بعد ما صار على وفاة بيبي تقريبا عشر اشهر اجه علي وحجه ويه بابا يريد يتزوج وانو هو مكمل كول شغله ومناقصه شي ومجهز الغرفه والاثاث من تحف وفرشات وبردات وشغلات هوايه وحلوه بابا ما اعترض وگال براحتكم اليعجبكم سووه وفعلا بدينا نكمل مراسيم الزواج وعلي يطب ويطلع متخبل عليه يريد بس يلگفني واني مغلسه عليه ومره دنحضر ونجهز بغراض الغرفه جبت ملابسي ومكياجي وشغلاتي الخاصه ودارتبها بالغرفه اني ومها اخته لعلي هو اجه للغرفه
علي : مهاوي حبي نزلي اني ارتب ويه لهفه
مها افتهمت علي يريد يزحلگها
مها : لا عيني وانت شعرفك بالترتيب روح اكعد يم ابويه احسلك
علي : هو شنو ابوج اول مره نازل للسوك جديد نزلي حبيبيه
لهفه : لا عيني منلحگ خليها علاوي
مها : روح علاوي العروس متقبل
علي اجه وسحبها لمها من ايدها وطلعها بره وقفل الباب
علي: ناس متجي اله بالعين الحمره
وبده يتقرب عليه ونضرته شيطانيه ههههه
لهفه : علي لا تتهور وارجع لمكانك لا اضل اصرخ واخلي الميشتري يتفرج عليك
علي : لا عفيه خوفتيني واذا صرختي عيني من الصبح لحد الان متحضر لهلحضه وما اخليج اليوم
لهفه: علي حباب لا
علي : منو گالج اني حباب اني واحد شلايتي گدامج
لهفه : علي بربك مو وكتها
واجه علي حضني وباسني من كل مكان بوجهي وبقى يبوسني من شفايفي ويشم بيه تالي عافني وكعد لان بعد ميتحمل هههههه اجيت كعدت يمه
علي : حبيبتي ربي لا يحرمني منج والله انتي كولشي بحياتي واني كولش احبج واريدج اريدج تصيرين زينه ويه اهلي اني مالي غنى عنهم واذا تحبيني لازم تحبينهم لخاطري وتتحملين كولشي الي يصير وصدكيني راح نتغلب على كول مشاكلنا ولا اريد اسرارنا تطلع بره غرفتنا ولا ومشاكلنا حدها لباب الغرفه من تطلعين منها تنسينها ومتحجيها
لهفه: لا تخاف عمري اني أعين وأعاون وان شاءالله ماكو مشاكل وحياتنا كولها حب في حب وياك عالحلوه والمره
علي : ان شاءالله ياروح الروح هي المره من ايديها تخلي البيت جنه وتخليه نقمه وان شاءالله بيتنا جنه
لهفه : ان شاءالله حبيبي
علي : يالله هسه نرجع لسالفتنا تعاي يمي
لهفه : يااا عزه هسه وكت سوالف متروح تشوف حالك
علي : دتعالي بحضني تعالي خلي اشبع منج ولو انتي ما ينشبع منج
وبقينا ساعه بالغرفه ساعه سوالف وساعف احضان لحد ما صاح عليه اخوه ونزل يمهم يساعدهم بتجهيزات العرس
ورتبنا كولشي وخلصت من ترتيب غرفتي وبقيت تغديت بيت عيالي والعصر رحت لهلي وهمين لبست بدله ومكياج وسوولي حنه بيناتنا كولش حلوه وبعدها بدت امي تحضر بيه تحضيرات العرس وتجهزني لحياتي الجديده وتوصيني على نفسي وعلى عيالي وبعدها خابرني علي بليل تقريبا نص ساعه ونمت وبيوم ثاني بدت مراسيم العرس ورحت من الضهر للصالون وبدن يشتغلن عليه من الساعه ١٢ للساعه اربعه ميش وكص وترتيب وعدسات ورموش وصرت فدشي مو طبيعي واجه علي اخذني ورحنا للاستوديو طكينا صور وضل صافن عليه بس ميكدر يسوي شي ههههه
بعدها ودوني لبيت اهلي وزفوني منه وبابا سلمني لعلي وگاله امانه عندك خليها بعيونك وعلي باس راس بابا وگاله مشكور يا عمي امانتك بالحفظ والصون وراح اخليها بعيوني وماما كامت تبجي خطيه واني همين بجيت بس مخلوني لا يخرب مكياجي واخذونا للقاعه احتفلنا والساعه ٩ بليل زفوني للفندق ماخذين سويت خاص ألنا من دخلنا شفنا الغرفه كولش حلوه ومرتبه وبيها عشى فاخر ومرتب وكلشي حلو
دخلت للحمام وغيرت ملابسي لبست سيت نوم ابيض ونزلت تسريحتي وشلت الرموش گولت لا يبلعهن هذا الخبل ههههه والعدسات بقيت بس بالمكياج وطلعت لگيته لعلي لابس بجامه وعالك الشموع وصاحني
علي : يالله لولو دتعالي خلينا نتعشى
