روايه #احببته_رغم_شكه
الحلقه25
هنادي:سند بنقولك حاجه؟!
سند:هههه اي خوفتيني قولي!؟😕
هنادي: ماتزعلش مني!؟
سند:علاش بنزعل يعني؟!😒
هنادي:هههه وحق ربي الهامبورغا شينه ماشبعتنيش نبي وحده تانيه تردلي روحي😂
سند:مبردك الزفت نحساابك بتقولي حاجه مليحه كيف تحمست اني 😕
هنادي:هههه بالله عليك في حاجه احسن من الماكله شن بنقولك يعني😂(اوووف قريب مشيت فيهاا الحمدالله فقت ع روحي قبل مانعترفله ..😪)
سند:هههه بكل وانتي موليه معاش تشبعي مش عارفه وين يمشي😂
هنادي:قل هو الله احد ..قول مشاءالله الزفت😂
سند:هههه باه نمشي نجيبلك وحده وكوليها في لحوش
هنادي:ههه والله نبصر شبعت اناشب فيك هيي نروحو عييت 💔
سند:بااه هي.😂
.......
ايمن:خيرك فعده مارقدتيش!؟
نور:12قاعده اهو بنرقد خديل مع حنينه قااعده مكسده 😕
ايمن:هههه كان كلمتيني راه جيت جنبك
نور:ههه معاش تتحشم انت حسيت😂
ايمن:هههه مانحبش مانقولش شن في فخاطري 😂
نور:بااه درت الي قتلك عليه!؟
ايمن؛ شن قتيلي😳
نور:ع لبنات !؟
ايمن:اهاا اي اعتدرت بعتلهم رساله مخااطريش نسمع صووت حد😂
نور:بااه معاش تكلم اي بنت بالله عليك 😪والله معاد نتحمل اكتر
ايمن:والله ويخرم عليا ديني مامكلم غيرك بعد ماعرفت قيمتك 💔
نور:انحبك 💓
ايمن:لالا استني شويه غر نوض ريااض يقرصني 😳 ماسمعتش اني 💔
نور:هههه مبردك زفت خليها اللحظه رومنسيه شويه لازم تفسد انت😂
ايمن:هههه مصدووم ماه ترا علي صوتك وقوليها😂
نور:تبي بوي يكسر عليا عصاه لمكنسه يوريني لحب ع اصوله😂
ايمن:ههههه باه انحبك اني هي😂
نور:انموت فيك وبالله عليك ماتبعدش عليا💔
ايمن: الموت بس يبعدني عليك صدقيني مستحيل نتخيل حياتي بدونك توا ✋🏻💓
نور: بعيد سووء.✨
(وقعدو يهدرزو لين رقدو وكل واحد فيهم كان مرتاح لان القي نصه تاني الي يمكن يصونه او يحترمه ويقدره ويعرف قيمته ومايحاولش يخسره ✨)
.......
اريج:ههههه لالا انت فظيع بجد قصدك هكي؟!
محمد:ورااس حبيبي تعرفي حناي هاادي تفهمها وهيا طايره 😂
اريج:حتي ايمن خوك جووه اطلع طول وكيف يكلم فيها 😂
محمد: هي هي شن جوه اطلع طول فكينا ترا😒
اريج:هههه تغاار من خوك معقووله
محمد:والله نغاار عليك حتي من امك اني او اي شخص يهدرز معاك وقاعد جنبك💓امتا بتكوني ليا بس
اريج:انشاءالله يارب يجمعني بيك حبيبي😍
محمد:حيااتي انتي✨
اريج؛خش ارتاح قلبي غدوه شن بينوضك بكري 😕
محمد:ايي هيا حبي تصبحي ع خير
اريج:وانت بخير حياتي❤️
(سكرت تلفون وحطاته حنبها وقعدت تتأمل في محمد وقطع صوت تفكيرها رساله من تلفونهاا✨
اريج:اكيده هوو هاادا 💓شن نسي زعما (وقامت تلفونها القت رساله من مراد وكانت فيها(عيشي ياحبيبتي مع غيري توا لان ح تكوني لياا ومش ح تكوني لي غيري انحبك تصبحي يامرتي❤️)
اريج ؛ يااربي شن يبي مني هااادا حيي علياا 😭😭خيره هاادا يااربي صبرني ياارب بعده عليااا يااربي ماتخلي حدد يفهم غلط وبعده واكفيني شره ✨
(وحاولت ترقد لاكن تفكيرها غلبهاا وخاايفه تخسر اكتر شخص حبااته وهيا مادارت شي الا انها صانت الي تحبه وغلط هيا ماليهاش علاقه بيهرواختها الي متورطه مع شخص الغلط✨)
........
