روايه #احببته_رغم_شكه
الحلقه التامنه
هنادي(ردي بالك تحبيه وحاولي تنحيه من راسك مايغركش اسلوبه وكل شي والله كله لما يولي عليك ..اووف شن اندير اني علاش نبدا نشبحله هلباا ومالياش سبوع معاه كيف بندير)لين قطع تفكيرها✨
سند: هيا كملت عطلت عليك
(هنادي مش معاه بكل )
سند:هيي انتيي وين مشيتي؟
هنادي:لالا غر سرحت شويه
سند:اها تمام
وروحو للحوش وهنادي خشت لدار طول قعمزت تفكر وبعدين رقدت وسند قعمز دخن شويه وبعدين خش رقد✨
.....
الصبح ناض سند ودار قهوته بروحه وطلع
ناضت هنادي ع صوت تلفونهاا 😓
هنادي:صبح يافتاح
اريج:صبح عينك 12 شن هادا تقولي ماعندكش مسؤلياات
هنادي:به شن تبي يانفاخه من صبح ربي😂
اريج: جبتلك الشيت واني مستعجله بنروح انزلي خوديه
هنادي:ننزل عينك اركبي اركبي
اريج :مصحك شن بيركبني الزفت
هنادي :تي غر هياا اركبي يابنت
اريج:عليك نفخ اللنم مش متفكيه منك 😒💔
،،،،،
محمد :كلب ياايمن وين ساعه كانت اهني
ايمن :مالا تحسابه كل شي ناخد فيه اني
محمد؛والله ماديرها الا انت ياولد طلع امهاا بنمشي وقت
ايمن :قداش تعطيني به 😍
محمد:مصح وجهك سعتي ويدير في الميزاد عليها
ايمن:هههههه روح امالا
محمد:ايمن اللنم هياا
ايمن:ههههههه 20جني
محمد:عشرين امك طلع امها خير مانكسرلك راسك
ايمن ؛روح امالا وطلعله الساعه وراهاله وهرب لجنان يجري
محمد؛اللنم بتجريني وراك هات امهاا
خيريه :ياقهرتي اني الجثه فيل والعقل فار 😒
محمد يجري وراا ايمن ع الجنان لود لايد واريج كيف خشت شبحتهم يتجارو وقفت وهما ماشبحوهاش قعدت تضحك
ايمن :حي ع ام الجمال وقف وقف بعدين انكملوو
محمد:جمال شني ياعنشكلك هات امهاا بعدين انكملو قالك يحسابنا نلعبو وتلفت
(يلقاا اريج واقفه تضحك وحاطه ايدها ع فمهاا )😂
محمد قعد يحك في رااسه
ايمن :تعاله ياراجل غر نشوفوها طرف اللنم
محمد:طرف بوك برا خش داخل برا
ايمن :مصحك باش تفضالك الساحه 😉
اريج شبحتهم يشبحولها خشت تحشمت
محمد:هههههههههه هربت من منضرك طالع بسروال توته مولي زي الخروف لمريش
ايمن ؛هاهاهاها يحساب روحه حلوو هو انت صح احلا مني لاكن مش حلوو 😂
محمد:حيي شوف شن تحتك
(ايمن طبص راسه ومحمد خنب منه ساعه )
ايمن:ياولد ال@&😂
محمد:صبح اللنم تحشم 😂💔
ايمن :هو الواحد بعد مايشوف الجمال هادا كله مزال تحسابه صبح😍❤️
محمد؛به خلاص زودتهاا رااه هيا اني طالع
ايمن ؛ماشي والله مسخ لاكن قبل بنطرح بيهاا
محمد:بتطرح بي ساعه مخنوبه من خوك ياكلب
ايمن :ع اساس توا 😒
......
(اريج ركبت لي هنادي تضحك )
اريج:ههههههه وووه عايشه في كوميديا انتي
هنادي:سلام قولا من رب رحيم خيرك يابنت 😳
اريج؛هههههههه شي شي هيا هااكه طيري
هنادي:تعالي نعطيك شكلاطه 😂
اريج: جيبيلي بنروح اني شن بينحيلي لمداس
هنادي:هههههه باهي هي
اريج: خيره صالون من كان راقد عليه
هنادي:تي سند مش قتلك
اريج؛اياه علينا توا لما نروح نتفاهموو بالتلفون
هنادي:هاكه ..🍫.فوتي عادي
اريج:ماشي سلام
....
ونزلت القت محمد واقف قدام سيارتها وهيا تاكل فالشكلاطه)
اريج؛خير ياطير
محمد: شوفي سيارتك مسكره عليا بنطلع 😉
اريج:حي سامحني 😳
محمد :عادي وقعد يأشرلها بي ايده ع وجهها
اريج:خيرك شن في
محمد يضحك ويقوللها وجهك 😂
اريج : هو يااني غبيه ياانت تدوي بي للالغاز
محمد طلع الكلينكس من سرواله وقرب منها وهيا مصدومه😳
(محمد مسحلها خدها كان فيه شكلاطه )❤️
اريج مصدومه ومش عارفه شن تتكلم :شكراا😓
محمد:العفوو 😂
اريج :خشت لي سيارتها وهياا فرحانه ❤️طلعت وهو نفس الشي ✨
.......
(هنادي ضمت الحوش وحطت لغدي فوق النار ونزلت )
رياض:هادا وين نور الحوش
هنادي:هههه مفلحك فالحجات هادي😂خيرك مامشيتش لجامعه
رياض:ماعنديش اليوم 😁
هنادي:ههه به وخر غر نخش
رياض؛هههه خشي هي
خشت هنادي قعمزت تهدرز مع امه
خيريه :بالله بنيتي في حوايج في دار سند قالي ركبيهملي نسيت تلقيهم فوق سرير فداره خوديهم
هنادي:حاضر هي
(خشت هنادي لي داره ولقت كل شي منضم جاها فضول تفتح دولاب حوايجه وفتحاته القتهم شويه مش هلباا لاكن مرتبات )
هنادي:اصلا مش مستغربه حتي فوق حوايجه منضمات ❤️
وفتحت لقجر القت لحديده الي فيها حرف "E"وقعدت تشبحله ومصدومه منهاا🤔هادي شني زعماا وحطتها في ايدها وركبت لحوايج وهيا طالعه
رياض:حقاا نزليلنا من طورطه غدوه 😍
هنادي:طورطه شني😳
رياض :تي غدوه 23/3
هنادي:اي عارفه والمعني 😕
رياض:ياغبيه عيد ميلاد سند
هنادي دارت روحها تعرف :قتلي من الاول بااهي حاضر😂
(وركبت كلمت اختهاا وقتلهاا )
اريج:ياغبيه استغلي الفرصه 😒
هنادي :فرصه شني ياعنشكلك 😂
اريج:ديريله جو الطورطه وعيشي اللحظه مرات يميل ليك
هنادي:مش عارفه
اريج:تي اسمعي كلامي ياحماره 😒
هنادي:باهي به غر غدوه جيبيلي هديه وتوا نتفق مع محمد باش يجيبلي الطورطه
اريج:شن تبي لهديه باه
هنادي:جيبيلي ساعه ماركه وخلاص
اريج:تمام لما نروح من جامعه توا نشريلك والعصر انجيبهالك
هنادي:تمام ميه ميه
اريج؛ماشي سلام
،...
محمد:حقاا ع سيره السفره سبوعين الجايه حجزتلك
سند:مااشي منور يابردر
محمد :اني طالع توا نتلاقوو ماتبيش تروح
سند:لالا مزال شويه
محمد: تمام نتلاقوو
....
(هنادي كبهت من دروج وتنادي ع رياض )
هنادي:ريااض ياريااض
رياض:عيونه 😂
هنادي:اركب اركب نبيك
رياض:ها شن تبي😂
هنادي مدتله تلفونه وقتله :رقم محمد خوك
(رياض كتبلها رقم وكيف بينزل )
هنادي؛هاكه شكلاطه حق تعبك🍫😂
رياض:هههههه والله قدر
هنادي:ههههههه
......
