﻟﺤﻤﺎﻡ) .... ﺻﺤﻲ ﻟﻘﻴﺘﻮ ﻭﻳﻦ ﻭﻛﻴﻒ ؟؟؟
ﻭﺍﻟﻠﻪ ﺣﺎﺟﻪ ﻏﺮﻳﺒﻪ ﻳﺎﺳﻠﻮﻱ ﺃﻧﺎ ﺟﺎﻱ ﺭﺍﺟﻊ ﺍﻟﺒﻴﺖ ﻭﻛﻨﺖ ﻣﺎﺷﺎﻳﻒ ﻗﺪﺍﻣﻲ
ﻫﻤﻲ ﻛﻠﻮ ﻭﻳﻦ ﻧﻠﻘﻰ ﺩﺣﻠﻮﺏ ﻭﺍﻟﺤﺼﻞ ﻋﻠﻴﻬﻮ ﺷﻨﻮ
... ﻟﻤﺎ ﻗﺮﺑﺖ ﺟﻨﺐ ﺍﻟﻜﻮﺷﻪ ﺳﻤﻌﺖ ﺻﻮﺕ ﺯﻭﻝ ﻣﺘﺎﻟﻢ ... ﻟﻤﺎ ﻣﺸﻴﺖ ﻟﻘﻴﺘﻮ
ﺩﺓ ﺩﺣﻠﻮﺏ ﻛﺎﻥ ﻭﺍﻗﻊ ﻓﻲ ﻧﺺ ﺍﻟﻜﻮﺷﻪ ...ﺍﺳﺘﻌﺬﺕ ﻣﻦ ﺍﻟﺸﻴﻄﺎﻥ ﻭﺷﻠﺘﻮ
ﻭﺟﻴﺖ ﺟﺎﺭﻱ ﻋﻠﻰ ﺍﻟﺒﻴﺖ ....
ﻓﻲ ﺍﻟﻠﺤﻈﺔ ﺩﻳﻚ ﺳﻠﻮﻱ ﺟﺎﻫﺎ ﺃﻣﻞ ﺍﻧﻮ ﻣﻤﻜﻦ ﺍﻛﻮﻥ ﻭﻟﺪﻫﺎ ﻣﺎﺟﻨﻲ ﻻﻧﻮ
ﻣﺠﺪﻱ ﻟﻤﺎ ﺍﺗﻌﻮﺫ ﻣﻦ ﺍﻟﺸﻴﻄﺎﻥ ﻛﺎﻥ ﻣﻔﺮﻭﺽ ﺩﺣﻠﻮﺏ ﺍﺧﺘﻔﻰ ﺃﻭ ﺗﺤﺼﻞ ﻟﻴﻬﻮ
ﺣﺎﺟﻪ .... ﺭﺟﻌﺖ ﺗﺎﻧﻲ ﺍﺗﺰﻛﺮﺕ ﻟﻤﺎ ﻛﺎﻥ ﺍﻻﺫﺍﻥ ﻳﺄﺫﻥ ﻛﺎﻥ ﺩﺣﻠﻮﺏ ﺑﺠﻲ
ﺟﺎﺭﻱ ﺟﺮﻱ ﻟﻴﻬﺎ ﻭﺍﺣﻀﻨﻬﺎ ﻭﻳﻜﻮﻥ ﺧﺎﻳﻒ ....
ﺳﻠﻮﻯ ﺑﻘﺖ ﻋﺎﻳﺸﻪ ﺻﺮﺍﻉ ﺑﻴﻦ ﺍﻧﻮ ﻭﻟﺪﻫﺎ ﺩﺣﻠﻮﺏ ﺟﻨﻰ ﻭﻻ ﺑﺸﺮ ﻋﺎﺩﻱ ....
ﺳﻠﻮﻯ ﺣﻤﻤﺖ ﺩﺣﻠﻮﺏ ﻭﺍﻛﻠﺘﻮ ﻭﻋﻤﻠﺖ ﻟﻴﻬﻮ ﻋﺼﻴﺮ ﻭﻫﻮ ﻛﺎﻥ ﺑﻴﻦ ﻧﺎﻳﻢ
ﻭﺻﺎﺣﻲ ﻟﺤﺪﻱ ﻣﺎﻧﺎﻡ ﻋﺪﻳﻞ ﻭﺩﺧﻠﻮ ﻛﻠﻬﻢ ﻏﺮﻓﺘﻬﻢ ...
ﺍﻧﺘﻲ ﻳﺎﺳﻠﻮﻱ ﻓﻲ ﺍﻟﺘﻠﻔﻮﻥ ﻗﻠﺘﻲ ﺩﺍﻳﺮﺍﻧﻲ ﻓﻲ ﻣﻮﺿﻮﻉ ...ﺍﻫﺎ ﺍﻟﻤﻮﺿﻮﻉ
ﺷﻨﻮ .... ﺳﻠﻮﻯ ﺗﻤﺘﻤﺖ ﻭﺷﺮﺣﺖ ﻣﺴﺎﻓﻪ ....ﺃﻧﺎ ﻧﺴﻴﺖ ﻳﺎﻣﺠﺪﻱ ﺑﻌﺪ ﺍﻟﺤﺼﻞ
ﺩﺓ ﻣﺎﻣﺘﺰﻛﺮﺓ ...
