روايه #احببته_رغم_شكه
الحلقه السادسه
بروحها فالحوش امها وساره مشو حوش عمهاا شويه وتسمع صوت عياط ناضت تجري القت احلام طايحه من دروج وتبكي😳
اريج: احلام خيرك 😱
(احلام كانت حامل )✨
احلام:بطنييييي كلمي انس بنموووت وولدي😭😭😭
اريج تبكي ومعاش عرفت شن ادير خدت تلفونها وكلمت انس بسررعه 😭
انس:كان يسوق ويرعش كان تتوجع هلباا ارفعيهاا انتي بسررعه
اريج :مش عارفه مش عاارفه😭
احلام تعيط وكان جسمها كله يووجع فيهاا 😭😓😓
اريج قامت احلام بشويه ولبست بسرعه ورفعتها للمستشفي 🏥
.....
(روحت سالمه مالقتش اريج وتنادي ع احلام مالقتهاش)
سالمه؛كلمي اختك وين تلوود زعماا ؟
ساره كلمت اريج وقتلهاا وامها قعدت تبكي وساره ترعش معاش عرفت شن اديرر ✨
......
ناضت هناادي قعدت تلود فالحوش ودارت قهوه وقعمزت تتفرج ✨
.
وصل انس للمستشفي ركب لي اريج
انس:وينهاا شن حالهم شن فيي تكلمييي😳😠
اريج كانت تبكي بس ولا كلمه 😭😭
انس شدها من كتفها ويقوللها :تيي تكلميي خيرك شن فيي تكلمي 😡😓
اريج وهيا تقطع بالدموع ؛وو ول ولدك ماات 😭😭
انس سمع نصددم 😓وشويه لين ستوعب قعمز ع الكرسي وشد رااسه وقاللها :وحلام كيف حالهاا ؟
اريج :قعده فالعمليه 😭😭😭
انس:كيف طاحت به ؟!
اريج :مش عارفه (وحكتله كل شي لين طلع دكتور انس مشاله يجري)😓
انس؛به كيف حال المدام ؟
الدكتور :والله درنا لي علينا والطيحه تعتبر جتها قويه وجسمها ضعيف منااعه لاكن لو سمحتو ماتقوللهاش توا ع ولدهاا لان احتمال تصيرلها اعصاب وتزيد تتأزم ✨
انس؛به نقدر نشوفها😓
الدكتور :توا مستحيل تقدر تستنا شويه
........
(ساره كلمت هنادي باش تقوللها )✨
هنادي:بااهي الي عرفتي عندك اخت تسألي عليها 😒
ساره تبكي😭:هنادي
هنادي:لهدرجه استاحشتيني بالدموع تبكي 😂
ساره؛هناي احلام طاحت من دروج وولدهاا مات 😭😭
(هنادي من صدمه وقفت وقعدت تبكي لان علاقتها كان بي احلام هلباا زي اختها واكتر وبنت خالتها)
هنادي:وين هيا توا باه😭
ساره :فالمستشفي وتوا جايه اريج باش ترفعناا 😭
هنادي:به ابعتيلي ااما مستشفي بسرعه
ساره :به
،،،،
هنادي بدلت حوايجها وكلمت سند لاكن تلفونه كان صامت ماردش عليها ✨
نزلت بسرعه وهيا تبكي فتحلها محمد
قاللها:خيرك شن فيي ؟😳
هنادي:سند اهني؟
محمد:لالا مشي علاش شن في
هنادي:مرت خوي طاحت نبي نمشي للمستشفي 😭
محمد؛به اسس توا نرفعك هي غر نقول لي امي تقول لي سند
(وخش محمد وقال لي امه وطلع هو وياهاا للمستشفي )
........
اريج مشت جابت امها واختها للمستشفي وانس خش لي احلام✨
انس:حبيبتي كيف حالك؟
احلام:ولدي بس كيف حاله بالله عليك ماتكدبش علياا
انس: كيف طحتي ياقلبي
احلام:صارتله حاجه ولاا😭😭
انس:اسس ارتاحي بعدين نتكلموو
احلام:تي تكلم ماتخلينيش هكي قول حاجه شن في 😭
انس ساكت بس وحاط ايده ع راسهاا ويسكت فيهاا لين ضربتله الممرضه مهدئ ورقدت
.....
(هنادي خشت سألت الريسبشن ومحمد يلحق فيها مشت لي امهاا القتها مقعمزه سلمت عليها وقعدت مضبطتها )
هنادي:احلام كويسه ؟
خيريه:بااهي لاكن ولدهاا مات كيف بدير يناري تستنا فيه 😭
(هنادي😭شبحت خوها كيف طالع وحاط ايده ع راسه مشتله وقعدت تهدي فيه )
......
(محمد قعد يشبح لي اريج كيف تشبح لي خوها وتبكي واصلا ماحستش بوجوده سلم ع خوهاا لين لاحظت مشي جابلهم ميه )
......
شرين تلفون محمد رد
سند :ايوه وين انتوو ؟
محمد:فالمستشفي تعاله شوف مرتك ياراجل اوقف معاها 😒
سند؛به ام مستشفي ؟
محمد:مستشفي....
سند:تمام جااي.
