من زفونا للغرفه فرحت خلصت من الهوسه والضجه دخل قصي جايب العشى ويتغزل بيه ويطب ويطلع يبوسني واني ضلت ابالي سالفة امي وكاتلني الخوف كلما يتقربلي تعشينا وكملنا وجابلي عصاير وفواكه وحلويات واكلنا ودخلت الحمام ولبست دشداشة نوم بيضه وحلوه بس ضليت ساعه صراع ويه نفسي شلون راح اطلع يمه ويشوفني وتذكرت كلام ماما لازم اطلع هيج لان صرت مرأه وگوه تجرئت وطلعت ما اشوف اله قصي نازع ملابسه ربي كما خلقتني وبده يتقربلي اني خفت وابتعدت عنه وبجيت وهو اصلا ولا تأثر راسأ هجم عليه عبالك وحش وكمت ادافع بيه وبده يضربني واني ادفعه وابجي وهو يزيد بالضرب لحد ما استسلمت اله ودموعي على خدي لحد ما اخذ الشي الي يريده من بعد ما شبعت كتل وضليت يومي بس ابجي ويوجعني جسمي من الضرب بعدها اجه واعتذر وباسني وانه اسف وما اقصد وكوله منج انتي خليتيني هيج اتصرف وراح حجه لامه واجتي امه حجت وياي ميصير هالشكل تسووين انتي زوجته ولازم ياخذ حقه واني بس ساكته كولشي ما احجي ما اسوولفلكم مو عرس طلع عليه انتقام المهم بقيت بيت عيالي وقصي ضل يعجبه يضربني كول ما يتقربلي حتى لو انطيه نفسي همين يضربني كل يوم ضرب وضرب من تزوجت صدك طلعوني واشترولي وسفروني للزياره كم يوم بس من يجي الليل يجيني الموت بعينه واني بعدني طفله كولشي ما اعرف اتصرف ولا اعرف شنو اسوي بعد زواجنا بكم يوم خالتي ام قصي بدت تضوج مني وتگولي شبيه رحت خطبتج هو مو كولشي جمال وتتعارك وياي على ابسط الامور كنت محتاجه احد يوجهني ويعلمني شلون اتصرف وامي من اخابرها
ام لهفه : يمه صبري انتي تعاملي وياهم زين حبيهم سوي الشي الي يردونه لا تخلينهم يحجون عليج
لهفه : يا يمه شنو يحجون واني ليليه شابعه كتل وضيم اريد اجي يمكم والله تعبت بس كم يوم ارتاح والله تعبانه حسوا بيه شويه
ام لهفه : مو مشكله يوم اني احجي ويه ام قصي نجيبج عدنا كم يوم ترتاح نفسيتج ورجعي
لهفه : اي ماما ياريت والله تعبانه ومليت
وفعلا حجت ماما ويه ام قصي ورحت يومين ارتاحيت ورجعت ومن رجعت ما تغير شي وهمين نفس الضيم ونفس المعانات قصي يرتاح من يضربني يستلذ بالنوم من يضربني دمرت حالتي النفسيه وبعد ما كدرت اتحمل الضرب والاهانه صارت حياتي جحيم واني لا حول ولا قوه لحد ما فد يوم اجاني بليل وهمين ضربني لحد ما انكسر خشمي وگام ينزف دم وهو ولا كأنما بشر يمه ما اعرف بشنو يحس من يضربله انسان يمكن بيه نقص ويريد يعوضه بيه ما ادري بيه حاله نفسيه اني بقيت بس ابجي واجتي امه عليه وضلت تحجي انت تريد تموتها انت تريد تبلينا وهو يگولها كوله منها هي متخليني بدون ما احجي ولا كلمه خليتها صارت العصر بدون ما احد يعرف اخذت كم شغله احبها واغراض بسيطه وطلعت من البيت اخذت تكسي ورحت لبيت اهلي
بيبي : يا يمه لهفه جايه لوحدج ولج انتي ما تستحين شنكول لعيالج شنكول للناس
لهفه : بيبي تعبت انتي ضلمتيني وانتي تخلصيني بعد ما اتحمل خطيتي برگبتج مو كنت يمكم مرتاحه وعايشه حياتي ليش هيج سويتوا بيه والله ما اتحمل واذا ترجعوني وياهم احرگ نفسي وانتم بكيفكم صلحي غلطج وطلگيني منهم ما اريد ارجع
بيبي : لا يمه لا اسم الله عليج هسه ابقي يمنا وبعدين الله يحلها
ومن اجه بابا ماما حجت ويله
ام لهفه : عيني ابو لهفه اني مبايعه بنتي ولا رخيصه عندي البيت الي يربيها صغيره يربيها كبيره واني گتلكم من البدايه بنتي مو مال زواج
ابو لهفه : مو من حقه يضربها شنو فصليه ما وراها احد انه اعرف شلون اتصرف وياهم
وطبعا بدوا عيالي يخابرون
ويتوعدون ويهددون شلون طلعت من البيت من غير علمهم وابوي يکوللهم انتم غلطانين وبنتي انتم ما مشترينها ويصير خير وحسابكم بعدين واجوا اعتذرو من ابوي وابوي گاللهم خلي ترتاح وترجع ويوميه يتوسلون بيه واني ما اقبل ارجع وكنت صدك ناويه اذا ارجع اموت نفسي وضلوا عيالي يجون ويرحون وما اقبل ارجع وياهم لان كنت اخاف منهم ومن عاداتهم واطباعهم وبالاخص ضرب قصي كان دمار بالنسبه الي خلي ياخذون فلوسهم وذهبهم وكلشي جابوه الي ويرجعولي حياتي الي جنت عايشتها براحه وسعاده من غير ما احس
لهفه : بابا ليش اني هيج رخيصه عدكم ليش ما تفكرون براحتي والله داتعذب شنو انتم همين مثلهم ما ترحموني والله بابا تعبت وما اكدر اتحمل الي كاعد يصير فوگ احتمالي والله اذا ترجعوني انتضروا تابوتي وخطيتي برگبتكم
ابو لهفه : لا بابا لا تحجين هيج انتي بنيتنا وعزيزه علينا خلاص التردينه يجرالج