هنادي:يااسر من دخان 💔
سند:خيرك انتي عاادي ندخن اني اكتر من هكي شن واجعك انتي😒
هنادي:سند قتلك وقف مانحبااش 😭😭
سند لوح دخان وجاهاا قاملها رااسهاا بأيده💓؛خيرك هنادي تبكي ساامحيني مش قصدي شن يبكي فيك توا!😕
هنادي:لان بابا مات من دخان من كتر ماايدخن صدره معااش قدر يتحمل وتوفاااا واحني صغاار 😭😭
سند:بااه اسف معااش ندخن قداامك قيمي راسك معااش تبكي 💔
هنادي:مش معاش ادخنن قداامي😭معااش ادخن بكل مس مستعده نخسرك والله مش مستعده 😭💔
سند(حس بي حاجهه اتجاها وقداش ماهياا انوتيه وبرااءه من غير حتي مايفكر حضنهاا وقعد يمسحلها في شعرها💓)
هنادي( قدااش مانرتاح في حظنه نحس اني طفله ومافيش ولا هم ولا مسؤليه تراجي فيا غير اني نبي نقعد جنبه ومانتحركش بكل 💔لان اكتر حضن نحس بي الامان فيه ✨)...
سند:هكي احسن ؟!😕
هنادي:هزت راسهاا ووخرت...
سند:هياا تعالي ..
هنادي:وين!
سند:هههه للبحر
هنادي:تتسهوك اكيد كيف كنا فيه ..😂
سند:لو مضاايقه وتبي تشكيله نرفعك عاادي حتي لو كانت ساعه 4الفجر المهم انتي تكوني مرتاحه💓
هنادي(قعدت مركزه في عيونه وكيف يتكلم وقداش ماهيا غارقه فيه وبي ابسط تفاصيله ❤️)ههههه لالا عاادي خلاص توا تعذل 😂
سند:بااه خلاص بنرقد!
هنادي:تصبح ع خير ..
سند :تلاقي الخير ❤️
.........
الصبح✨
هنادي تلفتت القت سند قدام وجهه بالزبط انصدمت لانه مارقدش جنبها 😳💓)
هنادي: بسم الله الرحمن الرحيم امتا جي هادا اهني!؟😳
سند:اسسس وانتي تقول بالعه راديو من صبح ربي 😴
هنادي:انت شن جابك اهني !😕
سند:ماتبيش تسكتي انتي!؟😴
هنادي:بااه ش ن جابك (وهيا قعده ماكملتش جملتها حست بي ايد جبدتهاا خداها ورقدها تحته 💓)
هنادي:سند شن دير 😳
سند:اسس خير ماندير حاجه اكبر ارقدي😴
هنادي:سكتت🤐 (حيي علياا متاكده لو نقعد دقيقه تانيه نموت حيي علياا قلبي بيطلع )💓 وكان وجهه قدام وجهه بالزبط وهو راقدوهيا تشبحله لين فاتت نص ساعه ع الحال هادا حساته رزن فالنوم نحت ايديه بالشويه وناضت ❤️ ...
هنادي(ياربي ماتحرمنيش منه وخليه يبادلني نفس شعور مانبيش اكتر غر انه يحس بياا✨:وتبصت بساته ع لحيته وطلعت ..
.....
خيريه:نوضو ولاد العاازه ..😠
ايمن في غيبوبه😴
رياض:امي سكري ضيي وافتحيي المكيف خيرك سكرتيه 😳
خيريه؛اهو نمشي لي محمد نوضه ونجي ويجيب ربي نلقااكم رااقدين (وجبدت من ايمن البطانيه وطلعت✨..
......
هنادي:سند سند 😐
سند:اخخ ياربي قالك تزوج قالك 😴
هنادي:ع اساس توا ترقد قبل 😒
سند :اقل شي اسمي مانسمعش فيه هلبا توا لين كرهته سند سند سند 😒
هنادي:فكنا من الفتنه توا قلته مرتين بس😕
سند:هههههه ختشه شوفي ع شن ركزتي اهو ناايض معاش تدوي ..
هنادي:بااه اني نازله وفطورك فوق طاوله وحوايحك حددتهم فوق صالون😂
سند:لالا خليك ننزلو مع بعض..
هنادي:ع راحتك ...
سند ناض من سرير ونحاا تيشرته ✨
هنادي:هيي استرر روحك😳
سند:هههه لا والله بجدد
هنادي:معاش تتحشم انت (وغمضت عيونها بأيديها 🙈)معاش حست بي شي الا انه في ريحه تحبها وااقفه قدامها وصوت انفااس قريبه💓
سند:افتحي عيونك بلا عار😐
هنادي:انت اهني اووف خيرك هكي انت 🤐
سند:خيرك بااه ..
هنادي:قصدي استر روحك خيرك هكي،،
سند:هنادي خيرك مرتي انتي راه يعني من شني بنتحشم ،...
هنادي:اي عارفه لاكن ..
سند:لاكن شني؟!
