غايتو انا م فطرته مدسيه جوا الاوضه من الاحرااج ..عندي حبوبتي القااعده معانا عيانه انا،كل،يوم بديها علاجه..ي بت ي س وينا حبوبي اليله ..اتخيلو طلعت لحدي فووق وغلابه تمش تجيب حبوبه من التلااجه ..نزلت اجيب ليها حبوبه لمحت ليك س لابس الجلابيه يسوي كده👋👋هو طويل واسمر وعيونو شويه كحيلات ..شلته حبوبي وقلت استغفر الله بوره ونفسيات كمان..ف اي بيت سوداني معروف انو الجمعه الاهل بتواصلو وبزرو بعض اها جونا عماتي وبناتم واولادم واعمامي عشان حبووبه قاعده معاناا وبقينا ف موضوع الغدا ..سبحان الله بنات عماتي كلهن بقن يتشاكلن ف نضافه البيت خاااصه الصالوون .عاد انا رفعت كورعي فووق حسيت بالعظمه وماسكه ليهن بالدور حبيباتي كلكن ماتنضفن اليله الا بت عمي وحدي دي كانت ماسكه تلفونه وتتبسم زي المانصيحه..اعمامي كانو ف الصالون شويه كده نادو حبوبتي وقفلو البااب..عدينا مساافه نسمع ليك،امي تزغردويقولو مبروك كلنا قمنا نشوف الشمار .اخوي قال جايعرس و العروس الكانت بتتكشم براهاديك وانا اقول ماله م اتشالكلت معاهن اتاريها كانت ضامنه الوسخه...الفررحه بقت فرحتين انو اخوي حايرجع بعد سنين وحايعرس...جبنااا البارد والحلاوه وباركنا ل اخوي بالتلفون ..س جا يبارك ل ناس امي امي سلمت عليهوو وقالت ليوو عقبالك ي ولدي ..قال ليهاا امين لكن مع طق الجرادل دي اظن م بقدر اعرس ..قلت حاجه ي ولدي ..غايتوو ماف زول فهم شي،لكن انا فهمته ..اخوي كان بجي والعقد طوالي بعد يجي باسبوع من اليوم داك بنات،اهلي مشاءالله البيت،مليان الشغاله زاتوو اخدته اجازه شغالات شغل جد اما الصالون ده ع راس كل ساعه بنضفوو .......
يتبع...
