Criselda: A Mafia Royalty

Chapter 2: The Illegal Racer

Padabog na lumabas ng sasakyan niya si Daryl. Inis na inis siya dahil ngayon lang siya natalo sa karera. Napamura pa siya dahil sa asar.

Tuwang-tuwa naman ang barkada niya na nakatalo sa kanya sa karera.

"Dude, kalma," pang-aasar sa kanya ng kaibigan.

Nilabas ni Daryl ang wallet niya at labag sa loob na nagbilang ng perang pambayad dito dahil nga natalo siya. Ngiting aso naman ang kaibigan habang pinapanood siyang magbilang ng pera na lalong kinainis ni Daryl.

"P* ina, 'wag kang ngingiti-ngiti dyan o gusto mong sapakin kita?" Hininto niya ang pagbibilang ng pera at sinamaan niya ng tingin ang kaibigan.

Nawala namang ang ngiti ng kaibigan niya, thinking Daryl is a sore loser. Mayabang ito kapag nananalo pero galit na galit kapag natatalo.

Pasuntok na binigay ni Daryl ang twenty thousand pesos na nilabas niya mula sa pitaka niya. Bukod sa badtrip siya sa babaeng naengkwentro niya kanina, ang perang natalo niya kasi ang allowance niya sa buong weekend. Hindi niya alam kung saan siya kukuha ng pang-gas niya ng sasakyan.

"Chill, bro!" Hindi na nagugustuhan ng kaibigan niya ang asta ni Daryl. Pero ayaw naman niya itong patulan dahil ayaw niya rin ng gulo. Naglakad na lang paalis ang kaibigan ni Daryl, dala ang perang napanalunan nito. Pinanood siya ni Daryl na lumakad palayo.

When his friend is out of sight, he suddenly remembers the girl who gave him a middle finger. Kumulo na naman ang dugo ni Daryl dahil sa naalala. Habang pabalik sa loob ng sasakyan, pinatunog niya ang mga daliri na para bang may susugurin at bubugbugin, "Humanda lang talaga siya, kapag nakita ko ulit 'yung babaeng 'yon."

Nang makapasok sa loob ng sasakyan niya, napakamot nalang ng ulo si Daryl. Ini-start nya ang kotse at humarurot paalis. Nakarating sya sa bahay nya at sumalubong ang kanyang nakakatandang kapatid na babae.

"Itsura mo?" salubong sa kanya ni Melissa. "Talo?"

"'Wag mo akong kausapin, baka makasapak ako ng babae ngayon." He's definitely in a bad mood. Ayaw na ayaw niyang inaasar siya ni Melissa kasi nakakapikon ito kung mang-asar.

"Bakit? Babae tumalo sa'yo?" pangungulit ni Melissa. Sinundan pa siya nito sa tapat ng kwarto niya.

Aktong kukutusan ni Daryl si Melissa pero nakita niya ang mukha nitong nagmamatapang na parang hinahamon pa siya kung kaya niyang ituloy ang gagawin.

"Ano? Sige?" hamon pa ni Melissa. "Kapag nalaman nina Papa 'yang ginagawa mo, balik ka talaga sa Singapore," dagdag pa nito.

Daryl balled his fist. He hates Singapore, he did not have any freedom there. Bantay-sarado siya ng mga magulang. Kung di lang dahil sa scholarship na nakuha niya sa Pilipinas, baka hindi pa rin siya nakakawala sa mga magulang nila.

Si Melissa ang bantay niya dito sa Pilipinas pero mas maluwag naman ito sa kanya dahil naranasan na rin ni Melissa ang maging bantay-sarado mula sa mga magulang nila. Dahil sa kanya kaya lang rin nakawala ang kapatid mula sa kanila. They have a give and take relationship pero isang sumbong nga lang ni Melissa sa parents nila, paniguradong babalik talaga si Daryl sa puder ng mga ito.

Nadagdagan lang lalo ang inis ni Daryl kaya para makaganti, binantaan na rin niya ang kapatid, "'Pag nalaman nina Papa kung sino 'yang boyfriend mo, balik ka rin talaga sa Singapore."

"Sige, sumbong," tinaasan ni Melissa ng kilay ang kapatid. Nainis siya kay Daryl dahil totoo rin naman ang sinabi nito. Ayaw ng mga Vicente sa mga intsik sa hindi malamang dahilan, at intsik si Lance.

Daryl just gave her a smirk. Pagod na siya at inis na inis pa. Ayaw na niyang makipagtalo sa kapatid dahil hindi sila matatapos sa pagbabanta sa isa't isa. Binuksan niya ang pinto ng kwarto at binalibag ang pinto sa harap ni Melissa.