Upside Down (ON-GOING)

Chapter 1: Decision

* * * * * *

Decision

"Don't you want to be with me? Together?"

Inaalala ko ang buong eksenang nangyari kagabi sa dulo ng isla. Alam kong bawal pero may kasabihan ngang masarap ang bawal. Kung susundin ko tong puso ko, alam kong hindi ako magsisisi sa huli pero kung utak ang ipapairalin ko alam kong magsisisi ako at tatawaging tanga ang sarili ko dahil sa maling ginawa ko, namin.

"Bok~" Tila nag-alala ang boses ng alaga kong si Bok, isang pillare, an adorable flying creature, kulay dilaw na baboy na mabalahibo at mayroong bilog na fluffy na buntot. Nakawala ako sa iniisip ko at nilingon si Bok na bahagyang nakakunot na tumitingin sa akin.

"Wala kang dapat na ipag-alala, Bok. Okay lang ako." Pilit akong ngumiti sa kanya habang nangangamba kung ano ang dapat gawin.

Pupunta ba ako sa itaas?

Sa Fikovia?

Eh kung mamamatay rin ako katulad ng nasa kwento? O baka makukulong din ako doon?

"What's wrong, Krystel?" Nilingon ko agad ang lalaking nakatayo sa pintuan ng bahay namin. Nasa labas kasi ako, sa porch namin at nakaupo sa hagdanan namin na gawa sa kahoy at pinagmamasdan ang ulap sa itaas at malalim ang iniisip.

"Nothing." Binalik ko ang atensyon ko kay Bok. "May itatanong ako sayo Kuya." Tumingin ako sa taas at bumuntong hininga.

"Ano naman yun?" Hindi ko na nilingon ang mukhang alam ko na kung anong nandoon.

"Kung mayroon kang minahal na taga highlands at gusto mo siyang makasama habang buhay sa itaas, itutuloy mo ba ang balak mo kahit mali?" Naiisip ko ang mukha ni Lian at paulit-ulit ang kanyang sinabi kagabi sa utak ko.

"K-Kung talaga yun ang makapagpasaya sa akin at talikuran itong mundo dito sa ibaba, bakit hindi? I will and we will take all those risks and consequences basta lang makasama ko siya kahit buhay ko pa ang kapalit." Parang makahulugan ang sinasabi niya at parang naranasan nya na ito noon pa.

"Nangyare ba ito sa iyo noon, Kuya Kleven?" Tinignan ko sya nang nagtataka sa likod ko.

Humakbang siya palapit sa akin at tumingin sa itaas.

"Alam mo ba ang kwento ng isang babae at ang isang lalake na nag-iibigan noong halos isang daan na ang nakalilipas?" Yes. Almost a century ago.

Tumango naman ako sa kanya. "Ano naman ang tungkol dun?" Sinasabi ko yun habang nakatingala sa kanya.

"Yung babae namatay sa aksidente at ang lalaki naman ay nakulong sa taas. Yung babae mayroon na yun pamilya ngunit hindi naman sila nagkasundo ng kanyang asawa kaya naiwan ang kanyang dalawang anak." Yun ang hindi ko alam, yung huling sinabi niya. Itinuon ko ang tingin ko kay Bok na natutulog na sa hita ko. Hinihikap ko ang kanyang balahibo at patuloy na nakikinig kay Kuya.

"Yung lalake pinauwi dito sa baba nung nakalaya siya sa kulungan. Nagkaroon siya ng sariling pamilya dito at patuloy pa rin ang kanyang pag-iyak habang inaalala ang nangyare sa babae." Parang ang unfair nun sa naging asawa niya kasi yung puso't-isipan niya ay nasa babae parin.

"Nagkaroon siya ng isang lalaking anak at doon nya nakuha ang dalawa nyang apo. Isang lalaki at isang babae. Tayo yun." Agad ko siya nilingon habang nanlalaki ang mga mata. Parang dumagdag pa ang pagkasakit ng ulo ko sa nalaman ko dahil at the same time iniisip ko din ang gagawin ko mamaya.

Napapikit ako nang madiin nang maalala ko na mamaya na pala ang pagkikita namin.

"Teka-teka nalilito ako. Ano ulit ang sabi mo?"