روايه #احببته_رغم_شكه
الحلقه34
بعد ساعه دموع 😭💔.....خداها النوم هنآدي ومفاقتش الا ع صوت زغااريط من برا طلعت القت خالتها..!
هنادي:خالتو خلعتيني علاش تزغرطي؟
خالتها حليمه: سمعت بآريج جيت نبآرك..!
هنادي:اها كيف حالك ..!
حليمه:والله بخير شن حتي انتي اهني ولا كيف ؟
سالمه:هنآدي راجلها مسآفر ..!
حليمه :خيرك مامشيتيش معاه ...!😕
هنآدي:كيف كملت امتحاناتي ..!
حليمه:اها تعالي يافرخه اريج ..احكيلي 💓
اريج:نغسل لماعين ونجي✨
هنآدي: اني غر نخش نصلي ❣️
حليمه؛بروو وانتو كل وحده طلعت بدير حاجه مش مستاحشه اختي اني 😒
سالمه:هههه باهي شن مش مليه عيونك..!😕
حليمه؛هههه حشاك انتي الكل بالكل ...!
__________✨
نور: حبيبي حقآ بديت تخدم مع بوك؟😕
ايمن:مسرع الاخبار توصل زفتت😂
نور:ههههههه هلبا ولا احسن حاجه ..غر حقاا بديت تخدم
ايمن:ايي الحاج ليه شهر كل يوم نفس دووه امس قلت غرر نبدا وامري لله ...😂
نور:بآه شن وضعها في هكي ولا هكي😒
ايمن (فاهمها شن قصدهاا هو لاكن دار روحه غبي ): كيف يعني هكي وهكي؟😬
نور:انت فاهم يعني في بنآت يخدمو معااك..!
ايمن؛بنات مني..؟
نوور؛بلا جو انت فاهم مالاخير في صبايا يخدمو معااكم ...!
ايمن:تبي الحق هياا لحكايه معبيه نسااوين...!😍
نور:حقير ماتتحشمش😒...وانت عاجبك الجو توا معاش تبطل خدمه بكل ...!
ايمن:لاكن اصغر وحده نديد امي كلهم عزايز تتمني اصغرر 😂
نور:مبردك 😪 خلعتني لاكن توا طمنتني الحق...!😍
ايمن:هههههه تهبلي ياغيوره ...!
نور: هههههه عارفه...!😌
ايمن:شن قلنا ع تقه ياحبي ...😂😂
نور:هههه باه يعني انت قتلي هكي شن بنكدبك يعني عارفه فهمت !
ايمن:ههههه بااه ياحلوو شويه ونكلمك ..!
نور:ههه تم ياقلبي❣️
________________✨
محمد:يعني مش مروح توا ..؟
سند:اقل شي في نص الشهر الي جاي ..!
محمد:يعني بتقعد نص شهر تانيات..!😑
سند:ايي لان مافيهاش كيف نروح تواا ..!
محمد:نبي نعرف علاش؟
سند:لما اني نعرف توا نقولك ..لان اني بروحي مش عاارف اصلا💔
محمد:وووك منك قداش ماانت غاامض ياراجل ...😕
سند:ههههه لا غامض لا فاتح طير توا الراجل جي متع الشركه شويه ونكلمك...!
محمد:ههه ماشي ياحبي نتلاقوو ..!
سند:تممام ...
___________✨
اريج؛خيرك انتي رقدتي طول ؟
هنادي:مش عارفه جآني نوم ..😔
اريج؛ تلفونك كلمناك القيناه مقفل نشغلنا عليك معاش ركبتي ..!!
هنآدي:ايي سكرته 💔...توا نفتحه فكريني..
اريج:تمآم نمشي لي خالتك توا وانتي كملي وتعالي💓
هنآدي: تمآم..!
_____________✨
اريج:محمد اني قررت .. !😌
محمد؛هههه ياقلبي قراراتك بدت تخوف فيا الحق😪
اريج:هههه باه ام شهر بنتزوجو...!
محمد:من بيتزوج...!😳
اريج:مبردك مش قتلي تواا غر نديرو عرسنا توا ..😕
محمد:ههههه قصدي تدوي جدد....!😍
اريج:ايي لاكن متنساش وعدك قتلي بنوقف معااك فكل شي...!
محمد:هههه انت تؤمري 💓قداش عندي حب اني في حياتي😍
اريج:هههه بآه خالتي عندنا عيب...!
محمد:باه بري هيي ..؟
اريج:نحبك❣️
محمد:انموت فيك يااميرتي💓
______________✨
اريج:هنآدي مش بتفتحي تلفونك ..!
هنآدي:اي تو نفتحه 😑
سالمه:نوضي نادي ع احلام قوليلها امك جت 😍
ساره:بآه ...حاضر
هنآدي:اني خآشه لي دار ..شويه ونجي...!
اريج: تمام ...اي خالتي شن حال ولدك ..!
حليمه:حتي كان مش مخطوبه راه قلنا حاطه عينك عليه..😂
اريج:ههههه تي صغير بكل 95 سفيان ولا ...!
حليمه:هههه ايي .... غر كان اصغر بشويه راه خطبتك😂
اريج:علاش عزوزه اني...؟😂
حليمه:ع ولدي تقول امه انتي 😂
اريج:ههههه قنابل ياخالتي تحطي فيهم ...💔
سالمه: عهههههه تحشمي شن قنابل هادي 😳
اريج:هههه تي مافيها شي.😕
حليمه:ههههه غر نوض نصلي لمغرب بالله ...!
