روايه #احببته_رغم_شكه
الحلقه31
سند شدها من ايدها و تكنطاا فجآه لان شافها نآزله هكي ...!
هنآدي:ايديي سند خيرك !!..😳
سند:قصدي من جدك نآزله هكيي...😕
هنآدي:اني قعده مانزلتش..؟
سند:كنتي نآزله ..(وخدي من ايدها لعبايه وقعد يساويلها في وشاحها..💓
سند:اخررر مرره واول مره ....!
هنآدي خافت ونزلت من غير ماتكلمه !!😢..
سند:شدير انت غبي ! ظروري اتخليها تآخد عليك موقف💔...
___________✨
اريج :خيرك عطلتي..!
هنآدي:تعرفي شن دارلي ...وحكتلها كل شي ..!
اريج: ياغبيه يااعديمه رومنسيه يغاار عليك 😒 ...!
هنآدي:غيره ويكشخ هكي تي قريب كلاني😭
اريج:والله الا غار خااف يشوفك حد وانتي نازله ....!
هنآدي:مش عارفه ...!
اريج:يااغبيه والله الا هكي ماافيش معني غير هاادا ...؟
هنآدي:هههه اممم تخيلي💓
اريج:والله غبيه هيا غر نمشوو😂
هنآدي:هيي
__________✨
نور:هههه لالا قولوله لا وبعدين المصوره امي قتلي فكينا منهاا في لبيان ...
هديل:ياغبيه خيرك خليه يخش..!
نور: لالا مانبي حد يشووفه لحكايه معبيه بنات ...توا اني نطلعله ..!
اريج:الغيره هآدي بالله😂
نور؛وانتي صاادقه يقدو غر يكحلوو عليه ..
هنآدي:قتلك امك بري لي صالون يرآجي فيك...
اريج تبصت ع ودنها وقتلها :خليك بنيه كوويسه ..😂 ردي بالك هكي ولا هكي ..'
نور:هههه خززي لالا فيه حدود😂👌
هديل:ههه تيي يافرخه نور هياا..!
نور:هههه بسم الله توكلت ع الله ..
اريج:تقول خااشه ع جيش فالحرب..تي يابنتي خليك متحشمه ..!
نور:ههه الزفت ولد عمي كنت نلعب معاه في كوره فالجنان واني حفيانه تبيني نتحشم توا ..😒
هديل:ههه مفلحك في دووه هيي اطلعي😂
نور:نتلاقو غر نمشي نشووف الحب ونجيي ..!
هنآدي:ههه مش يعجبك الجو تقعمزي ..!
نور:لالا بدن الله مش اكتر من ساااعه ..!
هنآدي:ساااعه😱
اريج:هههههه ومعاها بدن الله.. عجبها الجو الاخت 😳
هديل:تتسهوكي ولا ..😕
نور:تخيلوو ساعه وناس برا تستنا😂...خمسه دقايق بس هيا خليته يراجي هلبا..!
هنآدي:هههه يعطيهالك ..!
_________✨
سوسن:مش تعطلي دآخل ..
نور:لالا تو بنلعبوو كآرطه ماه .. تي باهي ..!(وخشت للصالون القاته مقعمز ويحرك فرجليه بتوتر )✨
نور؛ههههههه خيرك متوتر ..!
ايمن قام عيونه وقعد سآرح فيها وكيف طآلعه 💓)
ايمن: حيي ع لي امك من انتي !!
نور:مبردك مش لدرجه هآدي عاد ..
ايمن:تيي موليه طررف للمليوون ..😻
نور:شن قصدك كنت شينه😒
ايمن:ههه انسي انسي (وقدم منها قااملها ايدها وباسهاا 💓) :مش مصددق بجدد ربي يخليك لياا ياآحلي حآجه عندي✨ (وطلعلهاا باكوو كان فيه سنسله دهب كلها قلوب ❤️
نور نزلت رآسهاا وحضناته ...!💓:ولا اني مااعمري توقعت يكون حلمي في يوم حقيقه او تخيلت اللحظه هآدي وتكون ليآ بس...
ايمن لبسها دبله ولبسها سنسله ....وباسها ع خدها 💓...
نور:اني غر نطلع احسن ،.!
ايمن:اييي خيرلك .. 😂 انحبك 💓
نور:انموت فيك ..💓(وطلعت حطت ايدها ع وجهه وخشت للمطبخ القت قدامهاا تلاته بنات يشبحولهاا 👀 )
هديل:شنن صاار احكي..!
اريج:شن قااالك فرحان كاآن ..😻
هنآدي:مادرتو شي غلط ولا ...😂
نور:ووووه مكترر دوتكم ...😒(وحكتلهم كل شي )✨
اريج:قلبي صغير لا يتحمل تفترش خلاص💔
هديل:ياسخيفه كان جت ع هكي بآهي ...!😒
هنآدي؛اني متآكده لو مطلعناش لي نآس توا امك بتخليك قديد..!
نور؛ايي عيب ...هيي💓
___________✨
مشت الجواء لبنات ضحك وجو وهنآدي كانت بالها مع سند ولي غدوه كآن ح يساافر خلاص ساعات بس وتفقده 💔.....ونور الي كانت تشبح لي دبلتها ومش مصدقه 💓.....جي خو اريج روح بيهاا ...وهنآدي ركبت القت سند مقعمز يتفرج ع التلفزيون ..)✨
سند: ماعطلتيش هلباا ...!
هنآدي:مرت عمك عآرفه عندي امتحان غدوه وانت مسآفر ماخلتني ندير معاهم شي ...(وخشت لي دار )
هنآدي(حيييي عليااااا انسيت السوووسه من بيفتحهاا توا😭😭😭😭)...الموقف هادا يتكرر معاي مرتين 💔
سند:خيرك تدوي بروحك..؟
هنآدي:عارفه روحي زودتهاا ..لاكن من المحل قتلك السوسه صعبه ومانقدرش انحيها بروحي..!😔
سند:غآلي والطلب رخيص😂👌
هنآدي :مبردك ..!وقامت شعرهاا ..!
سند فتحلها نص السوسه وكيف جآي بيطلع وهيا شاده القفطاان باش مايطيحش ...:اسف مش بقصدي💔 ..مانبيش نمشي وانتي واخده عليا موقف بايخ تاني لاكن ماقدرتش نتحمل لما شفتك نآزله هكي💔
هنآدي تفكرت كلام اختها اريج ):ههههه😂
سند:حالك بااهي ..! (وقرب منها )😕
هنآدي فاقت ع روحهاا :اهاا اي اي لالا عادي اني الغالطه ..!
سند( باسها ع خدها ) وقاللها : ع فكره طالعه حلوه
ليوم وبتسم وطلع 💓
هنآدي سكرت الباب وقعدت واقفه حاطه ايدها ع خدها وفاتحه فمها😳.(اني في حلم ولا فعلم😕..اخخخخ قلبي خلاص وحطت ايدها ع قلبها 💓وبتسمت وغيرت حااويجهاا لبست شرط حرير وتيشرت 💓ومسحت مكياجها قامت شعرها ديل حصان وطلعت✨
سند:كملتي قرايتك انتي ،،؟
هنآدي :ايي خلاص ..! ..امتا طيارتك؟💔
سند:ال7 الصبح ⏱يعني 4نكون في المطار....
هنآدي:وقت اني نكون في القاعه متع الامتحان انت في الطياره ..!
سند:ايي ومتخاافيش عقلي ح يكون معاك ومع امتحانك 💓
هنآدي: هادا كان قدرت نجمع معلوماتي👌
سند جي قدامها وشدلها ايديهاا الزوز 💓
:اوعديني انك ماتفكريش في حتي حااجه غير امتحانك وتركيزك فيه وفي الي حفظتيه ،،!
هنآدي:مستحيل نوعدك 💔..لان اني بروحي مانعرفش وين ح يكون عقلي فالوقت هداكاا ...💔
سند (كآن عارف شن تقصد في كل حرف لاكن مباش يضعف قدامها او يبين 💔) :به تخيلني اني قدام القاعه ونراجي فيك امتا تطلعي وانسي سفره وكل شي صاار المهم حلمك قدامك ...وال5السنسن الي قريتيهم مايمشوش هكي في امتحان ✋🏻
هنآدي(قعدت تسمع في لكلام الي يقول فيه وعيونها في عيونه :حآضر 💓
سند: قتلك اوعديني؟
هنآدي:ابتسمت:نوعدك 💓
سند:خلاص مالا متفاهمين ..!