هنادي:مش عارفه خلاص خش دوش وقت😕
سند:هههه باه خيرك خفتي😂
هنادي:مبرردك اني نازله انت مافيكش امان😳💔
سند:هههه خوافه😂 تفكيرك موسوس
هنادي: اصلا اني ماافكرتش في شي 😒هياا سلام سكر الباب وراك😐(غبيه انتي ! قريب متت انفااسي تقطعت خيرني هكي !!😪)...
.....
هنادي:صباح الخير ؟
العيله :صباح نور ..
خيريه:وين سند مالا ؟
هنادي:يدوش ..
حناهم:شن هالعزري كيف ناايض ،؟😒
هنادي:هههه اي ياحنينه .
خيريه:امالا لولاد قااعدين رااقدين نوضتهم وطلعت حتي بوهم مهناش
سوسن:هههههه نور حددتي لي بوك سوريته ولا
نور:اي من مبكري وطلع قالي عندي مشوار ..
حناهم:ديما وهما يلودو رجاله القهره ولعازه ..
خيريه:هههه عادي ياعمتي خيرك انتي ،
رياض:صباح الخير ..
نور:صباح النور شن الهركه وجوو الفايح والصنه منن بره تعطعط ..😂
رياض:هههه قولي مشاءالله يابنت العم هيا امي اني ماشي ،
خيريه:ع وين نشااءالله ؟
رياض؛مش قتلك ماشي مع لولاد لحوازه ؟😳
خيريه:وليدي اقعد معانا ليوم ظروري يعني!؟
رياض:ايي ياامي المغرب نروح مش معطل هياا سلام
خيريه:في امان الله دير بالك ع روحك ايمن وين ؟ ..
رياض:قعد رااقد مباش ينوض شكله مدايرهاا سهريه وشبح لي نور😂
حناهم:هيي ابدو في لغدي خيركم ،
خيريه:نمشي نوض ايمن ونجي😂
حناهم:توا كان بتمشي معااش بتولي اهي نور اخف منك بري بنيتي نوضيه
نور: شني،توا ينوض بروحه
خيريه:لالا هادا عجل بري وكان مباش بزعي عليه ميه😂
نور:هههه حاضر ..
......
هنادي:ماما كيف حالك؟
سالمه:الحمدالله كيف حالك انتي وراجلك شن امتا بتجيني !
هنادي:والله الحمدالله غدوه نشاءالله شن كيف حال لبنات وانس واحلام مع لوحم
سالمه؛والله كلنا لحمدالله في نعمه ..
هنادي:بااه ماما ديرو بالكم ع روحكم وسلميلي عليهم كلهم وغدوه نتلاقو غر حبيت نسأل عليك
سالمه:ماشي بنيتي هيا مع سلامه ،،
.........
نور؛ايمن ؟😂
ايمن:ايااه حتي في نوم نهلوس بصوتك😴
نور؛هههه مبردك عارفاتك ناايض نوض هياا
ايمن:هههه اياه كان الواحد يصبح ع صوتك شن يبي تاني💓
نور؛يبي جريده خضره ع ضهره ايمن نوض خيرك 😂
ايمن:باه تعالي ،.
نور:انجي عينك انت مافيكش امان اني طلعت نوض😒
ايمن:مبردك ماشي ياحبي اطلعي وسكري ضي شويه ونوض😴
نور:ايمن هياا 😳
ايمن:عليك نفخ نسااوين مااشي حااضر رااسي 😂
نور:برا يابايخ سلام ❤️
ايمن:ماافيش كلمه ع صبح 💓😍
نور:اعودو بالله منك توا جمعه 😒نوض كابتنوض ياسر امس😂
ايمن:هههه تتجملي علينا ماشي اطلعي غر ندوش نتلاقو ✋🏻😍
نور:ماشي سلام ❤️
........
مشو الرجاله صلو ورحوو وتغدوو وقعدت هنادي اخر وحده فالمطبخ تشرب في ميه حست بي حد وراها💓
سند:بخخ
هنادي:ههه خلعتني ؟!
سند:شن دير الحلوه بروحها😂
هنادي:شيي نشرب وكيف طالعه💓
سند: بااه شن رايك نمشو مكان بعدين ،
هنادي:بروحنا قصدك🙈
سند:لالا بنمشو بلا روح😂
هنادي:مبردك (وضرباته ع كتفه (😂
سند:هههه محلووه لاكن
هنادي:ايااه كلام معسل وجوو شن صاير فالدنيا😳❤️
سند: حتي الواحد بيتغير بكل لازم تعششو فالموضوع😂
هنادي:هههه ماه مصدومه منك
سند:ههه بااه صبيلي ميه ❤️
هنادي تلفتت تصب في الميه وفجأه يسمعوو في عيااط برا هنادي طاحت منها طاسه من الخوف وطلعو لقو .......
#يتبع
