ﺑﺎﺭﺕ .18 • ﻋﻤﺮﺍﻥ : ﺍﻟﻤﻬﻢ ﻛﻠﺸﻴﻲ ﻛﻠﺸﻴﻲ ﻭﻟﻜﻦ ﺍﻛﺜﺮ ﺣﺎﺟﺔ ﻛﺘﻌﺠﺒﻨﻲ ﻓﻴﻚ ﺍﻧﺘﻲ ﺿﺤﻮﻛﻴﺔ ﻭﺿﺮﻳﻔﺔ .. * ﺷﻔﺖ ﻓﻴﻪ ﺷﻮﻓﺔ ﺷﻴﻄﺎﻧﻴﺔ .. ﺍﻧﺎ : ﻭﻛﻔﺎﺵ ﻋﺮﻓﺘﻴﻨﻲ ﺿﺮﻳﻔﺔ ؟؟ ﻋﻤﺮﺍﻥ : ﻫﻬﻬﻪ ﺭﺍﻧﻲ ﻛﻨﻌﺮﻓﻚ ﻭﺍﺧﺔ ﺗﻘﺮﻳﺒﺎ ﺩﻭﺯﻧﺎ ﺍﻧﺎ ﻭﻳﺎﻙ ﻏﻴﺮ ﺷﻲ ﺷﻬﺮﻳﻦ ﻭﻻ ﺛﻼﺗﺔ ﺣﻔﻀﺘﻚ .. * ﺣﻄﻴﺖ ﻳﺪﻱ ﻋﻠﻰ ﺣﻨﻜﻮﺍ .. ﺍﻧﺎ : ﻛﻨﻤﻮﻭﺕ ﻋﻠﻴﻚ .. * ﺑﺎﺳﻬﺎ ﻟﻴﺎ ﻭﺟﺎ ﺟﺮﻧﻲ ﻋﻨﻘﻨﻲ .. ﻋﻤﺮﺍﻥ : ﺣﺘﻰ ﺍﻧﺎ ( ﻭﺑﺎﺱ ﻟﻴﺎ ﻓﻮﻕ ﺭﺍﺳﻲ .. ﺟﻤﻌﻮﺍ ﺭﻳﻮﺳﻜﻢ ﺍﻟﺒﻨﺎﺕ ﻭﺑﺮﺍﻛﺎ ﻣﺘﺒﻘﺎﻭ ﺗﺨﻴﻠﻮﺍ ﺭﻳﻮﺳﻜﻢ ﻓﺒﻼﺻﺘﻲ ) .. * ﺩﻭﺯﻧﺎ ﺩﺍﻙ ﺍﻟﺼﺒﺎﺡ ﺯﻭﻳﻦ ﻭﺭﺟﻌﻨﺎ ﻣﻊ ﺍﻟﻮﺣﺪﺓ ﻟﻠﺠﺎﻣﻌﺔ .. ﺩﺧﻠﺖ ﺳﺒﻘﺘﻮﺍ ﻭﻫﻮ ﺗﺒﻌﻨﻲ .. ﺩﻭﺯﺕ ﺍﻟﺤﺼﺺ ﺩﻳﺎﻟﻲ ﻭﺧﺮﺣﺖ ﻣﻊ ﺍﻟﺴﺘﺔ ﻟﻘﻴﺖ ﺧﻮﻳﺎ .. ﻛﺎﻥ ﻋﻤﺮﺍﻥ ﺑﻐﺎ ﻳﻮﺻﻠﻨﻲ ﻣﻲ ﺧﺴﺎﺍﺍﺭﺓ .. ﺭﻛﺒﺖ ﻭﻭﺻﻠﻨﺎ ﺍﻟﺪﺍﺭ ... ﺩﺍﺯ ﺷﻬﺮ ﻋﻠﻰ ﻋﻼﻗﺘﻲ ﺑﻌﻤﺮﺍﻥ .. ﻣﻜﺎﻳﻦ ﺣﺘﻰ ﺷﻲ ﺟﺪﻳﺪ ﻣﻔﺎﻫﻤﻴﻦ ﻭﻛﻠﺸﻲ ﺍﻟﺤﻤﺪﺍﻟﻠﻪ .. ﻋﺎﻭﻧﻲ ﺣﺘﻰ ﺩﺧﻠﺖ ﺍﻟﻤﻮﺍﺩ ﺩﻳﺎﻭﻟﻲ ﻭﻛﻴﺮﺍﺟﻊ ﻣﻌﺎﻳﺎ ﻣﺮﺓ ﻣﺮﺓ .. ﺁﻩ ﺧﻮﻳﺎ ﻭﺧﺘﻮ ﺗﻜﺎﺗﺒﻮﺍ ﻭﻣﻦ ﻫﻨﺎ ﻷﺳﺒﻮﻉ ﻛﺎﻳﻦ ﺍﻟﻌﺮﺱ ... ﻭﺍﻟﻴﻮﻡ ﺻﺒﺎﺡ ﺟﺪﻳﺪ ( ﺍﻻﺣﺪ ﻧﻬﺎﺭ ﺍﻟﻌﺮﺱ ) ﺩﺍﻧﻲ ﺧﻮﻳﺎ ﺍﻧﺎ ﻭﺍﻟﻌﺮﻭﺳﺔ ﻋﻨﺪ ﺍﻟﻜﻮﺍﻓﻮﺭﺓ ﻭﻣﺸﻰ ﻓﺤﺎﻟﻮ .. ﺍﻟﻤﻬﻢ ﺩﺧﻠﻨﺎ ﻭﺍﻟﺒﻨﺎﺕ ﺩﺍﺭﻭﺍ ﺑﻴﻨﺎ .. ﺟﻠﺴﺖ ﻓﻮﻕ ﺍﻟﻜﺮﺳﻲ ﻭﺻﺎﻳﺒﺖ ﻟﻴﺎ ﺍﻟﻜﻮﺍﻓﻮﺭﺓ ﻣﻜﻴﺎﺝ ﺛﻘﻴﻞ ﻭﻣﺸﻄﺔ ﺧﻔﻴﻔﺔ ﻭﻟﺒﺴﺖ ﺗﻜﺸﻄﻴﺘﻲ ﻓﺎﻟﻠﻮﻥ ﺍﻻﺯﺭﻕ ﺍﻟﻤﻜﻠﻲ ﻭﺻﺒﺎﻃﻲ ﻋﺎﻟﻲ ﺣﺘﻰ ﻫﻮ ﻓﺎﻟﻠﻮﻥ ﺍﻟﺰﺭﻕ ﻭﻫﺰﻳﺖ ﺑﻮﺷﻴﻄﺘﻲ ﻭﻣﺸﻴﺖ ﺑﺪﻳﺖ ﻧﺎﺧﺪ ﻓﻲ ﺍﻟﺴﻠﻔﻴﺎﺕ ﺍﻧﺎ ﻭﺍﻟﻌﺮﻭﺳﺔ ﻫﻪ .. ﺳﺎﻟﻴﻨﺎ ﻭﺳﻤﻌﺖ ﺑﻠﻲ ﻋﻤﺮﺍﻥ ﻫﻮ ﻟﻲ ﻏﻴﺠﻲ ﻳﺪﻳﻨﺎ ﻭﺍﻧﺎ ﻟﻲ ﻛﻨﺖ ﻣﺨﻄﻄﺔ ﻣﻴﺸﻮﻓﻨﻲ ﺣﺘﻰ ﻧﻤﺸﻲ ﺍﻻﻭﻃﻴﻞ ﻭﻳﺒﺪﺍ ﺍﻟﻌﺮﺱ .. ﺑﻐﻴﺖ ﻧﺸﻮﻑ ﺭﺩﺕ ﺍﻟﻔﻌﻞ ﺩﻳﺎﻟﻮ ﻣﻠﻲ ﻳﺸﻮﻓﻨﻲ ﻣﺒﻮﮔﺼﺔ ﺑﺰﺍﺍﻑ ﻫﻬﻪ ﻫﺰﻳﺖ ﻭﺍﺣﺪ ﺍﻟﺰﻳﻒ ﻭﻏﻄﻴﺖ ﺑﻴﻪ ﻭﺟﻬﻲ ﻭ ﺳﻠﻤﺖ ﻋﻠﻰ ﺍﻟﺒﻨﺎﺕ ﻭﺗﻤﻴﺖ ﺧﺎﺭﺟﺔ ﺷﺎﺩﺓ ﻓﻲ ﺧﻮﻟﺔ ﻭﻫﻲ ﺷﺎﺩﺓ ﻓﻴﺎ .. ﻭﺣﺎﺩﺭﺍ ﺭﺍﺳﻲ ﺧﺦ ﺯﻋﻤﺎ ﺣﺸﻤﺎﻧﺔ ﻟﻲ ﺷﺎﻓﻨﻲ ﺍﻗﻮﻝ ﺍﻧﺎ ﻫﻲ ﺍﻟﻌﺮﻭﺳﺔ ﻏﻴﺮ ﻫﺰﻳﺖ ﻋﻴﻨﻴﺎ ﻓﻴﻪ ﻭﺍﻧﺎ ﻧﺤﻞ ﻓﻤﻲ ﻭﺍﻭﺍﻭﺍﻭﺍﻭ ﻧﺎﺍﺍﺭﻱ ﺷﺤﺎﻝ ﻃﻠﻊ ﺯﻭﻳﻦ ﻭﺿﺎﺭﺏ ﺗﺤﺴﻴﻨﺔ ﺟﺪﻳﺪﺓ ﻭﺍﻟﻜﻮﻣﺒﻠﻲ ﻭﺍﺍﺍﺍﺍﺍﻭ .. ﺷﺎﻑ ﻓﻴﺎ ﺍﻧﺎ ﻭﺧﺘﻮﺍ ﺑﺘﻌﺠﺐ .. ﻣﻌﺮﻑ ﺷﻜﻮﻥ ﺍﻟﻌﺮﻭﺳﺔ ﻭﺍﻗﻠﺔ ﻣﻊ ﺑﺠﻮﺟﻨﺎ ﻣﻐﻄﻴﻴﻦ ﻭﺟﺎﻫﻨﺎ .. ﺭﻛﺒﻨﺎ ﻭﺷﺪﻳﻨﺎ ﺍﻟﻄﺮﻳﻖ .. ﻭﺻﻠﻨﺎ ﻗﺪﺍﻡ ﺍﻻﻭﻃﻴﻞ ﻓﻲ ﻛﺎﻳﻦ ﺍﻟﻌﺮﺱ .. ﺳﻬﻠﻨﺎ ﺍﻻﻣﻮﺭ ﻋﻠﻰ ﺧﻮﻳﺎ ﻏﻴﺮ ﻳﺴﺎﻟﻲ ﻛﻠﺸﻲ ﻳﻬﺰ ﻋﺮﻭﺳﺘﻮ ﻭﻳﻄﻠﻊ ﺍﻟﺸﻮﻣﺒﺮ ﺧﺎﺹ ﺑﺎﻟﻌﺮﺳﺎﻥ ﺍﻣﻤﻢ ﺍﻧﺎ ﻛﻨﻌﺎﻭﺩ ﻟﻴﻜﻢ ﺣﺘﻰ ﻛﻨﺴﻤﻊ ﻓﻲ ﻃﻮﻭﻭﻭﻭﻭﻁ ﻃﻮﻭﻭﻭﻭﻁ ﻫﻬﻪ .. ﻫﻮﺩﻧﺎ ﻣﻦ ﺍﻟﻠﻮﻃﻮ ﻭﺩﺧﻠﻨﺎ ﺍﻻﻭﻃﻴﻞ .. ﻛﻠﺸﻲ ﻣﺘﻮﻝ ﻭﻣﻘﺎﺩ .. ﻃﻠﻌﺖ ﻣﻊ ﺍﻟﻌﺮﻭﺳﺔ ﺍﻟﺸﻮﻣﺒﺮ ﻋﻨﺪ ﺍﻟﻨﮕﺎﻓﺔ ﺑﺎﺵ ﺗﻠﺒﺲ ﻭﻋﺎﻭﺩﺕ ﺧﺮﺟﺖ .. • * ﺩﺭﺕ ﺗﻌﺪﻳﻼﺕ ﺑﺴﺎﻁ ﻋﻠﻰ ﻭﺟﻬﻲ ﻭﻫﻮﺩﺕ ﻟﺘﺤﺖ ﻋﻨﺪ ﻣﺎﻣﺎ ﻟﻘﻴﺘﻬﺎ ﻣﺴﻜﻴﻨﺔ ﻣﻔﺎﺗﻨﺔ ﻏﻴﺮ ﻣﻊ ﺍﻟﺴﺮﺑﺎﻳﺔ .. ﻛﺎﻥ ﺍﻟﻠﻴﻞ ﻭﺍﻟﻌﺮﺱ ﺑﺪﺍ .. ﺑﻘﻴﺖ ﻛﻨﺪﻭﺭ ﻭﻓﻤﺎ ﻛﻨﺸﻮﻑ ﻋﻤﺮﺍﻥ ﻓﺸﻲ ﻗﻨﺖ ﻛﻨﻐﺒﺮ ... ﺩﺍﺯ ﻧﺺ ﻣﻦ ﺍﻟﻌﺮﺱ ﻭﺍﻧﺎ ﻣﺨﺸﻴﺔ ﻭﺳﻂ ﻭﻻﺩ ﻭﺑﻨﺎﺕ ﺍﻟﻌﺎﺋﻠﺔ .. ﻋﺮﻗﺖ ﻣﻦ ﻭﺳﻂ ﻫﺎﺫ ﺍﻟﻨﺎﺱ ﻛﺎﻣﻠﻴﻦ .. ﻫﺰﻳﺖ ﺑﻮﺷﻴﻄﺘﻲ ﻭﻣﺸﻴﺖ ﺩﺧﻠﺖ ﺍﻟﺤﻤﺎﻡ ﺑﺎﺵ ﻧﺸﻮﻑ ﻭﺍﺵ ﻣﺰﺍﻝ ﺑﺎﻗﻲ ﺍﻟﻤﻜﻴﺎﺝ ﻣﻘﺎﺩ .. ﺯﺩﺕ ﻋﻜﻴﺮ ﻭﺭﺷﻴﺖ ﺭﻳﺤﺔ .. ﺟﻴﺖ ﺧﺎﺭﺟﺔ ﻭﺍﻧﺎ ﻧﺤﺲ ﺑﺸﻲ ﻳﺪ ﺟﺮﺍﺗﻨﻲ ﺍﻳﻴﻴﻪ ﻫﻮ ﻟﻲ ﻓﺒﺎﻟﻜﻢ ﺷﻜﻮﻥ ﻣﻦ ﻏﻴﺮﻭﺍ ﻃﺒﻌﺎ ﻋﻤﺮﺍﻥ .. ﺩﻭﺭﻧﻲ ﻋﻨﺪﻭ ﺣﺘﻰ ﺟﺎ ﻓﻤﻲ ﻓﻲ ﻋﻨﻘﻮ ﺑﻌﺪﺕ ﺷﻮﻳﺔ ﻭﻫﺒﻄﺖ ﺭﺍﺳﻲ .. ﻫﺰﻭ ﻟﻴﺎ ﻭﺑﺪﻳﻨﺎ ﻛﻨﺸﻮﻓﻮ ﻓﺒﻌﻀﻴﺎﺗﻨﺎ .. ﻋﻤﺮﺍﻥ : ﻓﻴﻦ ﻛﻨﺘﻲ ﻣﺨﺒﻴﺔ ﻋﻠﻴﺎ ﻫﺎﺩ ﺍﻟﺰﻳﻦ ﻛﺎﻣﻞ ﺃ ﺣﺒﻴﺒﺘﻲ ( ﻭﺑﺎﺳﻨﻲ ﻓﻲ ﺣﻨﻜﻲ ) .. ﺍﻧﺎ : ﺑﺸﻮﻳﺔ ﺍﺗﺨﺴﺮ ﻟﻴﺎ ﺍﻟﻤﻜﻴﺎﺝ ﻫﻬﻪ .. ﻋﻤﺮﺍﻥ : ﺍﻣﻤﻢ ﺟﻴﺘﻲ ﻏﺰﺍﺍﺍﻟﺔ .. * ﺩﺍﺯ ﺍﻟﺤﻨﻚ ﺍﻟﺜﺎﻧﻲ ﻭ ﻋﺎﻭﺩ ﺑﺎﺳﻮ ﻭ ﺍﻧﺎ ﻏﻴﺮ ﺣﺸﻤﺎﻧﺔ .. ﻋﻤﺮﺍﻥ : ﻳﺎﻻﻩ ﺳﻴﺮﻱ ﺳﺒﻘﻴﻨﻲ ﻭﺗﺒﺘﻲ ﺍﻻﺭﺽ ﻣﺘﺒﻘﺎﻳﺶ ﺗﻨﻘﺰﻱ ﻭﺳﻂ ﺑﻨﺎﺩﻡ .. * ﺧﻠﻴﺘﻮ ﻭ ﺗﻤﻴﺖ ﻏﺎﺩﻳﺎ ﻛﻨﻀﺤﻚ .. ﺩﺧﻠﺖ ﺍﻟﻘﺎﻋﺔ ﺛﺎﻧﻲ ﻭﻫﻮ ﻭﺭﺍﻳﺎ .. ﺟﺎ ﻗﺮﺏ ﻟﻴﺎ ﻭﻗﺎﻝ .. ﻋﻤﺮﺍﻥ : ﺍﺟﻲ ﺟﻠﺴﻲ ﺟﻨﺒﻲ .. ﺍﻧﺎ : ﻭﺍﺧﺔ . * ﻣﺸﻴﺖ ﺳﺒﻘﺘﻮﺍ ﻭﺟﻠﺴﺖ ﻓﻮﻕ ﺍﻟﻜﺮﺳﻲ ﻭﺣﺘﻰ ﻫﻮ ﺟﺎ ﺟﻠﺲ ﺟﻨﺒﻲ .. ﺩﺍﺯ ﺍﻟﻌﺮﺱ ﻭﻓﻤﺎ ﻛﻨﺒﻐﻲ ﻧﻮﺽ ﻧﺸﻄﺢ ﻫﻮ ﻛﻴﺤﺒﺴﻨﻲ .. ﺗﻔﻮﻭ ﻋﻠﻰ ﺯﻣﺮ ﻛﻴﻌﺼﺐ .. ﻧﻀﺖ ﻣﺮﺓ ﺷﻄﺤﺖ ﺟﺎ ﻭﻗﻒ ﺟﻨﺒﻲ ﻗﺎﻝ ﻟﻴﺎ ﻭﺍﻟﻮﻭﻭ ﺳﻴﺮﻱ ﺟﻠﺴﻲ ﺍﻟﻌﺮﺱ ﻣﺨﻠﻂ ﻫﺨﺦ .. ﺍﻟﻤﻬﻢ ﺗﺼﻮﺭﻧﺎ ﻭﻧﺸﻄﻨﺎ ﻭﺳﺎﻻ ﺍﻟﻌﺮﺱ ..... ﺩﺍﺯ ﺍﺳﺒﻮﻉ ..... ﺧﻮﻳﺎ ﻭﻣﺮﺗﻮﺍ ﻣﺸﺎﻭ ﻳﺪﻭﺯﻭﺍ ﺷﻬﺮ ﺍﻟﻌﺴﻞ ﻭﺍﻧﺎ ﻣﻦ ﺍﻟﺠﺎﻣﻌﺔ ﺍﻟﺪﺍﺭ ﻭﻋﻼﻗﺘﻲ ﻣﺰﻳﺎﻧﺔ ﻣﻊ ﻋﻤﺮﺍﻥ ... ﺍﻟﻴﻮﻡ ﺍﻟﺴﺒﺖ .. ﺟﺎﻟﺴﺔ ﻣﺴﺮﺣﺔ ﻓﻮﻕ ﻧﺎﻣﻮﺳﻴﺘﻲ ﻭﻛﻨﺒﻘﺸﺶ ﻓﺎﻟﺘﻴﻠﻲ .. ﻣﻠﻘﻴﺖ ﻣﻴﺪﺍﺭ ﺻﻮﻧﻴﺖ ﻟﻌﻤﺮﺍﻥ ﻣﻊ ﻣﻦ ﺍﻟﺼﺒﺎﺡ ﻭﺍﻧﺎ ﻛﻨﺼﻮﻧﻲ ﻟﻴﻪ ﻣﻜﻴﺠﻮﺑﻨﻴﺶ
