ညကနုပျိုသေးသော်လည်း
အမှောင်ကတော့ ရင့်ရော်နေလေပြီ။
Seoul မြို့၏နုံချာလှသော ရပ်ကွက်တစ်ခုထဲ၌ အော်သံဟစ်သံများနှင့် ဆူညံနေသည်။
ထိုဆူညံသံ၏ မူလရင်းမြစ်ကား လင်မယားနှစ်ယောက် ရန်ဖြစ်နေခြင်းမှဖြစ်၏။
သာမန်လင်မယားကြားရန်ပွဲက
အထူးတလည်ပြောစရာမလိုဘဲ
အချိန်တန်လျှင်ပြီးသွားမှာပဲဟု
ထင်စရာရှိပေမယ့် အခုရန်ပွဲကတော့
သာမန်ထက်ပိုနေ၏။
ယောက်ျားဖြစ်သူက မူးနေဟန်ရှိပြီး
မိန်းမဖြစ်သူကို စွပ်စွဲပြောဆို၍ ရိုက်နှက်
နေသည်။ မယားဖြစ်သူကလည်း ဆတ်ဆတ်ထိမခံ တွေ့ကရာနှင့်
ကောက်ပစ်နေ၏။
ယောက်ျားဖြစ်သူကဓားတဝင့်ဝင့်နှင့်
မိန်းမဖြစ်သူကလည်း အိမ်အောက်က
ကျောက်ခဲကြီးကောက်၍ အိမ်ပေါ်ပြန်
တက်ကာ လင်ဖြစ်သူကိုပြန်ရင်ဆိုင်သည်။
"နင်က ငါ့ကိုပြန်လုပ်ချင်တယ်ပေါ့၊
သေချင်လို့ ပြန်အာခံနေတယ်လား၊
စိတ်ချ နင့်ကိုသင်္ချိုင်းအရောက်ပို့ပေးမယ်"
အိမ်ရှေ့မှာတော့ ဆူညံသံများကြောင့်
ရောက်လာကြသည့် ဘေးပတ်ဝန်းကျင်
အိမ်မှ အိမ်နီးနားချင်းများနှင့် ပြည့်နေ၏။
တားဆီးဖျန်ဖြေဖို့လည်း တစ်ယောက်တစ်ပေါက် တိုက်တွန်းနေကြသည်။
"တားတာကရပါတယ်၊ ဒါပေမယ့်
ဟိုကောင်က မူးနေတာ မတော်လို့
တကယ်ခုတ်ပစ်ရင်ဘယ်လိုလုပ်မလဲ"
ဆိုပြီး ယောက်ျားဖြစ်သူလက်ထဲက
ဓားကိုကြည့်ပြီး ဘယ်သူမှဝင်မဆွဲရဲ
သလိုလည်းဖြစ်နေသည်။
"အချိန်တန်ရင်ပြီးသွားမှာပေါ့၊ ကြားနှစ်ကြားမဝင်ချင်စမ်းပါနဲ့၊
တော်ကြာ......ပဲလှော်ကြားဆားညပ်
နေမယ်"
နောက်ဆုံးတော့ ဝင်မရှုပ်တော့ဘဲ
စပ်စုဖို့သာရပ်ကြည့်နေကြတော့သည်။
ထိုစဉ်မိန်းမဖြစ်သူက လျှပ်တပြက်
လက်ထဲကခဲဖြင့် လင်ဖြစ်သူကို
ပစ်ပေါက်လိုက်သည်။
"အောင်မလေး!....သေပါပြီဗျ...."
လက်ထဲက ဓားလွတ်ကျ၍ ယောက်ျားမှာ
အနောက်ကိုလဲကျသွား၏။
