ﺑﺎﺭﺕ .8 ﺩﺧﻠﺖ ﺍﻟﺠﺎﻣﻌﺔ ﻣﻊ ﺍﻟﺼﺒﺎﺡ ﻛﻴﻒ ﺩﻳﻤﺎ ﻭﺍﻧﺎ ﻛﻨﺠﺮ ﻓﺮﺟﻠﻴﺎ ﻭﻣﺨﻨﺰﺭﺓ ﻭﻣﺤﺎﻣﻼﺵ ﺑﻨﺎﺩﻡ .. ﺗﻔﻜﻴﺮﻱ ﻛﺎﻣﻞ ﻓﺎﻻﻣﺘﺤﺎﻧﺎﺕ ﻟﻲ ﺟﺎﺍﻳﻦ ﺍﺵ ﻏﻨﺪﻳﺮ ﻓﻴﻬﻢ .. ﻣﺸﻴﺖ ﻓﺘﺤﺖ ﺑﺎﺏ ﺍﻟﻘﺴﻢ ﻭﺩﺧﻠﺖ .. ﻟﻘﻴﺖ ﻭﺍﺣﺪ ﺍﻟﻤﻨﻀﺮ ﻻ ﺣﻮﻝ .. ﺣﺴﻴﺖ ﺑﺮﺍﺳﻲ ﺗﺰﻳﺮﺕ ﻭﻋﻠﻰ ﺷﻮﻱ ﻏﻨﻄﺮﻃﻖ .. ﺭﺟﻌﺖ ﺳﺪﻳﺖ ﺍﻟﺒﺎﺏ ﺑﺮﺍﺍﺍﺍﺥ ﻋﺎﻟﺠﻬﺪ ﻭﻣﺸﻴﺖ ﺍﻟﺤﻤﺎﻡ .. ﻋﺮﻓﺘﻮﺍ ﺍﺵ ﺷﻔﺖ ﺍﻻﺳﺘﺎﺫ ﻋﻤﺮﺍﻥ ﻭﻭﺍﺣﺪ ﺍﻻﺳﺘﺎﺫﺓ ﺟﺎﻟﺴﻴﻦ ﻛﻴﺘﺒﺎﻭﺳﻮﺍ .. ﺗﻔﻮﻭﻭ ﻭﻋﻠﻰ ﺍﻟﺼﺒﺎﺡ ﻣﺼﺒﺤﻨﺎ ﻋﺎﻟﻠّﻪ ﻣﺼﺒﺤﺖ ﻋﻠﻴﻬﻢ ﻳﺨﺨﺦ .. ﺿﺮﺑﺖ ﺻﺎﻛﻲ ﻓﻠﺮﺽ ﺣﺘﻰ ﺗﺸﺘﺖ .. ﻏﺴﻠﺖ ﻭﺟﻬﻲ ﻋﺎﺩ ﺗﻨﻔﺴﺖ .. ﻋﻨﺪﺍﻛﻮ ﻳﺴﺤﺎﺏ ﻟﻴﻜﻢ ﺣﺸﻤﺖ ﻣﻨﻬﻢ ﺩﺍﻙ ﺷﻲ ﻋﻼﺵ ﻛﻨﺤﺲ ﺑﺮﺍﺳﻲ ﻏﻨﻄﺮﻃﻖ .. ﻻ ﻻ ﺣﺴﻴﺖ ﺑﻘﻠﺒﻲ ﺗﺰﻳﺮ ﻋﻠﻴﺎ ﻣﻌﺮﻓﺘﺶ ﻋﻼﺵ ﻣﺤﻤﻠﺘﻮﺵ ﻳﺒﻮﺳﻬﺎ ﻭﻻ ﺗﺒﻮﺳﻮﺍ .. ﻳﻤﻜﻦ ﻏﺮﺕ ﻣﻨﻬﺎ !! ﻻﻻﻻ ﺍﻧﺘﻲ ﺍﺵ ﺟﺎﻟﺴﺔ ﺗﻘﻮﻟﻲ ﻳﺎﺍﺍ ﻣﻨﺎﻝ ﻳﻬﺬﻳﻚ ﺍﻟﻠﻪ .. ﺑﻘﻰ ﻟﻴﻚ ﻏﻴﺮ ﺩﺍﻙ ﺍﻟﺸﺎﺭﻑ ﺗﻐﻴﺮﻱ ﻋﻠﻴﻪ ﻣﺰﻳﺎﺍﻥ ﺗﺒﺎﺭﻙ ﺍﻟﻠﻪ .. ﺷﻔﺖ ﻓﺎﻟﺴﺎﻋﺔ ﻟﻘﻴﺘﻬﺎ ﺍﻟﺜﻤﺎﻧﻴﺔ ﻭﻧﺺ .. ﺗﻌﻄﻠﺖ ﻭﺍﻟﻴﻮﻡ ﻏﻴﺠﺮﻱ ﻋﻠﻴﺎ ﺑﺎﻳﻨﺔ .. ﻏﺴﻠﺖ ﻭﺟﻬﻲ ﻭﻣﺸﻴﺖ ﺧﺮﺟﺖ ﻭﻭﻗﻔﺖ ﻗﺪﺍﻡ ﺍﻟﻘﺎﻋﺔ ﻭﺩﻗﻴﺖ ﻣﺮﺓ ﺟﻮﺝ ﺛﻼﺗﺔ ﻋﺎﺩ ﺣﻞ ﺍﻟﺒﺎﺏ .. ﺍﻻﺳﺘﺎﺫ : ﻣﻨﺎﺍﺍﻝ !! ﺍﺵ ﻫﺎﺫ ﺍﻟﺘﻌﻄﻴﻠﺔ؟ ﺍﻧﺎ : ﻛﻨﻌﺘﺎﺫﺭ ﻣﻤﻜﻦ ﻧﺪﺧﻞ !! ﺍﻻﺳﺘﺎﺫ : ﻻ . ﺍﻧﺎ : ﻭﺍﺧﺔ .. * ﺟﻴﺖ ﻏﺎﺩﻳﺎ ﻓﺤﺎﻟﻲ ﻭﻫﻮ ﻳﺠﺮﻧﻲ ﻣﻦ ﺻﺎﻛﻲ .. ﺍﻻﺳﺘﺎﺫ : ﺻﺎﻓﻲ ﻏﻴﺮ ﺯﻳﺪﻱ ﺩﺧﻠﻲ ﻭﺁﺧﺮ ﻣﺮﺓ . * ﺩﺧﻠﺖ ﻭﻣﺸﻴﺖ ﺟﻠﺴﺖ ﻭﺑﻘﻴﺖ ﺣﺎﺿﻴﺔ ﺍﻟﺴﺒﻮﺭﺓ .. ﺩﺍﺯﺕ ﺍﻟﺤﺼﺔ ﺛﻘﻴﻠﺔ .. ﻛﻨﺖ ﺑﻐﻴﺖ ﻏﻴﺮ ﺍﻣﺘﻰ ﺿﺮﺏ ﺍﻟﺴﺎﻋﺔ ﻭﻧﻤﺸﻲ ﻓﺤﺎﻟﻲ ﺍﻟﺪﺍﺭ ﺣﺘﻰ ﻣﻦ ﺩﻳﻚ ﺳﺎﻋﺘﻴﻦ ﻟﻲ ﻋﻨﺪﻱ ﻓﺎﻟﻌﺸﻴﺔ ﻣﻜﻨﺘﺶ ﻏﻨﺪﺧﻞ ﻟﻴﻬﺎ .. ﺍﻭﻯ ﺿﺮﺑﺖ ﺍﻟﺴﺎﻋﺔ ﻭﻧﻀﺖ ﺑﺪﻳﺖ ﻛﻨﺠﻤﻊ ﻓﺤﻮﺍﻳﺠﻲ ﺣﺘﻰ ﺳﻤﻌﺖ .. ﺍﻻﺳﺘﺎﺫ : ﻣﻨﺎﻝ ﺧﻠﻴﻚ ﻣﺘﺨﺮﺟﻴﺶ .. * ﺑﻘﻴﺖ ﻭﺍﻗﻔﺔ ﺣﺘﻰ ﺧﺮﺝ ﻛﻠﺸﻲ ﻭﺟﺎ ﻭﻗﻒ ﻗﺪﺍﻣﻲ .. ﺍﻻﺳﺘﺎﺫ : ﺃ ﻣﺎﻟﻜﻲ ﻫﺎﺍﺫ ﺍﻟﻨﻬﺎﺭ؟ ﺍﻧﺎ : ﻭﺍﻟﻮ . ﺍﻻﺳﺘﺎﺫ : ﺷﻔﺘﻚ ﺳﺎﻛﺘﺔ ﻭﻣﻨﻮﺿﺘﻲ ﺣﺘﻰ ﺷﻲ ﻋﺠﺎﺟﺔ ﻋﻠﻰ ﻫﺎﺫ ﺍﻟﺼﺒﺎﺡ ﻫﻬﻬﻪ .. * ﺑﺎﺍﺯ ﻟﻴﻪ ﻛﻴﻀﺤﻚ .. ﺍﻧﺎ : ﺑﻐﻴﺖ ﻧﻤﺸﻲ ﻓﺤﺎﻟﻲ ﺃ ﺍﺳﺘﺎﺫ ﻣﻤﻜﻦ !! ﺍﻻﺳﺘﺎﺫ : ﻫﺬﺍﻙ ﺷﻲ ﻟﻲ ﺷﻔﺘﻲ ... ﺍﻧﺎ( ﻗﺎﻃﻌﺘﻮﺍ ) : ﺁﻩ ﺳﻤﺢ ﻟﻴﺎ ﻛﺎﻥ ﻋﻠﻴﺎ ﻗﺒﻞ ﻧﺪﻕ ﺍﻟﺒﺎﺏ ﻋﺎﺩ ﻧﺪﺧﻞ ﻭﻣﻜﻨﺘﺶ ﻋﺎﺭﻓﺔ ﺑﻠﻲ ﺍﻧﺘﺎ ﻣﺰﻭﺝ . ﺍﻻﺳﺘﺎﺫ : ﻫﻬﻬﻬﻪ ﻛﻔﺎﺵ ﻣﺰﻭﺝ !!! ﺷﻔﺘﻴﺘﻲ ﺩﺍﻳﺮ ﺷﻲ ﺧﺎﺗﻢ؟ ﺍﻧﺎ : ﺍﻭﻯ ﺍﺵ ﺩﺍﻙ ﺍﻟﻤﻨﻀﺮ ﻟﻲ ﺷﻔﺘﻮﺍ ﻋﻠﻰ ﺍﻟﺼﺒﺎﺡ ﺩﺍﻙ ﺷﻲ ﺭﺍﻩ ﻛﻴﺪﻳﺮﻭﻩ ﻏﻴﺮ ﺍﻟﻤﺘﺰﻭﺟﻴﻦ ﺣﻴﺚ ﺣﺮﺍﻡ . ﺍﻻﺳﺘﺎﺫ : ﻫﻬﻬﻬﻬﻬﻬﻪ ﻭﻻﻳﻨﻲ ﺭﺍﻛﻲ ﻣﺴﻄﻴﺔ . ﺍﻧﺎ : ﺷﻮﻭﻑ ﺃ ﺃﺳﺘﺎﺫ ﺍﻧﺘﺎ ﺭﺍﻩ ﺑﻨﺘﻲ ﻟﻴﺎ ﺭﺍﺷﻘﺔ ﻟﻴﻚ ﻫﺎﺫ ﺍﻟﻨﻬﺎﺭ ﺍﻣﺎ ﺍﻧﺎ ﺭﺍﻩ ﻃﺎﻟﻊ ﻟﻴﺎ ﺍﻟﺪﻡ . ﺍﻻﺳﺘﺎﺫ : ﺍﻳﻴﻪ ﺩﺍﻙ ﺷﻲ ﻟﻲ ﺑﺎﻥ ﻟﻴﺎ ﻣﺎﻟﻜﻲ؟ ﺍﻧﺎ : ( ﻭﺍﻧﺘﺎ ﺳﻮﻗﻚ ) ﻻ ﻭﺍﻟﻮ ﻏﻴﺮ ﻣﻊ ﺍﻻﻣﺘﺤﺎﻧﺎﺕ ﻏﻴﺒﺪﺍﻭ ﺍﻻﺳﺒﻮﻉ ﺍﻟﺠﺎﻱ ﻭﺍﻧﺎ ﻣﻮﺟﺪﺕ ﻟﻴﻬﻢ ﻭﺍﻟﻮ ﻭﻣﻔﺎﻫﻤﺔ ﻭﺍﻟﻮ ﺧﺼﻮﺻﺎ ﺍﻟﻤﺎﺩﺓ ﺩﻳﺎﻟﻚ .. ﺍﻻﺳﺘﺎﺫ : ﺍﻧﺎ ﻛﻨﻔﻬﻢ ﻣﺰﻳﺎﺍﻥ ﺭﺍﻙ ﺍﻧﺘﻲ ﻟﻲ ﻣﻜﺘﺒﻌﻴﺶ . ﺍﻧﺎ : ﺁﻩ ﺑﺼﺢ ﺍﺻﻼ ﺍﻣﺎ ﻣﺠﻠﺠﺔ ﻣﻜﻨﻔﻬﻢ ﻭﺍﻟﻮ . * ﺿﺤﻚ ﻭﺍﻧﺎ ﻧﻬﺰ ﺻﺎﻛﻲ ﻭﺗﻤﻴﺖ ﻏﺎﺩﻳﺎ .. ﺍﻻﺳﺘﺎﺫ : ﺍﻧﺎ ﻏﻨﻌﺎﻭﻧﻚ ﺃ ﻻﻟﺔ ﻏﻴﺮ ﺭﺟﻌﻲ ﺷﻨﻴﻮﻟﺔ ﻛﻴﻒ ﻛﻨﺘﻲ ﻫﻬﻪ . ﺍﻧﺎ : ﻣﻔﻬﻤﺘﺶ ﻓﺎﺵ ﻏﺘﻌﺎﻭﻧﻲ؟؟ ﺍﻻﺳﺘﺎﺫ : ﻣﻌﺎﺵ ﺧﺎﺭﺟﺔ ﺍﻟﻴﻮﻡ ﻓﺎﻟﻌﺸﻴﺔ؟ ﺍﻧﺎ : ﺍﻟﺮﺑﻌﺔ . ﻟﻲ ﻗﺮﺍ ﺷﻲ ﺑﺎﺭﺕ ﺍﺩﻳﺮ ﻟﻴﻪ ﺟﻴﻢ ﺑﺎﺵ ﻧﻜﻤﻠﻮ ﺍﻟﻘﺼﺔ ﻫﺎﺩ ﺍﻟﻴﻠﺔ😉