ﻣﺎﻣﺸﻜﻠﻪ ﻳﺎﺳﻠﻮﻱ ﺑﻜﺮﺓ ﺑﺘﺘﺰﻛﺮﻱ ﻭﺗﻮﺭﻳﻨﻲ ....
ﻣﻮﺿﻮﻋﻚ ﻛﺎﻥ ﺷﻨﻮ ﻳﺎﻣﺠﺪﻱ .... ﻭﺍﻟﻠﻪ ﻳﺎﺳﻠﻮﻱ ﻓﻲ ﺣﺎﺟﻪ ﻣﺤﻴﺮﺍﻧﻲ ﺷﺪﻳﺪ
ﻭﺯﺍﺩﺕ ﺣﻴﺮﺗﻲ ﺑﻌﺪ ﺍﻟﺤﺼﻞ ﺍﻟﻴﻮﻡ ﻟﺪﺣﻠﻮﺏ ﺗﺘﺰﻛﺮﻱ ﻗﺒﻞ ﺳﻤﺎﻳﻪ ﺩﺣﻠﻮﺏ ﺑﻲ
ﻳﻮﻡ ﻟﻤﺎ ﻗﻞ ﻟﻴﻚ ﻧﺴﻤﻲ ﺍﻟﻮﻟﺪ ﻋﺎﺩﻝ ﻋﻠﻰ ﺍﺑﻮﻱ ( ﺷﺮﺡ ﻟﻴﻬﺎ ﺍﻟﺤﺼﻞ ﺍﻟﻴﻮﻡ
ﺩﺍﻙ ﻛﻠﻮ ) . ﺃﻧﺎ ﻣﺴﺘﻐﺮﺏ ﺩﻳﻞ ﻣﻨﻮ ﻭﺩﺍﻳﺮﻳﻦ ﻣﻦ ﺩﺣﻠﻮﺏ ﺷﻨﻮ ....ﺃﻧﺎ ﺑﻔﻜﺮ
ﻳﺎﺳﻠﻮﻱ ﻧﺠﻴﺐ ﺷﻴﺦ ﺍﻗﺮﺃ ﻟﻲ ﺩﺣﻠﻮﺏ ....
ﻻﻻﻻ ﻳﺎﻣﺠﺪﻱ ﻗﻮﻝ ﺑﺴﻢ ﺍﻟﻠﻪ ﺷﻴﺦ ﺷﻨﻮ ... ﺩﺣﻠﻮﺏ ﻣﺎﻋﻨﺪﻭ ﺍﻱ ﺣﺎﺟﻪ ...
ﺳﻠﻮﻯ ﻛﺎﻧﺖ ﺧﺎﻳﻔﻪ ﺷﺪﻳﺪ ﺍﻧﻮ ﻭﻟﺪﻫﺎ ﻳﺤﺼﻞ ﻟﻴﻬﻮ ﺷﻲ ..ﺣﺘﻰ ﻟﻮ ﻛﺎﻥ
ﺟﻨﻰ ﻓﻲ ﺍﻻﺧﺮ ﻭﻟﺪﻫﺎ ... ﻣﺠﺪﻯ ﺍﺳﺘﻐﺮﺏ ﺷﺪﻳﺪ ﺑﺲ ﺗﺎﻧﻲ ﻗﺎﻝ ﺧﻼﺹ
ﺣﺼﻨﻲ ﺍﻻﻭﻻﺩ ﺩﻳﻞ ﻛﻮﻳﺲ ﻗﺒﻞ ﺍﻧﻮﻣﻮ ....
ﺳﻠﻮﻯ ﻣﺎﻛﻠﻤﺖ ﻣﺠﺪﻱ ﺑﺎﻟﺤﺼﻞ ﻟﻴﻬﺎ ﻓﻲ ﺍﻟﺤﻤﺎﻡ ﻭﻻ ﺍﻟﺤﻠﻢ ﺣﻘﻬﺎ ﺍﻟﻜﺎﻥ
ﺑﺤﻠﻢ ﺑﻴﻬﻮ ﻣﺠﺪﻱ ....
ﻛﺎﻧﺖ ﻣﻨﺘﻈﺮﺓ ﺍﻟﺼﺒﺎﺡ ﺍﺟﻲ ﻋﺸﺎﻥ ﺩﺣﻠﻮﺏ ﺍﺻﺤﻲ ﻭﺗﻌﺮﻑ ﺍﻟﺤﺎﺻﻞ ﻋﻠﻴﻬﻮ شنو
يتبع....
