مثل مگلت من قبل من ماتت بيبي الله يرحمها تغيرت حياتنا عمامي وابوي كان خلاف بينهم وصارت بينهم مشكله كبيره كل واحد يريد حصته من البيت وكل واحد يريد يشوفله بيت ويستقر بحاله هم همين حقهم يردون ياخذون راحتهم بس ابويه كان معاند وياهم وميريدهم يطلعون من البيت لان كان يحس بلمتهم وعباله من يطلعون راح يفترقون واحد ميشوف الخ ويگول اخاف يحتاجون واني ما أدري بيهم هذول حزام ضهري وضل هذا النزاع ما يقارب شهرين وشويه وبعدين قرروا يبيعون البيت وكل واحد ياخذ حصته وفعلا باعوا بيتنا وكلهم اخذوا حصصهم حتى البنات اقصد عماتي مقبلن يتنازلن ولا فلس لواحد من اخوانهم رغم كانوا اخوانهم محتاجين يشترون بيها بيت وهن اصلا ما محتاجات المهم اخذوا كل واحد حقه من البيت فد يوم احنا كاعدين واجه بابا وبلغنا انو شايفلنا بيت مناسب وراح ننتقل من المنطقه مو بعيد عن منطقتنا تقريبا شارعين اني خابرت علي وبلغته
علي : الووو هلو حبيبتي
لهفه : هلو بيك قلبي شلونك
علي : الحمدلله ما طول اسمع صوتج الحلو
لهفه : اگولك علاوي ابويه شافلنا بيت وراح نشيل منا
علي : شنو تشيلون وين ترحون يعني
لهفه : لا تخاف حبيبي مو بعيد قريبه عالمنطقه
علي : لهفه مكافي خلينا نحجي بالموضوع وخلينا ننخطب صارلها بيبيتج خمس اشهر كافي حتى لو بس خطبه مو شرط زواج اريد ارتاح اريدج وكولشي بيه يريدج انتي تحسين بيه لو لا
لهفه : والله علاوي حاسه بيك بس خايفه
علي : مو اذا ما نتزوج مراح تتغلبين على خوفج
لهفه :صحيح واني وياك بس محتاره
علي : وافقي وخليني ادز امي واوعدج مراح تتندمين لان قبلتي
لهفه : اوكي موافقه دزها لخاله
علي : كلووووووش واخيرا اقتنعتي والله موتيني خلاص اليوم امي يمكم شنو اليوم هسه امي جايتكم
لهفه : هههههههع مخبل ومصاحي ابد
علي : اي مخبل وانتي خبلتيني ومخليتي بيه عقل
روحي حبيبتي تحضري لأمي جايتج فديتج والله
فعلا نص ساعه واجتي خاله ام علي وحجت ويه امي
ام علي : شوفي خيه ام لهفه احنا من زمان رايدينها لولو وكنا ننتضر موافقتكم وگلنا بلكت تخطت الازمه وتوافق على علاوي والله خبلني يا عيني ميريد غيرها اي وحده ارشحها اله يطفر بوجهي والعمر ديركض بينا خلينا نشوف جهالهم ونرتاح
ام لهفه : ام علي حبيبتي انتي عزيزه وغاليه وطلبج عالعين والراس بس والله ما اعرف شنو ردها هسه انطونا مهله فد يومين واندزلكم الخبر وهمين اخذ رأي ابوها ونشوف تالي شلون
ام علي : ماشي حبيبه هاي هيه ننتضركم واصلا انتم تعرفونا وتعرفون طبايعنا وماكو داعي نسأل وتسألون لا تطولونها وهي گصيره هذا ابني مخبلني خلونا نفرح بيهم
ام لهفه : ميصير خاطرج اله طيب معوده شنو نسأل هو وين اكو احسن منكم والنعم منكم
ام علي : والنعم بحالج خيتي اني اترخص عدنا ضيوف وهذا علاوي حرگنا حرگ الله وياج وانتضرج بعد اختج
ام لهفه : گولي ان شاءالله الله وياج حبيبه
لهفه
كعدت بيني وبين نفسي وضليت افكر واستعاديت كول الماضي وشلون تزوجت وشلون اذاني قصي ومحسيت اله واني دموعي على خدي اجتي ماما يمي
ام لهفه : ماما حبيبتي لا تبجين الي تردينه يجرالج بس انتي لازم تفكرين وتعرفين مصيرج يعني لشوكت انتي راح تبقين هشكل بلا زواج وعلاوي شاريج وخوش ولد وحباب مو كل الشباب مثل قصي ذاك ما عنده ضمير وعلاوي اخو خيته وشريف واخلاقه حلوه وصارلنا سنين يمهم ما سمعنا عنهم غير الخير واني وابوج مدايمين الج يعني عگب عيني وعين ابوج وين ترحين منو الج حاولي تخطين هاي الخطوه وصدكيني ترتاحين وكونيلج عائله وزوج واطفال وربي يجبر خاطرج