خشت هنادي وكلمت محمد وهو في طريق يسوق
محمد:الوو
هنادي:ايووه شن حالك
محمد؛تمام الحمدالله من معاي
هنادي:اني هنادي مرت سند
(محمد تفاجأه من مكالمتها فجأه)✨
محمد؛اهاا تفضلي
هنادي:نطلب منك طلب ونتمني ماتردنيش😬
محمد:اكيد تفضلي 🤔
هنادي:نبيك غدوه تجيبلي طورطه مع العصر يعني ع خاطر عيد ميلاد سند😬
محمد:تمام ميه ميه انشاءالله
هنادي:ماشي شكراا
محمد؛العفوو
.........
تسريع الاحدات ⌛️⏰
جي سند تغدا ونزلو لعشيه قعدت تهدرز مع امه وهكي وركبت تعشو ورقدوو نفس الروتين ناضت قبله دارتله فطوره وطلع ومع العصريه كلمتها اريج💓
هنادي: تي معاش تتصلي بياا لما تجي اركبي طول
اريج:مصحك تقول حوشي 😒
هنادي:بااه اركبي اركبي
ركبت اريج وقعمزت شويه معاها لين طقطق الباب ✨
هنادي:اريج افتحي اني مش فاصيه القهوه فوق النار
اريج:حاضر
ناضت اريج فتحت الباب ولقاته محمد قعدت تشبحله 😍
محمد:ماتبيش تاخدي من ايدي😂
اريج:بكل انت ديما تقدم ع الوقت الزفت الواحد كيف ينسجم😂
محمد:ههههه نعم
اريج:هههه يعطيني بكشه نخرط نخرط
محمد:لاكن عجبتيني 😍
اريج:ههههه الباين انت بديت تعبر 😂(اخخخ يااقلبي بنمووت)
محمد:هههه فوتي ماشي سلام
اريج:سلام 😍❤️
.........
هنادي:ساعه ع الباب 😒
اريج:بلا عار هو الواحد يشوف الجمال هادا كله وتبيه يستعجل😍
هنادي:ربي يتبت العقل هاتي طورطه نحطها في تلاجه سند بيوصل قالي نسيت لوراقي دوريهملي مروح
اريج:الله باه اني بنروح وشربت شويه من لقهوه ووقفت✨
هنادي:تي اقعدي شويه
اريج:لالا توا امك اديرلي عرس فكيني وانتي ديري زي ماقتلك 😍
هنادي:ماشي نتلاقوو
اريج طلعت القت ورقه ع سيارتها فتحتها القت فيها رقم محمد ومكتوب اسمه شبحتها شويه ضحكت وحطتها في سياره وطلعت ✨
سند خش للحوش
سند:القيتيهم ؟
هنادي:مش عارفه دورت ومالقيتش (وخشت للمطبخ تغسل في طواسي )
سند خش لي دار النوم وقعد يدور في لقجره ولقي ساعه رجاليه طول ضرب شطاان في راسه
سند:هنااادي 😡
هنادي:خيرك وشافت لي ايده (اوووف نسيت مادستيهااش )
سند:شن هاااادا تكلمييي
هنادي:تي خيرك تصيح وبعدين ماتشبحش فيهااا سااعه 😒
سند:تضحكي عليا انتي عااارف امهااا سااعه رجاليه شن دير عندك
هنادي😳:لي مني يعني ليك شريتهاالك
سند:مااتكدبيش ولا تحاولي تكدبي فهمتيي
هنادي؛انيي مانكدبشش ولوو كان انت مرريض وعندك نقص ماتجيش تحاسبني وتشك فيااا تحسابه كلنا مالا بلا اخلاااق و تبكيي وتتكلم :ورد بالك مره تانيه تشكك فياا لان معاش نتحمل رااه
سند:بلا دموع التماسيح ترااا وبعدين وااضح ساعه علاش انتي تشريلي سااعه يعنييي وقلتهالك قبل ياهناادي ردي بالك تلعبي معااااي لاكن هاتي من يفهمم
هنادي تكنطت من كلامه هلباا وخشت لي دار تبكي وطلعتله في ايدهاا ......😭😭
سند:😳
#يتبع
رايكم
