ﺑﺎﺭﺕ .7 * ﻗﺮﺏ ﻣﻨﺎ ﺍﻻﺳﺘﺎﺫ ﻭﺣﻨﺎ ﻣﺰﺍﻟﻴﻦ ﻣﻔﺎﺗﻨﻴﻦ .. ﻫﻲ ﺳﻜﺘﺖ ﻭﺑﺪﺍﺕ ﺗﻤﺜﻞ ﻓﺎﻟﺒﺮﺍﺋﺔ ﻭﺍﻧﺎ ﺑﻘﻴﻴﺖ ﺟﺎﻟﺴﺔ ﻛﻨﺠﻌﻮﻕ .. ﺟﺮﻧﻲ ﺍﻻﺳﺘﺎﺫ ﻣﻦ ﻳﺪﻱ ﻭﺩﺧﻠﻨﻲ ﻭﺍﺣﺪ ﺍﻟﻐﺮﻓﺔ ﻛﻴﻜﻮﻧﻮﺍ ﻓﻴﻬﺎ ﺩﺍﻙ ﺷﻲ ﺩﺍﻟﺘﺠﺎﺭﺏ .. ﻃﻠﻖ ﻣﻨﻲ ﻭﺧﻨﺰﺭ ﻓﻴﺎ .. ﺍﻻﺳﺘﺎﺫ : ﻧﺘﻲ ﻭﺍﺵ ﻣﺮﻳﻀﺔ ﻓﻌﻘﻠﻚ؟ !! ﺍﻧﺎ : ﺷﻮﻭﻑ ﺃ ﺃﺳﺘﺎﺫ ﺭﺍﻩ ﻣﻘﺼﺤﺘﻬﺎﺵ ﻏﻴﺮ ﺟﺎﻟﺴﺔ ﻛﺘﺒﻮﺣﻂ ﺑﻠﻌﺎﻧﻲ ﻭﻭ ... * ﺑﻘﻴﺖ ﺟﺎﻟﺴﺔ ﻛﻨﺜﺮﺛﺮ ﻋﻠﻴﻪ ﻭﻫﻮ ﻣﺸﻰ ﺧﺸﻰ ﺭﺍﺳﻮﺍ ﻓﻮﺍﺣﺪ ﺍﻟﺒﻼﻛﺎﺭ .. ﻣﻠﻲ ﺗﻠﻔﺖ ﻋﻨﺪﻱ ﻛﺎﻥ ﻫﺎﺯ " ﺗﻴﻮ " ﺩ ﺍﻟﺒﻮﻃﺔ .. ﺗﺨﻠﻌﺖ ﻭﺑﺪﻳﺖ ﻧﺘﻔﺘﻒ .. ﺍﻧﺎ : ﻻﻻﻻ ﺃ ﺃﺳﺘﺎﺫ ﺁﺣﻤﺒﺎﺍﺍﻙ .. * ﺿﺮﺑﻨﻲ ﺑﺸﻮﺑﺔ ﻓﻲ ﻓﺨﻀﻲ .. ﺍﻧﺎ : ﺍﻳﻴﻴﻴﻴﻲ .. ﺍﻻﺳﺘﺎﺫ : ﺑﺮﺍﺍﺍﻛﺔ ﻣﻦ ﺍﻟﺘﺒﻮﺣﻴﻂ ﻳﻬﺎﺫ ﺍﻟﺒﺮﻫﻮﺷﺔ . * ﺣﻄﻮﺍ ﻓﻴﺪﻱ ﻭﺗﻠﻔﺖ ﺛﺎﻧﻲ ﻭﺟﺒﺪ ﻣﻦ ﺍﻟﺒﻼﻛﺎﺭ ﺑﻮﻃﺔ .. ﺑﻠﻌﺖ ﺭﻳﻘﻲ .. ﺍﻧﺎ : ﺑﻐﻴﺘﻲ ﺗﻔﺮﮔﻊ ﻋﻠﻴﺎ ﺑﻮﻃﺔ ﻛﺎﺍﺍﺍﺍﻣﻠﺔ !!!! * ﺿﺤﻚ ﺣﺘﻰ ﺑﺎﻧﺖ ﻟﻴﻪ ﺿﺮﺳﺔ ﺍﻟﻌﻘﻞ .. ﻧﺎﺍﺍﺍﺭﻱ ﻳﺎ ﺍﻟﺒﻨﺎﺕ ﻋﻨﺪﻭﺍ ﻏﻤﺎﺯﺓ .. ﺑﻘﻴﺖ ﻛﻨﺸﻮﻑ ﻓﻴﻪ ﺣﺘﻰ ﺣﻂ ﺍﻟﺒﻮﻃﺔ ﻓﻮﻕ ﺍﻳﺪﻳﺎ .. ﻣﻊ ﺳﺎﻫﻴﺔ ﻛﻨﺖ ﻏﻨﺠﻲ ﻋﻠﻰ ﻭﺟﻬﻲ ﻏﻴﺮ ﺣﻔﻆ ﺍﻟﻠﻪ ﻭﺷﺪﻧﻲ ﻣﻦ ﻛﺘﺎﻓﻲ .. ﺍﻻﺳﺘﺎﺫ : ﻭﺍﺍﺵ ﺳﻜﺮﺍﺍﺍﻧﺔ؟؟ ﺍﻧﺎ : ﻟﻮﺍﺍﺍﻩ ﺃ ﺃﺳﺘﺎﺍﺫ .. ﺍﺟﻲ ﺑﻌﺪﺍ ﻋﻼﺵ ﻋﻄﻴﺘﻴﻨﻲ ﻫﺎﺫ ﺷﻲ؟؟ ﺍﻻﺳﺘﺎﺫ : ﻛﺘﻬﺪﺭﻱ ﻣﻌﺎﻳﺎ ﺑﺤﺎﻟﺔ ﺻﺤﺎﻳﺒﻚ !! ﺍﻧﺎ : ﺍﻭﻭﻩ ﺻﺎﻓﻲ ﻧﻘﻮﻝ ﻟﻴﻚ ﻋﻤﻲ ..! ﻋﻤﻲ ﺍﻻﺳﺘﺎﺫ .. ﺍﻻﺳﺘﺎﺫ : ﺟﻤﻌﻲ ﺭﺍﺳﻚ ﺣﺴﻦ ﻟﻴﻚ ﺭﺍﻧﻲ ﺑﺰﺯ ﺣﺘﻰ ﺻﺎﺑﺮ ﻟﻴﻚ . * ﺩﻓﻌﻨﻲ ﻗﺪﺍﻣﻮ ﻭﺧﺮﺟﻨﺎ ﺍﻟﻘﺎﻋﺔ .. ﻛﻠﺸﻲ ﺷﺎﻓﻨﻲ ﻭﺑﺪﺍ ﻳﻀﺤﻚ .. ﺗﻔﻮﻭ ﻋﻠﻰ ﺷﻮﻫﺔ ﻋﺎﻃﻴﻨﻲ ﻣﻌﻨﻘﺔ ﺑﻮﻃﺔ ﻳﺨﺦ .. ﺍﻻﺳﺘﺎﺫ : ﺣﻄﻴﻬﻢ ﻫﻨﺎ . * ﺣﻄﻴﺘﻬﻢ ﻓﻮﻕ ﺩﺍﻙ ﺍﻟﺒﻮﻃﺎﺟﻲ ﻭﺧﻨﺰﺭﺕ ﻓﻴﻪ ﻭﻣﺸﻴﺖ ﺟﻠﺴﺖ ﻓﺒﻼﺻﺘﻲ .. ﻳﺎﻻﻩ ﻓﻬﻤﺖ ﺑﻐﺎ ﻳﺪﻳﺮ ﺑﻴﻬﺎ ﺗﺠﺮﺑﺔ .. ﺍﻧﺎ ﺑﻐﻴﺘﻬﺎ ﺗﻔﺮﮔﻊ ﻋﻠﻴﻪ ﺍﻧﺸﺎﺀﺍﻟﻠﻪ .. ﺍﻟﻤﻬﻢ ﺩﻭﺯﻧﺎ ﻛﻞ ﻣﺎ ﺗﺒﻘﻰ ﻓﺎﻟﺤﺼﺔ ﻣﻠﻞ ﻭﻣﻜﻴﺴﻜﻮﺗﺶ ﻛﻴﺒﻘﻰ ﻳﺸﺮﺡ ﻳﺸﺮﺡ ﺑﺤﺎﻟﺔ ﺳﺎﺭﻁ ﻛﺎﺳﻴﻂ .. ﺍﻧﺎ ﺑﻌﺪﺍ ﻏﻴﺮ ﻛﻨﻤﺘﻊ ﻓﻴﻪ ﻋﻮﻳﻨﺎﺗﻲ ﺻﺎﺍﺍﻓﻲ، ﻛﻮﻏﻴﺮ ﻛﺎﻥ ﺻﻨﻢ ﻣﻜﻴﻬﺪﺭﺵ ﻣﺘﺴﺨﺎﺵ ﺗﺒﻘﻰ ﻏﻴﺮ ﺗﺸﻮﻭﻑ ﻓﻴﻪ ﺧﺼﻮﺻﺎ ﻣﻠﻲ ﻛﻴﻀﺤﻚ ﻭﻳﺘﻚ ﻭﻳﺘﻚ ﺍﺣﻤﻤﻢ ﺍﻟﻤﻬﻢ ﺩﺍﺯ ﺷﻬﺮ ﻭ ﺃﺵ ﻏﻨﻘﻮﻭﻭﻝ ﻟﻴﻜﻢ ﻣﻜﻴﻨﺎﺵ ﺷﻲ ﺣﺼﺔ ﺩﺧﻠﺖ ﻋﻨﺪﻭﺍ ﻓﻴﻬﺎ ﻭﻣﻌﺼﺒﺘﻮﺵ .. ﺭﻛﺒﺖ ﻓﻴﻪ ﺍﻟﺴﻜﺮ ﻭﺍﺗﺎﻱ .. ﻭﻻ ﻛﻴﻄﻠﺐ ﻣﻌﺎﻳﺎ ﺍﻟﺸﺮﻉ ﺧﺨﺦ ... ﻗﺮﻳﺐ ﻏﻨﻤﺸﻮﺍ ﻧﺨﻄﺒﻮﺍ ﺧﺘﻮ ﺧﻮﻟﺔ ﺟﺎﻟﺴﻴﻦ ﻛﻴﻮﺟﺪﻭﺍ ﺩﺍﺑﺎ ﻭﺣﺘﻰ ﺍﻻﻣﺘﺤﺎﻧﺎﺕ ﻗﺮﺑﻮﺍ ﻭﺍﻧﺎ ﻣﺎ ﻣﻮﺟﺪﺓ ﻭﺍﻟﻮ ﻣﻌﻤﺮﻱ ﺗﺒﻌﺖ ﺧﺼﻮﺻﺎ ﺍﻟﻤﺎﺩﺓ ﺩﻳﺎﻝ ﺩﺍﻙ ﺍﻟﻤﺼﺮﻓﻖ ﻭﻟﻲ ﻫﻲ ﺍﻟﻤﻬﻤﺔ ﻣﻜﻨﻘﺸﻊ ﻓﻴﻬﺎ ﻭﺍﻟﻮ