هنآدي: اكيدد !👌
سند:بآ خلاص هيا وقت غدوه بنفيقو بكري😉
هنآدي: ارقد في دار معآي ؟
سند:علاش!؟😕
هنآدي( يابنت وين عقلك انتي مستوعبه الي تقولي فيه)✨:هكي لان غدوه بنضم حتي الصالون وهكي والسرير كبير يعني تقعد دار بس تبي تنظيف !😬
سند:ههه ماتوقعتكش بايره ..😂
هنآدي:هههه بآه اني خاشه وانت امتا ماتبي تعاله ..!
سند:تمآم ..!
_________ ✨
هنآدي خشت لي دار وقعدت سارحه وتشبح فوق بس ( هآدا وين قتنعت ..! ان الشخص احتمال حتي في يوم واحد بس يوقع في لحب 💓...لاكن حتي تلاته سنين باش ينساا 💔...هنآدي اهم شي امتحانك غدوه كنتي ترآجي فيه الامتحان هادا بفاارغ الصبر لازم تكوني قدها وقد الوعد ..😔💔)وفجآه يقطع صوت تفكيرها 💟
سند:مارقدتيش!؟😕
هنآدي:اهو بنرقد ..!
(سند ارقد جنبها وكانت مساافه كبيره بيناتهم وكل واحد كان يشبح لي سقف 💓)
هنآدي:شهر ماتحسش انه فتره طويله💔
سند:عارف بس مش بآيدي ..ومرات نقدر نروح قبله ..!
هنآدي:توصل بي سلامه💔
سند:سلمك ..💓 خلاص هناادي معاش تفكري هلبا ماتشوشي تفكيرك💔
هنآدي عطاته بي ظهرها وقتله : ايي صح ....تصبح ع خير 💔(وقعدت تبكي لاكن بصمت 😭
سند:تلاقي الخير 😪
___________✨
محمد:طآلعه طررف😻😻قريب دخت
اريج:ههههه سلامتك...
محمد:والله تهبلي مش عارف خالتي شن جيبها توا😒
اريج:هههه تحشم اقل شي💔
محمد:ههه اريج زيدي فكري فالموضوع بالله عليك!
اريج؛موضوع شني!
محمد:الخطبه ..!
اريج:محمد اني عارفه انه مستحيل انكمل لقرايه لو تزوجت ومش ح نلهاا اصلا💔
محمد:زيدي فكري بآه مش زواج قلت خطبه بس💔
اريج:امممم بآه موافقه
محمد:تكدددددددبي😳😳
اريج؛والله خلاص صح لي امتا بنقعدوو معلقين😂
محمد:تييي وربييي انمووت فيك💓
اريج؛حتي اني💓
__________ ✨
فاقت هنادي صبح ال 3ونص تلفتت يمين القت سند قاعد رااقد💓
هنادي(اوووف جي اليوم المنتظر والساعه المنتظره ...💔
:سند..! ..فيق .(وحطت ايها فوق شعره ..!)
هنادي؛تسمع فيآ...!
سند: اي ..!
هنادي:نوض وقت طيارتك،!😕
سند:اممم داايخ😴
هنآدي: سند وقت ع طيآرتك💔(ونحت ايدهاا من علي شعره😪)
سند فاتح عين ومسكر عين ..:انتي مصره حتي اخر يوم ليا معااك اسمعيي تقولي فيه وتنوضي فياا ياشينه😂
هنآدي اصطنعت ابتسامه ؛ وقت مآه ..!
سند:نضت (قرصهاا ع خدودها وناض 💓)....
هنآدي(خلاص حآن الوقت💔 استغفر الله ..وخشت طلعت شيتهاا وقعمزت تقرا ودارتله فطور ..!
سند لبس سروال تجينز وسوريه ودار شعره كريمه وبخ البرفاان وحطه ع شكمااجه لانها تبيه ..وطلع لي صالون💓....
