فجاءه زول غطه لي محمد عيونو من وراء وقال لي فارس هووووس
محمد:ي فارس انت الكديسه اكلت لسانك دا دا منو ياخ ؟ انا بكره الحركه دي 😤😤
فارس: اتكلم معاي بادب عشان اوريك 😏😏
محمد:لو سمحت ي عسل ي راقي ي زوق وريني دا منو 😒😒
فارس:.....؟
الزول زحا يديونو من عيون محمد وقال لي محمد مفاجاءه طلع فهد !😳😳
يلا خلينا نقيف عند الشحصيه دي فهد زول جميل بكل م تحمل الكلمه من معني عندو عيون صاروووخ بس ومرطب شديد والبنات مستنين منو اشاره بس 😉😍
محمد: يــــــ قلبي ي فهد وحيات الله وربي مشتاقين ي فرده بالاحضان عديل كدا 😍😍
فهد: والله ي محمد م اكتر مني انا ياخ ح اموت واشوفكم
محمد:اخبارك وصحتك ي مان ليه م وريتنا جاي الليله عشان نجهز ليك حاجه تليق بي مقامك
فهد:والله ي محمد انا مشتاق ليكم بي كميات غريبه
فارس: وانا امشي ولا شنو
فهد:اوووووو زولي واخر قولي وربي مشتاقين بالشولات والجرادل وكدا
فارس: والله م اكتر مننا الاخبار شنو ي مان كان تدينا خبر علي الاقل
فهد:والله ي محمد وفارس قلت اعملا ليكم مفاجاءه وشكلها كانت مفاجاءه رهــــــيبه 😉😉
محمد:والله جات زي القنبله علينا
فارس:ي رجل بقيت مزه كدا مالك م بتعرسني عليك الله
محمد:هههههههه اختشي ي زول علي دمك ياخ فضحتنا ودمرت الدين الاسلامي كلو كلو 😂
فهد:جدا ي عسل انا لاقي زيك وين 😉😉
فارس عليك الله ي لهووووي ح يغماء علي هههههه
محمد:هووووووي ارحكم انا عازمكم فطور الليله بشرف جيتك ي فهد
فارس: وااااااي انت مالك ي محمد الايام دي اتغيرتا كدا شربتا جبنه عن محاسن ولا شنو 😂😂
محمد:هووووووي خلي عندك ادب 😒
فهد:تســــلم ي محمد دعوتك مقبوله احسن من ناس كدا
يلا مشو علي كفتريا الجامعه وهم قاعدين كدا جات الاء واسراء داخلين سلمو علي اسماء وسحر وقعدو
فارس: شوف ي محمد المزز الجامدين ديل بنات الخرطوم 😍
محمد: ي ولد م تحترم نفسك واتلما 🙄
فهد: ي ولد ي فارس عينك زايقه اسي البنات ديل عادين جدا
فارس: اسكت انت ي ود ميكي اصلا انت م عندك شي للبنات ولا بتحس
في اللحظه دي !!!قامت الاء عشان تجيب المشروبات فارس شافا وقام محمد قايم يجيب الاكل
فارس: خليك ي مان مرتاح انا بجيبو م تتعب نفسك
محمد: بسم الله فجاءه مالك بقيت لطيف كدا شربت جبنه عن محاسن ولا شنووو ؟؟
طوااالي فارس قام ولا اهتم لكلام محمد محمد شكا في فارس وقال لي فهد الليله الله يستر بس الاء وهي بتشتري المشروبات قالت للبياع
اديني كولا وتلاته ببسي لو سمحته فارس وقف جمبها وقال ليو انا كمان اديني عصير فرش تلاته في اللحظه الاء اتخلعت واتلفت عليو من الصوت الشديد
قام فارس ضحك ليها ضحكه شريره طوالي هي شالت مشروبات ومشت واعترضا فارس وكبا العصير في الابكوت بتاعا
الاء:بصوووت عاااالي انت اهبل مالك عملتا كدا اسي وسختا الابكوت بتدفع حقو انت !!!😠😠
فارس:اسي بتصرخي مالك ي بنت الناس م قاصدك وبعدين انا اشتريك انتي زاتك ي حيوانه 😡😤
الاء: انت كيف بتتجراء تقول لي ي حيوانه انت عملتا كدا قاصد وانا شايفاك من البدايه كبيتو علي قصدا
بقا فارس جايط في الاء ويصرخ فيها طوالي محمد وفهد جو جارين مسكو فارس واعتذرو لي الاء
محمد: اسفين ي ستي هو م قاصد م تكبري الموضوع 🙂
الاء:وهي بتبكي بس هو قاصد وم اعتذر اصلا 😭
فارس: اعتذر انا دا!! في احلامك ي حيوانه اصلا بنات الخرطوم م يصدقو يتلصقو في الاولاد طوالي 😒
الاء:لو سمحتا م تهيني وانتبه لي كلماتك واساس لو كنت راجل م بتعمل كدا عن قصد
طوالي فارس عايز يضربا كف لكن محمد مسكو من يدو واعتزر لي الاء وهي ميته من البكاء خلوها ومشو 😭😭
الاء: دا اهاني في شرفي وكمان عايز يضربني انا م عايزه الجامعه دي
اسماء: الاء دا كلام شنو انتي ياداب خلصتي اجراءاتك الليله ودا اول يوم ليك م تعملي كدا
سحر: ارحكم الداخليه وبنتفاهم هناك
محمد: فارس انا عارف حركاتك دي كويس وحافظا انت اتقصدتا تعمل كدا في البنت
فهد:اي ي فارس انت عملتا كدا ليه يعني؟
فارس: شباب عليكم الله خلوني ياخ اسي م رايق
محمد: نخليك كيف يعني انت كنت عايز تضرب البنت واهنتها قدام الناس بدون سبب حرام عليك ياخ انت لازم تعتزر ليها
فارس: شنووووو انا دا!! اعزر ليها ها في احلاما
فهد: جد ي فارس لازم تعتزر موقفك كان واضح مع البنت
فارس: م ح اعتزر ولا حاجه تستاهل اصلا الحصل ليها
محمد:ي فارس م تخليني انقلب عليك
فهد: بطل قوه راس كسرت خاطر البت حرااام عليك
فارس: طيب طيب ح اعتذر ليها كدا ارتحتو
وفي اليوم التاني فارس جاء لي الاء وهم قاعدين في البنش هي وصحباتا ........؟؟!!
يتبع....