( روحت اريج بأمها واختها وبتجيب حوايج لي احلام وانس قاعد داخل مع مرته )وصل سند القي هنادي بس مقعمزه وعيونها حمرر ومتبصه قرب منهاا
سند:كيف حالك ؟
هنادي قامت عيونها ووقفت وقعدت تبكي 😭
سند وكان متردد من لقطه لاكن كان يبي يهديهاا ومتردد اي ولا لا حط راسها فوق صدره وقعد يمسح في راسها وهيا تبكي)
(محمد جي قعد واقف يشبحله ومباش يقدم ومصدوم من خوه خشت اريج تشبحلها كيف بتقدم محمد شدلها ايدها )✨
محمد:مش توا غر يهديها شويه
(اريج قعدت تشبح لي محمد وتلفتت لي اختها محمد تحشم طلق ايدهاا وقعدو واقفين )
.....
هنادي تفكرت روحهاا وخرت وهو نفس شي
سند:انتي كويسه ؟
هنادي:ايي شكراا وقعدت تمسح في دموعها
اريج ومحمد قدموو
محمد:اني مروح تبي حاجه
سند؛لالا اني قاعد اهني وتوا نروح اني وياها بعدين
هنادي:شكرا محمد هلباا عطلناك معانا
محمد؛احني عيله وحده وانشااءالله ربي يشفيهاا اي خدمه تفضلي
هنادي:صحيت
محمد :سلميلنا ع خوك ماشي (وكانو عيونه يتبعو في اريج )
اريج شبحتله القاته يشبحلها تحشمت نزلت عيونها وقعمزت ✨
سند طلع مع محمد باش يسقده
محمد:كان ماوقفتش معاها توا امتا بتوقف معاها بالله عليك 😒
سند:محمد حااضر خيرناا اللنم
محمد:بنقولك بس ماكلت شي من لما جينا راه جيبلها حاجه تتعشاها
سند:اي اوامر تانيه 😒
محمد:لالا طير برا
سند:ماشي
.......
طلع انس لي خواته
سند؛الحمدالله ع سلامتها
انس:الله يسلمك منور
هنادي:رقدت
انس:اي خلاص حتي انتو اصلا دكتور قال غدوه صبح بتطلع سند روح بيها ترتاح وانتي اريج تعالي نمشي وراك وبناخد حجات من لحوش وبنولي .✨
هنادي:لالا بنقعد
انس:خلاص راقده توا مافي شي روحي وبعدين ساهل
سند:نوضي خلاص صح ماعندك ماديريلها اهني
هنادي؛به تمام يصير اي شي كلموني بالله عليكم 😥
انس :ماشي تصبحو ع خير
هنادي وسند : تلاقي الخير
اريج؛هي تعاله
انس :هيي
(هنادي سلمت ع اختها وخوهاا وطلعت مع سند
طول طريق كانو ساكتين وقف سند ع مطعم )
هنادي:وين ماشي
سند؛بنجيب عشي
هنادي:اني مخاطريش
سند:بتاكلي معاي غصبا عنك
(وسكر سياره وطلع )
هنادي قعدت تفكرر فالسياره لين جي سند وركب وروحوو تعشوو ورقدت هيا في دارها وهو في الصالون ✨
......
(ناضت صبح هنادي القت سند طالع وجايبلها خبزه وحجات فطور كلمت اختها وقتلها انه احلام حالها تمام وشويه بتروح وقتلك امي ماتجيش توا لعشيه تعالي فطرت وضمت الحوش ودوشت وحطت لغدي فوق النار وقالت لي عزوزتها انها بطيب اليوم ماتعبش روحها وقعمزت تتفرج )
........
احلام طريق كلها تبكيي
انس؛خلاص ياعمري مرات ربك مش كاتبله الخيرر
احلام :اي ونعم بالله اصلا معاش بنبكي اني لان ربي اكيده رايد بينا خير وبعدين عادي 😓
انس:هكي نبيك حبيبتي (وبدي يمسحلها فدموعها وشادلها ايدها ❤️
......
جي سند خش لي حوشه القي الدنيا نظيفه وقعد يدور في هنادي القاها تصلي )✨
سند:تقبل الله
هنادي؛منا ومنك نحطلك تتغدا
سند:كيف حالك قبل
هنادي:الحمدالله بدل حوايجك مابين ماحطيت
سند: تمام
هنادي؛حقا العصر نبي نمشي حوشنا
سند:حاضر
...
محمد:ياكلب حقا بديت تكلم في حتي بنت رضوان 😂
ايمن:تي اسكتلي بالله بديت نتلخبط بين لبنات 😍
محمد:عيب ياراجل اتبت اللنم خيرك
ايمن:غرر لا تعرفني انت عاجبني جو هكي معاش نعرف روحي من نحب 😂
محمد:كلب ماعمرك تتعلم تعاله برا معاي لشركه باه
ايمن :اخطاني بالله عليك بوك اربعه وعشرين ساعه يبيني فيها بنطلع مع شباب اني
محمد:دهبولك شيرتك الزح 😂
ايمن ؛😂😂مدهوبه من ربي
....
سند؛هيا بااه وقت عليا
هنادي:جييت صبرا
سند:سكري البلكونه
هنادي:به ومعاش دخن هلبا فيها
سند:ايصير خير هي
هنادي طلعت هيا وسند سلمت ع امه وبوه ولولاد وهما طالعين فجأه سند تلفت يشبح
سند:😳✨
#يتبع
رايكم❤