هنآدي قامت رآسه فجآه وقعدت سآرحه فيه ...💓( في شك تجااوبي انتي ...!😭
سند:علاش متعبه روحك ومدايره لفطور هادا كله😳
هنآدي:ندلعوو فيك اخر يوم💓
سند:ههه بآه تعالي افطري معآي..😉
هنآدي:بآه ..
وقعمزت قدامه وقعدت تاكل بي هدوء وهو مستعجل ياكل بسرعه 💓
سند:انقلبت الادوار😂..!
هنادي:كيف يعني !
سند:تتفكري يوم عرسنا كيف انتي تاكلي مستعجله واني بشويه وتوا عكس😂
هنآدي:ههه مخاطريش ماه نساير فيك ..!
سند:بآه محمد يتصل اني طالع ...وبنقولك وعد امس خليه في بالك تمام ...واني قلبي وبالي معااك ...وكوني قدهاا ..(اوقف سند ومسح فمه ...وجي تبص عليها ..): تمام ياادكتوره💓
هنآدي تحشمت وقلبها في الاربعين ومعاش عرفت تبكي ولا تضحك 💔...!
سند:هيا اني ماشي !!
هنادي وقفت وقعدت واقفه قدامه ..!
سند ؛تعالي ياشينه ..😂(وضبطتهاا)
هنآدي:دير بالك ع روحك 😢💔
سند:حتي انتي 😪...(وباسها ع خدودهاا وطلع 💔
هنادي بمجرد انه صكرر الباب قعمزت ع الصالون وقعدت تبكيي 😭😭😭💔
(يااارب احفظه ورجعه سالم ..علاش حظي هكي انيي😭😭 اووووف ياارب كوون في عونيي ...)
___________✨
محمد:شن ياا بروو خلاص 😕
سند:ايي ظروري نجربو كل شي في دنيا💔
محمد:خش لي امك توصل بسلامه✋🏻
سند:حتي انت (وسلم عليه وخش لي امه وخوته )...!
خيريه:ديرر بالك ع روحكك وليدي💓 ترجع ساالم ياارب كلمنااا طمناا عليك😭😭😭
سند:تي تقول بنمووت تي مااشي شويه وجااي الزفت 😂
رمزي:دير بالك وليدي ع روحك ..!
سند:انشآءالله ياحاج..!
ايمن:توصل بسلامه (سلم عليه وتبص ع ودنه :ايمن انت توا بتتحمل المسؤليه قريب تتزوج امك وبوك رد بالك عليهم 💓
ايمن:ماتوصيش حريص الممهم انت يابرو👌😪
سند:خبطه خبطتين ع كتفه ؛بيناتنا تلفون😉
رياض:توصل بسلامه خوناا💓
سند:سلمك..حتي انت بتتحمل المسؤليه خلاص دير بالك ع روحك..! ..ونبي نسمع عليك حجات كويسه
رياض؛نشاءالله ...
سند :في امان الله ...!
(طلع سند بعد ماترك اكتر من قلب مكسور قلب امه وقلب هنآدي وبوه💔.. قبل مايركب حس انه في حد يراقب فيه قام رآسه القي هنادي واقفه ع روشن ووااضحه تبكي 💔...
سند(اسف ياحبيبتي💔)....وغمزلها وركب في سياره..!
__________ ✨
هنآدي دارت لفه ع الحوش ومره مره تسرح ...! ومع ال6ونص اتصلت بيها اختهاا طلعت للامتحان 💔...
اريج:صبآح الخير
هنآدي:صبآح النور💔
اريج:سآفر ..!؟
هنآدي:اي وخدي قلبي معاه..😭💔
اريج:خلاص هو شهر توا يمشي بسرعه😪
هنآدي:مدامآ اني نراجي امتا يتم ح يعطل💔
اريج:خلاص ياقلبي💓
هنآدي:اووف وشبحت لي روشن وصلها مسج ..( رد بالك تنسي الوعد ..امتحان موفق ..!..سلام 💓)
هنادي نزلت منهاا دمعه ومسحتها قبل ماتحس اختها..!
__________✨
خشت هنآدي للامتحان وسند ركب الطياره ..! والزوز قلوبهم عند بعض..💔 ..جت العشره طلعت هنآدي القت قدام وجهه اريج ..💓
اريج:هاا طمنيني..! ..شن صار في امتحانك ..!
هنآدي: ....!
#يتبع
