محمد جرا علي المستشفي طووالي... وفي المستشفي؟؟؟
محمد:اسراء الحصل شنو مع الاء ماله 😢😢
اسراء:ولله يا محمد انا امبارح كنت نايمه وقايلاها نايمه معاي صحيت باليل ما لقيتها فتشتها برا لقيتها مغمي عليها وحالتها صعبه😔😔
محمد:واسي الدكتور قال شنو😣😣؟؟
اسراء:قال كويسه واسي مركبين ليها الاكسجين جوه ادخل شوفه
محمد دخل عشان يشوف الاء صحت ولقت محمد جنبها وشافتو لي اول مره بيبكي😓😓
محمد:الاء عليك الله قومي انا ما بقدر استحمل اشوفك كدا شدي حيلك يلا اوعدك اني اصلح اي حاجه بيناتنا بس انتي قومي😢😢
بعد يومين الاء طلعت من المستشفي ومرت الايام وماف اي تواصل بين الشلتين وجا وقت الامتحانات النهائيه.... ومرت كل الامتحانات بسلام وجا وقت النتائج......
الاء: ووواي يا سحرر سجمنا حاسه اني ما ح انجح😢😢
اسراء:دي عادتك بس تتبكي كدا ايام الامتحانات تدخلي الامتحان بتبكي وتطلعي بتبكي وبرضو بتفوتينا😒
سحر:ههههههه اي اسي بتجيب اكبر مننا ما تصدقوها
اسماء:حبيباتي ما تسحروها اي زول وتعبو خلو البت في حالها ما تزيدو عليها🙄🙄
اسراء:اصلا انتي وهي نفس الطينه بتتبكي زيها وبعد دا بتنجحي نسيتي😏😏وتفوتينا
سلمي:بنات النتائج اتعلقت في البورت بره تعالو شوفو
الاء:ووواي😭😭😭
اسماء:اهدي وقولي بسم الله يلا نشوفهم
طلعت النتائج والكل مبسوط من النجاح الكبير الحصل وخلصو بحث التخرج بتاعهم وفي يوم.....؟؟
فارس:فهد يا ولدنا ياااخ ناس الجامعه عايزين فنان يرسم ليهم عشان الحفله بتاعت التوديع نعمل شنو اسي؟؟
فهد:عاين يا فارس محمد المشرف يتصرف هو دا ما شغلي انا
فارس:هوووي يا محمد شوف شغلك😏😏مش كل سنه بتمسك الحاجات دي يلا اتصرف
محمد: يااخ الود الكنت بعرفو بيرسوم سافر اسي اعمل شنو ما عايز اقع في مشكله مع الدكتور دا يااخ!!فهد انتا ما بتعرف رسام او رسامه😏😏؟؟
فهد:قصدك سحرر لالا شوف غيرها البت جات امبارح ياداب من السفر وبتكون تعبانه ما تزيدوها عليه
فارس:ووواي انا ما عايز يتعب حبيبتو😂😂
فهد:يحبك برص وعشره خرص يا اهبل ممكن تسكت يااخ😒😒
محمد:عليك الله يا فهد اتصل عليها عشان انا ما اقع في مشاكل مع الزفت المعاط دا😣😣
فهد:خلاص اوكي دقيقه اشوفها ليك؟؟
من جهه اخري:-
سحر:هلا بالغالي ولله😍
فهد:مشتاااقين وربي يا عسل وحمدلله علي السلامه نورتي البلد
سحر:ولله كميات تسلم يااخ دا نورك السابق
فهد ولله يا قلبي عايزك في خدمه ممكن؟؟
سحر:اكيد اتفضل!! ؟؟
فهد:ممكن تجي ترسمي لينا المسرح لانو ما لقينا رسام وانتي ماهره في الموضوع دا انا عارف😉
سحر:حاضر من عيوني اجيكم بتين؟؟
فهد:تسلم لي عيونك تعالي اسي عشان اي شي جاهز
سحر:خلاص تمام مسافه الطريق سلاام
الاء:فهد مالو عايز شنو؟؟
سحر:عايزني امشي ليهم اسي عشان ارسم المسرح بتاع التخريج ما لقو رسام
الاء:ايوووا طيب تمام امشي
سحر:ارح معاي يا الاء عليك الله عشان تساعديني انتي كمان رسامه ماهره😉😉
الاء:لالالا ما بقدر اخت عيوني في عيون محمد واكيد بكون هناك😓
سحر:يابت هو ما ح يصدق انو لقاك وبعدين انتي مش قلتي ندمانه وسامحتيه بس خلي الموضوع عادي
الاء:امممممم مع اني خايفه لاكن طيب بس خليني اجهز نفسي والم شعري دا
مشو طوالي بعد جهزو محمد اول ما شاف الاء ما صدق عاوز يموت من الفرح😳😳
محمد:مرحب ولله مرحب المكان نور 😍😍
سحر:تسلم منور بي ناسو اصلا
الاء:.....☺☺☺
فهد:اتفضلي يا ستي دي الالون والفرش وريني ابداعاتك😉
محمد:الاء عارف ما وقتو لاكن نحنا اسفين مره تانيه علي الحصل😔😔 صح يا فارس🙄🙄
فارس:اي اي اسفين😒
الاء:ما يهمك يا محمد انا اصلا نسيت الموضوع وانتو كمان انسو🙂🙂
محمد وفارس بصوت واحد نسينا وبقو كلهم يضحكو ورجعت الامور كما هي وجات رحله الوداع لي النيل وبقت كل الدفعه تجهز نفسها للرحله وفي الرحله........ ؟؟!!
يتبع...