اريج: حتي اني ..!😂
___________✨
سند؛ مآشي اني طالع توا وانت تبي اين حآجه بيناتنا اتصال ...! (يتعامل مع شركه ليبيه 💓)...
المدير:تمام توا انكلمك وانت عندك رقم سكرتيره في حآجه بيناتنا تلفون ...!
السكرتيره ايمان (اخخخخ قلبي 😍 ...يهبلل لازم نطيحه طررف زفت❣️)....
سند: مآشي سلام ...! (نااض وقف ونسي تلفونه ع الكرسي ..!)...
___________✨
اسامه:مدايره علاقه قبل كوني صريحه...؟
هديل: مانحبش ندوي في لحجات هاادي لو تبي نمشو لقدام الاسئله الي زي هادي ماليهاش معني اصلا💔
اسامه:بس هو سؤال عادي...🤕
هديل: (مانبيش نهدم علاقه قعده مابدتش ضروري نمشيها عليه ونحاول ننسا الماضي اصلا 💔) ايي لاكن مش ليا اني تسآله ....متخآفش مش مدايره علاقه لا شي
اسآمه:سامحيني هديل مش قصدي ..!
هديل:لالا عادي مصار شي...!
___________✨
هنآدي فتحت تلفونها ..💔 والقت رساله من سند ...(هنآدي كلميني نبيك ضروري ضروري😑)...نكلمه . ..اوووف مانقدرش زفت مانكلمااش🤕)وتصلت بيه ...!
ايمان :اوووماا ،..نسي تلفونه😍...(قامت تلفون ولقاته مكتوب هنآدي..) :اكيده صااحبته غر نرد نقهرهاا😂
هنآدي:سند بخصوص مبكري اني اسفه ...💔
ايمان :اني مش سند حبيبتي 😕
هنآدي ( في دقيقه هادي لو حد ضربني بموس مستحيلل تطلع مني نقطه دمم ..وجهي قعد اخضر اصفر الواان الواان 😳)...؛من معاي مالا ..؟😳
ايمان:انتي متصله من انتي..!
هنآدي:علاش انتي متعوده تردي ع تلفون مش ليك ...!😳
ايمان ؛هو تلفون مش ليا بس صااحب التلفون حاجه تخصني ...!
هنآدي سكرت لخط من غير ماتقول ولا كلمه 💔.......(هه يبي يعطل نحسابه ع سواد عيونه😭😭طالع منظم اموره غادي واني اهني نموتت كل يووم💔...)..!
__________✨
سند:كآنه الي في ايدك تلفوني!😕
ايمان تلبكت شويه :اه اه اي اي هادا تلفونك القيته فوق الكرسي😕
سند:بآه لو سمحتي..! (ومدلها ايده )...
ايمان :اني ايمان ..!
سند حول ايده وقاللها ؛التلفون لو سمحتي ماقتلكش نتعرفو اني ..!
ايمان : خيرك انت متكنطي قعمز شن وراك ...!
سند:انتي فاضيه اني مش فاضي (وقرب جبد تلفون من ايدهاا وطلع ...)
__________✨
فتحه القي مكالمه من هنآدي وراده عليها ..💔
سند: ياعنشكل الحظ خيرهاا رااده هاادي عليهاا .. الززفت😪 (وتصل بيها مره اتنين تالته ردت ✨)
هنآدي:شن تبي انت برا غير جوك علاش مكلمني توا اني كويسه ماتخاافش مش ح ندوي بيك😭💔
سند:هنآدي خيرك شن صااير مش فااهم شي اني راه ؟
هنآدي:انت اصلا امتا فاهم ...! 💔..خلاص بالله عليك اني حسيت روحي موليه خفيفه اكتر من لازم وفقدت كرامتي هلباا ...بديت ننهان وساكته لاكن مش راقده ع وداني😪
سند:يااعنش ؛(:؛؟ تي مش فاهم شي الزفت شن صااير خيرك تدوي هكي ...!
هنآدي:مكاالمه مبكري توضح كل شي...💔
سند:علاش اصلا كلمتك اني مبكري اخر مكالمه من صبح 😕
هنآدي:قصدي ع مكالمه البنت الي ردت فيها ع تلفونك والواضح انه كل شي مفهوم وواخد قراراك 💔
سند:تي مانعرفش امهاا زفت من وين طلعت هاادي ..! والله مانعرفهاا من تكون ...
هنآدي:علاش حتي في تركيا معبيات الليبيات😒...قصدي كل شي واضح ......
سند: اسمعيني بس...!
هنآدي :مانبي نسمع شي ياسر الي سمعته والي قلته اصلا احني علاقتنا مستحيل تمشي لقدام 💔 انبنت ع الغلط مستحيل تستمر ...😪
سند؛ انتي هكي تحكمي من غير ماتسمعي ...😑
هنآدي:خلاص سند تخيل روحك حر لانك حتكون هكي قريب.... . خشيت حياتك فجأه وح نطلع فجآه ...💔
سند:هنآدي بلا تسهوويك ودوه زاايده تراا كله فاهمه غلط رااه سمعت منك هلبااااااا ..ومافيشش حاجه صح يعنيي دوه مش لازم منهاااا فاهمهه ...!..
هنآدي:تمام اني الغالطه...😪سند؟
سند:نعم ؟😑
هنآدي: صدقني انبان قويه لاكن اني عكس هكي ...مانقدرش نتحمل اكتر من هكي ...!😭💔
سند:المطلوب ؟ علاش دوه هادي ..🙁
هنآدي:طلقني..!😭💔
سند😳
#يتبع
