ﺑﺎﺭﺕ •.10 ﻭﺻﻠﻨﻲ ﻣﺴﺎﺝ ﻓﻲ ﺍﻟﻮﺍﺗﺴﺎﺏ ﻣﻦ ﻧﻤﺮﺓ ﻏﺮﻳﺒﺔ .. : ﺣﻴﺚ ﻧﺘﻲ ﺩﺟﺎﺟﺔ .. ﺍﻧﺎ : ﻛﻔﺎﺵ ﺷﻜﻮﻭﻥ ﻣﻌﺎﻳﺎ ؟ .. : ﻗﻠﺘﻲ ﻋﻼﺵ ﻋﺎﻃﻴﻨﻲ ﺍﻟﻨﺨﺎﻟﺔ ﻗﻠﺖ ﻟﻴﻚ ﺣﻴﺚ ﻧﺘﻲ ﺩﺟﺎﺟﺔ .. ﺍﻧﺎ : ﺍﻫﺎ ﺷﻜﻮﻭﻥ ﻧﺘﺎ ﻭﻻ ﻧﺘﻲ ؟ .. : ﺃﺳﺘﺎﺫﻙ . ﺍﻧﺎ : ﺁﻩ ﺍﻫﻼﺍ .. ﺃﺳﺘﺎﺫ ﺩﻳﺎﻻﺵ؟ ﻣﻌﺮﻓﺘﻜﺶ .. .. : ﺷﻮﻓﻲ ﺍﻟﺘﺼﻮﻳﺮﺓ ﻟﻲ ﺩﺍﻳﺮ ﻓﺎﻟﺒﺮﻭﻓﻴﻞ . * ﺷﻔﺘﻬﺎ ﻭﺍﻧﺎ ﻧﺘﺼﺪﻡ .. ﻫﺰﻳﺖ ﺍﻟﺘﺼﻮﻳﺮﺓ ﺩﺧﻠﺘﻬﺎ ﻋﻨﺪﻱ ﺑﻌﺪﺍ ﻭﻣﺸﻴﺖ ﻛﺘﺒﺖ ﻟﻴﻪ .. ﺍﻧﺎ : ﺃﺳﺘﺎﺫ ﻋﻤﺮﺍﻥ !!! ﻋﻤﺮﺍﻥ : ﺍﻣﻤﻢ . ﺍﻧﺎ : ﻭﺍﺵ ﺩﺧﻠﻚ ﻫﻨﺎ؟ ﻋﻤﺮﺍﻥ : ﻛﻔﺎﺵ؟ ﺍﻧﺎ : ﻛﻨﻘﺼﺪ .. ﺍﺵ ﻛﺪﻳﺮ ﻫﻨﺎ ﻓﺎﻟﻮﺍﺗﺴﺎﺏ ﻣﻌﻨﺪﻙ ﻭﻻﺩ ﻣﻌﻨﺪﻙ ﻣﺮﺁﺓ ﺗﻤﺸﻲ ﺗﺤﻀﻴﻬﻢ .. ﻋﻤﺮﺍﻥ : ﻭﺍﺵ ﺷﻮﻳﺔ ﻟﺒﺎﺱ؟ ﺍﻧﺎ : ﻟﺒﺎﺱ ﺍﻟﺤﻤﺪﺍﻟﻠﻪ ﻭﺍﻧﺘﺎ؟ ﻋﻤﺮﺍﻥ : ﺳﻴﺮﻱ ﺗﻨﻌﺴﻲ ﺍﺑﻨﻴﺘﻲ ﺳﻴﺮﻱ . ﺍﻧﺎ : ﻭﺍﺧﺔ ﺗﺼﺒﺢ ﻋﻠﻰ ﺧﻴﺮ . ﻋﻤﺮﺍﻥ : . * ﺍﻭﻳﻠﻴﻴﻲ ﻫﺬﺍ ﻣﺎﻟﻮ ﻣﺴﻴﻔﻂ ﻟﻴﺎ ﺑﻮﺳﺎﺕ ( ) .. ﺧﺮﺟﺖ ﻣﻦ ﺍﻟﻮﺍﺗﺴﺎﺏ ﻭﺣﻄﻴﺖ ﺍﻟﺘﻠﻔﻮﻥ ﺑﺎﺵ ﻧﻌﺲ ﻭﻟﻜﻦ ﻣﺠﺎﻧﻴﺶ ﻛﻨﻬﺰ ﻣﺮﺓ ﻣﺮﺓ ﺍﻟﺘﻠﻔﻮﻥ ﻧﺸﻮﻑ ﻓﻲ ﺗﺼﻮﻳﺮﺗﻮ .. ﻧﻌﺴﺖ ﺑﺰﺯ ﻭﻓﻘﺖ ﻛﻴﻒ ﺩﻳﻤﺎ ﻭﻣﺸﻴﺖ ﺍﻟﻜﻠﻴﺔ .. ﻛﺎﻥ ﻋﻨﺪﻱ ﺍﻣﺘﺤﺎﻥ .. ﺩﻭﺯﺗﻮﺍ ﻭﺩﺍﻙ ﺷﻲ ﻟﻲ ﻋﺮﻓﺘﻮﺍ ﺟﺎﻭﺑﺖ ﻋﻠﻴﻪ ﻭﺧﺮﺟﺖ ﺍﻧﺎ ﺍﻟﻠﻮﻟﺔ .. ﻏﻴﺮ ﺧﺮﺟﺖ ﻣﻦ ﺍﻟﻘﺎﻋﺔ ﻭﺍﻧﺎ ﻧﺘﻼﻗﺎ ﺑﺎﺳﺘﺎﺫ ﻋﻤﺮﺍﻥ .. ﺍﻧﺎ : ﺳﻼﻡ . * ﻫﺰ ﺭﺍﺳﻮﺍ ﺑﻤﻌﻨﻰ ﺳﻼﻡ ﻭﺯﺍﺩ .. ﻫﺬﺍ ﻣﺎﻟﻮ؟؟ .. ﺩﻭﺯﺕ ﻧﻬﺎﺭﻱ ﻛﺎﻣﻞ ﻓﺎﻟﻜﻠﻴﺔ ﻭﺭﺟﻌﺖ ﻓﺎﻟﻌﺸﻴﺔ ﺍﻟﺪﺍﺭ .. ﻟﻘﻴﺖ ﺧﻮﻳﺎ ﻭﻗﺎﻝ ﻟﻴﺎ ﻳﺎﻻﻩ ﻣﻌﺎﻳﺎ ﻧﺨﺮﺟﻮﺍ ﻧﺸﺮﻭﺍ ﺷﻲ ﻛﺎﺩﻭﺍﺕ ﺑﺎﺵ ﻧﻤﺸﻮﺍ ﻧﺨﻄﺒﻮﺍ ﺧﺖ ﺍﻟﻤﻘﻌﺪ ﺩﺍﻻﺳﺘﺎﺫ .. ﺍﻭﻯ ﻋﺎﻭﺩﺕ ﺑﺪﻟﺖ ﺣﻮﺍﻳﺠﻲ ﻭﻃﻠﻘﺖ ﺷﻌﺮﻱ ﻭﺧﺮﺟﺖ ﻣﻌﺎﻩ .. ﺭﻛﺒﻨﺎ ﻓﺎﻟﻮﻃﻮ ﻭﻣﺸﻴﻨﺎ ﺍﻟﻤﻮﻝ .. ﺧﻮﻳﺎ ﻓﻴﻪ ﻭﺍﺣﺪ ﺍﻟﻘﺎﻋﺪﺓ ﻛﻴﺸﺪ ﻓﺈﻳﺪﻱ ﺩﻳﻤﺎ ﺑﺤﺎﻝ ﺷﻲ ﺑﺮﻫﻮﺷﺔ .. ﺍﻭﻯ ﺷﺪ ﻓﻴﺎ ﻭﺩﺧﻠﻨﺎ .. ﺑﻘﻴﻨﺎ ﻧﺪﻭﺭﻭﺍ ﻭﻫﻮ ﻛﻴﻘﻮﻝ ﻟﻴﺎ ﺯﻭﻳﻨﺔ ﻭﺍﻧﺎ ﻛﻨﻘﻮﻝ ﻟﻴﻪ ﺧﺎﻳﺒﺔ ﻭﻟﻘﺎﻝ ﻫﻮ ﺧﺎﻳﺒﺔ ﻧﻘﻮﻝ ﻟﻴﻪ ﺍﻧﺎ ﺯﻭﻳﻨﺔ .. ﻓﻬﺪ : ﻧﺎﺍﺍﺭﻱ ﺍﺵ ﻫﺎﺫ ﺍﻟﺬﻭﻕ ﻭﻻ ﻋﻨﺪﻙ ؟ ﺍﻧﺎ : ﺑﺎﻟﻌﻜﺲ ﺍﻧﺘﺎ ﻟﻲ ﺫﻭﻗﻚ ﻭﻻ ﺧﺎﻳﺐ . ﻓﻬﺪ : ﺯﻳﺪﻱ ﺯﻳﺪﻱ ﻧﺪﺧﻠﻮﺍ ﻧﺨﺘﺎﺭﻭﺍ ﺍﻟﺨﻮﺍﺗﻢ .. ﺍﻧﺎ : ﺍﻭﻛﻴﻲ . * ﺩﺧﻠﻨﺎ ﻭﻳﺎﺭﻳﺖ ﻣﺪﺧﻠﻨﺎﺵ .. ﻭﻟﻠﻤﺮﺓ ﺍﻟﺜﺎﻧﻴﺔ ﻛﻨﻠﻘﺎ ﺍﻻﺳﺘﺎﺫ ﻋﻨﺪ ﻣﻮﻝ ﺍﻟﺬﻫﻴﺒﻲ ﻛﺎﻥ ﻫﻮ ﻭﻭﺍﺣﺪ ﺍﻟﺒﻨﺖ ﻭﺍﻗﻔﻴﻦ ﻟﺪﺍﺧﻞ .. ﺩﺭﻧﻲ ﺭﺍﺳﻲ ﻭﻣﺴﺨﻴﺘﺶ ﻧﻌﺮﻑ ﺷﻜﻮﻥ ﻫﻲ .. ﺟﺮﻧﻲ ﻣﻦ ﻳﺪﻱ ﺧﻮﻳﺎ ﻭﺩﺧﻠﻨﺎ .. ﻓﻬﺪ : ﺳﻼﻡ ﻭﻋﻠﻴﻜﻢ .. * ﻫﺰ ﺭﺍﺳﻮﺍ ﻋﻤﺮﺍﻥ ﻭﻟﻘﺎﻧﻲ .. ﺷﻔﺖ ﻓﻴﻪ ﻭﺷﺎﻑ ﻓﻴﺎ .. ﻭﺷﺎﻑ ﺣﺘﻰ ﻓﻴﺪﻱ ﻟﻲ ﻗﺎﺑﻄﻬﺎ ﺧﻮﻳﺎ .. ﺧﺨﺦ ﺍﻛﻴﻴﺪ ﻏﻴﻔﻬﻢ ﻏﻠﻂ .. ﺧﻨﺰﺭ ﻓﻴﺎ ﻭﺣﺪﺭ ﺭﺍﺳﻮﺍ .. ﻓﻬﺪ : ﺷﻮﻓﻲ ﻫﺎﺫ ﺍﻻﺷﻜﺎﻝ ﻛﻴﻒ ﺟﺎﻭﻙ؟ ﻣﻨﺎﺍﺍﻝ ﻓﻴﻦ ﻣﺸﻴﺘﻲ ؟ ﺍﻧﺎ : ﻫﺎ ﺁﻩ ﺁﻩ ﻻﻻ ﺧﺎﻳﺒﻴﻦ ..
