Möcüzədən Uzaqda

1. Möcüzəli tort dilimi

24 noyabr 2017

Aleksandr Düma bir romanında yazıb ki :
- Nə qədər yesən də ömürlük doya bilməzsən .

Yəni kişi demək istəyib ki , bir az gözütox olmaqdan ziyan gəlməz . Amma bu fəlsəfə mənə aid deyil . Qarnım partlayana kimi yeməyi sevirəm və həmişə də sevəcəyəm .

Leyla həmişə mənə deyir ki :
- Möcüzə , beş kiloqram artığın var . Bəlkə az tıxasan .

Leyla bacım olsa da məni hələ də yaxşı tanımır . Görünüşümə önəm vermədiyimi bilən hərkəs anlayar ki , nə olursa olsun  həmişə yeməyi üstün tutardım . Yemək incəsənətdir .

Amma bu gün deyəsən bu "incəsənətin" ağını çıxartdım . Çünki arsız  qız olduğum halda etdiyim hərəkətdən çox utandım .

Deməli hadisə belə olub . Səhər tezdən Selcanı təpiklə otağımdan qovanda anamla üz-üzə gəldim .

Anam gülümsəyərək balaca bacıma baxıb :
-Selcan , əl çək qızdan . Qoy hazırlaşsın . Dərsə gecikirik .- dedi .

Qadının bu reaksiyasına heyrət etdim . Çünki günah Selcanda olsa da onu təpiklədiyimə görə danlanan şəxs əsasən mən olardım . Amma bu gün fərqli idi . Bir neçə saniyə sonra səbəbini xatırladım .

Belə ki , anam yaxınlaşıb hər iki yanağımı ovucları arasına aldıqdan sonra :
- Möcüzəm , dəli qızım , ad günün mübarək . Qoy xoşbəxtlik səni öz içinə həbs etsin ,- söyləyib öpdü .

Anam  ədəbiyyat müəlliməsidir . Yəqin bu görə də bu cür "fış-fışlı" cümlələr qurmağı sevir .

-Sağol . Mən də elə bildim ömrümün axrına az qalıb . Yoxsa bu mehribanlığın başqa açıqlaması ola bilməzdi .- deyib guya şirinlik elədim . Anam ev telefonuna gələn zəngi eşitdiyindən mənə cavab vermədən  uzaqlaşdı .

-  Ətimi tökmə də .  - Leyla mənə ünvanladığı sözlərlə əsnəyərək otağından çıxdı . O otaqda həmişə gözüm olub amma Leyla ən böyüyümüz olduğuna görə möhtəşəm , rahat otaq ona qismət oldu . Mən isə Selcan zırraması ilə eyni otağı bölüşürəm .

- Sənin ətin var idi ki ? - Leylaya söz atdım .

- Düz deyirsən . İncə-mincə qızam .- Bədənini on beş yerindən qıvırıb cavab verdi . Sonra isə mənə tərəf gəlib arxama bir sillə endirdi :

- Həpi bötdü , Möcüş . Neçə yaşın olur ? 16 ?

- Hə . Sualından başa düşdüm ki , bu gün ad günüm olduğunu unutmuşdun .

- Yox e . Yəni ...- söhbəti dəyişməyə çalışdı .

- Boş ver . Mən də unutmuşdum .

***

Üçümüz mətbəxdə səhər yeməyini yeyirdik . Mən , anam və Selcan ... Leyla deyəsən otağında makyaj etməklə məşğul idi . Atam isə yatırdı .

Yox belə olmaz .  Əziz gündəlik , indi sən məni hələ  tanımırsan . Dost ola bilməyimiz üçün gərək sənə özüm və ailəm haqqında ətraflı məlumat verim . Deməli , belə ...

"Yatırdı" dediyim adam əslində mənim doğma atam deyil . Bioloji atam heç vaxt ağlı başında olmayan bir bənna idi və 2005ci ildə elə özü kimi sərxoşun biri tərəfindən bıçaqlanaraq öldürülüb . Düzü , onu elə də xatırlamıram . Onun haqqında xatırladığım tək şey evdə qışqır-bağır salmaları , anamı ağlatmasıdır . Bir də ... Kiçicik bir xatirə . Bir dəfə sərxoş halda məni itələmişdi . Yıxılıb , dizimi qanatmış və səsimi başıma atıb aglamağa başlamışdım . O isə qəflətən məni qucaqlayıb , üzr istəmişdi . Yəni , ən azından məni sevdiyini xatırlayıram .